མགོ་ལོག་བོད་རིགས་རང་སྐྱོང་ཁུལ་མདོག་གསུམ་པདྨའི་སྐྱེ་ཁམས་རིག་གནས་ཡུལ་སྐོར་དུས་སྟོན་སྐབས་གསུམ་པ་གཟབ་རྒྱས་ངང་འཚོགས་པ།

ཟླ8པའི་ཚེས8ཉིན། མགོ་ལོག་བོད་རིགས་རང་སྐྱོང་ཁུལ་མདོག་གསུམ་པདྨའི་སྐྱེ་ཁམས་རིག་གནས་ཡུལ་སྐོར་དུས་སྟོན་སྐབས་གསུམ་པ་གཟབ་རྒྱས་ངང་འཚོགས་པ་དང་། ཐེངས་འདིའི་བྱེད་སྒོ་ནི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རིག་གནས་ཡུལ་སྐོར་ལས་དོན་སྐོར་གྱི་དཔྱད་བརྗོད་གལ་ཆེན་ལག་ལེན་དང་། ཞིང་ཆེན་ཡོངས་ཀྱི“གནས་བཞི”འཛུགས་སྐྲུན་ཐོན་ལས། རྒྱལ་སྤྱིའི་སྐྱེ་ཁམས་ཡུལ་སྐོར་དམིགས་འབེན་ས་གནས་མཚོ་སྔོན་ལྷོ་རྒྱུད་ཚོད་ལྟ་ཁུལ་བསྐྲུན་པའི་གནད་འགག་གི་བྱེད་ཐབས་དམ་འཛིན་བྱེད་ཆེད་ཡིན། 

མགོ་ཚུགས་མཛད་སྒོའི་སྟེང་མགོ་ལོག་ཁུལ་མི་དམངས་སྲིད་གཞུང་དང་། སི་ཁྲོན་ཞིང་ཆེན་འཛམ་ཐང་རྫོང་། དར་ལག་རྫོང་། གཅིག་སྒྲིལ་རྫོང་། རྨ་ཆེན་རྫོང་། དགའ་བདེ་རྫོང་། པདྨ་རྫོང་བཅས་ཁུལ་རིམ་པའི་འབྲེལ་ཡོད་མགོ་ཁྲིད་དང་ཉེ་འབྲེལ་རྫོང་གི་འཐུས་ཚབ། པདྨ་རྫོང་གི་ལས་འཁྱུར་ངལ་གསོ་བྱས་ཟིན་པའི་ལས་བྱེད་རྒན་གྲས། ངལ་རྩོལ་དཔེ་བཟང་ཅན། ཆོས་ལུགས་དང་སྤྱི་ཚོགས་ལས་རིགས་ཁག་གི་མི་སྣ། ཡུལ་སྐོར་བ་དང་གསར་འགོད་པ་སོགས་ཀྱིས་ཐེངས་འདིའི་བྱེད་སྒོར་ཞུགས་ནས་སྤྲོ་སེམས་འཁོལ་བའི་ངང་འཁྲབ་སྟོན་སྣ་ཚོགས་ལ་མཉམ་རོལ་བྱས།

པདྨ་རྫོང་གིས་ཐོག་མཐའ་བར་གསུམ་དུ་སྤྱི་ཁྱབ་ཧྲུའུ་ཅི་ཞི་ཅིན་ཕིན་གྱི“རི་སྔོ་ཆུ་དྭངས་ནི་གསེར་དངུལ་རི་ལས་ལྷག་པའི”འཕེལ་རྒྱས་ཀྱི་འདུ་ཤེས་བརྟན་པོར་བཅངས་ནས་ལྗང་མདོག་རྨང་གཞིར་བྱས་ཏེ། ཞིང་ཆེན་ཡོངས་ཀྱི་ཐོན་ལས“གནས་བཞི”འཛུགས་སྐྲུན་བཀོད་པའི་ནང་ཧུར་ཐག་གིས་འདྲེས་པར་བྱས་པ་དང་། སྐབས་འདིའི་སྐྱེ་ཁམས་རིག་གནས་ཡུལ་སྐོར་དུས་སྟོན་ནི“ཞིང་ཕྱུགས་ལས་རིག་གནས་ལུས་རྩལ་དང་ཚོང་དོན་ཡུལ་སྐོར”མཉམ་འདྲེས་སྒུལ་ཤུགས་བྱས་ཏེ་སེམས་ཞིབ་མོའི་སྒོ་ནས“རབ་མཛེས་ཞིང་གྲོང་། མདོག་གསུམ་པདྨའི་སྤུས་རྟགས”གཏོད་རྒྱུ་དེ་ཡིན་པ་དང་། གསར་བརྗེའི་རིག་གནས་དང་སྐྱེ་ཁམས་ཐོན་ཁུངས།ཡུལ་སྲོལ་གོམས་གཤིས་སོགས་ཕན་ཚུན་སྤེལ་རེས་དང་། རིག་གནས་ཡུལ་སྐོར་གྱི་རྣམ་པ་གསར་པ་གསོ་སྐྱོང་དང་འཛད་སྤྱོད་ཀྱི་འགུལ་ནུས་གསར་པ་སྐུལ་སློང་བྱེད་རྒྱུ། གནས་འཚམ་ལས་འཚམ་དང་། ཡུལ་སྐོར་བཅས་ལ་འཚམ་པའི་མཐོ་སྒང་གྲོང་ཁྱེར་གྱི་རྣམ་པ་གསར་པ་མངོན་པར་བྱས།

