ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་ལག་བསྟར་བྱེད་པའི་ཞིང་ཆེན་ཏང་ཨུའི་སྒྲོག་འགྲེལ་ཚོགས་པའི་སྒྲོག་འགྲེལ་བྱེད་སྒོ་གླེང་བ།

[ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་དང་ལག་བསྟར་བྱེད་པ]བསམ་བློའི་འོད་སྣང་མདུན་སྐྱོད་ལམ་བུར་འཕྲོས། རིགས་པའི་གཞུང་ལུགས་ཕུགས་འདུན་དོན་གཉེར་བྱེད།——ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་ལག་བསྟར་བྱེད་པའི་ཞིང་ཆེན་ཏང་ཨུའི་སྒྲོག་འགྲེལ་ཚོགས་པའི་སྒྲོག་འགྲེལ་བྱེད་སྒོ་གླེང་བ།

ངོ་མཚར་བའི་སྒྲོག་འགྲེལ་རེ་རེ་ནི་དཔྱིད་རླུང་དང་ཆར་ཆུ་བཞིན་བསམ་བློ་གཅིག་གྱུར་དང་སྟོབས་ཤུགས་གཅིག་སྒྲིལ་བྱས་ཏེ། ལས་སྒྲུབ་ལས་གཏོད་ཀྱི་སྙིང་སྟོབས་འཕེལ་བ་བྱེད་དགོས། ལྷག་བསམ་ཟོལ་མེད་དང་སྤྲོ་སེམས་འཁོལ་བའི་བརྗེ་རེས་རེ་རེའི་བསམ་ཕྱོགས་ལ་ཐུན་མོང་གི་ངོས་འཛིན་རྒྱ་ཁྱབ་བྱུང་ཡོད། གཙང་པོའི་མགོ་ཁུངས་ཀྱི་ས་གཞི་ཆེ་མོར་རྣམ་པ་མང་པོ་ཡོད་པ་དང་།ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་དང་།དྲིལ་སྒྲོག ལག་བསྟར་བཅས་བྱེད་པའི་ཚ་རླབས་དེ་གར་རྒྱུན་མཐུད་ངང་འཕྱུར་བ་དང་སྐྱེ་སྟོབས་ཀྱི་དཔལ་འབར་བཞིན་ཡོད།

ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པ་ནི་སྤྱི་ཚོགས་རིང་ལུགས་ཀྱི་དེང་རབས་ཅན་གཞི་རྩའི་ཆ་ནས་མངོན་འགྱུར་བྱེད་པར་རྨང་གཞི་བརྟན་པོ་འདིང་བ་དང་ཕྱོགས་ཡོངས་ནས་ཤུགས་རྒྱག་པའི་གནད་འགག་གི་དུས་སྐབས་སུ་འཚོགས་པའི་གྲོས་ཚོགས་ཧ་ཅང་གལ་ཆེན་ཞིག་ཡིན།ཚང་འཛོམས་གྲོས་ཚོགས་ཐོག་གྲོས་ཞིབ་བྱས་ནས་གྲོས་འཆམ་བྱུང་བའི་《ཀྲུང་གུང་ཀྲུང་དབྱང་གི་རྒྱལ་དམངས་དཔལ་འབྱོར་དང་སྤྱི་ཚོགས་གོང་དུ་སྤེལ་བའི་ལོ་ལྔའི་འཆར་མགོད་བཅོ་ལྔ་པ་གཏན་འབེབས་སྐོར་གྱི་གྲོས་གཞི》ལས“ལོ་ལྔའི་འཆར་མགོད་བཅོ་ལྔ་པའི”རིང་གི་དཔལ་འབྱོར་དང་སྤྱི་ཚོགས་འཕེལ་རྒྱས་གཏོང་བར་རྩེ་རིམ་ཇུས་མགོད་དང་འཐབ་ཇུས་ཀྱི་བཀོད་པ་བཏིང་བ་དེ་ནི་བབ་བསྟུན་འཕྲལ་སྒྲུབ་དང་ཀྲུང་གོའི་རྣམ་པའི་དེང་རབས་ཅན་དུ་འགྱུར་བའི་འཛུགས་སྐྲུན་ལ་མུ་མཐུད་སྐུལ་འདེད་གཏོང་བའི་སྤྱིའི་སྐུལ་སློང་དང་སྤྱིའི་བཀོད་སྒྲིག་གཞན་ཞིག་ཡིན་པས།ཏང་དང་རྒྱལ་ཁབ་ཀྱི་བྱ་གཞག་གོང་དུ་སྤེལ་བར་གལ་འགངས་ཆེ་ཞིང་གཏིང་ཟབ་པའི་ཤུགས་རྐྱེན་ཐེབས་སྲིད།

མཚོ་སྔོན་ཞིང་ཆེན་ཏང་ཨུའི་གཅིག་གྱུར་བཀོད་སྒྲིག་གཞིར་བཟུང་། བསྟུད་མར་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་ལག་བསྟར་བྱེད་པའི་ཞིང་ཆེན་ཏང་ཨུ་སྒྲོག་འགྲེལ་ཚོགས་པས་སྒྲོག་འགྲེལ་བྱེད་སྒོ་ཐེངས100ལྷག་ཙམ་སྤེལ་བ་དང་ཐད་ཀར་དང་ལེན་བྱེད་མཁན་མི་ཐེངས་ཁྲི3.8ཟིན་ཡོད། བརྗོད་དོན་གཙོ་བོ་གསལ་ཞིང་ནང་དོན་གསལ་བའི་སྒྲོག་འགྲེལ་བྱེད་སྒོ་ཞིག་སྤེལ་ནས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་ཕྱོགས་ཡོངས་དང་།ཡང་དག་པ།གསོན་ཉམས་ལྡན་པ་བཅས་ཀྱི་སྒོ་ནས་རྒྱ་ཆེའི་ཏང་ཡོན་ལས་བྱེད་པ་དང་མང་ཚོགས་ཁྲོད་བརྒྱུད་སྤྲོད་བྱས་ཏེ་བསམ་བློ་གཅིག་གྱུར་ནུས་ལྡན་དང་།ཐུན་མོང་གི་ངོས་འཛིན་གཅིག་སྒྲིལ།ངར་ཤུགས་འཕེལ་བ་བཅས་བྱས་ཏེ་ཀྲུང་གོའི་རྣམ་པའི་དེང་རབས་ཅན་གྱི་མཚོ་སྔོན་གྱི་ལག་ལེན་ལ་སྐུལ་འདེད་གཏོང་ཆེད་སྟོབས་ཤུགས་ཆེན་པོ་གཅིག་ཏུ་སྒྲིལ་ཡོད།

