མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཉེ་སྔོན། གསར་འགོད་པས་གསེར་ཆེན་རྫོང་བདེ་འཇགས་ཐོན་སྐྱེད་ཨུ་ཡོན་ལྷན་ཁང་གི་གཞུང་ལས་ཁང་ནས་རྒྱུས་ལོན་བྱས་པ་ལྟར་ན།འབྲུབ་འགོག་གནོས་སེལ་གྱི་འགག་རྩའི་དུས་ལ་སླེབས་པ་གནས་བཟུང་། གསེར་ཆེན་རྫོང་གིས་འབྲུག་འགོག་གནོད་སེལ་ཀྱི་མྱུར་མཁོའི་དངོས་རྫས་རིགས41ནང་གི་དངོས་བོ་ཁྲི17ལྷག་ཆུ་ལོག་གི་གནོད་རྐྱེན་ཐེབས་སར་བྱིན་པ་མ་ཟད། སྒོ་རྩིས་ཚོང་ཁང4དང་དངོས་རྫས་གྲབས་གསོག་གི་གྲོས་མཐུན་གན་རྒྱ་དང་། ཕྱོགས་གསུམ་པའི་ལས་ཀ་བར་སྐྱེལ་འདྲེན་དང་འཕྲུལ་ཆས་བཀོད་སྒྲིག་སོགས་ཀྱི་ལས་ཀ་བསྒྲུབ་པའི་གྲོས་མཐུན་གན་རྒྱ་བཞག་སྟེ། མྱུར་སྐྱོབ་སྐབས་འཚོ་བར་མཁོ་བའི་དངོས་རྫས་དང་སྒྲིག་ཆས་མཁོ་སྤྲོད་ཐུབ་པར་འགན་སྲུང་བྱས།
འབྲུག་འགོག་གནད་སེལ་གྱི་འགག་རྩའི་དུས་སྐབས་འདིར། གུང་ཧོ་རྫོང་གིས་མཁོ་བསྟུན་དང་གནམ་གཤིས། ཆུ་བེད། རང་བྱུང་ཐོན་ཁུངས་སོགས་སྡེ་ཁག་གི་ཆ་འཕྲིན་མཉམ་སྤྱོད་དང་མཉམ་འབྲེལ་གྲོས་མོལ་ཚོགས་པ་བཙུགས་ཏེ། གནམ་གཤིས་འགྱུར་ལྡོག་གི་གནས་ཚུལ་ལ་རྒྱུས་ལོན་ཟབ་མོ་བྱས་ནས།དུས་ལྟར་ཉེན་བརྡ་གཏོང་བའི་ཆ་འཕྲིན་ཁྱབ་བསྒྲགས་བྱས། མིག་སྔའི་བར་གནམ་གཤིས་སྔོན་བརྡ་གཏོང་བའི་ཆ་འཕྲིན་ཐེངས150ཁྱབ་བསྒྲགས་བྱས་པ་དང་། ཆུ་ལོག་སྔོག་འགོག་གི་མྱུར་སྐྱོབ་ཇུས་གཞི་ཐེངས་མང་པོར་བཟོ་བཅོས་བརྒྱབ་ལ། རྫོང་ཡོངས་སུ་ཆུ་ལོག་སྔོན་འགོག་གི་ཉེན་སེལ་སྦྱོང་བརྡར་ཐེངས53བྱས་པའི་ནང་མི500ལྷག་ཞུགས་ནས། ཉེན་སེལ་དཔུང་ཁག་གི་དངོས་འཐབ་དང་རབ་འདེགས་ཀྱི་ནུས་པ་སྔར་ལས་ཆེ་རུ་བསྐྱེད། དུས་མཚུངས་སུ་གུང་ཧོ་རྫོང་གིས་མཁོ་བསྟུན་དང་གནམ་གཤིས། ཆུ་བེད། སྡོད་ཁང་། རང་བྱུང་ཐོན་ཁུངས་སོགས་ཀྱི་སྡེ་ཁག་རྩ་འཛུགས་བྱས་ཏེ་རྫོང་ཡོངས་སུ་ཆུ་ལོག་གིས་རི་ཉུལ་བ་དང་། ས་གཤིས་ཀྱི་གནོད་འཚེ་འབྱུང་སླ་བ། མཁར་གྲོང་གི་ཆུ་ལོག་ཕྱིར་འབུད་ས་སོགས་ཀྱི་གནས་ལ་གྲལ་བཤེར་བྱས་ཏེ། གནོད་རྐྱེན་འབྱུང་སླ་བའི་གནད་དོན་རིགས་དུས་ལྟར་ཐག་གཅོད་བྱས་ནས་བྱུར་རྐྱེན་མི་འབྱུར་བར་ཚོད་འཛིན་དང་ཁག་ཐེག་ནན་མོ་བྱས།།
