མཚོ་སྔོན་སྐྱེ་ཁམས་ཞིབ་འཇུག་སློབ་མའི་ལམ་ཐིག་པེ་ཅིན་གྱི་ངོ་སྤྲོད་ཚོགས་འདུའི་ཐོག་འགྲེམས་སྟོན་བྱས་པ།

མདོ་ལ་རི་བོའི་རྒྱལ་ཁབ་སྤྱི་གླིང་མཚོ་སྔོན་ཞིང་ཆེན་དོ་དམ་ཅུས་ཀྱི་ལས་དོན་མི་སྣས་(གཡོན་པ)ཡུལ་སྐོར་བར་རིག་གནས་གསར་གཏོད་ཐོན་རྫས་ངོ་སྤྲོད་བྱས་པ། པར་རིས་ནི་མདོ་ལ་རི་བོའི་རྒྱལ་ཁབ་སྤྱི་གླིང་མཚོ་སྔོན་ཞིང་ཆེན་དོ་དམ་ཅུའུ་ཡིས་ཟླ་5པའི་ཚེས་30ཉིན་པེ་ཅིན་གྲོང་ཁྱེར་སློབ་གསོ་ཨུ་ལྷན་གྱིས་གཙོ་གཉེར་བྱས་པའི“མཉམ་འདྲེས་ལུགས་རྒྱག་རྣམ་པའི”ཞིབ་འཇུག་སློབ་སྦྱོང་ལག་ལེན་བྱེད་སྒོའི་ངོ་སྤྲོད་ཚོགས་འདུ་པེ་ཅིན་བཟོ་ལས་སློབ་ཆེན་དུ་འཚོགས། མཚོ་སྔོན་དང་།ནང་སོག་བོད་གོཞིན་ཅང་སོགས་ས་ཁུལ་ནས་ཡོང་བའི་འབྲེལ་ཡོད་སྡེ་ཚན་དང་ལས་ཁུངས་ཀྱི་མི་སྣ་མཉམ་དུ་འཛོམས་ནས་ཐུན་མོང་ཐོག་ཁྱད་ཆོས་ལྡན་པའི་ཞིབ་འཇུག་སློབ་སྦྱོང་ཐོན་ཁུངས་འགྲེམས་སྟོན་བྱས་ནས་དུས་རབས་གསར་པའི་ཞིབ་འཇུག་སློབ་སྦྱོང་ཡུལ་སྐོར་དང་མི་གསོ་སྐྱོང་གི་གསར་གཏོད་བྱེད་སྟངས་འཚོལ་ཞིབ་བྱས། 　

ངོ་སྤྲོད་ཚོགས་འདུའི་ཐོག་རང་ཞིང་གི་འཐུས་མིས་རྣམ་པ་སྣ་ཚོགས་བརྒྱུད་ཕུན་སུམ་ཚོགས་པའི་ཞིབ་འཇུག་སློབ་སྦྱོང་གི་ལམ་ཐིག་དང་སློབ་ཚན་མ་ལག་འགྲེམས་སྟོན་བྱས་པ་རེད། ཆེད་དོན་གཏམ་བཤད་ནང་ཞིང་ཆེན་གྱི་འཐུས་མིས་རང་བྱུང་སྣོད་བཅུད་དང་།ལོ་རྒྱུས་རིག་གནས།དམངས་སྲོལ་གོམས་སྲོལ་བཅས་བརྗོད་བྱ་གཙོ་བོར་བྱས་པའི་ཞིབ་འཇུག་སློབ་ཚན་དང་ལམ་ཐིག་དཔེར་ན།སྣོད་བཅུད་མ་ལག་སྲུང་སྐྱོང་དང་།“འབར་མདེལ་གཉིས་དང་སྲུང་སྐར་གཅིག”གི་བསམ་པའི་རིག་གནས་རྒྱུན་འཛིན།གྲངས་ཉུང་མི་རིགས་ཀྱི་དམངས་སྲོལ་ཉམས་ལེན་སོགས་ངོ་སྤྲོད་ཞིབ་ཕྲ་བྱས་ནས་ཚོགས་ཞུགས་མི་སྣར་མཚོ་སྔོན་གྱི་ཐུན་མོང་མ་ཡིན་པའི་རང་བྱུང་མཛེས་ལྗོངས་དང་གཏིང་ཟབ་པའི་རིག་གནས་ཀྱི་རྨང་གཞི་ཚོར་ཐུབ་པ་བྱུང་ཡོད།

