མཚོ་ཤར་གྱིས་གཞི་གྲངས་ཁྱབ་ཁོངས་ཀྱི་རྨང་གཞིའི་ལམ་ལུགས་གསུམ་བཏོན་པ།

མཚོ་སྔོན་གསར་འགྱུར་དྲ་བའི་འཕྲིན། ཟླ4པའི་ཚེས3ཉིན།མཚོ་ཤར་གྲོང་ཁྱེར་གཞི་གྲངས་ཅུས་ནས་རྒྱུས་ལོན་བྱུང་བ་ལྟར་ན། རྒྱལ་ཁབ་ཀྱི“གཞི་གྲངས་ཀྱི་ཀྲུང་གོའི”འཐབ་ཇུས་ཁྱོན་ཡོངས་ནས་སྐུལ་འདེད་བཏང་ནས་ཕན་འབྲས་ཐོན་ཆེད།མཚོ་ཤར་གྲོང་ཁྱེར་གྱིས་ས་ཁོངས་འཕེལ་རྒྱས་ཀྱི་དོན་དངོས་དང་ཟུང་འབྲེལ་བྱེད།《གྲངས་གཞིའི་མཚོ་ཤར་འཛུགས་སྐྲུན་ལག་བསྟར་བསམ་འཆར》《མཚོ་ཤར་གྲོང་ཁྱེར་གྱི་གཞི་གྲངས་རྒྱུ་རྐྱེན་གཙོ་བོའི་དོ་དམ་བྱ་ཐབས(སྐབས་སྐབས)》《མཚོ་ཤར་གྲོང་ཁྱེར་གྱི་གཞི་གྲངས་བདེ་འཇགས་དོ་དམ་བྱེད་ཐབས(སྐབས་སྐབས)》དངོས་སུ་ཁྱབ་བསྒྲགས་བྱས། དེ་ནི་མཚོ་སྔོན་ཞིང་ཆེན་གྱི་མ་ལག་རང་བཞིན་གྱི་གཞི་གྲངས་ཀྱི་རྨང་གཞིའི་ལམ་ལུགས་ཀྱི་སྒྲོམ་གཞི་དང་པོ་དེ་ཐོག་ནས་མཚོ་ཤར་གྲོང་ཁྱེར་གྱིས་གཞི་གྲངས་ཀྱི་རྒྱུ་རྐྱེན་ཁྲོམ་ར་ཅན་གྱི་བཀོད་སྒྲིག་སྒྱུར་བཅོས་ཐད་འགག་རྩའི་གོམ་པ་ཞིག་སྤོས་པ་མཚོན་པ་དང་ཞིང་ཆེན་ཡོངས་ཀྱི་གྲངས་གཞི་ཅན་གྱི་ཕྱོགས་སྒྱུར་ལ་གསར་གཏོད་ཀྱི་ཚད་གཞི་བཏགས།

མིག་སྔར།གཞི་གྲངས་ནི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྐུལ་འདེད་གཏོང་བའི་སྲོག་ཤིང་གི་རྒྱུ་རྐྱེན་གཙོ་བོ་ཞིག་ཏུ་གྱུར་ཡོད། རྒྱལ་ཁབ་རིམ་པས་སྔ་རྗེས་སུ་“གྲངས་འཛིན་ཀྲུང་གོ”“གཞི་གྲངས་ཀྱི་བདེ་འཇགས”སོགས་ཁྲིམས་སྲོལ་དང་དེ་བཞིན་ཁྱོན་ཡོངས་ཀྱི་བཀོད་སྒྲིག་འཆར་འགོད་བཏོན་པ་དང་ཀྲེ་ཅང་དང་ཧྲང་ཧའེ་སོགས་ཞིང་ཆེན་དང་གྲོང་ཁྱེར་24དང་དེ་བཞིན་ས་ཁུལ་རིམ་པའི་གྲོང་ཁྱེར་219ཡིས་སྔོན་ལ་གྲངས་གཞིའི་རྒྱུ་རྐྱེན་གཙོ་བོའི་དོ་དམ་ལམ་སྲོལ་འཚོལ་ཞིབ་བྱས་ནས་གྲངས་འཛིན་དཔལ་འབྱོར་འཕེལ་རྒྱས་ཀྱི་སྒུལ་ཤུགས་གསར་པ་ཆགས་པ་རེད། ཞིང་ཆེན་ཡོངས་ཀྱི་དཔལ་འབྱོར་འཕེལ་རྒྱས་ཀྱི་སྒུལ་ཤུགས་གལ་ཆེན་ཞིག་ཡིན་པའི་མཚོ་ཤར་གྲོང་ཁྱེར་གྱིས་2023ལོ་ནས་བཟུང་གྲོང་ཁྱེར་ཡོངས་ཀྱི་གཞི་གྲངས་ཐོན་ཁུངས་ཡོངས་ཁྱབ་ཞིབ་བཤེར་བྱེད་འགོ་བཙུགས་ཏེ།《མཚོ་ཤར་གྲོང་ཁྱེར་གྱི་གཞི་གྲངས་ཐོན་ཁུངས་རྩ་བ་ནས་བརྟག་དཔྱད་སྙན་ཞུ》《གྲངས་འཛིན་མཚོ་ཤར་འཛུགས་སྐྲུན་ལག་ལེན་དང་འཚོལ་ཞིབ》《མཚོ་ཤར་གྲོང་ཁྱེར་གྱི་གཞི་གྲངས་རྨང་གཞིའི་ལམ་ལུགས་འཛུགས་སྐྲུན་ཞིབ་འཇུག》སོགས་ཞིབ་འཇུག་གྲུབ་འབྲས་ཆགས་པ་དང་།“གྲངས་གཅིག་དང་ཁུངས་གཅིག”དང་།“གྲངས་གཅིག་དང་མཛོད་གཅིག”གི་བསམ་ཕྱོགས་བཏོན་ཏེ།སྲིད་དོན་གཞི་གྲངས་ཐོན་ཁུངས་དོ་དམ་དང་མཉམ་སྤྱོད་ཀྱི་གྲངས་འཛིན་མཚོ་ཤར་གཞི་རྩའི་དཔེ་དབྱིབས་བཙུགས། ན་ནིང་ཟླ6པར་འཆར་ཟིན་འགོད་པའི་ལས་དོན་དངོས་སུ་སྤེལ་འགོ་ཚུགས་པ་དང་སྔ་རྗེས་སུ་སྡེ་ཚན་65དང་།ཁེ་ལས་20རྒྱལ་ནང་གི་རིགས་གཅིག་མཁས་ཅན་15བཅས་ཀྱི་བསམ་འཆར་བསྡུ་ལེན་བྱས་པ་དང་བསམ་འཆར་དང་གྲོས་འགོ་293བསྡུ་ལེན་བྱས་པ་མ་ཟད།ཁྲིམས་དོན་ཞིབ་བཤེར་དང་དྲང་གཞག་འགྲན་རྩོད་ཞིབ་བཤེར་སོགས་ཁྲིམས་བཀོད་གོ་རིམ་བརྒྱུད་མཐར་མཚོ་ཤར་གི་ཁྱད་ཆོས་ལྡན་པའི་གཞི་གྲངས་བཅོས་སྐྱོང་སྒྲོམ་གཞིའི་མ་ལག་ཆགས་ཡོད།

