མཚོ་སྔོན་གྱི་དམག་དཔུང་དང་ས་གནས་ཀྱིས་མཉམ་འབྲེལ་ཐོག་《ལག་བསྟར་བསམ་འཆར》པར་འགྲེམས་བྱས།

མཚོ་སྔོན་གསར་འགྱུར་དྲ་བའི་འཕྲི་ན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དམག་དཔུང་སྟོབས་ཆེར་གཏོང་བའི་བསམ་བློ་སློབ་སྦྱོང་དང་ལག་བསྟར་གཏིང་ཟབ་དང་དུས་རབས་གསར་པའི་ཆབ་སྲིད་དམག་དཔུང་འཛུགས་སྐྱོང་གི་ཐབས་ཇུས་ལག་བསྟར་བྱས་ཏེ་ཞིང་ཆེན་ཡོངས་ཀྱི་མི་དམངས་དྲག་ཆས་ལས་དོན་སྔར་བས་ཚད་ལྡན་དང་ཤུགས་སྣོན་བྱེད་ཆེད། ཟླ་9པའི་ཚེས་16ཉིན།ཞིང་ཆེན་ཞིང་ཆེན་རྩ་འཛུགས་པུའུ་དང་ཞིང་ཆེན་དམག་ཁུལ་ཆབ་སྲིད་ལས་དོན་ཅུས་སོགས་སྡེ་ཚན་དྲུག་གིས་མཉམ་འབྲེལ་ཐོག་《ཏང་གིས་དྲག་ཆས་དོ་དམ་བྱ་རྒྱུ་མཐའ་འཁྱོངས་བྱས་ནས་དུས་རབས་གསར་པའི་མི་དམངས་དྲག་ཆས་ལས་དོན་ལ་ཤུགས་སྣོན་བྱ་རྒྱུའི་སྐོར་གྱི་ལག་བསྟར་བསམ་འཆར》(གཤམ་དུ་བསྡུས་མིང་ལ《ལག་བསྟར་བསམ་འཆར》ཟེར)པར་འགྲེམས་བྱས།

《ལག་བསྟར་བསམ་འཆར》《ཏང་གིས་དྲག་ཆས་དོ་དམ་བྱ་རྒྱུ་མཐའ་འཁྱོངས་བྱས་ནས་དུས་རབས་གསར་པའི་མི་དམངས་དྲག་ཆས་ལས་དོན་ལ་ཤུགས་སྣོན་རྒྱག་རྒྱུའི་སྐོར་གྱི་ཀྲུང་གུང་ཀྲུང་དབྱང་གི་བསམ་འཆར》ཕྱོགས་ཡོངས་ནས་ལག་བསྟར་དོན་འཁྱོལ་བྱས་ཏེ།ཞིང་ཆེན་ཡོངས་ཀྱི་ཏང་གིས་དྲག་ཆས་དོ་དམ་དང་མི་དམངས་དྲག་ཆས་ལས་དོན་དོན་འཁྱོལ་བྱེད་པའི་ཁྲོད་གནས་པའི་འགལ་བའི་གནད་དོན་ལ་དམིགས་ནས།ཆབ་སྲིད་ཀྱི་འགན་འཁྲི་མཐའ་གཅིག་ཏུ་འཁུར་རྒྱུ་དང་།ལས་ཀའི་ལས་འགན་ཁྱོན་ཡོངས་ནས་དོན་འཁྱོལ་བྱ་རྒྱུ།གཞི་རྩའི་ལམ་ལུགས་དོན་འཁྱོལ་ནན་པོ་བཅས་ལ་དམིགས་ནས་ཕྱོགས་གསུམ་གྱི་ལག་བསྟར་བསམ་འཆར་དོན་ཚན26བཏོན།

《ལག་བསྟར་བསམ་འཆར》ནང་ཆབ་སྲིད་ཀྱི་འགན་འཁྲི་བློ་བརྟན་འགྱུར་མེད་ཀྱིས་ཁུར་ནས་འགན་འཁྲིའི་དབྱེ་མཚམས་ཁ་གསལ་དང་འགན་འཁྲིའི་མཐའ་མཚམས་ཁ་གསལ་བྱས་ཏེ་དམངས་ཡོངས་ཀྱི་རྒྱལ་སྲུང་བྱེད་ཤུགས་ཆེ་རུ་གཏོང་རྒྱུ་མཐའ་འཁྱོངས་དང་། དམངས་ཡོངས་ཀྱི་རྒྱལ་སྲུང་སློབ་གསོ་གཏིང་ཟབ་ཏུ་གཏོང་བ། སྤྱི་ཚོགས་ཡོངས་ཀྱི་ཁྱབ་ཁོངས་ཁག་གིས་རང་རྟོགས་ངང་རྒྱལ་སྲུང་གི་འོས་འགན་དང་འགན་འཁྲི་བསྒྲུབ་རྒྱུར་སྐུལ་འདེད་གཏོང་དགོས་ཞེས་ནན་བཤད་བྱས་ཡོད། ལས་ཀའི་ལས་འགན་ཁྱོན་ཡོངས་ནས་དོན་འཁྱོལ་བྱེད་པ་དང་།དམག་འཁྲུག་གྲ་སྒྲིག་དང་དམག་འཁྲུག་ལ་དམིགས་ནས།དམག་དོན་དགོས་མཁོའི་སྣེ་ཁྲིད་འབུར་ཐོན་བྱས་ཏེ། བྱེ་བྲག་གི་ལས་དོན་ཁག14དམ་འཛིན་དམ་འཛིན་བྱས་ཏེ། དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྐུལ་འདེད་གཏོང་བའི་ཁྲོད་དམག་དོན་སྟོབས་ཤུགས་སྟོབས་ལྡན་ཞིག་སྦྱོང་བརྡར་བྱ་དགོས། གཞི་རྩའི་ལམ་ལུགས་དོན་འཁྱོལ་དང་དཔྱད་ཞིབ་ཚད་གཞི་ཁ་གསལ་བྱས་ཏེ། ཏང་དོ་དམ་དྲག་ཆས་ལས་དོན་གྱི་དཔྱད་ཞིབ་དེ་ཏང་སྲིད་འགོ་ཁྲིད་ཚན་ཁག་རིམ་པ་ཁག་གི་དཔྱད་ཞིབ་དང་། ཕྱོགས་བསྡུས་དཔྱད་འདོན། སྐོར་ཞིབ་སྐོར་ཞིབ་སོགས་ཀྱི་ཁྱབ་ཁོངས་སུ་ཕྱོགས་ཡོངས་ནས་གཅིག་གྱུར་འཆར་འགོད་བྱེད་པ་དང་།ཏང་དོ་དམ་དྲག་ཆས་དཔྱད་ཞིབ་ལག་བསྟར་ཞིབ་སྲོལ་བཟོ་བཅོས་བྱས་ཏེ་ཞིང་ཆེན་ཡོངས་ཀྱི་དུས་རབས་གསར་པའི་མི་དམངས་དྲག་ཆས་ལས་དོན་གྱི་ལམ་ལུགས་ཁག་དོན་འཁྱོལ་བྱ་རྒྱུར་སྲིད་ཇུས་ཀྱི་འགན་སྲུང་ནུས་ལྡན་འདོན་སྤྲོད་བྱ་དགོས།