མཚོ་ནུབ་ཀྱིས་སྤྱི་ཚོགས་འགན་སྲུང་ཞབས་ཞུ་གནད་ཁེལ་སྒོས་སྤུས་འདེགས་རིམ་སྤོར་བྱས།

སྤྱི་ཚོགས་འགན་སྲུང་རིགས་སོ་སོ་སྒྲིག་སྲོལ་ཡོངས་ལ་ཁྱབ་པ་ན་ས་ཁྲིམས་བཅད་མི་ཚོགས་ཡོངས་ལ་ཁྱབ་པར་བྱས་ལ། སྤྱི་ཚོགས་འགན་སྲུང་སྐོར་གྱི་སྒྲུབ་ཐེངས་མང་བའི་ལས་རིགས་ཐག་ཉེ་ནས་བསྒྲུབས་པ་དང་སྤྱི་ཚོགས་ཞབས་ཞུ་དྲ་ལམ་ནས་སྒྲུབ་ཚད་བརྒྱ་ཆའི་གོ་ལྔ་ལས་བརྒལ། ད་ལོ་ནས་བཟུང་། མཚོ་ནུབ་སོག་རིགས་བོད་རིགས་རང་སྐྱོང་ཁུལ་གྱིས་མང་ཚོགས་ཀྱིས་དོ་སྣང་བྱ་ཡུལ་གཙོ་གནད་དུ་བཟུང་ནས་སྤྱི་ཚོགས་འགན་སྲུང་ཁྲོད་ཞུགས་པའི་ཁྱབ་རྒྱ་ཆེ་རུ་བསྐྱེད་པ་དང་གཞི་གྲངས་བྱེད་ནུས་འདོན་སྤེལ་བྱེད་པ། སྒྲིག་སྲོལ་འཛུགས་སྐྲུན་ལ་ཤུགས་སྣོན་བྱེད་པ་སོགས་ཀྱི་བྱེད་ཐབས་སྤྱད་དེ་སྤྱི་ཚོགས་འགན་སྲུང་ཞབས་ཞུ་སྤུས་འདེགས་རིམ་སྤོར་བྱས།

མཚོ་ནུབ་ཁུལ་གྱིས་སྤྱི་ཚོགས་འགན་སྲུང་གནད་ལ་ཁེལ་བའི་སྒོ་ནས་རྒྱ་བསྐྱེད་པའི་ཆེད་དོན་འགུལ་སྤྱོད་སྤེལ་ནས།  སྤྱི་ཚོགས་འགན་སྲུང་གི་གཞི་གྲངས་ཆེན་མོའི་སྟེགས་བུར་བརྟེན་ནས་ཁེ་ལས་ལས་བཟོ་བའི་རྒན་གསོ་དང་ལས་ཤོར། ལས་རྨས་འགན་སྲུང་ཁྲོད་ཞུགས་པའི་མི་གྲངས་སོ་སོར་འབུམ་གཅིག་ཁྲི་བརྒྱད་སྟོང་གསུམ་བརྒྱད་བརྒྱ་དང་འབུམ་གཅིག་ཁྲི་གསུམ་སྟོང་ལྔ་ལྔ་བརྒྱ། ཁྲི་བརྒྱད་དང་ལྔ་བརྒྱ་བཅས་རེད།  སྤྱི་ཚོགས་འགན་སྲུང་ཁྱིམ་ཚང་ཁྲི་སྟོང་ལ་བསྐྱོད་པ་གོ་སྐབས་སུ་བྱས་ཏེ། སྤྲད་པ་མང་བ་དང་ཡུན་རིང་ལ་སྤྲད་ན་ཐོབ་པ་མང་བའི་སྲིད་ཇུས་དྲིལ་སྒྲོག་བྱས་ནས་གང་འཚམས་ཀྱིས་ལས་ཀ་བྱེད་པའི་མི་ཚོགས་འགན་སྲུང་ཁྲོད་ཞུགས་པའི་ཚད་བཀག་མེད་པར་བཟོས་ནས་དཀའ་ཁག་ཅན་གྱི་མི་ཚོགས་ཀྱི་ཚབ་སྤྲོད་ལམ་ལུགས་དོན་འཁྱོལ་བྱས་ནས།  མིག་སྔར་ཁུལ་ཡོངས་སུ་གང་འཚམས་ངང་ལས་ཀ་བྱེད་པའི་མི་སྣ་འགན་སྲུང་ཁྲོད་ཞུགས་མཁན་མི་ཁྲི་བཞི་དང་སྟོང་བདུན་དགུ་བརྒྱ་ལ་སླེབས་པ་དང་དུས་མཉམ་ལས་བརྒྱ་ཆའི་བཅོ་ལྔ་དང་གྲངས་ཆུང་བདུན་འཕར།

དེ་དང་བསྟུན་ནས་རྒྱལ་ཁབ་དང་མཚོ་སྔོན་གྱི་མི་དོན་དང་སྤྱི་ཚོགས་འགན་སྲུང་གི་སྤྱི་བའི་ཞབས་ཞུའི་སྟེགས་བུར་བརྟེན་ནས།  མི་དོན་དང་སྤྱི་ཚོགས་འགན་སྲུང་གི་སྤྱི་བའི་ཞབས་ཞུའི་དོན་ཚན182འཐུས་ཚང་དུ་བཏང་སྟེ།  ཞབས་ཞུ་དང་བརྒྱུད་རིམ། དུས་བཀག་གཅིག་གྱུར་སྒོས་མངོན་འགྱུར་བྱས་པ་དང་།   དེའི་སྐོར་གྱི་ལག་དེབ་བཟོས་ནས་མང་ཚོགས་ཀྱི་ཤེས་རྟོགས་ཚད་ཇེ་མཐོར་བཏང་། དོན་དག་ཕན་ནུས་མཐོ་བའི་ངང་སྒྲུབ་པར་སྐུལ་འདེད་ཤུགས་ཆེན་བཏང་ལ། འགན་སྲུང་ཁྲོད་ཞུགས་པའི་མི་སྣའི་འདས་མཇུག་གི་བྱ་བ་ཐེངས་གཅིག་གིས་ཡོངས་སྒྲུབ་བྱེད་པ། ཉེ་འགྲམ་ནས་སྒྲུབ་པ་དང་ཞིང་ཆེན་བརྒལ་ནས་སྒྲུབ་པའི་བར་ཁྱབ་ཁོངས་རྒྱ་བསྐྱེད་དེ་དུས་འགྱངས་དང་དུས་ཆད་བྱེད་པ་སོགས་ཀྱི་དམངས་ཕན་གྱི་བྱེད་ཐབས་ལ་སྐུལ་འདེད་བཏང་པས་གདེང་འཇོག་ལེགས་པོ་ཚོབ་ཚད་བརྒྱ་ཆའི་བརྒྱ་ལ་སླེབས།