དེའི་ནང་གཙོ་གནད་ཀྱི་ངོ་སྤྲོད་ནང་དོན་ཡིན་པའི་མདོ་ལ་རི་བོ་དང་མཚོ་སྔོན་མཚེའུ་རྒྱལ་ཁབ་སྤྱི་གླིང་ཆེན་པོ་གཉིས་ཀྱི་འདེམ་བསྡུའི་ཁུལ་གྱི་སྐྱེ་ཁམས་ཞིབ་འཇུག་དང་སློབ་སྦྱོང་ལམ་ཐིག་གིས་མཚོ་བོད་ས་མཐོའི་ཐུན་མོང་མ་ཡིན་པའི་སྐྱེ་ཁམས་མ་ལག་དང་རི་སྐྱེས་སྲོག་ཆགས་དང་སྲོག་ཆགས་ཀྱི་ཐོན་ཁུངས་སྣ་མང་གསར་སྤེལ་ལ་བརྟེན་ནས་ལོ་ན་མི་འདྲ་བ་དང་དང་ལེན་བྱེད་མཁན་ལ་དམིགས་པའི་སློབ་ཚན་སྣ་ཚོགས་ཇུས་འགོད་བྱས་ཡོད།དེའི་ནང་ཞུགས་མཁན་གྱིས་ཆེད་ལས་སྣོད་བཅུད་སློབ་དཔོན་གྱི་སྣེ་ཁྲིད་འོག་རི་མཐོའི་རྩྭ་ཐང་དང་བྱེ་ཐང་སྡོང་ཕྲན་སོགས་དམིགས་བསལ་སྔོ་ཁེབས་ལ་ཡུལ་དངོས་ལྟ་ཞིབ་བྱེད་ཐུབ་པར་མ་ཟད།དམར་ཕྱིའི་པར་ཆས་ཀྱི་གཞི་གྲངས་གསལ་འགྲེལ་དང་རི་སྐྱེས་སྲོག་ཆགས་ཀྱི་གཅིན་སྐྱག་དབྱེ་ཞིབ་སོགས་ཉམས་ལེན་བྱས་པ་བརྒྱུད་གངས་གཟིག་དང་ཤྭ་བ་མཆུ་དཀར་སོགས་སྐྱེ་དངོས་རིགས་ཀྱི་འཚོ་གནས་ཁོར་ཡུག་ལ་རྒྱུས་ལོན་གཏིང་ཟབ་བྱེད་ཐུབ། དེ་དང་ཆབས་ཅིག་ལམ་ཐིག་ཇུས་འགོད་ནང་ཞུགས་མཁན་རྣམས་ཀྱིས་རྩྭ་གྲུ་བཞི་བྱེ་སྲ་འཇགས་དང་།མཐོ་སྒང་གི་འདམ་རའི་ལྟ་ཞིབ་ཚད་ལེན།རི་སྐྱེས་སྲོག་ཆགས་རོགས་སྐྱོབ་སྲུང་སྐྱོང་ལས་དོན་སོགས་ཀྱི་རྣམ་གྲངས་དངོས་སུ་ཉམས་ལེན་བྱས་ནས་ཁོང་ཚོའི་སྣོད་བཅུད་འགན་འཁྲིའི་འདུ་ཤེས་གསོ་སྐྱོང་བྱ་རྒྱུ་ཚུད་ཡོད་པ་རེད།