མཚོ་ཤར་གྲོང་ཁྱེར་གྱིས་ཐེངས་འདིའི་སྲིད་ཇུས་ཁྱབ་བསྒྲགས་བྱ་རྒྱུ་གོ་སྐབས་སུ་བརྩིས་ནས་གྲངས་གཞིའི་ཁྱབ་ཁོངས་ཀྱི་སྒྱུར་བཅོས་མུ་མཐུད་གཏིང་ཟབ་ཏུ་བཏང་ནས་ཞིང་ཆེན་ཡོངས་ཀྱི་གྲངས་འཛིན་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ལ་མཚོ་ཤར་གི་བློ་གྲོས་ལེགས་སྐྱེས་སུ་འབུལ་རྒྱུ་ཡིན་པ་རེད། ལམ་ལུགས་གསར་གཏོད་བྱས་པ་བརྒྱུད་གྲངས་གཞི་འཁོར་རྒྱུག་གི་འཇུར་མིག་སེལ་ནས་ཐོན་ཁུངས་དོ་དམ་དང་།རྒྱུ་རྐྱེན་གཙོ་བོ་གསར་སྤེལ།བདེ་འཇགས་བཅོས་སྐྱོང་བཅས་ཁྲོད་ཀྱི་གྲངས་གཞི་གཙོ་སྐྱོང་སྡེ་ཁག་དང་།རྫོང་ཁུལ།སྡེ་ཚན་བཅས་ཀྱི་དབང་ཆ་དང་འགན་འཁྲིའི་མཐའ་མཚམས་ཁ་གསལ་བཟོས་ནས་ལྗང་མདོག་རྩིས་ནུས་ཐོན་ལས་འཕེལ་རྒྱས་དང་གྲངས་གཞི་ཅན་གྱི་ནུས་པ་སྤྲོད་རྒྱུར་ལམ་ལུགས་ཀྱི་འགན་སྲུང་མཁོ་འདོན་བྱེད་དགོས།

སྔོན་དཔག་བྱས་ན།2027ལོར་སླེབས་སྐབས་ལྗང་མདོག་རྩིས་ཤུགས་གཙོ་གནད་དུ་བྱས་པའི་གྲངས་འཛིན་དཔལ་འབྱོར་ཕྱོགས་ཡོངས་ནས་སྔོན་ཐོན་ཡོང་བ་དང་།“ལམ་ལུགས་འཐུས་ཚང་དང་།རྒྱུ་རྐྱེན་གཙོ་བོ་འཁྲུག་གྱུར།བདེ་འཇགས་ཚོད་འཛིན་བྱེད་ཐུབ་པའི་”གྲངས་འཛིན་སྣོད་བཅུད་ཆགས་པ་དང་།“གྲངས་འཛིན་མཚོ་ཤར་”དཔེ་དབྱིབས་ཆེན་པོའི་རྨང་གཞི་གཞི་རྩའི་ཐོག་བསྐྲུན་རྒྱུ་དང་།ཚད་ལྡན་འཕྲུལ་འཁོར་སྒྲོམ་གྱི་གཞི་ཁྱོན་ཁྲི་10ཟིན་པ།རྩིས་ཤུགས་བཀོལ་སྤྱོད་གཞི་ཁྱོན་ཁྲི་3PFLOPS(FP16)བཅས་བྱས་ཏེ་གཙོ་གནད་ཉེར་སྤྱོད་རྣམ་པ་10ཡན་བསྐྲུན་ནས་གྲངས་འཛིན་དཔལ་འབྱོར་གྱིས་GDPནང་བཟུང་བའི་བསྡུར་ཚད12%ལས་བརྒལ་རྒྱུའི་བརྩོན་ལེན་བྱ་རྒྱུ་རེད།