གནད་སྨིན་ཇུས་བསྟར་གྱི་ལས་དོན་ཕྱོགས་ཡོངས་ནས་སྤེལ་བ།

ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་དང་།དྲིལ་སྒྲོག ལག་ལེན་མཐར་ཕྱིན་བཅས་བྱ་རྒྱུ་ནི་ད་ལྟ་དང་སླད་ཕྱིན་གྱི་དུས་སྐབས་ཤིག་གི་ཏང་ཡོངས་དང་རྒྱལ་ཡོངས་ཀྱི་ཆབ་སྲིད་ཀྱི་ལས་འགན་གལ་ཆེན་ཞིག་ཡིན། ཞིང་ཆེན་ཨུ་ལྷན་གྱིས་ཚད་མཐོའི་མཐོང་ཆེན་བྱས་ཏེ་འཕྲལ་མར་ཇུས་མགོད་དང་བཀོད་སྒྲིག་བྱས།

ཟླ་10ཚེས24ཉིན། མཚོ་སྔོན་ཞིང་ཆེན་ཏང་ཨུ་རྒྱུན་ལས་ཨུ་ལྷན་གྱིས་རྒྱས་འཛོམས་ཚོགས་འདུ་འཚོགས་ནས། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་ཆེད་དོན་བརྒྱུད་སྒྲོག་དང་སློབ་སྦྱོང་བྱས་པ་དང་བསམ་འཆར་ལག་བསྟར་དོན་འཁྱོལ་བྱ་རྒྱུར་ཞིབ་འཇུག་བྱས་ནས་རིམ་ཁག་ཏང་ཨུད(ཏང་ཙུའུ)ཀྱིས“གྲོས་གཞི་དང་པོའི”ལམ་ལུགས་དོན་འཁྱོལ་ནན་ཏན་བྱས་ཏེ་ཆེད་དོན་ཞིབ་བསྡུར་དང་།དྲིལ་སྒྲོག་སྒྲོག་འགྲེལ།སྲིད་ཇུས་གསལ་འགྲེལ་སོགས་སྒྲིག་འཛུགས་ཡག་པོ་བྱས་ཏེ་བྱེད་ཐབས་སྣ་ཚོགས་ཀྱི་ཐོག་ནས་ཚང་འཛོམས་གྲོས་ཚོགས་ཀྱི་དགོངས་དོན་དུད་ཚང་ཁྲི་སྟོང་མང་པོ་དང་ལས་རིགས་ཁག་ལ་བརྒྱུད་སྒྲོག་བྱེད་དགོས་པའི་བླང་བྱ་བཏོན་ཡོད།

དེའི་རྗེས་བརྡ་ཐོ་པར་འགྲེམས་བྱས་ནས་ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་དང་ལག་བསྟར་བྱེད་པའི་སྒྲོག་འགྲེལ་ལས་དོན་ཡག་པོ་བསྒྲུབ་རྒྱུར་ཕྱོགས་ཡོངས་ནས་བཀོད་སྒྲིག་བྱས།

ཞིང་ཆེན་རིམ་པའི་མགོ་ཁྲིད་ཀྱིས་རང་དཔེ་གཞན་སྟོན་དང་སྣེ་ཁྲིད་དཔེ་སྟོན་བྱས་ཏེ“སྣེ་ཁྲིད་པའི”སྒྲོག་འགྲེལ་བྱེད་འགན་འཁུར་ཡོད། ཟླ10ཚེས28ནས29ཉིན་བར། ཞིང་ཆེན་ཏང་ཨུའི་ཧྲུའུ་ཅི། ཞིང་ཆེན་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན་ཝུའུ་ཞའོ་ཅུན་ཡུལ་ཤུལ་བོད་རིགས་རང་སྐྱོང་ཁུལ་ཡུལ་ཤུལ་གྲོང་ཁྱེར་དང་ནང་ཆེན་རྫོང་དུ་བསྐྱོད་དེ་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སྒྲོག་འགྲེལ་བྱས་ནས། བསམ་བློ་དང་བྱ་སྤྱོད་ཏང་ཀྲུང་དབྱང་གི་ཐབས་ཇུས་བཀོད་སྒྲིག་ཐོག་གཅིག་གྱུར་ཏན་ཏིག་བྱས་ཏེ་མངགས་བཅོལ་བློ་ལ་བརྟན་པོར་ངེས་པ་དང་དྲིན་ཚོར་ཡར་བརྩོན་གྱིས་འབྱུང་འགྱུར་ལོ་ལྔའི་འཕེལ་རྒྱས་འཆར་མགོད་ཡག་པོ་བྱས་ཏེ་སྤུས་ཚད་མཐོ་བའི་འཕེལ་རྒྱས་དང་ཕན་ནུས་ཆེ་བའི་བཅོས་སྐྱོང་ལམ་བུའི་ཐོག་ཡག་པོ་སྐྱོད་དགོས་པའི་ནན་བཤད་གནང་བ་རེད།

