མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ་4པའི་ཚེས14ཉིན་གསར་འགོད་པས་ཞིང་ཆེན་ཚོང་དོན་ཐིང་ནས་རྒྱུས་ལོན་བྱུང་བ་ལྟར་ན། འཛད་སྤྱོད་སྐུལ་སྤེལ་ཤུགས་ཆེན་གཏོང་བ་དང་། སྤུས་རྟགས་འཛད་སྤྱོད་མཁོ་སྤྲོད་བྱེད་ཤུགས་ཆེ་རུ་གཏོང་བ།སྤུས་ཚད་འཛད་སྤྱོད་ཆུ་ཚད་མཐོ་རུ་གཏོང་བཅས་བྱ་ཆེད།འདི་ལོ་ཞིང་ཆེན་གྱིས་ཚོང་ལས་སྤུས་རྟགས་རྩེ་གྲ་དང་སིལ་ཚོང་སྤུས་རྟགས་རྩེ་གྲ་15ནང་འདྲེན་བྱས་ནས་ཚོང་དོན་པུའུ་ཡི་ཚོང་ཁང་དང་པོའི་དཔལ་འབྱོར་དཔྱད་བསྡུར་གཏན་འབེབས་ཚད་གཞི་དང་མཐུན་པའི་མཚོ་སྔོན་གྱི་ཚོང་ཁང་དང་པོ(ས་ཁོངས་ཀྱི་ཚོང་ཁང་དང་པོ)2ནས་3བཙུགས་པ་མ་ཟད།དེ་མཚུངས་ཀྱི་སྲིད་ཇུས་ཀྱི་རྒྱབ་སྐྱོར་ཡང་བྱ་རྒྱུ་རེད།
མཚོ་སྔོན་ཞིང་ཆེན་གྱིས་ཚོང་ཁང་དང་པོ་ཞུགས་ནས་འཕེལ་རྒྱས་གཏོང་རྒྱུར་རྒྱབ་སྐྱོར་བྱེད་པ་དང་།རྒྱལ་ཁབ་ཕྱི་ནང་གི་གྲགས་ཅན་སྤུས་རྟགས་ཁེ་ལས་དང་དེ་བཞིན་དབང་ཆ་སྤྲད་པའི་ཚབ་སྒྲུབ་ཚོང་པར་མཚོ་སྔོན་གྱི་ཚོང་ཁང་དང་པོ་འཛུགས་རྒྱུར་རྒྱབ་སྐྱོར་བྱེད་ཀྱི་ཡོད།རྣམ་གྲངས་རེ་ཞུ་མ་བྱས་གོང་གི་ལོ་གཅིག་གི་ཟླ1པའི་ཚེས་1ཉིན་གྱི་རྗེས་སུ་ཐོ་འགོད་བཙུགས་པར་མ་ཟད།གཉེར་སྐྱོང་དུས་ཡུན་ཟླ་བ་6ལས་བརྒལ་བ་ཡིན་ཚེ།གྲོས་འཆམ་བྱས་རྗེས་ཁ་གསབ་བྱེད་སྟངས་ལ་དེ་མཚུངས་ཀྱི་རྒྱབ་སྐྱོར་ཐོབ་ཐུབ།
ཐོན་རྫས་གསར་པ་ཁྱབ་བསྒྲགས་བྱེད་སྒོར་རྒྱབ་སྐྱོར་དང་།ཐོན་རྫས་གསར་པ་ཁྱབ་བསྒྲགས་བྱེད་སྒོ་སྤེལ་ཚད་ལྡན།སྤུས་རྟགས་གསར་གཏོད་འཕེལ་རྒྱས་གཏོང་རྒྱུར་སྐུལ་མ་གཏོང་བ།ཆ་རྐྱེན་དང་མཐུན་པའི་ཐོན་རྫས་གསར་པ་ཁྱབ་བསྒྲགས་བྱེད་སྒོར་རྒྱབ་སྐྱོར་བཅས་བྱེད་དགོས། འགྲེམས་སྟོན་ཐོག་མ་དང་འགྲེམ་སྟོན་ཐོག་མ་གྱི་བྱེད་སྒོར་རྒྱབ་སྐྱོར་དང་།ཁྱད་ཆོས་ལྡན་པའི་སྤུས་རྟགས་ཚོང་ཟོག་ཁྲོམ་ར་རྒྱ་བསྐྱེད་པར་སྐུལ་འདེད་གཏོང་བ།ཐོན་སྐྱེད་དང་ཕྱིར་ཚོང་སྦྲེལ་མཐུད་ལ་ཤུགས་སྣོན་རྒྱག་པ།སྤུས་རྟགས་ཁེ་ལས་ཀྱིས་འགྲེམས་སྟོན་ཐོག་མ་དང་འགྲེམ་སྟོན་ཐོག་མ་གྱི་བྱེད་སྒོ་སྤེལ་རྒྱུར་རྒྱབ་སྐྱོར་བྱ་རྒྱུ་བཅས་རེད། ཞིང་ཆེན་རིམ་པའི་ཚོང་དོན་གཙོ་སྐྱོང་སྡེ་ཚན་ངམ་ཡང་ན་དེས་མངགས་བཅོལ་བྱས་པའི་ལས་རིགས་མཐུན་ཚོགས་ཀྱིས་གཅིག་གྱུར་སྒྲིག་འཛུགས་བྱས་པའི་ཞིང་ཆེན་ནང་ཁུལ་གྱི་གྲགས་ཅན་ཚོང་རྟགས་དང་རྒྱལ་ཁབ་ས་ཁམས་མཚོན་རྟགས་སྲུང་སྐྱོང་སོགས་ཀྱི་ཁྱད་ཆོས་ལྡན་པའི་ཚོང་ཟོག་ཁེ་ལས་ལ་ཞིང་ཆེན་ཕྱི་ནང་དུ་གཙོ་གཉེར་བྱས་པའི་ཐོན་སྐྱེད་དང་ཕྱིར་ཚོང་སྦྲེལ་མཐུད་དང་།ཁྱད་ཆོས་ལྡན་པའི་ཐོན་རྫས་ཐོག་མར་འགྲེམས་སྟོན་བྱེད་པ།འགྲེམས་སྟོན་ཐོག་མ་སོགས་ཀྱི་བྱེད་སྒོར་ཞིབ་བཤེར་བྱས་ནས་ངོས་འཛིན་བྱས་པའི་དངོས་ཡོད་མ་དངུལ་ལྟར་ཁ་གསབ་ཆ་ཚང་སྤྲོད་དགོས།རྒྱབ་སྐྱོར་ཁྱབ་ཁོངས་ནང་ས་ཆ་བོགས་གཏོང་དང་།ཇུས་གཞི་ཇུས་འགོད།འགྲེམས་ཁུལ་འཛུགས་པ།ཟོག་འགྲུལ།དྲིལ་བསྒྲགས་ཁྱབ་གདལ་སོགས་ཀྱི་འགྲོ་གྲོན་ཚུད་ཡོད།
ཚོང་དོན་སྤུས་རྟགས་དང་ཕྱི་ནང་ཚོང་དོན་གཞི་གཅིག་ཅན་གྱི་སྤུས་རྟགས་ནང་འདྲེན་དང་གསོ་སྐྱོང་བྱ་རྒྱུར་རྒྱབ་སྐྱོར་བྱེད་པ་དང་།རྩེར་སོན་ཚོང་ལས་སྤུས་རྟགས་གཅིག་སྡུད་འཕེལ་རྒྱས་མགྱོགས་སུ་གཏོང་བ།ཚོང་ལས་ཕྱོགས་བསྡུས་སྒྲིག་གཞི་དང་ཁྲོམ་གཞུང་གཉེར་སྐྱོང་དོ་དམ་ཁེ་ལས་ཀྱིས་རྩེར་སོན་ཚོང་ལས་སྤུས་རྟགས་དང་གྲགས་ཅན་བཟའ་བཏུང་སྤུས་རྟགས་མཚོ་སྔོན་གྱི་ཚོང་ཁང་དང་པོ་རྒྱལ་ཁའི་ངང་ནང་འདྲེན་བྱས་པར་ཐེངས་གཅིག་བྱ་དགའ་སྤྲད་ནས་རྒྱབ་སྐྱོར་བྱེད་དགོས།
ནང་འདྲེན་བྱས་པའི་ཚོང་ཁང་དང་པོ་དེ་ངེས་པར་དུ་ལོ་འཁོར་གོང་མའི་ཟླ་1ཚེས་1ཉིན་གྱི་རྗེས་སུ་ཞུགས་དགོས་པ་དང་།དོན་དངོས་ཀྱི་གཉེར་སྐྱོང་དུས་ཡུན་ཟླ་བ་6ལས་བརྒལ་དགོས་པ་མ་ཟད།ལོ་གཉིས་ཡན་གྱི་ནང་ཞུགས་རྒྱུའི་གྲོས་མཐུན་འཇོག་དགོས། ནང་འདྲེན་བྱས་པའི་རྩེར་སོན་ཚོང་ལས་སྤུས་རྟགས་དང་།རྩེར་སོན་སིལ་ཚོང་སྤུས་རྟགས་དང་དེ་བཞིན་ས་གནས་དེ་གའི་མུ་འབྲེལ་སྟབས་བདེ་ཚོང་ཁང་གསོ་སྐྱོང་བྱེད་པའི་སྤུས་རྟགས་བཅས་ལ་རྒྱབ་སྐྱོར་བྱ་རྒྱུ་དང་འབྲེལ་ཡོད་སྤུས་རྟགས་དེ་