མཚོ་ཤར་གྲོང་ཁྱེར་གྱིས་བདར་མང་སྭེལ་ཁེ་ལས་ཀྱི་བཙོག་འབུད་ཆོག་འཐུས་ལག་ཁྱེར་དང་པོ་སྤྲད་པ།

མཚོ་སྔོན་གསར་འགྱུར་དྲ་བའི་འཕྲིན། ཟླ6པའི་ཚེས9ཉིན། གསར་འགོད་པས་མཚོ་ཤར་གྲོང་ཁྱེར་སྐྱེ་ཁམས་ཁོར་ཡུག་ཅུས་ནས་ཤེས་རྟོགས་བྱུང་བར།མཚོ་ཤར་གྲོང་ཁྱེར་གྱིས་མཚོ་ཤར་སེང་གེ་དམར་འདྲེན་གཟུགས་ཕུང་གསུམ་ཚད་ཡོད་ཀུང་སིར་མཚོ་ཤར་གྲོང་ཁྱེར་གྱི་ཤེལ་མང་སྭེལ་ཁེ་ལས་ཀྱི་བཙོག་འབུད་ཆོག་མཆན་དཔང་ཡིག་དང་པོ་སྤྲད་པ་དེ་ཐོག་ནས་མཚོ་ཤར་གྲོང་ཁྱེར་གྱིས་ཤེལ་མང་སྭེལ་ལས་རིགས་ཀྱི་བཙོག་འབུད་དོ་དམ་ཚད་ལྡན་དུ་གཏོང་བ་དང་ལྗང་མདོག་ཐོན་ལས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཐད་གོམ་པ་གལ་ཆེན་ཞིག་སྤོས་པ་མཚོན་གྱི་ཡོད་པ་དང་དུས་མཚུངས་དཔལ་འབྱོར་ལྗང་མདོག་ཕྱོགས་སྒྱུར་དང་སྐྱེ་ཁམས་སྲུང་སྐྱོང་མཐུན་སྦྱོར་སྐུལ་འདེད་གཏོང་རྒྱུར་ཚད་གཞི་ཡང་བཏིང་ཡོད་པ་རེད།

མཚོ་ཤར་གྲོང་ཁྱེར་སྐྱེ་ཁམས་ཁོར་ཡུག་ཅུས་ཀྱིས་རང་འགུལ་ངང་སྲིད་གཞུང་དང་ཁེ་ལས་མཉམ་ལས་ཀྱི་ཟམ་པ་བསྐྲུན་པ་དང་།ལས་རིགས་རིགས་གཅིག་མཁས་ཅན་དང་ལག་རྩལ་རྒྱབ་སྐྱོར་ཚན་པ་འབྲེལ་མཐུད་བྱས་ཏེ།“ཞིང་ཆེན་དང་གྲོང་ཁྱེར་མཉམ་འགུལ་ལག་རྩལ་རོགས་སྐྱོར་ཚོགས་ཆུང་”བཙུགས་པ་དང་།ཁོར་ཡུག་ཤུགས་རྐྱེན་སྙན་ཞུ་དོན་འཁྱོལ་གནས་ཚུལ་དང་།སྦགས་བཙོག་འགོག་བཅོས་སྒྲིག་བཀོད་འཛུགས་སྐྲུན།བཙོག་བཙོག་ཆོག་འཐུས་རེ་ཞུ་སོགས་འགག་རྩའི་ལྷུ་ཚིགས་ལ་དམིགས་ནས“བརྒྱུད་རིམ་ཡོངས་དང་ནང་འཇུག་རྣམ་པའི”མཛུབ་ཁྲིད་རོགས་སྐྱོར་བྱས། རོགས་སྐྱོར་ཚོ་ཆུང་གིས་སྔ་རྗེས་སུ་ཁེ་ལས་ཀྱི་ས་གནས་ས་ཐོག་ཏུ་ཐེངས་མང་བསྐྱོད་ནས“རྩ་བརྟག་དང་བརྟག་དཔྱད”བྱས་ཏེ།ས་གནས་ས་ཐོག་རྩད་ཞིབ་དང་།རྒྱུ་ཆ་ཞིབ་བཤེར།བཙོག་འབུད་ཆོག་འཐུས་ལག་ཁྱེར་འབྲི་རྒྱུར་མཛུབ་ཁྲིད་སོགས་ཀྱི་བྱ་ཐབས་བརྒྱུད་བཙོག་འབུད་ཆོག་འཐུས་ལག་ཁྱེར་གྱི་སྤུས་ཚད་འབྱུང་ཁུངས་ནས་ཚོད་འཛིན་བྱས་ནས་བཙོག་འབུད་ཆོག་འཐུས་ལག་ཁྱེར་གྱི་ནང་དོན་གྱི་དོན་དངོས་རང་བཞིན་དང་ཡང་དག་རང་བཞིན་འགན་ལེན་བྱས།

རྒྱལ་ཁབ་ཀྱི་འཐབ་ཇུས་རང་བཞིན་གྱི་གསར་དར་ཐོན་ལས་ཤིག་ཡིན་པའི་ངོས་ནས་བདར་མང་སྭེལ་ནི་འོད་ཤུགས་གློག་འདོན་དང་འདྲེན་གཟུགས་ཕུང་གསུམ་སོགས་ཐཱན་དམའ་བའི་དཔལ་འབྱོར་ཁྱབ་ཁོངས་ཀྱི་འགག་རྩའི་རྒྱུ་ཆ་ཞིག་རེད། ད་ཐེངས་བཙོག་འབུད་ཚན་པར“ལྗང་མདོག་བགྲོད་ལམ”བཏང་ནས་“གཅིག་གཏད་གཅིག”སྲིད་ཇུས་མཛུབ་ཁྲིད་བྱས་ཏེ་ལྷུ་ཚིགས་ཁག་སྦྲེལ་མཐུད་ཡག་པོ་བྱས་ནས་ཞིབ་བཤེར་ཆོག་མཆན་གྱི་དུས་ཚད་ཇེ་ཆུང་དུ་བཏང་སྟེ་ཁོར་ཡུག་གདེང་འཇོག་དང་བཙོག་འབུད་ཆོག་མཆན་མཐུན་སྦྱོར་ཞིབ་བཤེར་ལམ་སྲོལ་འཐུས་ཚང་དུ་བཏང་བ་རེད། འབྱུང་འགྱུར་མཚོ་ཤར་གྲོང་ཁྱེར་སྐྱེ་ཁམས་ཁོར་ཡུག་ཅུས་ཀྱིས་བཙོག་འབུད་ཆོག་འཐུས་ཀྱི“ལག་ཁྱེར་གཅིག་རྣམ་པའི”ལྟ་སྐུལ་དོ་དམ་མ་ལག་ལ་བརྟེན་ནས་དྲ་ཐོག་ལྟ་ཞིབ་ཚད་ལེན་དང་དུས་བཀག་སྐོར་ཞིབ་སོགས་ཀྱི་བྱ་ཐབས་བརྒྱུད་དོན་རྐྱེན་ཁྲོད་རྗེས་ཀྱི་ལྟ་སྐུལ་དོ་དམ་ལ་ཤུགས་སྣོན་བརྒྱབ་ནས་ཁེ་ལས་ཀྱིས་ཁོར་ཡུག་སྲུང་སྐྱོང་གཙོ་གཟུགས་ཀྱི་འགན་འཁྲི་མུ་མཐུད་དོན་འཁྱོལ་ཐུབ་པའི་འགན་ལེན་བྱ་རྒྱུ་རེད།