རྟ་རྒྱུག་འགྲན་སྡུར་ལ་བརྟེན་ནས་རིག་གནས་ཡུལ་སྐོར་མཉམ་འདྲེས་ཀྱི་འཕེལ་རྒྱས་ལ་གསོན་ཤུགས་གསར་བ་བསྣན།

    ཉེ་སྔོན། མཚོ་སྔོན་ཞིང་ཆེན་སྐབས་དགུ་པའི་བོད་ཀྱི་ལ་གཞས་འགྲན་བསྡུར་ཆེན་མོ་དང་མཚོ་སྔོན་པོ་རྟགས་མའི་རྟ་རྒྱུག་འགྲན་ཚོགས་མཚོ་སྔོན་པོའི་འགྲམ་ངོགས་སུ་བསྡུས། རྒྱུས་ལོན་པ་ལྟར་ན། ཐེངས་འདིའི་འགྲན་སྡུར་སྟེང་སི་ཁྲོན་དང་ཀན་སུའུ། མཚོ་སྔོན། བོད་ལྗོངས་སོགས་ཀྱི་འཐུས་ཚབ་རུ་ཁག་ཞུགས་ཡོད་ལ། འགྲན་རའི་ཕྱི་ནང་ཀུན་ཏུ་རྒྱ་ཆེ་བའི་ལྟད་མོ་བ་དང་། དམངས་སྲོལ་མགྲོན་ཁང་། ཁྱད་ལྡན་ཚོང་ར།གླུ་ལེན་གར་རྩེད་སོགས་ནང་དོན་ཕུན་སུམ་ཚོགས་པས། གུང་ཧོ་རྫོང་གི་ཡུལ་སྐོར་ཐོན་ལས་ལ་སྐུལ་འདེད་ཆེན་པོ་བཏང་།

    རྟ་པ་རྣམས་གྲལ་འགྲིག་པའི་ངང་སྒྲིག་ཡོད་ལ། རྟ་རྒྱུག་འགྲན་སྡུར་མགོ་བརྩམ་པའི་མེ་མདའི་གྲགས་སྐད་དང་མཉམ་དུ། རྟ་པ་རྣམས་མདའ་མོ་གཞུ་ལས་ཤོར་བ་བཞིན་མདུན་ཕྱོགས་སུ་མཆོངས་ཤིང་། ཁོ་ཚོའི་མིག་དབང་འཕྲོག་པའི་སྐྱ་རྩལ་གྱིས་རྒྱུག་རའི་ཕྱི་རོལ་གྱི་མང་ཚོགས་དང་ལྟད་མོ་བ་རྣམས་ལ་དགའ་བསུ་ཆེན་པོ་ཐོབ།

    མཚོ་ནུབ་ཀྱི་འགྲན་ཞུགས་པ་ལྕགས་ཐར་ཚེ་རིང་གིས་བཤད་རྒྱུར། ཐེངས་འདིའི་མཚོ་སྔོན་པོ་རྟགས་མའི་རྟ་རྒྱུག་འགྲན་བསྡུར་ནང་མཚོ་ནུབ་ཁུལ་ནས་འོངས་པའི་རྟ་མཆོག་སུམ་ཅུ་ལྷག་ཡོད་ལ། གཙོ་སྒྲུབ་ལས་ཁུངས་ཀྱིས་ང་ཚོར་འདི་ལྟ་བུའི་འགྲན་ཞུགས་ཀྱི་སྟེགས་བུ་གལ་ཆེན་ཞིག་བསྐྲུན་པར་ཧ་ཅང་བཀའ་དྲིན་ཆེ་ཞུས་པ་ཡིན་ཟེར།

    ཉེ་བའི་ལོ་ཤས་རིང་། རང་ཁུལ་གྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྒྱལ་སྤྱིའི་སྐྱེ་ཁམས་ཡུལ་སྐོར་དམིགས་འབེན་ཁུལ་བསྐྲུན་པའི་མཛུབ་སྟོན་གལ་ཆེན་གྱི་དགོངས་དོན་ལག་བསྟར་བྱས་ཏེ། སྲོལ་རྒྱུན་གྱི་ལུས་རྩལ་རིག་གནས་དང་ཡུལ་སྐོར་ལས་རིགས་མཉམ་འདྲེས་གཏིང་ཟབ་སྒོས་རིག་གནས་བྱེད་སྒོ་མང་པོ་ཧུར་ཐག་གིས་བསྒྲུབ་ཅིང་། 2025ལོའི་ཟླ7པའི་ཟླ་སྨད་བར་ཁུལ་ཡོངས་ཀྱིས་ཡུལ་སྐོར་བ་མི་ཐེངས་ཁྲི952.97ལ་སྣེ་ལེན་དང་། དུས་མཚུངས་ལས23.12 %འཕར་ཡོད། ཡུལ་སྐོར་ཡོང་འབབ་སྒོར་དུང་ཕྱུར29.71 ཟིན་པ་དང་དུས་མཚུངས་ལས24.03 % འཕར་ཡོད།

    ཐེངས་འདིའི་མཚོ་སྔོན་པོའི་རྟགས་མའི་རྟ་རྒྱུག་འགྲན་ཚོགས་དེ་རིག་གནས་ཡུལ་སྐོར་རིག་གནས་མཉམ་འདྲེས་ཀྱི་ཕྱོགས་བསྡུས་སྟེགས་བུ་བསྐྲུན་ཞིང་། འགྲན་སྡུར་དང་ཡུལ་སྐོར། རིག་གནས་འཕེལ་རྒྱས་ཀྱི་རྣམ་པ་རྒྱུན་འཁྱོངས་སྒོས་མཚོ་སྔོན་པོའི་འགྲམ་ངོགས་ཀྱི་འབྲོག་པའི་མང་ཚོགས་ཀྱི་ཡོང་འབབ་དང་ས་གནས་ཡུལ་སྐོར་ཡོང་འབབ་ལ་གལ་ཆེའི་ནུས་པ་བཏོན་ནས་རི་ཆུའི་མགོ་ཁུངས། རབ་མཛེས་མཚོ་སྔོན། གནས་མཆོག་མཚོ་ལྷོའི་འཕེལ་རྒྱས་ལ་དབུ་ཁྱུད་གསར་པ་བྲིས།

    ཅང་སི་གྲོང་རྡལ་རྟ་རྒྱུག་མཐུན་ཚོགས་ཀྱི་ཚོགས་གཙོ་ཀུན་བྱམས་ཚེ་རིང་གིས་བཤད་རྒྱུར། བོད་འབྲེལ་ས་ཁུལ་གྱི་རྟ་མཆོག་སྟོང་གཅིག་ལྷག་ཐེངས་འདིའི་འགྲན་སྡུར་ལ་ཞུགས་ཡོད་པ་དང་། འགྲན་སྡུར་ཚན་ཆུང་ཨུ་ཡོན་གྱིས་སྟེགས་བུ་འདི་འདྲའི་བཟང་བོ་ཞིག་བསྐྲུན་པ་ལ་ངས་འགྲན་ཞུགས་པ་ཡོངས་ཀྱི་ཚབ་བྱས་གཙོ་སྒྲུབ་མཁན་ལ་བཀའ་དྲིན་ཆེ་ཞུས་པ་ཡིན་ཟེར།