ཟླ11པའི་ཚེས3ནས4ཉིན་བར། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཧྲེང་ཀྲང་ལུའོ་ཏུང་ཁྲོན་ཟི་ལིང་གྲོང་ཁྱེར་དང་མཚོ་ཤར་གྲོང་ཁྱེར་དུ་སོང་ནས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སྒྲོག་འགྲེལ་བྱས། ཁོང་གིས་ཡིད་ཆེས་བརྟན་དུ་གཏོང་བ་དང་དངོས་སྒྲུབ་སྔོན་བརྩོན་བྱེད་པ།མི་མངོན་པའི་སྟོབས་ཤུགས་སྔོག་འདོན་དང་བརྟན་པོའི་ངང་འཕར་བ།དུས་ཚིགས་བཞི་པར་ནུས་ཤུགས་ཡོད་རྒུས་གདོང་མཆོང་བྱེད་པ།སྤུས་ཚད་མཐོ་བའི་འཕེལ་རྒྱས་ལ་བློ་བརྟན་འགྱུར་མེད་ངང་སྐུལ་འདེད་གཏོང་བ།ལོ་ཧྲིལ་པོའི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་དམིགས་ཚད་མངོན་འགྱུར་མཐའ་གཅིག་ཏུ་བྱེད་པ་བཅས་བྱས་ཏེ“ལོ་ལྔའི་འཆར་མགོད་བཅུ་བཞི་པའི”མགོ་ཡག་པོ་ཞིག་འཛུགས་ཆེད་ལེགས་སྐྱེས་འབུལ་དགོས་ཞེས་ནན་བཤད་གནང་བ་རེད།

ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པ་རྒྱལ་ཁའི་ངང་གྲོལ་རྗེས། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་མགོ་ཁྲིད་གཙོ་བོས་སྔོན་ལ་སློབ་སྦྱོང་དང་གཏིབ་ཟབ་སློབ་སྦྱོང་བྱ་རྒྱུ་རྒྱུན་འཁྱོངས་བྱས་ཏེ།སྣེ་ཁྲིད་དེ་ཏང་ཡོན་ལས་བྱེད་པ་དང་མང་ཚོགས་ལ་ཚང་འཛོམས་གྲོས་ཚོགས་ཀྱི་དགོངས་དོན་སྒྲོག་འགྲེལ་བྱས་ཏེ།ཞིང་ཆེན་ཡོངས་ཀྱི་རིམ་པ་སོ་སོའི་མགོ་ཁྲིད་ལས་བྱེད་པར་སྒྲོག་འགྲེལ་བྱེད་པར་མིག་དཔེ་བཟང་པོ་བསྟན།

སློབ་སྦྱོང་གཏིང་ཟབ་དང་གོ་བ་གཏིང་ཟབ་བླངས་ན་ད་གཟོད་གནད་ལ་འཁེལ་བར་བཤད་ཐུབ། ཟླ་11པའི་ཚེས་6ཉིན།ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་ལག་བསྟར་བྱེད་པའི་ཞིང་ཆེན་ཏང་ཨུའི་སྒྲོག་འགྲེལ་ཚོགས་པའི་སྐུལ་སློང་བཀོད་སྒྲིག་ཚོགས་འདུ་ཟི་ལིང་དུ་འཚོགས། ཚོགས་འདུའི་ཐོག་ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་དང་གོ་བ་གཏིང་ཟབ་བླངས་ནས་ཀྲུང་དབྱང་སྒྲོག་འགྲེལ་ཚོགས་པའི་སྐུལ་སློང་ཚོགས་འདུའི་དགོངས་དོན་བརྒྱུད་སྒྲོག་དང་སློབ་སྦྱོང་ལག་བསྟར་བྱས་པ་དང་།གཅིག་སྡུད་སྒྲོག་འགྲེལ་ལས་དོན་ཕྱོགས་ཡོངས་ནས་བཀོད་སྒྲིག་བྱས་པ།སྒྲོག་འགྲེལ་ལས་འགན་ཁ་གསལ་བཟོས་པ་དང་ཞིབ་ཕྲའི་བླང་བྱ་བཏོན། ཟླ11ཚེས10ཉིན།ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་ལག་བསྟར་བྱེད་པའི་ཀྲུང་དབྱང་སྒྲོག་འགྲེལ་ཚོགས་པའི་སྙན་ཞུའི་ཚོགས་འདུ་ཟི་ལིང་དུ་འཚོགས་ཤིང་།ཞིང་ཆེན་ཏང་ཨུའི་སྒྲོག་འགྲེལ་ཚོགས་པའི་ཁོངས་མིས་ནན་ཏན་ངང་ཉན་པ་དང་ཟིན་བྲིས་ནན་ཏན་བཀོད་དེ་ཚང་འཛོམས་གྲོས་ཚོགས་ཀྱི་དགོངས་དོན་ལ་སྔར་བས་གོ་བ་བླངས།ཟླ11པའི་ཚེས11ཉིན།ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་ལག་བསྟར་བྱེད་པའི་ཞིང་ཆེན་ཏང་ཨུའི་སྒྲོག་འགྲེལ་ཚོགས་པའི་སྒྲོག་འགྲེལ་སྙན་ཞུའི་ཚོགས་འདུ་ཐོག་མ་དེ་ཞིང་ཆེན་ཏང་ཨུའི་ཏང་གི་སློབ་གྲྭར་གཉེར་ནས་ཞིང་ཆེན་ཏང་ཨུའི་སྒྲོག་འགྲེལ་ཚོགས་པའི་གཅིག་སྡུད་སྒྲོག་འགྲེལ་ལས་དོན་སྤེལ་མགོ་ཚུགས་པ་རེད།

