མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
མཚོ་སྔོན་གསར་འགྱུར་དྲ་བིའ་འཕྲིན། ཟླ11པ་ནི་མེ་ཟོན་དྲིལ་སྒྲོག་ཟླ་བ་ཡིན་ཞིང་། ད་ལོའི་ཟླ11པའི་ཚེས9ཉིན་ནི་རྒྱལ་ཡོངས་ཀྱི་མེ་ཟོན་ཉིན་མོ་ཐེངས34པ་ཡིན། ཟླ11པའི་ཚེས4ཉིན། 2025ལོའི་མཚོ་སྔོན་ཞིང་ཆེན་གྱི་མེ་ཟོན་དྲིལ་སྒྲོག་ཟླ་བ་འགོ་རྩོམ་པའི་མཛད་སྒོ་ཟི་ལིང་དུ་བསྡུས།
འགོ་རྩོམ་མཛད་སྒོའི་སྟེང་། ཟི་ལིང་གྲོང་ཁྱེར་མི་དམངས་སྲིད་གཞུང་དང་ཞིང་ཆེན་སློབ་གསོ་ཐིན། མཚོ་སྔོན་རྨ་ཆུའི་སྟོད་རྒྱུད་ཆུ་གློག་གསར་སྤེལ་ཚད་ཡོད་ཀུང་ཟི་བཅས་ཀྱིས་སོ་སོར་སྲིད་གཞུང་གི་གཅིག་གྱུར་འཆར་འགོད་དང་ལས་རིགས་ཀྱིས་གཙོར་འཛིན་པ། ཁེ་ལས་ཀྱིས་དོན་འཁྱོལ་བྱེད་པ་སོགས་ལ་དམིགས་ནས་མེ་ཟོན་དྲིལ་སྒྲོག་བྱ་བ་སྤེལ་བའི་གནས་ཚུལ་ཐད་ནས་གཏམ་བཤད། མཛད་སྒོར་ཞུགས་མཁན་ཚོས་ལས་རིགས་སོ་སོའི་ལས་ཁུངས་ཀྱི་དྲིལ་སྒྲོག་འགྲེམ་སྟོན་དང་། མེ་ཟོན་རོགས་སྐྱོབ་དཔུང་སྡེའི་སྒྲིག་ཆས་འགྲེམ་སྟོན། འཚོལ་སྐྱོབ་སྤྱང་ཁྱིའི་སྦྱོང་བརྡར། མེ་འགོག་ཚོད་ལྟ། མེ་ཟོན་དྲིལ་སྒྲོག་མཉམ་འགུལ་མཉམ་ལེན་སོགས་བྱ་འགུལ་ལ་ལྟ་སྐོར་བྱས། མཚོ་སྔོན་ཞིང་ཆེན་དང་ཟི་ལིང་གྲོང་ཁྱེར་རིམ་པ་གཉིས་ཀྱི་བདེ་འཇགས་ཨུ་ཡོན་ལྷན་ཁང་དང་མེ་ཟོན་བདེ་འཇགས་ཨུ་ཡོན་ལྷན་ཁང་བཅས་ཁོངས་གཏོགས་ལས་ཁུངས87དྲིལ་སྒྲོག་བྱ་འགུལ་ལ་ཞུགས།
མེ་ཟོན་དྲིལ་སྒྲོག་ཟླ་བའི་རིང་ལ། མཚོ་སྔོན་གྱི་རིམ་པ་སོ་སོའི་མེ་ཟོན་སྡེ་ཁག་གིས་དམངས་ཡོངས་ཀྱིས་མེ་ཟོན་དང་ཚེ་སྲོག་བླ་རུ་བཀུར་བ། བདེ་འཇགས་ཀྱི་སྒོ་ནས་མེ་དང་གློག་བཀོལ་སྤྱོད་བྱེད་པའི་བརྗོད་དོན་གཙོ་བོར་དམིགས་ནས་རྣམ་པ་སྣ་མང་དང་ནང་དོན་ཕུན་སུམ་ཚོགས་པའི་མེ་ཟོན་དྲིལ་སྒྲོག་སློབ་གསོའི་བྱ་འགུལ་རྒྱུན་མཐུད་ངང་སྤེལ། རིམ་པ་སོ་སོའི་ལས་རིགས་སྡེ་ཁག་གིས་ལས་རིགས་ལ་དོ་དམ་བྱེད་པར་ངེས་པར་དུ་བདེ་འཇགས་ལ་དོ་དམ་བྱེད་དགོས་པའི་རྩ་དོན་ལྟར། ནུས་ཤུགས་ཡོད་རྒུས་མེ་ཟོན་བདེ་འཇགས་བྱ་བ་ལེགས་པོར་བསྒྲུབ་རྒྱུ་རེད། གཙོ་ཤུགས་འགན་འཁྲི་དོན་འཁྱོལ་མཐའ་གཅིག་ཏུ་བྱེད་པ་དང་། བདེ་འཇགས་རང་བཤེར་དང་མངོན་མེད་རྐྱེན་ངན་རང་བཅོས། འགན་འཁྲི་རང་འཁུར། ལྟ་སྐུལ་དང་ལེན་གྱི་བླང་བྱ་ལྟར། མེ་ཟོན་དྲིལ་སྒྲོག་སློབ་གསོར་ཤུགས་སྣོན་དང་། མེ་སྐྱོན་སྔོན་འགོག་གི་མངོན་མེད་རྐྱེན་ངན་དུས་ལྟར་སེལ་ནས་མེ་ཟོན་བདེ་འཇགས་ཀྱི་རྣམ་པ་རྒྱུན་མཐུད་ངང་བརྟན་འཇགས་ཡོང་བར་འགན་སྲུང་བྱེད་དགོས། སྤྱི་ཚོགས་ལས་རིགས་ཁག་དང་རྒྱ་ཆེའི་མང་ཚོགས་ཧུར་ཐག་གིས་མེ་ཟོན་བྱ་བའི་ཁྲོད་ཞུགས་པ་དང་རྒྱབ་སྐྱོར་བྱེད་པར་སྐུལ་སློང་བྱེད་པ་དང་། རང་འགུལ་གྱིས་མེ་ཟོན་བཅའ་ཁྲིམས་ཁྲིམས་སྲོལ་བརྩི་སྲུང་བྱེད་པ། དམངས་ཡོངས་ཀྱི་མེ་ཟོན་བདེ་འཇགས་སྤུས་ཚད་མུ་མཐུད་དུ་མཐོར་འདེགས་བཏང་སྟེ། མཉམ་དུ་སྤྱི་ཚོགས་ཡོངས་ཀྱི་མེ་སྐྱོན་སྔོན་འགོག་དང་ཚོད་འཛིན་ནུས་པ་ཆེ་རུ་གཏོང་དགོས།
