མདོ་དབུས་མཐོ་སྒང་གི་བྲང་ན་བའི་ཚོགས་ཆེན་སྐབས་ལྔ་པ་མཚོ་སྔོན་མཚོ་ལྷོ་ཁུལ་ནས་འཚོགས་པ།

མཚོ་སྔོན་གསར་འགྱུར་དྲ་བའི་འཕྀརན།ཟླ8པའི་ཚེས23ཉིན“མདོ་དབུས་མཐོ་སྒང་ས་ཁུལ་གྱི་བྲང་ན་བའི་ཚོགས་ཆེན་སྐབས་ལྔ་པ་དང་གཙང་གསུམ་འབྱུང་ཡུལ་མཐོ་སྒང་ས་ཁུལ་གྱི་བྲང་ན་བའི་ཚད་ལྡན་ཅན་གྱི་མཐུན་སྦྱོར་སྐྱོབ་བཅོས་རབ་དང་རིམ་པ་རིག་གཞུང་བགྲོ་གླེང་ཚོགས་འདུ”མཚོ་ལྷོ་བོད་རིགས་རང་སྐྱོང་ཁུལ་མི་དམངས་སྨན་ཁང་དུ་འགོ་ཚུགས། རྒྱལ་ཡོངས་ཀྱི་ཞིང་ཆེན་དང་གྲོང་ཁྱེར་20ལྷག་ཙམ་ནས་ཡོང་བའི་སྙིང་ཁམས་ཁྲག་རྩའི་ཆེད་མཁས་པ300ལྷག་ཙམ་ས་མཐོར་མཉམ་དུ་འཛོམས་ནས་མྱུར་གཤིས་བྲང་ན་བ་སྐྱོབ་བཅོས་དྲ་རྒྱ་ལེགས་སུ་གཏོང་བའི་ཇུས་གཞི་ཐུན་མོང་ཐོག་གྲོས་མོལ་བྱས་པ་རེད།

བྲང་ན་བ་ནི་མདོ་དབུས་མཐོ་སྒང་ས་ཁུལ་གྱི་ཚེ་སྲོག་ལ་ཉེན་ཁ་ཐེབས་པའི་རྒྱུན་མཐོང་གི་ནད་རྟགས་ཤིག་ཡིན།ས་གནས་དེ་གའི་རྒྱ་མཚོའི་མཐོ་ཚད་མཐོ་བ་དང་།གནམ་གཤིས་ཆ་རྐྱེན་དཀའ་ཚེགས་ཆེ་བ།ས་ཁམས་ཁོར་ཡུག་རྙོག་འཛིང་ཆེ་བས།མྱུར་གཤིས་བྲང་ན་བ་སྐྱོབ་བཅོས་ལ་“བར་ཐག་རིང་བ་དང་།སྐྱེལ་འདྲེན་དཀའ་བ།ནད་གཞི་མྱུར་བ།ཉེན་ཁ་མཐོ་བ་བཅས་ཀྱི་འགྲན་སློང་མང་པོ་འཕྲད་ཡོད།དེར་བརྟེན་མཐོ་སྒང་གི་བྲང་ན་བ་ཚད་ལྡན་ཅན་དུ་འགྱུར་བའི་མཐུན་སྦྱོར་སྐྱོབ་བཅོས་ལ་སྐུལ་འདེད་གཏོང་རྒྱུ་ནི་ས་མཐོའི་སྲོག་རྩ་སྲུང་སྐྱོབ་བྱེད་པའི་འགག་རྩའི་བྱེད་ཐབས་ཤིག་ཡིན།

ཉེ་བའི་ལོ་ཤས་རིང་མཚོ་སྔོན་གྱི་བྲང་གཟེར་ལྟེ་གནས་འཛུགས་སྐྲུན་ལ་ཕན་འབྲས་མངོན་གསལ་དོད་པོ་ཐོན་ཡོད།མིག་སྔའི་བར་མཚོ་སྔོན་གྱི་བྲང་གཟེར་ལྟེ་གནས་ཐོ་འགོད་ཚན་པ་69ཡོད་པ་དང་།55(དེའི་ནང་རྒྱལ་ཁབ་རིམ་པའི་བྲང་གཟེར་ལྟེ་གནས་33དང་ཞིང་ཆེན་རིམ་པའི་22ཡོད)བདེན་དཔང་བྱས་པ་དང་།2024ལོར་བྲང་གཟེར་ཕོག་པའི་ནད་པ་5349སྨན་བཅོས་བྱས་ནས་མཐོ་སྒང་གི་མི་སེར་གྱི་སྙིང་བདེ་ཐང་སྲུང་སྐྱོང་བྱེད་པའི་འགོག་སྲུང་ཐིག་བདེ་བླག་ངང་བཙུགས་ཡོད།

བགྲོ་གླེང་ཚོགས་འདུའི་རིག་གཞུང་སྤེལ་རེས་ལྷུ་ཚིགས་ཀྱི་ནང་དོན་ཕུན་སུམ་ཚོགས་པོ་ཡོད་པ་སྟེ།ཆེད་མཁས་པས་བྱིས་པའི་ལྷན་སྐྱེས་སྙིང་ནད་བརྟག་དཔྱད་དང་།བརྟག་དཔྱད།སྨན་བཅོས་བཅས་ལ་དམིགས་ནས་ཆེད་དོན་གྲོས་བསྡུར་བྱས་པ་དང་།ཀོང་ཏུང་དང་།ཧྲན་ཏུང། བོད་ལྗོངས། པེ་ཅིན། ཧོ་པེ་སོགས་ནས་ཡོང་བའི་ཆེད་མཁས་པས་རིག་གཞུང་སྙན་ཞུ་ཐེངས་17འཁྱེར་ནས་སྙིང་རྩ་དང་འཕྲལ་བཅོས་གསོ་རིག་ཁྱབ་ཁོངས་ཀྱི་ནད་ཐོག་ཉམས་མྱོང་དང་ལག་ལེན་གྱི་གྲུབ་འབྲས་མཉམ་སྤྱོད་བྱས་པ་རེད། ཚོགས་འདུའི་རིང་ད་དུང་རྡོ་སྨན་ཚོགས་པས་སྨན་རྫས་ཞལ་འདེབས་ཞུ་བ་དང“ལག་པའི”རག་ཞུ་གསོ་སྦྱོང་རྣམ་གྲངས་སྤེལ་འགོ་ཚུགས་མཛད་སྒོ་འཚོགས་ནས་མཐོ་སྒང་གི་སྙིང་ཁམས་ཁྲག་རྩའི་ནད་རིགས་སྐྱོབ་བཅོས་ལ་རོགས་རམ་བྱས།

ཐེངས་འདིའི་ཚོགས་ཆེན་ནི་མཚོ་སྔོན་ཞིང་ཆེན་གསོ་རིག་མཐུན་ཚོགས་ཀྱིས་གཙོ་གཉེར་བྱས་པ་དང་མཚོ་སྔོན་རྒྱ་གྲམ་དམར་པོའི་སྨན་ཁང་དང་མཚོ་ལྷོ་ཁུལ་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གིས་མཉམ་འབྲེལ་ཐོག་གཉེར་བ།མཚོ་ལྷོ་ཁུལ་མི་དམངས་སྨན་ཁང་གིས་གཞོགས་འདེགས་བྱས། ཚོགས་འདུ་གྲུབ་འབྲས་ཐོབ་པའི་ངང་འཚོགས་པ་དེས་མཐོ་སྒང་གི་སྙིང་ཁམས་ཁྲག་རྩའི་ཁྱབ་ཁོངས་སུ་ཆུ་ཚད་མཐོ་བའི་སྤེལ་རེས་སྟེགས་བུ་བསྐྲུན་པ་དང་།མདོ་དབུས་མཐོ་སྒང་གི་བྲང་གཟེར་ལྟེ་གནས་འཛུགས་སྐྲུན་གྱི་གྲུབ་འབྲས་གསར་ཤོས་མངོན་པ་མ་ཟད།ས་ཁོངས་མཐུན་སྦྱོར་སྐྱོབ་བཅོས་དྲ་རྒྱ་འཕེལ་རྒྱས་གཏོང་རྒྱུའི་ཁ་ཕྱོགས་ཀྱང་གསལ་སྟོན་བྱས་ཡོད།