མཚོ་སྔོན་ཞིང་ཆེན་གྱིས་ཚད་འཇལ་ཁྱབ་ཁོངས་གཉིས་ཀྱི་སྟོང་ཆ་བསྐངས།

ཟླ8པའི་ཚེས1ཉིན། གསར་འགོད་པས་མཚོ་སྔོན་ཞིང་ཆེན་ཁྲོམ་ར་ལྟ་སྐུལ་དོ་དམ་ཅུའུ་ནས་རྒྱུས་ལོན་བྱུང་པ་ལྟར་ན།  ཚད་འཇལ་ཁྱབ་ཁོངས་ཀྱི་ཡིད་རྟོན་མ་ལག་འཛུགས་སྐྲུན་ལ་ཤུགས་སྣོན་དང་། སྣུམ་སྣོན་ས་ཚིགས་དང་རང་བྱུང་སོལ་རླངས་ས་ཚིགས་ཀྱི་ཚད་འཇལ་དོ་དམ་ཆུ་ཚད་མཐོར་འདེགས་སུ་གཏོང་པ། འཛད་སྤྱོད་པའི་ཁེ་དབང་ལ་སྲུང་སྐྱོབ་བྱ་ཆེད། ཟླ7པའི་ཟླ་སྨད་དུ། ཞིང་ཆེན་ཁྲོམ་ར་ལྟ་སྐུལ་དོ་དམ་ཅུའུ་ཡིས་རླངས་འཁོར་སྣུམ་སྣོན་ས་ཚིགས་ཀྱི་ཚད་འཇལ་དོ་དམ་ཚད་གཞི་དང་རང་བྱུང་སོལ་རླངས་ས་ཚིགས་ཀྱི་ཚད་འཇལ་བྱ་བའི་དོ་དམ་ཚད་གཞི་གཉིས་ཀྱི་ས་ཁུལ་ཚད་གཞི་ཆོག་མཆན་བཀོད་ནས། མཚོ་སྔོན་གྱི་རྡོ་སྣུམ་དང་རང་བྱུང་སོལ་རླངས་རྫས་འགྱུར་བཟོ་གྲྭའི་ཐོན་རྫས་ཉོ་འཚོང་ཁྱབ་ཁོངས་ཀྱི་ཚད་གཞིའི་སྟོང་ཆ་ཁ་གསབ་བྱས་ཏེ། རྒྱལ་ཡོངས་ཀྱི་ལས་རིགས་གཅིག་པའི་བྱ་བ་ཚང་མར་ཟུར་ལྟ་བྱས་ཆོག་པའི་ཉམས་མྱོང་འདོན་སྤྲོད་བྱས།

རྒྱུས་ལོན་པ་ལྟར་ན།  ས་གནས་ཀྱི་གཏན་ཁེལ་གཉིས་ཀྱིས་ཚད་འཇལ་ཚད་གཞིར་འགན་སྲུང་དང་མཛད་སྤྱོད་པའི་ཁྲིམས་མཐུན་ཁེ་དབང་ལ་སྲུང་སྐྱོབ་བྱེད་པར་དམ་པོར་དམིགས་ཏེ། ཁེ་ལས་རང་གཅུན་དང་སྤྱི་ཚོགས་བཅོས་སྐྱོང་གི་ཚད་འཇལ་འགན་སྲུང་མ་ལག་གི་བླང་བྱ་ལྟར། སྣུམ་སྣོན་ས་ཚིགས་དང་རང་བྱུང་སོལ་རླངས་ཀྱི་ས་ཚིགས་ཀྱི་ཚད་འཇལ་དོ་དམ་གྱི་འགན་འཁྲི་གཙོ་བོ་དང་དབྱེ་འབྱེད། ལས་གནས་བཀོད་སྒྲིག་དང་མི་སྣའི་ཆ་རྐྱེན། ཚད་འཇལ་ཡོ་བྱད་ཀྱི་སྒྲིག་བཟོ་དང་རྩིས་ཐོ། མཛད་སྤྱོད་པས་ཞུ་གཏུག་བདག་སྤྲོད་དང་ཐག་གཅོད་སོགས་སྒྲིག་སྲོལ་གྱི་ནང་དོན་གཏན་ཁེལ་བྱས་ཡོད་ལ། དེའི་ཁྲོད་ཚད་འཇལ་ཡོ་བྱད་ཀྱིས་དུས་འཁོར་ལྟར་བརྒྱ་ཆའི་བརྒྱ་ཡི་ཁོངས་འདེད་དང་ཞིག་གསོ་བྱས་རྗེས་ཞིབ་བཤེར་ཚད་གཞིར་ལོངས་བ། རྒྱུན་མཐུད་རང་བཞིན་དང་ཁོངས་འདེད་ཆོག་པའི་གཞི་གྲངས་ཀྱི་དོ་དམ་རྩིས་ཐོ་སོགས་འདུས། སྣུམ་སྣོན་ས་ཚིགས་ཀྱི་ཡིད་རྟོན་ཚད་འཇལ་དོ་དམ་ཚད་གཞི་ནི་མཚོ་སྔོན་གྱིས་ཐོག་མར་ཁྱབ་བསྒྲགས་བྱས་པའི་ས་གནས་ཀྱི་ཚད་འཇལ་ཚད་གཞི་ཡིན་ལ། འདིས་སྣུམ་སྣོན་ས་ཚིགས་ཀྱིས་ངེས་པར་འཛུགས་དགོས་པའི་ཡིད་རྟོན་སྒྲིག་སྲོལ་ལྔ་གཏན་ཁེལ་བྱས་ཡོད་ལ། ཡིད་རྟོན་ཚད་འཇལ་གྱི་དཔེ་སྟོན་ཡིག་དེབ་སྒྲིག་བཟོ་བྱས། རང་བྱུང་སོལ་རླངས་ཀྱི་ས་ཚིགས་ཀྱི་ཚད་འཇལ་བྱ་བའི་དོ་དམ་ཚད་གཞི་ནི་རྒྱལ་ཁབ་ཀྱིས་ལས་རིགས་དེར་ཁ་གཏད་རང་བཞིན་མེད་པའི་ལས་ཀ་བསྒྲུབ་པར་ཆེད་དོན་དོ་དམ་གཏན་ཁེལ་བྱས་མེད་པའི་གནས་ཚུལ་འོག གཏན་ཁེལ་བྱས་ནས་ཁྱབ་སྒྲོག་བྱས་པའི་ཐོད་བརྒལ་རང་བཞིན་གྱི་ས་གནས་རང་བཞིན་གྱི་ཚད་གཞི་ཞིག་ཡིན་ལ། རང་བྱུང་སོལ་རླངས་ས་ཚིགས་ཀྱི་ཚད་འཇལ་བྱེད་སྒོའི་མ་ལག་རང་བཞིན་དང་ཚད་ལྡན་རང་བཞིན། ཚན་རིག་རང་བཞིན་གྱི་དོ་དམ་ལ་སྐུལ་འདེད་བཏང་ནས་ཁྲིམས་བསྟར་མི་སྣར་བཀོལ་སྤྱོད་རང་བཞིན་སྔར་ལས་ཆེ་བའི་ལག་རྩལ་གྱི་འདེགས་སྐྱོར་འདོན་སྤྲོད་བྱ་དགོས།