ཁེ་ལས་གཙོ་བོར་བྱས་ནས་མཚོ་སྔོན་གྱི་གསར་གཏོད་གསོན་ཤུགས་འཕེལ་བ།

ད་ལོ་ནི“ལོ་ལྔའི་འཆར་འགོད་བཅོ་ལྔ་པའི”མགོ་ཚུགས་པའི་ལོ་ཡིན་པ་དང་སྤུས་ཚད་གསར་པའི་ཐོན་སྐྱེད་ནུས་ཤུགས་ནི“ལོ་ལྔའི་འཆར་འགོད་བཅོ་ལྔ་པའི”དུས་སྐབས་སུ་སྤུས་ཚད་མཐོ་བའི་འཕེལ་རྒྱས་ལ་སྣེ་ཁྲིད་བྱེད་པའི་འགག་རྩའི་སྒུལ་ཤུགས་ཡིན། ཞིང་ཆེན་ཨུ་ཡོན་ལྷན་ཁང་གི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་བཅུ་པར“ཁེ་ལས་ཀྱི་ཚན་རྩལ་གསར་གཏོད་ཀྱི་གྲུབ་ཆ་གཙོ་བོའི་གོ་གནས་ཇེ་དྲག་ཏུ་གཏོང་རྒྱུ”དེ་སྤུས་ཚད་གསར་པ་ཐོན་སྐྱེད་ནུས་ཤུགས་གསོ་སྐྱོང་བྱེད་པའི་ལྟེ་བའི་ལྷུ་ཚིགས་སུ་བཞག་ཡོད་པ་གསལ་པོ་རེད། འཐབ་ཇུས་ཀྱི་གནས་ངེས་དེ་ཐོག་ནས་ངེས་པར་དུ་ཁེ་ལས་གསར་གཏོད་ཀྱི་ཐབས་ཇུས་དང་། ཞིབ་འཇུག་གསར་སྤེལ་གྱི་མ་འཇུག ཚན་ཞིབ་རྩ་འཛུགས། གྲུབ་འབྲས་བསྒྱུར་སྟངས་ཀྱི་བྱེད་པོར་འགྱུར་བར་བྱེད་དགོས།

འདས་ཟིན་པའི“ལོ་ལྔའི་འཆར་འགོད་བཅུ་བཞི་པ”ལ་ཕྱིར་མིག་བལྟས་ན། མཚོ་སྔོན་གྱིས་ཁེ་ལས་ཀྱི་ཚན་རྩལ་གསར་གཏོད་ཀྱི་བྱེད་པོའི་གནས་བབ་ཇེ་དྲག་ཏུ་གཏོང་བའི་ཐད་རྨང་གཞི་གལ་ཆེན་བཏིང་ཡོད། དེ་ནི་གསར་གཏོད་རྒྱུ་རྐྱེན་གཙོ་བོ་ཁེ་ལས་ཀྱི་ཕྱོགས་སུ་ཚད་མཐོའི་གཅིག་སྡུད་བྱས་པའི་ཐོག་ནས་མཚོན་པ་མ་ཟད། ཞིང་ཆེན་ཡོངས་ཀྱི་ཞིབ་འཇུག་གསར་སྤེལ་ལ་མ་དངུལ་འཇོག་པའི66.2%ཁེ་ལས་ལས་བྱུང་བ་དང་། ཞིབ་འཇུག་གསར་སྤེལ་མི་སྣ54%ཁེ་ལས་སུ་གཅིག་སྡུད་བྱས་པ། ཁེ་ལས་ཀྱིས་དབང་ཆ་སྤྲད་པའི་ཁེ་བེད་བདག་ཐོབ་ཀྱིས་སྤྱི་ཚོགས་ཡོངས་ཀྱི་ཁེ་བེད་བདག་ཐོབ་གྲངས་འབོར་གྱི65%ཟིན་པ། ན་ནིང་ཟླ12པའི་བར་དུ་མཚོ་སྔོན་གྱི་ཚན་རྩལ་ཅན་གྱི་ཁེ་ལས848དང་མཐོ་གསར་ལག་རྩལ་གྱི་ཁེ་ལས303ཡོད་པ་དེའི་ནང་ཚད་གཞི་འཁུར་མཁན་གྱི་ཚན་རྩལ་གྱི“གྱད་མི་ཆུང་བའི”ཁེ་ལས21གསོ་སྐྱོང་བྱས་ཡོད། ཁེ་ལས་ནི་ཚན་རྩལ་གསར་གཏོད་ཁྲོད་མི་སྣ་དང་མ་དངུལ་གཏོང་མཁན་ཡིན་པ་མ་ཟད། ལག་རྩལ་འགག་སྒྲོལ་གལ་ཆེན་གྱི་གཙོ་ཁྲིད་པ་དང་བྱས་རྗེས་འཇོག་མཁན་གཙོ་བོ་ཡང་ཡིན།