འཆད་སྟེགས་ཐོག་བསྐྱོད་དེ་སྒྲོག་འགྲེལ་ཟུར་ཁྲིད་དང་།གཞི་རིམ་དུ་བསྐྱོད་དེ་ངོ་ཐུག་ནསས་སྤེལ་རེས་དང་། མང་ཚོགས་དང་ཉེ་བར་བཅར་ནས་དོགས་གནད་སེལ་བ་སོགས་སྤུས་ཚད་མཐོ་བའི་སྒྲོག་འགྲེལ་ཞིག་མཚོ་སྔོན་གྱི་ས་གཞི་ཆེ་མོར་གཅིག་རྗེས་གཉིས་མཐུད་ངང་སྤེལ།ཟླ11ཚེས11ཉིན་ནས་བཟུང་། ཞིང་ཆེན་ཏང་ཨུའི་སྒྲོག་འགྲེལ་ཚོགས་པའི་ཁོངས་མི་གྲོང་ཁྱེར(ཁུལ)དང་རྫོང(གྲོང་ཁྱེར་དང་ཆུས)ཁག་ཏུ་བསྐྱོད་དེ་ཞིང་ཆེན་ཐད་གཏོགས་ལས་ཁུངས་ཁོངས་གཏོགས་དང་མཐོ་སློབ་ཁོངས་གཏོགས་དང་ཞིང་ཆེན་ཁོངས་གཏོགས་ཀྱི་ཁེ་ལས་ཁོངས་གཏོགས་སོགས་སུ་དུས་ཡུན་ཟླ་བ་གཅིག་ལྷག་ཙམ་གྱི་སྒྲོག་འགྲེལ་བྱེད་སྒོ་སྤེལ་ནས་ཚང་འཛོམས་གྲོས་ཚོགས་ཀྱི་དགོངས་དོན་གཞི་རིམ་དང་།མང་ཚོགས།མི་སེམས་སུ་ཟུག་པ་བཅས་ལ་སྐུལ་འདེད་བཏང་བ་རེད།

རྣམ་པ་གསར་གཏོད་བྱས་ནས་ཚང་འཛོམས་གྲོས་ཚོགས་ཀྱི་དགོངས་དོན་གཏིང་ཟབ་དང་ཏན་ཏིག་ཡོང་བར་སྐུལ་འདེད་གཏོང་དགོས།

“ལོ་ལྔའི་འཆར་མགོད་བཅུ་བཞི་པའི་”དུས་སྐབས་སུ་རང་རྒྱལ་གྱི་འཕེལ་རྒྱས་ལ་ཐོབ་པའི་གྲུབ་འབྲས་གལ་ཆེན་གསལ་པོར་བཤད་པ་དང་།“ལོ་ལྔའི་འཆར་འགོད་བཅོ་ལྔ་པའི་”དུས་སྐབས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་དོན་སྙིང་གལ་ཆེན་གསལ་པོར་བཤད་པ།རྒྱལ་ཁབ་ཕྱི་ནང་གི་གནས་བབ་སྐོར་གྱི་ཏང་ཀྲུང་དབྱང་གི་གཞི་རྩའི་བརྡར་ཤ་གསལ་པོར་བཤད། “ལོ་ལྔའི་འཆར་འགོད་བཅོ་ལྔ་པའི་”དུས་སྐབས་ཀྱི་དཔལ་འབྱོར་སྤྱི་ཚོགས་འཕེལ་རྒྱས་ཀྱི་མཛུབ་ཁྲིད་བསམ་བློ་དང་།     རྩ་དོན་གལ་ཆེན།     དམིགས་ཚད་གཙོ་བོ།     འཐབ་ཇུས་ཀྱི་ལས་འགན་དང་བྱེད་ཐབས་གལ་ཆེན།     རྩ་བའི་འགན་ལེན་བཅས་གསལ་པོར་བཤད་པ་དང་།     ཚང་འཛོམས་གྲོས་ཚོགས་ཀྱི་དགོངས་དོན་ལག་བསྟར་དོན་འཁྱོལ་བྱེད་པར་གཙོ་གནད་གཙོ་བོ་གསལ་པོར་བཤད། གཞི་རིམ་དུ་གཏིང་ཟབ་ཏུ་བསྐྱོད་པའི་མཉམ་འགུལ་དང་།     མི་སེམས་དང་ཐག་ཉེ་བའི་སྤེལ་རེས་ཐེངས་རེ་རེ་བྱས་པར་རྒྱ་ཆེའི་ཏང་ཡོན་ལས་བྱེད་པ་མང་ཚོགས་ཀྱིས་སྤྲོ་སེམས་འཁོལ་བའི་དགའ་བསུ་ཐོབ་ཡོད།    

ལས་ཁུངས་ཚན་པ་ནས་ཁེ་ལས་འཁོར་ཁང་བར་དང་།ཁྲོམ་གཞུང་སྡེ་ཁུལ་ནས་མཐོ་སློབ་སློབ་ཁང་བར།ཞིང་ནང་དང་གྲོང་གསེབ་ཀྱི་འབྲོག་ར།གཙང་གསུམ་ཆུ་མགོ་ནས་རྨ་ཆུ་དང་ཙོང་ཆུའི་ཁུལ།གངས་ལྗོངས་ས་མཐོ་ནས་ཚྭ་འདམ་གཤོངས་ས་སོགས་སྒྲོག་འགྲེལ་ཚོགས་པའི་ཁོངས་མིའི་གཟུགས་བརྙན་མཚོ་སྔོན་གྱི་ས་གཞི་ཆེ་མོར་ཁྱབ་ཡོད།དེའི་དམིགས་ཡུལ་ནི་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ཞིང་ཆེན་ཏང་ཨུ་ཀྱི་ཞིབ་ཕྲའི་བྱ་ཐབས་ཞིང་ཆེན་དེ་ཡོངས་ཀྱི་གོང་འོག་ཚང་མར་བརྒྱུད་སྒྲོག་བྱས་ཏེ་རྒྱ་ཆེའི་ཏང་ཡོན་ལས་བྱེད་པ་དང་མང་ཚོགས་སེམས་ལ་ཟུག་པ་བྱས་ནས་ཚང་འཛོམས་གྲོས་ཚོགས་ཀྱི་དགོངས་དོན་མཚོ་སྔོན་དུ་དོན་འཁྱོལ་བྱེད་ཆེད་རེད།

ཚོགས་རའི་སྒྲོག་འགྲེལ་གསོན་ཉམས་དོད་པ་དང་མཉམ་འགུལ་ཡང་ཡང་བྱས་ནས་སེམས་ནུས་གཅིག་སྒྲིལ་བྱས་ཡོད།སྟེགས་བུའི་ཐོག་ཞིང་ཆེན་ཏང་ཨུའི་སྒྲོག་འགྲེལ་ཚོགས་པའི་ཁོངས་མིས་བརྗོད་དོན་གཙོ་བོར་དམ་པོར་དམིགས་པ་དང་དོན་དངོས་དང་ཟུང་འབྲེལ་བྱས་ཏེ་དབྱེ་ཞིབ་ཞིབ་ཚགས་དང་གཏིང་ཟབ་གོ་བདེ་ཡོང་བ་བྱས།གར་སྟེགས་འོག་ཏུ་ཡུལ་དངོས་ཀྱི་ཉན་མཁན་ཚོས་བློ་རྩེ་གཅིག་སྒྲིམ་དང་ཟིན་བྲིས་ནན་ཏན་བཀོད་པ་དང་ས་གནས་ས་ཐོག་ཏུ་ཐལ་མོའི་རྡེབ་སྒྲ་ཡང་ཡང་གྲགས།ཚོགས་འདུ་གྲོལ་རྗེས་སྤེལ་རེས་མཉམ་འགུལ་དང་དོགས་གནད་སེལ་བ་དང་ཐུན་མོང་གི་ངོས་འཛིན་རྒྱ་ཁྱབ་ཏུ་བྱུང་ནས་དངོས་སྒྲུབ་ཀྱི་སྤྲོ་སེམས་གཅིག་ཏུ་བསྡུས་ཡོད།

ཞིང་ཆེན་ཏང་ཨུའི་སྒྲོག་འགྲེལ་ཚོགས་པས་སྙན་སྒྲོན་ཚོམས་ཆེན་དང་ཚོགས་ཁང་དུ་བསྐྱོད་དེ་གཅིག་སྡུད་སྒྲོག་འགྲེལ་སྙན་ཞུའི་ཚོགས་འདུ་འཚོགས་པ་མ་ཟད།ད་དུང་གཞི་རིམ་གྱི་འཐབ་ས་དང་པོར་བསྐྱོད་དེ་ས་གནས་ཁག་དང་།ཁོངས་གཏོགས་ཁགཚན་པ་ཁག་བཅས་ཀྱི་ལས་བྱེད་པ་དང་མང་ཚོགས་དང་སྤེལ་རེས་རྒྱ་ཁྱབ་བྱས་ནས་སྒྲོག་འགྲེལ་དེ་བས་མང་ཚོགས་དང་འབྲེལ་འདྲིས་དང་དེ་བས་སྐྱེ་སྟོབས་ལྡན་པ་བྱས་ཡོད།

སྒྲོག་འགྲེལ་བྱེད་སྟངས་ཕྱིར་སྐྱོད་པ་དང་གཏིང་ཟབ་ཏུ་གཏོང་རྒྱུར་སྣང་ཆེན་བྱས་ཡོད།ཟླ11ཚེས25ཉིན། ཞིང་ཆེན་ཏང་ཨུའི་སྒྲོག་འགྲེལ་ཚོགས་པ་མཚོ་བྱང་བོད་རིགས་རང་སྐྱོང་ཁུལ་རྐང་ཚ་རྫོང་འོམ་ཆུ་གྲོང་རྡལ་དཀོན་ལོ་གོང་མ་སྡེ་བར“རིགས་པའི་གཞུང་ལུགས་སྒྲོག་འགྲེལ་དང་རིག་རྩལ་འཁྲབ་སྟོན”གྱི་གསར་གཏོད་རྣམ་པའི་ཐོག་ནས་ས་གནས་དེ་གའི་མང་ཚོགས་ལ་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་འགྲེལ་བཤད་གཏིང་ཟབ་བརྒྱབ་པ་རེད།ཞིང་ཆེན་ཏང་ཨུའི་སྒྲོག་འགྲེལ་ཚོགས་པའི་ཁོངས་མི་ལྷ་རྒྱལ་བཀྲ་ཤིས་དང་དེའི་ཚོགས་པས་རྒྱ་བོད་སྐད་གཉིས་ཀྱི་ཐོག་ནས་ཉེ་འགྲམ་གྱི་གྱོད་དཔེ་དང་ཟུང་འབྲེལ་བྱས་ཏེ་གྲོང་གསེབ་དར་རྒྱས་དང་།སྣོད་བཅུད་སྲུང་སྐྱོང་།དམངས་ཕན་སྲིད་ཇུས་སོགས་མང་ཚོགས་ཀྱི་དོ་ཁུར་ལ་དམིགས་ནས་ཚང་འཛོམས་གྲོས་ཚོགས་ཀྱི་དགོངས་དོན་གྱི་ལྟེ་བའི་དོན་སྙིང་གོ་བདེའི་ངང་གསལ་འགྲེལ་བྱས།སྒྲོག་འགྲེལ་བྱེད་སྒོའི་ནང་ད་དུང《སྤྱི་མཐུན་རྒྱལ་ཁབ་འབྱུང་འགྱུར་ཕྱོགས་སུ་སྐྱོད》དང《བོད་ཁྱིམ་དུ་སྐར་ལྔའི་དར་དམར་ལྷབ་ལྷུབ་ཏུ་གཡོ་བ》སོགས་རིག་རྩལ་འཁྲབ་སྟོན་བྱས་ནས་སྒྲོག་འགྲེལ་དེ་བས་མང་ཚོགས་དང་འབྲེལ་བ་དང་དྲོད་ཚད་དེ་བས་ཆེ་བ་ལྡན་པས་ས་གནས་ས་ཐོག་གི་ཉན་མཁན་ཚོའི་ཚུར་སྣང་ལན་ཆ་དྲག་པོ་བྱུང་ཡོད།

