དམར་གཙང་གི་དུས་ཚིགས་དང་པོའི་ཞིང་ཕྱུགས་ལས་ཐོན་སྐྱེད་ལ་“འགོ་ཚུགས་པ་ཡག་པོ་”བྱུང་བ།

མཚོ་སྔོན་གསར་འགྱུར་དྲ་བའི་འཕྲིན། ཟླ4པའི་ཚེས1ཉིན། དམར་གཙང་ཁུལ་གྱི་བསྡོམས་རྩིས་གཞི་གྲངས་གསར་ཤོས་ལ་གཞིགས་ན།དུས་ཚིགས་དང་པོའི་དམར་གཙང་ཁུལ་གྱིས་ཞིང་ལས་འཕྲུལ་ཆས866གཅིག་གྱུར་གྱིས་བཀོད་སྒྲིག་བྱས་ནས་འཕྲུལ་ཆས་ཅན་གྱི་རྨོ་འདེབས་སྤྱི་ཆིང་2026.66ལེགས་གྲུབ་བྱས་པ་དང་འཕྲུལ་ཆས་ཅན་གྱི་ཚད་92%ཟིན་ཡོད། དེ་དང་ཆབས་ཅིག་རིམ་རྩིས་ཐོག་ཞིང་ལས་ཁག་ཐེག་དངུལ་བུན་སྒོར་ཁྲི་114སྤྲད་དེ་ཞིང་ཕྱུགས་ལས་གཞི་ཁྱོན་དང་ཚད་ལྡན་ཅན་དུ་འཕེལ་རྒྱས་གཏོང་རྒྱུར་གཙོ་གནད་ཐོག་རྒྱབ་སྐྱོར་བྱས་པ་མ་ཟད།སྲོག་ཆགས་ཀྱི་རིམས་ནད་གལ་ཆེན་ལ་ལྟ་ཞིབ་ཚད་ལེན་ཡོངས་སུ་ཁྱབ་ཐུབ་པ་བྱས་ཡོད། ཞིང་འབྲོག་ལས་ཀྱི་སྦྲེལ་ཐག་ཡོངས་ཀྱི་འགན་སