རྒྱལ་ཡོངས་མ་རྐང་སྤོ་སྒྱུར་མ་ལག་པེ་ཅིན་དངུལ་འཛིན་ཉོ་ཚོང་ཁང་མཚོ་སྔོན་ཞབས་ཞུའི་རྟེན་གཞིའི་སྒོ་བྱང་ཕྱེ་བ།

ཡོང་ཁུངས། མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།

མཚོ་སྔོན་གསར་འགྱུར་དྲ་བའི་འཕྲིན། ཟླ་8པའི་ཚེས21ཉིན།“རྒྱལ་ཡོངས་མ་རྐང་སྤོ་སྒྱུར་མ་ལག་པེ་ཅིན་དངུལ་འཛིན་ཉོ་ཚོང་ཁང་གི་མཚོ་སྔོན་ཞབས་ཞུའི་རྟེན་གཞིའི”སྒོ་བྱང་སྒོ་འབྱེད་མཛད་སྒོ་ཞི་ཉིང་དུ་འཚོགས་པ་དེ་ཐོག་ནས་ཞབས་ཞུའི་རྟེན་གཞི་དེ་དངོས་སུ་འཁོར་སྐྱོད་བྱེད་པ་དང་མཚོ་སྔོན་མ་རྩའི་ཁྲོམ་རའི་ཞབས་ཞུའི་མ་ལག་དུས་མཚམས་གསར་པ་ཞིག་ཏུ་སླེབས་པ་མཚོན་ཡོད།

སྒོ་བྱང་སྒོ་འབྱེད་མཛད་སྒོའི་ཐོག་ཞིང་ཆེན་ཞིང་ཆེན་དངུལ་རྩའི་གཞུང་དོན་ཁང་གི་འབྲེལ་ཡོད་འགན་འཁུར་བས་ཤིས་ཚིག་གནང་སྐབས་རྟེན་གཞི་འཛུགས་རྒྱུ་ནི་“ཞབས་ཞུ་གསར་གཏོད་རྣམ་པའི་ཁེ་ལས་འབྲིང་ཆུང་གི་བདག་པོའི་གཡས་ས་སྐྲུན་པའི”རྒྱལ་ཁབ་འཐབ་ཇུས་ལག་ལེན་བསྟར་བའི་ལག་ལེན་དངོས་ཤིག་ཡིན་ལ།མ་རྩའི་ཁྲོམ་རའི་ཞབས་ཞུའི་ས་ཁོངས་དཔལ་འབྱོར་གྱི་“སྤྱི་ལེ་མཐའ་མ་”ཤར་གཏོང་ཐུབ་པ་དང་མཚོ་སྔོན་གྱི་དཔལ་འབྱོར་འཕེལ་རྒྱས་ཀྱི་ནང་སྐྱེས་སྒུལ་ཤུགས་སྐུལ་སློང་བྱེད་པའི་འགག་རྩའི་འཛིན་ས་ཞིག་ཀྱང་ཡིན་ཞེས་བསྟན་པ་རེད། པེ་ཅིན་དངུལ་འཛིན་ཉོ་ཚོང་ཁང་ཁྲོམ་ར་འཕེལ་རྒྱས་པུའི་འབྲེལ་ཡོད་འགན་འཁུར་བས་མཚོ་སྔོན་ཞབས་ཞུའི་རྟེན་གཞི་དངོས་སུ་སྒོ་བྱང་ཕྱེ་ནས་གཉེར་སྐྱོང་བྱས་པ་དེ་ནི་སྔོན་གྱི་ཕྱོགས་ཁག་གི་མཉམ་ལས་ཉམས་མྱོང་དང་གྲུབ་འབྲས་བཟང་པོ་གཏིང་ཟབ་ཏུ་ཕྱིན་པ་ཞིག་ཡིན་ལ།པེ་ཅིན་དངུལ་འཛིན་ཉོ་ཚོང་ཁང་དང་པང་ལེབ་གསུམ་པ་གསར་པའི་མཚོ་སྔོན་ལ་ཞབས་འདེགས་ཞུ་བའི་སྟོབས་ཤུགས་སྔར་བས་ཆེ་རུ་ཕྱིན་ནས་མཚོ་སྔོན་མ་རྩའི་ཁྲོམ་རའི་རྨང་གཞིའི་ཞབས་ཞུའི་སྒྲིག་བཀོད་འཐུས་ཚང་དུ་གཏོང་ཐུབ་ཅེས་བཤད་པ་རེད།

དེ་རྗེས་ཞིང་ཆེན་ཨུ་ལྷན་དངུལ་རྩའི་གཞུང་དོན་ཁང་དང་།ཞིང་ཆེན་དངུལ་འཛིན་ལྟ་སྐུལ་ཅུའུ།པེ་ཅིན་དངུལ་འཛིན་ཉོ་ཚོང་ཁང་ཁྲོམ་ར་འཕེལ་རྒྱས་པུའུ་བཅས་ཀྱི་འབྲེལ་ཡོད་འགན་འཁུར་བས་ཐུན་མོང་ཐོག་“རྒྱལ་ཡོངས་མ་རྐང་སྤོ་སྒྱུར་མ་ལག་པེ་ཅིན་དངུལ་འཛིན་ཉོ་ཚོང་ཁང་མཚོ་སྔོན་ཞབས་ཞུའི་རྟེན་གཞིའི”སྒོ་བྱང་སྒོ་འབྱེད་བྱས་པ་རེད། བྱེད་སྒོ་སྤེལ་ཡུལ་དུ་མཚོ་སྔོན་རྐང་དབང་ཉོ་ཚོང་ལྟེ་གནས་ཀྱིས་ཨོའུ་ནའེ་ཐེ་སྐུད་སྐུད་ཚོགས་པ་ཚད་ཡོད་ཀུང་སི་དང་།མཚོ་སྔོན་ཧྲེང་ནུའོ་འོད་གློག་ཚན་རྩལ་ཚད་ཡོད་ཀུང་སི།མཚོ་སྔོན་ལེ་ཆིང་ཚན་རྩལ་ཚད་ཡོད་ཀུང་སི།མཚོ་སྔོན་ལི་ཡ་ཏ་རྫས་འགྱུར་བཟོ་ལས་ཚད་ཡོད་ཀུང་སི་བཅས་ཁེ་ལས་བཞི་དང་གསོ་སྐྱོང་དང་གསོ་སྐྱོང་ཞབས་ཞུའི་གྲོས་མཐུན་བཞག་ནས་མཚོ་སྔོན་ཁེ་ལས་ཀྱིས་སྒོ་བྱང་བརྒྱབ་པ་དང་ཁྲོམ་རར་བཏོན་པ་བརྒྱུད་མཆོང་སྐྱོད་ལྟ་བུའི་འཕེལ་རྒྱས་ཡོང་བ་བྱས་ནས་མ་རྩའི་ཚོང་རར་“མཚོ་སྔོན་སྟོབས་ཤུགས་”དེ་བས་མང་བ་སྐྱེལ་རྒྱུ་ཡིན་པ་རེད།

སྒོ་བྱང་སྒོ་འབྱེད་མཛད་སྒོ་སྤེལ་རྗེས“མཚོ་སྔོན་དངུལ་རྩའི་འཆད་ཁང་ཆེན་པོའི”བྱེད་སྒོ་དུས་ཐེངས་གཉིས་པ་འཚོགས་པ་རེད། པེ་ཅིན་དངུལ་འཛིན་ཉོ་ཚོང་ཁང་གི་རིགས་གཅིག་མཁས་ཅན་གྱིས“ཞབས་ཞུའི་གསར་གཏོད་རྣམ་པའི་ཁེ་ལས་འབྲིང་ཆུང་གི་བདག་ས་མཐུན་སྦྱོར་ངང་གཏོད་པའི”བརྗོད་དོན་གཙོ་བོར་དམིགས་ནས་གསར་གཏོད་རྣམ་པའི་ཁེ་ལས་འབྲིང་ཆུང་གིས་མ་རྩའི་ཁྲོམ་རར་བརྟེན་ནས་ཚད་ལྡན་འཕེལ་རྒྱས་ཡོང་བའི་ཐབས་ལམ་ལ་གསལ་འགྲེལ་ཞིབ་ཕྲ་བྱས་པ། ཀྲུང་གོ་དངུལ་རྩའི་སློབ་ཚོགས་ཀྱི་རིགས་གཅིག་མཁས་ཅན་གྱིས“དངུལ་རྩའི་ཐོག་སྤུས་ཚད་མཐོ་བའི་འཕེལ་རྒྱས་ལ་རྒྱབ་སྐྱོར་བྱེད་པ”བརྗོད་བྱ་གཙོ་བོར་བྱས་ཏེ་མཚོ་སྔོན་གྱི་ཁྱད་ཆོས་ལྡན་པའི་ཐོན་ཁུངས་གསར་བཟོ་དང་ཐོན་ལས་རིམ་སྤོར་ལ་སྐུལ་འདེད་གཏོང་རྒྱུར་ཆེད་ལས་ཀྱི་བསམ་ཕྱོགས་དང་ལག་ལེན་གྱི་དཔྱད་གཞི་མཁོ་འདོན་བྱས་ཡོད།

ཐེངས་འདིའི་བྱེད་སྒོ་སྤེལ་བ་དེས་མཚོ་སྔོན་གྱི་མ་རྩའི་ཁྲོམ་རའི་ཞབས་ཞུའི་མ་ལག་སྔར་བས་འཐུས་ཚང་དུ་ཕྱིན་པ་མཚོན་གྱི་ཡོད། ཞབས་ཞུའི་རྟེན་གཞིའི་གཉེར་སྐྱོང་གཙོ་གཟུགས་ཡིན་པའི་མཚོ་སྔོན་རྐང་དབང་ཉོ་ཚོང་ལྟེ་གནས་དེ་གོ་སྐབས་ཤིག་ཏུ་བརྩིས་ནས་རྒྱལ་ཡོངས་མ་རྐང་སྤོ་སྒྱུར་མ་ལག་དང་པེ་ཅིན་ཉོ་ཚོང་སུའོ་དང་མཉམ་ལས་མུ་མཐུད་གཏིང་ཟབ་ཏུ་བཏང་ནས་སྤུས་ལེགས་ཁེ་ལས་གནད་ལ་འཁེལ་བའི་སྒོ་ནས་སྔོག་འདོན་དང་འབྲེལ་གསོ་སྐྱོང་བྱས་ཏེ་རྒྱལ་ཡོངས་མ་རྐང་སྤོ་སྒྱུར་མ་ལག་གི་སྒོ་བྱང་དང་པེ་ཅིན་ཉོ་ཚོང་སུའོ་ཁྲོམ་རར་བཏོན་ནས་མཚོ་སྔོན་ཁེ་ལས་མ་རྩའི་ཁྲོམ་ར་བརྒྱུད་རིན་ཐང་འཕར་སྣོན་ཡོང་བར་སྐུལ་འདེད་གཏོང་རྒྱུ་ཡིན་པ་རེད། དེ་དང་ཆབས་ཅིག་མཚོ་སྔོན་གྱི་རྐང་དབང་ཉོ་ཚོང་ལྟེ་གནས་ཀྱིས་ཞིང་ཆེན་ནང་ཁུལ་གྱི་སྡེ་ཁག་ཁག་དང་དངུལ་རྩའི་སྒྲིག་གཞི་དང་མཉམ་འགུལ་ཧུར་ཐག་བྱས་ཏེ“གསོ་སྐྱོང་དང་།སྒོ་བྱང་བརྒྱབ་པ།ཚོང་རར་འདོན་པའི”ཚེ་སྲོག་གི་འཁོར་ཡུན་ཧྲིལ་པོའི་ཞབས་ཞུའི་འབྲེལ་ཐག་བསྐྲུན་ནས་མ་རྩའི་“གསོན་ཆུ”ལ་བརྟེན་ནས་མཚོ་སྔོན་གྱི་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ཀྱི་ས་རྒྱུ་གསོ་སྐྱོང་བྱས་ནས་ཀྲུང་གོ་རྣམ་པའི་དེང་རབས་ཅན་གྱི་མཚོ་སྔོན་གྱི་ལེའུ་འབྲི་རྒྱུར་ཡུན་རིང་སྒུལ་ཤུགས་སྣོན་རྒྱུ་རེད།

རྩོམ་སྒྲིག་པ། : ཨ་གཡང་སྐྱིད།