ངོ་སྤྲོད་བྱས་པར་གཞིགས་ན།ད་ཐེངས་ཀྱི་སྒྲོག་འགྲེལ་བྱེད་སྒོའི་ནང“སྲོལ་བཟང”གི་རིགས་པའི་གཞུང་ལུགས་སྒྲོག་འགྲེལ་ལས་དོན་ཁང་སྟེ། ལྷ་རྒྱལ་བཀྲ་ཤིས་ཚོགས་པ་གཞི་རིམ་དུ་བསྐྱོད་དེ་སྒྲོག་འགྲེལ་བྱས་པ་དང་ལམ་ཐག་སྤྱི་ལེ4900ལྷག་ཙམ་ཟིན་པ་དང་མི་རིགས་རང་སྐྱོང་ཁུལ་6ལ་ཁྱབ་ཡོད།“བཅར་འདྲི་དང་མཉམ་འགུལ”གྱི་བྱེད་ཐབས་བརྒྱུད་བོད་སྐད་སྒྲོག་འགྲེལ་བྱས་པ་དང་བོད་སྐད་ཀྱི་གཏམ་དཔེ་དང་ཨ་མདོའི་དམངས་གཞས་ལེགས་སྒྲིག་རྣམ་པའི་ཐོག་ནས“སེམས་སྦྲེལ་ཟམ་པ”བསྐྲུན་པས་མང་ཚོགས་ཀྱི་དགའ་བསུ་རྒྱ་ཁྱབ་ཐོབ་ཡོད་པ་རེད།

ཇི་ལྟར་བྱས་ནས་གནད་ལ་འཁེལ་བའི་སྒོ་ནས་རིགས་པའི་གཞུང་ལུགས་སྒྲོག་འགྲེལ་བྱས་ཏེ“མང་ཚོགས་དང་འབྲེལ་འདྲིས་དང་།སྤྲོ་སེམས་འཕེལ་བ།མི་སེམས་གཅིག་སྒྲིལ་བཅས་བྱེད་དགོས་སམ”ཟླ12ཚེས11ཉིན།ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་གྱི་དཔེ་སྟོན་སྒྲོག་འགྲེལ་བྱེད་སྒོའི་ཐོག་གི་ཐལ་མོའི་རྡེབ་སྒྲ་རྒྱུན་ཆད་མེད་པར་གྲགས་པ་དང་།གསོན་ཉམས་ལྡན་པའི་གཏམ་རྒྱུད་རེ་རེ་དང་ངོ་མཚར་ཆེ་བའི་འཁྲབ་སྟོན་རེ་རེ། གཞོན་ནུའི་སེམས་ནང་རིགས་པའི་གཞུང་ལུགས་ཀྱི་ས་བོན་བཏབ་པ་རེད།སྒྲོག་འགྲེལ་མཉམ་འདྲེས་ཀྱི་བརྙན་ལམ་ཐུང་གྲས་དང་།གནས་ཚུལ་བཅར་གླེང་།ཁ་རྩལ་ངོམ་པ།“རིགས་པའི་གཞུང་ལུགས་དང་མངོན་མིན་རིག་གནས་ཤུལ་བཞག”སོགས་རྣམ་པ་སྣ་ཚོགས་བརྒྱུད་ཞིང་ཆེན་ཁོངས་གཏོགས་ཀྱི་མཐོ་སློབ་ཀྱི་དགེ་སློབ་དང་ཞིང་ཆེན་ཁོངས་གཏོགས་ཁེ་ལས་ཀྱི་ལས་བཟོའི་འཐུས་མི་སོགས་ལ་གསར་གཏོད་དང་།དྲོད་ཚད་ལྡན་པ།གཏིང་ཟབ་པ་བཅས་ཀྱི“རིགས་པའི་གཞུང་ལུགས་ཀྱི་གསོལ་སྟོན”ཞིག་མངོན་ཡོད་པ་རེད།

ཤེས་སྤྱོད་ཟུང་འབྲེལ་གྱི་ཕན་འབྲས་ཐོན་པ་དེས་ཀྲུང་གོའི་རྣམ་པའི་དེང་རབས་ཅན་གྱི་མཚོ་སྔོན་གྱི་ལག་ལེན་ལ་སྟོབས་ཤུགས་གཅིག་སྒྲིལ་བྱས་ཡོད།

དར་ཆས་ཁ་ཕྱོགས་ཁྲིད་སྟོན་དང་བསམ་བློས་སྟོབས་ཤུགས་གཅིག་སྒྲིལ་བྱེད་དགོས།ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་ཡག་པོ་དང་ལག་བསྟར་ཡག་པོ་བྱེད་པ་དང་།རང་རྟོགས་ངང“ཀྲུང་གོའི་བཅོས་སྐྱོང”བློ་བརྟན་འགྱུར་མེད་ཀྱི་དད་མོས་པ་དང་ལྷག་བསམ་རྣམ་དག་གི་ལག་ལེན་པ་བྱེད་པ།“ལོ་ལྔའི་འཆར་འགོད་བཅོ་ལྔ་པའི”རིང་གི་འཕེལ་རྒྱས་དམིགས་ཚད་ལས་འགན་ལ་དམིགས་པ།སྤུས་ཚད་མཐོ་བའི་འཕེལ་རྒྱས་ཀྱི་དུས་རབས་གསར་པའི་གནས་ལུགས་འགྱུར་མེད་ཁོང་དུ་བརྟན་པོ་ཆུད་པ་བཅས་བྱས་ཏེ་འབད་འབུངས་ཡར་བརྩོན་དང་དུས་ཚོད་སྐར་ཆ་ཙམ་ཡང་བརྩོན་ལེན་བྱེད་པའི་བསམ་པའི་རྣམ་པའི་ཐོག་ནས་ཀྲུང་གོའི་རྣམ་པའི་དེང་རབས་ཅན་གྱི་མཚོ་སྔོན་ལག་ལེན་ལ་ལེགས་སྐྱེས་དེ་བས་ཆེ་བ་འབུལ་དགོས། འདི་ནི་མཚོ་སྔོན་གྱི་ཏང་ཡོན་ལས་བྱེད་པ་མང་ཚོགས་ཀྱི་ཐུན་མོང་གི་བསམ་འདུན་དང་འབད་བརྩོན་དམིགས་འབེན་དུ་གྱུར་ཡོད།    