གཞན་ཡང་ཆེད་དོན་འགྲེམས་སྟོན་སྟེགས་བུའི་དྲིལ་བསྒྲགས་བརྒྱུད་མཚོ་སྔོན་གྱི་ཞིབ་འཇུག་སློབ་སྦྱོང་ཐོན་ཁུངས་ཀྱི་ཁྱད་ཆོས་ལྡན་པའི་སློབ་ཚན་གསོན་ཉམས་ལྡན་པའི་སྒོ་ནས་མངོན་པ་དང་ཚོགས་འདུར་ཞུགས་མཁན་མང་པོ་ཞིག་འདུག་ནས་བློ་འདྲི་བྱེད་པའི་ཡིད་དབང་བཀུག་ཡོད་པ་རེད། ད་ཐེངས་ཀྱི་ངོ་སྤྲོད་ཚོགས་འདུ་ནི་མཚོ་སྔོན་གྱི་ཞིབ་འཇུག་སློབ་སྦྱོང་ཐོན་ཁུངས་འགྲེམས་སྟོན་བྱེད་པའི་སྟེགས་བུ་ཞིག་ཡིན་པ་མ་ཟད།སློབ་སྦྱོང་དང་སྤེལ་རེས་བྱེད་པའི་གོ་སྐབས་ཐོབ་དཀའ་བ་ཞིག་ཀྱང་ཡིན། རང་ཞིང་ཆེན་གྱིས་ས་ཁུལ་གཞན་དག་དང་མཉམ་འགུལ་ཧུར་ཐག་བྱས་ཏེ་ཞིབ་འཇུག་སློབ་སྦྱོང་ཡུལ་སྐོར་འཕེལ་རྒྱས་ཀྱི་ཉམས་མྱོང་དང་གྲུབ་འབྲས་མཉམ་སྤྱོད་བྱས་ཏེ་དུས་རབས་གསར་པའི་ནང་ཞིབ་འཇུག་སློབ་སྦྱོང་ཡུལ་སྐོར་གྱི་མི་གསོ་སྐྱོང་ནུས་པ་དང་འཕེལ་རྒྱས་ཁ་ཕྱོགས་ལ་ཐུན་མོང་ཐོག་དཔྱད་བསྡུར་བྱས་པ་རེད། སྤེལ་རེས་བྱས་པ་བརྒྱུད་བསམ་ཕྱོགས་སྔར་བས་རྒྱ་བསྐྱེད་པ་དང་སླད་ཕྱིན་ཞིབ་འཇུག་སློབ་སྦྱོང་ཡུལ་སྐོར་གྱི་སྤུས་ཚད་དང་ཆུ་ཚད་མཐོ་རུ་གཏོང་རྒྱུར་དཔྱད་གཞིར་འཛིན་པའི་བསམ་ཕྱོགས་གསར་པ་མཁོ་འདོན་བྱས་ཡོད། 　

འབྱུང་འགྱུར་རང་རྒྱལ་གྱིས་གོ་སྐབས་དེ་ཐོག་ནས་པེ་ཅིང་གྲོང་ཁྱེར་དང་ས་ཁུལ་གཞན་དག་དང་སྤེལ་རེས་མཉམ་ལས་ལ་མུ་མཐུད་ཤུགས་སྣོན་རྒྱག་པ་དང་།ཞིབ་འཇུག་སློབ་སྦྱོང་གི་ལམ་ཐིག་དང་སློབ་ཚན་མ་ལག་རྒྱུན་ཆད་མེད་པར་ལེགས་སུ་གཏོང་བ།ཞིབ་འཇུག་སློབ་སྦྱོང་གི་ཡུལ་སྐོར་གྱི་སྤུས་ཚད་དང་ཡིད་དབང་འགུག་ཤུགས་ཆེ་རུ་གཏོང་བ།སློབ་མ་དེ་བས་མང་བ་ཞིབ་འཇུག་སློབ་སྦྱོང་གི་ཡུལ་སྐོར་བརྒྱུད་མཚོ་སྔོན་དུ་བསྐྱོད་ནས་མཚོ་སྔོན་གྱི་ཐུན་མོང་མ་ཡིན་པའི་ཡིད་དབང་འཕྲོག་ཤུགས་ཚོར་ཐུབ་པ་དང་།ཞིབ་འཇུག་སློབ་སྦྱོང་གི་ཡུལ་སྐོར་གྱི་མི་གསོ་སྐྱོང་གི་དམིགས་འབེན་མངོན་འགྱུར་བྱས་ནས་སློབ་མ་ཁྱོན་ཡོངས་ནས་འཕེལ་རྒྱས་འགྲོ་རྒྱུར་གོ་སྐབས་དེ་བས་མང་བ་གཏོད་རྒྱུ་རེད།