ངེས་པར་དུ་ལོ་དེའི་ཟླ་1ཚེས་1ཉིན་གྱི་རྗེས་སུ་ནང་འདྲེན་བྱེད་པ་དང་འབྲེལ་འཁོར་སྐྱོད་བྱས་ནས་ཟླ་བ་6ཡན་ཟིན་དགོས། གྲོང་ཁྱེར་དང་ཀྲོའུ་རུ་གསར་དུ་ནང་འདྲེན་བྱས་པའི་མུ་འབྲེལ་སྟབས་བདེ་ཚོང་ཁང་གི་སྤུས་རྟགས་ལ་སྤུས་རྟགས་གཉེར་སྐྱོང་སྒྲིག་གཞིའི་སྤུས་རྟགས་རྐྱང་པ་ལ་ཐེངས་གཅིག་བྱ་དགའ་སྒོར་ཁྲི་15སྤྲོད་རྒྱུ་ཡིན་པ་རེད། སྤྱི་ཁྱབ་པུའུ་ཡིས་ཞིང་ཆེན་དུ་ཐོ་འགོད་བྱས་པའི་མུ་འབྲེལ་སྟབས་བདེ་ཚོང་ཁང་གི་སྤུས་རྟགས་ལ་ཞིང་ཆེན་ནང་ཁུལ་དུ་ཚོང་ཁང་གཅིག་གསར་དུ་བསྣན་ཚེ་མ་དངུལ་གྱི་རྒྱབ་སྐྱོར་བྱ་རྒྱུ་ཡིན་པ་རེད། རྩེར་སོན་ཚོང་ལས་དང་སིལ་ཚོང་སྤུས་རྟགས་རེ་ཞུ་བྱས་པའི་ཁེ་ལས་ལ་ཞིབ་བཤེར་དང་ངོས་འཛིན་བྱས་པ་བརྒྱུད་བསྡུར་ཚད་ངེས་ཅན་ལྟར་མ་དངུལ་གྱི་རྒྱབ་སྐྱོར་བྱེད་དགོས།
གཞན་ཡང་རང་རྒྱལ་གྱིས་ད་དུང་ཚོང་ལས་རྐང་ཐང་ཁྲོམ་གཞུང་(ཚོང་ལས་ཁྲོམ་གཞུང་ཁུལ)བསྒྱུར་བཀོད་མཐོར་འདེགས་དང་།སིལ་ཚོང་ལས་རིགས་གསར་གཏོད་མཐོར་འདེགས་ཚོད་ལྟའི་འཛུགས་སྐྲུན།མཚོ་སྔོན་གྱི་བཟའ་བཏུང་རྒྱུད་འབྲེལ་ཁེ་ལས་འཕེལ་རྒྱས།ཚོང་རྟགས་རྙིང་པ་ཁེ་ལས་བསྒྱུར་བཀོད་མཐོར་འདེགས་བཅས་ལ་རྒྱབ་སྐྱོར་བྱ་རྒྱུ་དང་དུས་མཚུངས་སྤུས་རྟགས་ཁེ་ལས་ཚད་བཀག་ནང་ཞུགས་རྒྱུར་སྐུལ་མ་གཏོང་རྒྱུ་དང་ཚད་བཀག་ཐོག་གི་ཁེ་ལས་ཀྱི་གཞི་ཁྱོན་གསོ་སྐྱོང་དང་སྟོབས་ཆེར་གཏོང་རྒྱུ་དང་།ཚད་བཀག་ཡན་གྱི་ཁེ་ལས་མིང་ཐོའི་ནང་གསར་དུ་བཅུག་པའི་ཚོང་དོན་ཁེ་ལས་ལ་ཐེངས་གཅིག་གི་བྱ་དགའ་སྤྲོད་རྒྱུ་དང་བྱ་དགའ་ཚད་གཞིར་ཁེ་ལས་ཀྱི་རིགས་ལྟར་ཁྱད་པར་ཅན་གྱི་རྒྱབ་སྐྱོར་བྱ་རྒྱུ་ཡིན་པ་རེད། ཁེ་ལས་ཆེ་རུ་སྟོབས་ཆེར་གཏོང་རྒྱུར་སྐུལ་མ་གཏོང་བ་དང་།ལས་རིགས་མི་འདྲ་བའི་ཁེ་ལས་ལ་ཁྱད་པར་ཅན་གྱི་བྱ་དགའ་སྤྲོད་པ།ཚོང་དོན་ཁེ་ལས་ཀྱི་ཁྲོམ་རའི་འགྲན་རྩོད་ནུས་པ་ཆེ་རུ་གཏོང་བ།ལོ་འཁོར་གྱི་ཕྱིར་ཚོང་གྲངས་འབོར་འཕར་ཚད་གཏན་འབེབས་ཀྱི་ཚད་གཞིར་སླེབས་པའི་ཁེ་ལས་ལ་ཐེངས་གཅིག་གི་བྱ་དགའ་སྤྲོད་དགོས།
