མཚོ་སྔོན་གྱིས་བྱེད་ཐབས་དུ་མ་སྤྱད་དེ་ཐེག་ཚད་ལས་བརྒལ་བའི་ཁྲིམས་འགལ་སྐྱེལ་འདྲེན་གྱི“མཁྲེགས་གཤིས་ངན་པ”བཀག་འགོག་བྱས།

ཡོང་ཁུངས། མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།

 མཚོ་སྔོན་གསར་འགྱུར་དྲ་བའི་འཕྲིན། ད་ལོ་ནས་བཟུང་། མཚོ་སྔོན་འགྲིམ་འགྲུལ་སྐྱེལ་འདྲེན་ཕྱོགས་བསྡུས་སྲིད་འཛིན་ཁྲིམས་བསྟར་སྤྱི་ཁྱབ་རུ་ཁག་གིས་ཐེག་ཚད་ལས་བརྒལ་བའི་ཁྲིམས་འགལ་སྐྱེལ་འདྲེན་བཀག་འགོག་དང་།  ཟོག་འདྲེན་ཚོང་གཉེར་ཁོར་ཡུག་ལེགས་སྒྱུར།  གཞུང་ལམ་བདེ་འཇགས་དང་ཤར་སྐྱོད་ལ་འགན་སྲུང་བྱེད་པ་དམིགས་སུ་བཟུང་སྟེ།  ཐབས་ཇུས་གནད་ལ་འཁེལ་ཞིང་མདའ་མོ་འབེན་ལ་འཛུགས་པ་ལྟ་བུའི་སྒོ་ནས་ཐེག་ཚད་དང་ཤོང་ཚད་ལས་བརྒལ་བའི་ཁྲིམས་འགལ་གྱི་བྱ་སྤྱོད་བཀག་འགོག་བྱས།  ད་སྔའི་བར་དུ། རིམ་ཁག་འགྲིམ་འགྲུལ་སྐྱེལ་འདྲེན་ཕྱོགས་བསྡུས་སྲིད་འཛིན་ཁྲིམས་བསྟར་ལས་ཁུངས་ཀྱིས་ཁྱོན་བསྡོམས་ཟོག་འདྲེན་རླངས་འཁོར་ཁྲི142ལྷག་ལ་ཞིབ་བཤེར་བྱས་ཤིང་།  ཁྲིམས་དང་འགལ་བའི་ཐེག་ཚད་ལས་བརྒལ་བའི་རླངས་འཁོར885ཐག་གཅོད་བྱས་པ་དང་།  དེའི་ནང་དུ“ཏུན་བརྒྱ་ཅན”གྱི་ཟོང་འདྲེན་རླངས་འཁོར28ཐག་གཅོད་བྱས་པ་དང་།  ལྟ་རྟོག་གི་འོག་ནས་དངོས་ཟོག་ཏུན16452མར་ཕོག
   རིམ་ཁག་ཁྲིམས་བསྟར་སྡེ་ཚན་གྱིས“ལམ་སྲིད་དང་ཉེན་རྟོག་མཉམ་འབྲེལ”དང་“གནས་གསུམ་གཅིག་དྲིལ”གྱིས་ཐེག་བརྒལ་བཅོས་སྐྱོང་མཉམ་འབྲེལ་ལག་བསྟར་གྱི་ལས་ཀའི་སྒྲིག་སྲོལ་མུ་མཐུད་དུ་སྤེལ་ཏེ།  སྡེ་ཚན་མང་པོས་མཉམ་འབྲེལ་ཐོག་ཐེག་བརྒལ་བཅོས་སྐྱོང་གི་ཐེངས་གྲངས་མང་ལ།  ནུས་ཤུགས་ཆེན་པོ་དུས་དང་རྣམ་པ་ཀུན་ཏུ་མ་ལྷོད་རྒྱུན་འཁྱོངས་བྱས་ནས་མཉམ་དུ་ཁྲིམས་འགལ་གྱི་ཐེག་བརྒལ་སྐྱེལ་འདྲེན་ལ་བཅོས་སྐྱོང་བྱ་བའི་ལས་ཀར་སྐུལ་འདེད་བཏང་བ་མ་ཟད།   ཞིང་ཆེན་རིམ་པའི་ཁྲིམས་བསྟར་མཉམ་ལས་ལ་མུ་མཐུད་ནས་ཤུགས་བསྣན་ཏེ།  ལས་ཀའི་བྱེད་ཐབས་ཞིབ་ཕྲ་བཟོས་པ་དང་།  དུས་ཡོལ་བཅོས་སྐྱོང་གི་ཇུས་གཞི་བཟོས་ནས་ས་ཁོངས་བརྒལ་བའི་ཐེག་བརྒལ་རླངས་འཁོར་བཅོས་སྐྱོང་བྱ་བ་མཉམ་དུ་བསྒྲུབས། 
    ཞིང་ཆེན་ཡོངས་ཀྱི་ཁྱབ་ཁོངས་སུ“ཏུན་བརྒྱ་ཅན་གྱི”ཟོག་འདྲེན་རླངས་འཁོར་ཆེད་དོན་བཅོས་སྐྱོང་ལས་ཀ་སྤེལ་བ་སྟེ།   གཏན་འཁེལ་གྱི་བཅོས་སྐྱོང་ས་ཚིགས་དང་ལམ་གླ་བསྡུ་ཚིགས་ཀྱི་ཐོན་སྒོ་དང་འཛུལ་སྒོ་ལ་སོགས་ཀྱི་ས་ཚིགས་གལ་ཆེན་ལ་གཞི་བཅོལ་ཏེ།  ཐེག་བརྒལ་བཅོས་སྐྱོང་གི་གཞི་གྲངས་ལ་ཕྱོགས་ཡོངས་ནས་དབྱེ་ཞིབ་བརྡར་གཅོད་དང་། ཁྲིམས་འགལ་གྱི་ཟོག་འདྲེན་རླངས་འཁོར་འགྲོ་སྡོད་བྱེད་སར་ཞིབ་བཤེར་བྱས།  ཁྲིམས་འགལ་ཐེག་བརྒལ་གྱི་སྐྱེལ་འདྲེན་བྱ་སྤྱོད་དམིགས་སུ་བཟུང་སྟེ།  མང་ཚོགས་ཀྱི་བསམ་འཆར་ཆེ་ལ་བྱ་སྤྱོད་མངོན་གསལ་ཡིན་པའི་ལམ་གཙོ་བོ་དག་ཏུ་ཉིན་མཚན་སྣོལ་སྲུང་དང་དུས་ཡོལ་གསབ་རེས།   ངེས་གཏན་དང་ངེས་གཏན་མ་ཡིན་པ་བཅས་ཟུང་དུ་སྦྲེལ་ནས་ལམ་ཐུང་དུ་ཤོང་ཚད་ལས་བརྒལ་ཞིང་།   ས་ཚིགས་བསྐོར་ནས་འགྲོ་བ།  བཙན་གྱིས་འགག་སྒོ་བརྟོལ་ནས་འགྲོ་བ་སོགས་ཁྲིམས་འགལ་བྱ་སྤྱོད་གཙོ་བོ་ཐག་གཅོད་བྱས།