འབྲེལ་ཡོད་མགོ་ཁྲིད་ཀྱིས་ངོ་སྤྲོད་བྱས་པ་ལྟར་ན། མདོག་གསུམ་པདྨའི་ཁྱད་ཆོས་ལས་དམར་མདོག་གི་མཁར་གྲོང་སྟེ་དམར་དམག་རྒྱང་སྐྱོད་སྐབས་མཚོ་སྔོན་ཞིང་ཆེན་ནས་བརྒྱུད་མྱོང་བའི་ས་ཆ་གཅིག་པུ་དེ་ཡིན་པའི་ཆ་ནས་པདྨ་ཡིས་རླབས་ཆེ་བའི་རྒྱང་སྐྱོད་ཀྱི་སྙིང་སྟོབས་ཐེག་འཁུར་དང་། ཉེ་བའི་ལོ་ཤས་རིང་རིམ་རྩིས་བྱས་ན་སྒོར་དུང་ཕྱུར10ལྷག་ཙམ་བཏང་ནས་དམར་དམག་ལུང་བའི་གསར་བརྗེའི་རྗེས་ཤུལ་སྲུང་སྐྱོང་སླར་གསོ་བྱས་ཏེ་སྤྱི་ཡོངས་ནས་ཇེ་ལེགས་སུ་བཏང་བ་དང་། རྒྱང་སྐྱོད་བརྗོད་དོན་བརྐོས་དཀྲོལ་མང་པོ་དང་། བྱེད་ནུས་ཆ་ཚང་བའི་གསར་བརྗེའི་སློབ་གསོ་ལྟེ་གནས་བསྐྲུན་ཏེ་རྒྱང་སྐྱོད་ཀྱི་སྙིང་སྟོབས་སྨར་ཁོག་གཙང་བོའི་འགྲམ་དུ་དཔལ་འབར་བརྒྱུད་སྤྲོད་བྱས།

ལྗང་མདོག་གི་དག་ཞིང་སྟེ་བ་ཡན་ཁྲ་ལ་རི་བོའི་ཡུལ་ལྗོངས་དང་སྨར་ཁོག་ཆུ་བོ། རྡོ་ཁོག་ཆུ་བོ། ཁེར་ཁོག་ཆུ་བོ་བཅས་ཀྱི་གསོ་བཅུད་བླངས་པ་དང་། མཚོ་སྔོན་ཞིང་ཆེན་གྱི་གདོད་མའི་ནགས་ཚལ་ཆེ་ཤོས་དང་སྐྱེ་དངོས་རིགས་སྣ་ཚོགས་ཀྱི་བང་མཛོད་གལ་ཆེན་ཞིག་ཡིན་པས། “འདེབས་གསོ་ཡུལ་སྐོར”ཐོན་ལས་ལ་བརྟེན་ཏེ་རིམ་རྩིས་མ་དངུལ་སྒོར་དུང་ཕྱུར5.4བཏང་ནས་ཐོན་ལས་རྣམ་གྲངས134འཛུགས་སྐྲུན་བྱས་པ་དང་། ལུག་གྲོད་ཤྭ་མོ་དང་གངས་ལྗོངས་བོད་ཇ་སོགས་མཐོ་སྒང་ཁྱད་ལྡན་ཐོན་རྫས10ལྷག་ཙམ་གསར་སྐྲུན་བྱས་ནས་ལོ་རེའི་ཡོང་འབབ་སྒོར་ཁྲི5520ལྷག་ཙམ་ཟིན། 

གསེར་མདོག་གི་ཕ་ས་སྟེ་མགོ་ལོག་ཁག་གསུམ་གྱི་ཕ་ཡུལ་ཡིན་པའི་ཆ་ནས། གནས་འདི་རུ་ལོ་རྒྱུས་ཀྱི་རྒྱུན་རིང་ཞིང་གནའ་ཤུལ་གྲངས་མང་བ། རིག་གནས་ཀྱི་ཐོན་ཁུངས་ཕུན་སུམ་ཚོགས་པས་ཐོན་ལས་མཉམ་འདྲེས་འཕེལ་རྒྱས་གཏོང་བར་ཁྱད་ལྡན་རིག་གནས་ཡུལ་སྐོར་ཐོན་རྫས་གསར་གཏོད་དང་ཁྱབ་གདལ་བཏང་། ལོ་རེར་ཡུལ་སྐོར་བ་མི་ཁྲི9.38ལ་སྣེ་ལེན་ཞུས་པ་དང་ཡུལ་སྐོར་ཐད་ཀྱི་ཡོང་འབབ་དུས་མཚུངས་ལས20.2%འཕར། ཁྱིམ་ཚང་མགྲོན་ཁང་དང་བཟའ་བཏུང་། ལག་ཤེས་བཟོ་རྩལ་ཐོན་རྫས་སོགས་ཐོན་ལས་དབྱར་མཚོ་རྒྱས་པ་ལྟར་གོང་དུ་འཕེལ་བར་སྐུལ་ཁྲིད་ནུས་ལྡན་བྱས་ནས་མི་རིགས་ཁག་གི་འགྲོ་འོང་དང་སྤེལ་རེས་མཉམ་འདྲེས་ཀྱི་ལོ་རྒྱུས་ལམ་བུར་བདེན་དཔང་བྱས།