“སྒྲོག་འགྲེལ་བྱེད་རིམ་ཁ་གསལ་བ་དང་།ནང་དོན་ཕུན་སུམ་ཚོགས་པ།དོན་དངོས་དང་མཐུན་པ་བཅས་ཡིན་པས་རིགས་པའི་གཞུང་ལུགས་ཀྱི་མཐོ་ཚད་ཡོད་ལ་ལག་ལེན་གྱི་མཐོ་ཚད་ཀྱང་ཡོད”ཞིང་ཆེན་ཏང་ཨུ་རྩ་འཛུགས་པུའི་རྩ་འཛུགས་ཁྲུའུ་གཉིས་པའི་ཁྲུའུ་ཀྲང་གཞོན་པ་ཝུའུ་ཀོང་ཞུས་ཀྱིས་ཚང་འཛོམས་གྲོས་ཚོགས་ཀྱི་དགོངས་དོན་ལག་བསྟར་དོན་འཁྱོལ་བྱེད་པའི་འགག་རྩ་ནི་གཞི་རིམ་ཏང་འཛུགས་སྐྱོང་གི་དོན་དངོས་ལ་གཞི་ཚུགས་པ་དང་།རྨང་གཞི་བརྟན་གཏོང་དང་ཕུགས་ཀྱི་འཕེལ་རྒྱས་ལ་དམིགས་ཏེ་གཞི་རིམ་ཏང་རྩ་འཛུགས་དེ་ཏང་གི་འདོད་ཚུལ་དྲིལ་སྒྲོག་དང་།ཏང་གི་གཏན་འབེབས་ལག་བསྟར།གཞི་རིམ་བཅོས་སྐྱོང་ལ་མགོ་ཁྲིད།མང་ཚོགས་ལ་མཐུན་སྒྲིལ་སྐུལ་སློང་།སྒྱུར་བཅོས་འཕེལ་རྒྱས་ལ་སྐུལ་འདེད་གཏོང་བ་བཅས་ཀྱི་དམག་འཐབ་མཁར་རྫོང་ཞིག་ཏུ་ཧུར་ཐག་བསྐྲུན་ནས་དེང་རབས་ཅན་གྱི་མཚོ་སྔོན་གསར་པ་འཛུགས་སྐྲུན་བྱ་ཆེད་རྩ་འཛུགས་ཀྱི་རྨང་གཞི་བརྟན་པོ་ཞིག་འདིང་དགོས་ཞེས་བཤད་པ་རེད།

“སྒྲོག་འགྲེལ་ཉན་རྗེས་ཁ་ཕྱོགས་སྔར་བས་གསལ་བ་དང་།བསམ་ཕྱོགས་སྔར་བས་གསལ་བ།ཡིད་ཆེས་སྔར་བས་ཆེ་རུ་ཕྱིན་སོང”མཚོ་བྱང་བོད་རིགས་རང་སྐྱོང་ཁུལ་མཁོ་ཚོང་མཉམ་ལས་ཁང་གི་ལྟ་ཞིབ་ཚོགས་པའི་ཀྲུའུ་རེན་ཝང་ཡུང་མིང་གིས་འདི་སྐད། ང་ཚོས་ཚང་འཛོམས་གྲོས་ཚོགས་ཀྱི་དགོངས་དོན་མཛུབ་ཁྲིད་དུ་བྱས་ཏེ་ཞིང་སྤྱོད་དངོས་རྫས་མཁོ་སྤྲོད་འགན་ལེན་དང་རིན་གོང་བརྟན་པོ་དང་།ཞིང་འབྲོག་ལས་དེང་རབས་ཅན་གྱི་ཞབས་ཞུའི་མ་ལག་འཛུགས་སྐྲུན།ལྗང་མདོག་སྐྱེ་ལྡན་ཞིང་འབྲོག་ཐོན་རྫས་འཁོར་རྒྱུག་ཞབས་ཞུ་སོགས་ཀྱི་ལས་དོན་ལ་གཙོ་གནད་ཐོག་དམ་འཛིན་ཡག་པོ་བྱས་ཏེ“ལོ་ལྔ་ཚན་བཅུ་པའི”རིང་ཞིང་འབྲོག་ལས་ཀྱི་སྤུས་ཚད་མཐོ་བའི་འཕེལ་རྒྱས་ལ་སོ་ཕག་བསྣན་དགོས་ཞེས་བཤད།

“སྒྲོག་འགྲེལ་བྱེད་སྟངས་དེ་ལྟ་བུ་མང་ཚོགས་དང་འབྲེལ་འདྲིས་བྱེད་པ་དང་གསོན་ཉམས་དོད་པས་ང་ཚོ་ཞིང་འབྲོག་པ་ཚང་མས་ཉན་འདོད་ཡོད་པ་དང་།གོ་ཐུབ་པ།བློ་ལ་ངེས་པ་བཅས་བྱེད་ཀྱི་ཡོད”རྨ་ལྷོ་བོད་རིགས་རང་སྐྱོང་ཁུལ་རྩེ་ཁོག་རྫོང་རྩེ་ཆུ་གྲོང་རྡལ་གཡང་དམར་སྡེ་བའི་མང་ཚོགས་བཀྲ་ཤིས་དོན་གྲུབ་ཀྱིས་ལོ་དེ་དག་རིང་སྡེ་བར་འགྱུར་ལྡོག་ཆེན་པོ་བྱུང་བ་དང་ཨར་འདམ་ལམ་སྒོ་འགྲམ་དུ་ཤར་གཏོང་ཐུབ་པ་དང་བདེ་སྡོད་ཁང་པ་རྒྱ་ཆེ་ལ་བདེ་འཇགས་ཀྱང་ཡོད་པས་ཁྱད་ལྡན་གསོ་ཚགས་མཉམ་ལས་ཁང་གིས་ཚང་མར་ཡོང་འབབ་བརྟན་པོ་བྱུང་བ་མ་ཟད།སྡེ་བའི་རྣམ་པ་ཡང་སྔར་བས་གཙང་ཞིང་གྲལ་འགྲིག་པོ་ཡོད་ཅེས་མྱོང་ཚོར་ཟབ་མོ་བྱུང་།ཏང་དང་ཚང་འཛོམས་གྲོས་ཚོགས་ཐོག་གསལ་སྟོན་བྱས་པའི་ཁ་ཕྱོགས་ལྟར་ལས་དོན་བསྒྲུབས་ཚེ་ང་ཚོ་འབྲོག་པའི་འཚོ་བ་ཉིན་རེ་བཞིན་ཡག་ཏུ་འགྲོ་ངེས་ཡིན་པའི་ཡིད་ཆེས་ཡོད་ཅེས་གསུངས་པ་རེད།