དངོས་ཟོང་སྤོམ་ཆེན་སྐྱེལ་འདྲེན་ལ་ལྟ་སྐུལ་དོ་དམ་ནན་མོ་བྱས་ཏེ།  ཁྲིམས་ལྟར་དངོས་ཟོང་སྤོམ་ཆེན་སྐྱེལ་འདྲེན་རླངས་འཁོར་དང་། ཆོག་འཐུས་ཀྱི་ལམ་ཐིག་དང་དུས་ཚོད་ནང་བཞིན་མི་སྐྱོད་པ་ལ་སོགས་པའི་ཁྲིམས་འགལ་སྒྲིག་འགལ་གྱི་བྱ་སྤྱོད་ཐག་གཅོད་བྱས།  ཡུལ་བཅར་རྟོག་ཞིབ་དང་། བཞུགས་མོལ་འབྲེལ་འདྲིས།  ཁེ་ལས་སུ་དྲིལ་སྒྲོག་ལ་སོགས་བརྒྱུད་དེ།  དངོས་ཟོང་སྤོམ་ཆེན་སྐྱེལ་འདྲེན་གྱི་ཆོག་འཐུས་སྒྲུབ་པའི་སྲིད་ཇུས་དང་ཁྲིམས་སྲོལ། དམངས་ཕན་ཞབས་ཞུ་དང་འབྲེལ་བའི་བྱེད་ཐབས་སོགས་གསལ་འགྲེལ་བྱས་ནས་ཕྱོགས་ཡོངས་ནས་སྐྱེལ་འདྲེན་རླངས་འཁོར་སྲུང་སྐྱེལ་ལ་སོགས་པའི་ཁྲིམས་བསྟར་ཞབས་ཞུ་འགན་སྲུང་བྱ་བ་ལེགས་པོར་བསྒྲུབས་པ་དང་། ཕན་ནུས་ཆེ་བའི་སྒོ་ནས་དངོས་ཟོང་སྤོམ་ཆེན་སྐྱེལ་འདྲེན་གྱི་རླངས་འཁོར་ལ་ཆོག་འཐུས48141བསྒྲུབས། དེ་དང་ཆབས་ཅིག  ཟོང་འདྲེན་སྡུད་འགྲེམ་བྱེད་ས་དང་དེའི་ཉེ་འཁོར་གྱི་ཐོན་སྐྱེད་ཁེ་ལས་སོགས་ཟོང་འདྲེན་འགོ་ཁུངས་སུ་ཁ་ཐུག་ངོ་ཐུག་གིས་ཁྲིམས་ལུགས་དང་སྲིད་ཇུས་དྲིལ་སྒྲོག་བྱས་ཏེ། ཐེག་བརྒལ་སྐྱེལ་འདྲེན་གྱི་ཁྲིམས་འགལ་བྱ་སྤྱོད་དེས་གཞུང་ལམ་གྱི་སྒྲིག་ཆས་དང་།  འགྲིམ་འགྲུལ་བདེ་འཇགས་བཅས་ལ་གནོད་པ་ཐེབས་ཚུལ་དང་ཁྲིམས་ཆད་ཀྱི་མཇུག་འབྲས་ཕྱོགས་གཙོར་བཟུང་ནས་སྒྲོག་འགྲེལ་བྱས་ནས་སྤྱི་ཚོགས་ཡོངས་ཀྱིས་ཐེག་བརྒལ་སྐྱེལ་འདྲེན་བཅོས་སྐྱོང་གི་དགེ་བ་དང་།  བཅོས་སྐྱོང་ལ་རྒྱབ་སྐྱོར་དང་ནང་ཞུགས། ལྟ་སྐུལ་བཅས་བྱེད་པའི་སྲོལ་ཆགས་པར་རྣམ་པ་ཡག་པོ་བཏོད། 

རྩོམ་སྒྲིག་པ། : ཁོན་ཐར་འཚོ།