ཁེ་ལས་ཀྱི་བྱེད་པོའི་གནས་བབ་ཇེ་དྲག་ཏུ་ཕྱིན་པ་དང་། ཁེ་ལས་ཀྱི་གསར་གཏོད་གསོན་ཤུགས་ཐད་ཀར་ཐོན་ལས་འཕེལ་རྒྱས་ལ་སྣེ་ཁྲིད་བྱེད་པའི་སྟོབས་ཤུགས་སྲ་མོ་ཞིག་ཏུ་བསྒྱུར་ཡོད། མཚོ་སྔོན་ནོ་ཏེ་རྒྱུ་ཆ་གསར་པའི་ཚད་ཡོད་ཀུང་སིས་ཝེ་སྨི་3ཤིན་ཏུ་སྲབ་པའི་ལིས་གློག་ཟངས་ཤོག་ཐོན་སྐྱེད་བྱས་ནས་ཉིང་ཏེ་དུས་རབས་དང་པི་ཡ་ཏི་སོགས་སྣེ་ཁྲིད་པར་ཐད་ཀར་ཞབས་འདེགས་ཞུ་ནས་ཐོན་ལས་འབྲེལ་ཐག་ཆགས་པ་དང་། རྒྱུ་ཆ་གསར་པའི་ཁྱབ་ཁོངས་སུ་མཚོ་སྔོན་གྱི་སྐད་ཆ་བཤད་དབང་ཆེ་རུ་ཕྱིན་ཡོད། མཚོ་སྔོན་ལི་ཧའོ་ཆིང་ནེང་མ་རྐང་ཚད་ཡོད་ཀུང་སིས11Nརིམ་པའི་ཚད་བརྒལ་དྭངས་གཙང་ཤེལ་མང་སྭེལ་ལག་རྩལ་ཁྱད་བསད་བྱས་པས་མཚོ་སྔོན་གྱིས་འོད་ཤུགས་སྟོད་རྒྱུད་རྒྱུ་ཆའི་ཁྱབ་ཁོངས་སུ་རིན་ཐང་སྦྲེལ་ཐག་གི་མཐོ་ཤོས་བཟུང་ཡོད་པ་རེད། ཁེ་ལས་དར་རྒྱས་བྱུང་བ་དེ་ཐོག་ནས་མཚོ་སྔོན་གྱི་གསར་གཏོད་སྣོད་བཅུད་“ཐོན་ཁུངས་ལ་བརྟེན་”ནས“གསར་གཏོད་སྐུལ་འདེད”སུ་བསྒྱུར་བ་མཚོན་པ་དང་། དོན་དངོས་ཐོག་ནས་འབྱུང་འགྱུར་ལོ་ལྔའི་ནང་ཁེ་ལས་ཀྱི་གཙོ་གཟུགས་གནས་བབ་མུ་མཐུད་ཤུགས་སྣོན་རྒྱག་རྒྱུ་དེ་ནི་མཚོ་སྔོན་གྱི་ཐོན་སྐྱེད་ནུས་ཤུགས་གསར་པ་འཕེལ་རྒྱས་གཏོང་བ་དང་སྤུས་ཚད་མཐོ་བའི་འཕེལ་རྒྱས་མངོན་འགྱུར་བྱེད་པའི་ལྟེ་བའི་སྒུལ་ཤུགས་གལ་ཆེན་ཞིག་ཡིན་པ་ར་སྤྲོད་བྱས་ཡོད།

