མཚོ་སྔོན་ཞིང་ཆེན་གྱིས་ཁྱོན་ཡོངས་ནས་ཕག་བཤའ་བའི་ལས་རིགས་བདེ་ཐང་ངང་འཕེལ་རྒྱས་འབྱུང་བར་སྐུལ་འདེད་བཏང་།

ཟླ5པའི་ཚེས26ཉིན། གསར་འགོད་པས་མཚོ་སྔོན་ཞིང་ཆེན་ཞིང་ལས་ཞིང་སྡེ་ཐིང་ནས་ཤེས་གསལ་ལྟར་ན། མཚོ་སྔོན་ཞིང་ཆེན་སྲོག་ཆགས་སྐྱེ་དངོས་རིམས་བཤེར་ས་ཚིགས་ཀྱིས་ཆེད་མཁས་པ་རྩ་འཛུགས་བྱས་ཏེ། ཉེ་ཆར་གཏེར་ལེན་ཁ་གྲོང་ཁྱེར་ཅའེ་ཁང་ཕག་བཤའ་ར་བའི《ཕག་བཤའ་སྤུས་ཚད་དོ་དམ་ཚད་ལྡན》ལག་བསྟར་གནས་ཚུལ་ཐད་མཛུབ་སྟོན་ཞིབ་བཤེར་བྱས། ཞིང་ཆེན་ཡོངས་ཀྱི་ཕག་བཤའ་བའི་ཁེ་ལས17ལ་སྐོར་རིམ་དང་པོའི་ཡོངས་ཁེབས་ཞིབ་བཤེར་དཔྱད་འཇོག་བྱ་བ་ལེགས་འགྲུབ་བྱས། 

ད་ལོའི་ཟླ2པ་ནས་བཟུང་། ཁྱོན་ཡོངས་ནས《ཕག་བཤའ་བའི་སྤུས་ཚད་དོ་དམ་ཚད་ལྡན》(གཤམ་དུ《ཚད་ལྡན》)དོན་འཁྱོལ་བྱ་ཆེད། ཞིང་ཆེན་ཞིང་ལས་ཞིང་སྡེ་ཐིང་གིས་བྱ་བའི་བྱེད་ཐབས་གཅིག་གྱུར་བཀོད་སྒྲིག་དང་། “ཞིང་ཆེན་གཅིག་གྱུར་དང་། གྲོང་ཁྱེར་གྱི་འགན་ཁུར་བ། རྫོང་གིས་དོན་འཁྱོལ”བྱེད་པའི་རིམ་གསུམ་མཉམ་འབྲེལ་སྒྲིག་སྲོལ་སྒྲིག་འཛུགས་བྱས་ཏེ། ལས་འགན་དུས་ཚོད་རེའུ་མིག་དང་། ལག་བསྟར་པར་རིས་གསལ་བོར་བྱས། ཞིང་ཆེན་དང་། གྲོང་ཁྱེར། རྫོང་བཅས་རིམ་པ་གསུམ་ཆེད་མཁས་ཚན་ཆུང་འཛུགས་སྒྲུབ་བྱེད་པ་བརྒྱུད་དེ། ཟི་ལིང་དང་། མཚོ་ཤར། ཡུས་ཧྲུའུ། མཚོ་ནུབ་སོགས་གཙོ་གནད་གྲོང་ཁྱེར་དང་རྫོང་གི་ཕག་བཤའ་ཁེ་ལས་སུ་སྤུས་ཚད་དོ་དམ་ཚད་ལྡན་མཛུབ་སྟོན་ཞིབ་བཤེར་བྱ་བ་སྤེལ། དུས་མཚུངས་སུ། ཆེད་ལས་ལག་རྩལ་མི་སྣ་ཁེ་ལས་སུ་མངགས་ཏེ། “གཅིག་ལ་གཅིག་གཏད”ཀྱི་འབྲེལ་འདྲིས་མཛུབ་སྟོན་དང་ལག་རྩལ་ཞབས་ཞུ་ལག་བསྟར་བྱས་ཏེ། ཁེ་ལས་ཀྱི་དགོས་མཁོར་སྦྲེལ་མཐུད་དང་། གོ་རིམ་ཞན་སར་རྩད་ཞིབ་བྱས་ཏེ། བཅོས་སྐྱོང་ཁ་ཕྱོགས་གསལ་བོར་བྱས་ནས། ཁེ་ལས་ཀྱི་གཙོ་ཁྲིད་ལས་འགན་དོན་འཁྱོལ་ཡོང་བར་སྐུལ་འདེད་བཏང་། 

ཞིང་ལས་ཞིང་སྡེ་པུའུ་ཡིས་ཕག་བཤའ་བའི་ལག་རྩལ་ལྟེ་གནས་ཀྱི་མཛུབ་སྟོན་འོག ལས་སྒྲུབ་ཚན་ཆུང་གིས་རིམ་བགར་ཞིབ་བཤེར་དང་ཞིབ་བཤེར་བྱ་བ་གཟབ་ནན་སྒོས་ལག་བསྟར་བྱེད་པ་དང་། ཁེ་ལས་གཞི་ཁྱོན་དང་། དོན་དངོས་མྱུར་ཚད་དང་ཟུང་འབྲེལ་སྒོས། “ཁེ་ལས་གཅིག་ཚད་ཐིག་ལོངས་ན། ཉམས་བཤེར་གཅིག་བྱེད་པའི”རྩ་དོན་ལྟར། དུས་རིམ་བགར་བ་དང་། སྐོར་ཐེངས་བགར་ནས་《ཚད་ལྡན》གྱི་སྣ160ཡི་ནང་དོན་ཡུལ་དངོས་ཞིབ་བཤེར་དང་རེ་རེ་བཞིན་དཔྱད་འཇོག་བྱས། ཞིབ་བཤེར་ཁྲོད་རྙེད་པའི་གནད་དོན་དང་སྒེར་གཤིས་ཅན་གྱི་མི་འདང་སར་དམིགས་ནས། ལས་སྒྲུབ་ཚན་ཆུང་གིས་ལག་རྩལ་བཟོ་བཅོས་མཁོ་བའི་ཁེ་ལས་ལ“ཁེ་ལས་གཅིག་ལ་སྲིད་ཇུས་གཅིག”གི་བཅོས་སྐྱོང་བྱེད་ཐབས་སྒྲིག་བཟོ་བྱས་ཏེ། བཅོས་སྐྱོང་དུས་ཚོད་དང་ཐབས་ལམ་མཐོར་འདེགས་བྱས་ནས། གནད་དོན་བཀག་སྡོམ་དོ་དམ་ལ་ཁག་ཐེག་བྱས། །