“སྒྲོག་འགྲེལ་གསོན་ཉམས་དོད་ལ་ངོ་མཚར་ཆེ་བ་དང་གཏིང་ཟབ་པ་དེ་ནི་རིགས་པའི་གཞུང་ལུགས་ཀྱི་ཟུར་ཁྲིད་སློབ་ཚན་ཞིག་ཡིན་ལ་ལག་ལེན་གྱི་མཛུབ་ཁྲིད་སློབ་ཚན་ཞིག་ཀྱང་རེད”མཚོ་སྔོན་མི་རིགས་སློབ་ཆེན་མར་ཁེ་སི་རིང་ལུགས་སློབ་གླིང་གི་དགེ་རྒན་ཡུས་ཕེ་ཧྥང་གིས། བསམ་བློ་ཆབ་སྲིད་སློབ་ཚན་གྱི་དགེ་རྒན་ཞིག་ཡིན་པའི་ངོས་ནས་ད་ཐེངས་ཀྱི་སྒྲོག་འགྲེལ་གོ་སྐབས་སུ་བྱས་ཏེ་རིགས་པའི་གཞུང་ལུགས་ཀྱི་རྨང་གཞི་བརྟན་དུ་གཏོང་བ་དང་།སློབ་ཁྲིད་ཀྱི་ཐབས་ལམ་འཚོལ་ཞིབ།སློབ་ཁང་གི་ཕན་འབྲས་ཆེ་རུ་གཏོང་བ།དུས་རབས་ཀྱི་འགན་འཁྲི་ལག་ལེན་བསྟར་བ་བཅས་བྱས་ཏེ་བསམ་བློ་ཆབ་སྲིད་སློབ་ཚན་དེ་ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་དང་།དྲིལ་སྒྲོག།ལག་ལེན་བཅས་བྱེད་པའི་འཐབ་ས་མདུན་མར་དངོས་འབྲེལ་འགྱུར་བ་བྱས་ནས་ཚང་འཛོམས་གྲོས་ཚོགས་ཀྱི་དགོངས་དོན་སློབ་ཆེན་སློབ་མའི་སེམས་ནང་རྩ་བ་ཚུགས་པར་ར་སྐུལ་འདེད་གཏོང་དགོས་ཟེར།

“སྒྲོག་འགྲེལ་བྱེད་སྐབས་ཚང་འཛོམས་གྲོས་ཚོགས་ཀྱི་ལྟེ་བའི་དོན་སྙིང་དང་དགོངས་དོན་གྱི་ངོ་བོར་དམིགས་པ་མ་ཟད།གཞོན་ནུའི་ཚོགས་སྤྱིའི་བསམ་བློའི་རེ་སྒུག་ལ་གནད་སྨིན་ལན་ཡང་བརྒྱབ་ནས་ང་ཚོའི་འབད་འཐབ་ཀྱི་ཁ་ཕྱོགས་སྔར་བས་གསལ་པོ་ཡོང་བ་བྱེད་དགོས”མཚོ་སྔོན་རང་བྱུང་རིག་པ་དང་བཟོ་སྐྲུན་རིག་པའི་སློབ་གླིང་གི་སློབ་མ་ཡེ་ཡུས་ཧང་གིས་དེ་བས་སྤྲོ་སེམས་རབ་ཏུ་འཁོལ་བ་དང་དེ་བས་བརྟན་པའི་དད་སེམས་ཐོག་ནས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་དེ་ཉིད་རང་ཉིད་ཀྱི་བྱ་སྤྱོད་དངོས་ལ་འགྱུར་བ་བྱས་ཏེ་སློབ་སྦྱོང་དང་འཚོ་བའི་ཁྲོད་འབད་བརྩོན་ལྷོད་མེད་ཀྱིས་དུས་རབས་གསར་པའི་སློབ་ཆེན་སློབ་མ་ཞིག་བྱས་ཏེ་མཚོ་སྔོན་དར་རྒྱས་གོང་འཕེལ་དང་ཀྲུང་ཧྭ་མི་རིགས་རླབས་ཆེན་བསྐྱར་དར་ཆེད་ལང་ཚོའི་སྟོབས་ཤུགས་སྐྱེས་སུ་འབུལ་རྒྱུ་ཡིན་ཞེས་བཤད་པ་རེད།

ཐུན་མོང་གི་ངོས་འཛིན་སྒྲོག་འགྲེལ་ཁྲོད་གཅིག་སྒྲིལ་དང་བསམ་བློ་སློབ་སྦྱོང་ཁྲོད་གོང་འཕེལ་བྱུང་ཡོད།རྒྱང་སྐྱོད་ཀྱི་ལམ་བུ་གསར་པའི་ཐོག་ཞིང་ཆེན་ཡོངས་ཀྱི་གོང་འོག་ཚང་མས་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གི་མཐའ་འཁོར་དུ་སྔར་བས་མཐུན་སྒྲིལ་དམ་ཟབ་བྱས་ཏེ་མངགས་བཅོལ་བློ་ལ་བརྟན་པོར་ངེས་པ་དང་།དྲིན་ཚོར་ཡར་བརྩོན།དངོས་སྒྲུབ་ལག་བསྟར།བློ་སྟོབས་ཆེན་པོས་རྣམ་པ་གསར་པ་གཏོད་པ་བཅས་བྱས་ཏེ་རྒྱལ་ཡོངས་དང་མཉམ་དུ་སྤྱི་ཚོགས་རིང་ལུགས་ཀྱི་དེང་རབས་ཅན་གཞི་རྩའི་ཆ་ནས་མངོན་འགྱུར་ཡོང་ཆེད་འབད་འཐབ་ཧུར་ཐག་བྱ་རྒྱུ་རེད།