“ལོ་ལྔའི་འཆར་འགོད་བཅོ་ལྔ་པའི”ཕྱོགས་ནས། ཁེ་ལས་ཀྱི་ཚན་རྩལ་གསར་གཏོད་ཀྱི་གྲུབ་ཆ་གཙོ་བོའི་གོ་གནས་ཇེ་དྲག་ཏུ་གཏོང་བར་སྔར་ལས་གཏིང་ཟབ་པའི་ཕྱོགས་སུ་སྐུལ་འདེད་གཏོང་དགོས། ཕྱོགས་གཅིག་ནས་ལམ་སྲོལ་གཏིང་ཟབ་ཏུ་བཏང་ནས་ཁེ་ལས་དང་ལྷག་པར་དུ་ལས་རིགས་ཀྱི་སྣེ་ཁྲིད་པས་“དྲི་བ་འདོན”པའི“མིང་ཐོའི་འགོ་ཁྲིད”རྒྱུན་ལྡན་ཅན་དུ་འགྱུར་བར་སྐུལ་འདེད་གཏོང་བ་དང་། ཁེ་ལས་ཀྱིས་སྣེ་ཁྲིད་ནས་གསར་གཏོད་མཉམ་འབྲེལ་སྒྲིག་གཞི་འཛུགས་རྒྱུར་རྒྱབ་སྐྱོར་བྱེད་པ་དང་། ཐོན་སློབ་ཞིབ་འཇུག་མཉམ་འདྲེས་གསར་གཏོད་ལ་སྐུལ་འདེད་བཏང་སྟེ་འགག་རྩའི་འགག་སྒྲོལ་ལས་འགན་ཁྲོམ་ར་དང་སྔར་བས་ཉེ་བར་བཅར་བྱེད་དགོས། ཕྱོགས་གཞན་ཞིག་ནས་ཐོན་ཁུངས་གཅིག་སྡུད་བྱས་ཏེ་ཤེས་ལྡན་མི་སྣ་དང་། མ་རྩ། གཞི་གྲངས་སོགས་འགག་རྩའི་གསར་གཏོད་ཐོན་ཁུངས་ཁེ་ལས་ལ་གོ་རིམ་ལྡན་པའི་སྒོ་ནས་འཁོར་རྒྱུག་བྱ་རྒྱུར་སྐུལ་འདེད་གཏོང་བ་དང་། ཁེ་ལས་ཀྱིས་ཆུ་ཚད་མཐོ་བའི་ཞིབ་འཇུག་གསར་སྤེལ་སྟེགས་བུ་དེ་བས་མང་བ་འཛུགས་སྐྲུན་བྱས་ཏེ་རྒྱལ་ཁབ་རིམ་པའི་ཚན་རྩལ་རྣམ་གྲངས་གལ་ཆེན་འགན་འཁུར་རྒྱུར་རྒྱབ་སྐྱོར་བྱེད་པ། དེ་བས་གནད་ལ་འཁེལ་བའི་སྐས་རིམ་གསོ་སྐྱོང་ལག་བསྟར་བྱས་ནས་གསར་གཏོད་སྣོད་བཅུད་སྔར་བས་ཟབ་ཏུ་གཏོང་བ། མཐོ་གསར་ལག་རྩལ་ཁེ་ལས་ཚོགས་པ་རྒྱ་སྐྱེད་གཏོང་བ་དང་ཆབས་ཅིག་ཞིབ་དབྱེ་ཁྱབ་ཁོངས་སུ་ཐུན་མོང་མ་ཡིན་པའི་ལག་རྩལ་ཁོང་དུ་ཆུད་པའི་ཚན་རྩལ་གྱི་“གྱད་མི་ཆུང་བ”དང་། ཆེད་ལས་དང་དམིགས་བསལ་གསར་པའི“གྱོད་མི་ཆུང་བ”དང་གཟན་གྱི་ཁེ་ལས་ཁག་ཅིག་ལ་རྒྱབ་སྐྱོར་ཤུགས་ཆེན་བྱས་ཏེ་མཚོ་སྔོན་གྱི་ཁྱད་ཆོས་ལྡན་པའི་དགེ་མཚན་ལྡན་པའི་ཐོན་ལས་ཀྱི་འབྲེལ་ཐག་སྟོབས་ཆེར་གཏོང་བ་དང་འབྲེལ་ཐག་ཁ་གསབ་བྱེད་པའི་འགག་རྩའི་རྟེན་གནས་སུ་གྱུར་ཡོད། 

ཁེ་ལས་དེ་ཚན་རྩལ་གསར་གཏོད་ཀྱི“དྲི་བ་འདོན་མཁན་དང་། དྲི་བ་འདོན་མཁན། རྒྱུགས་ཤོག་ལྟ་མཁན”དུ་དངོས་སུ་བསྒྱུར་ན་གཞི་ནས་ཁེ་ལས་ཀྱི་གསར་གཏོད་ཀྱི་གསོན་ཤུགས་མཐར་ཕྱིན་པ་སྐུལ་སྤེལ་ཐུབ་པ་དང་། དེ་སྤུས་ཚད་གསར་པའི་ཐོན་སྐྱེད་ནུས་ཤུགས་རྦད་དེ་འཕེལ་བའི་འབྱུང་ཁུངས་གཙོ་བོ་ཞིག་ཏུ་གྱུར་ནས་མཚོ་སྔོན་གྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་ཐུབ།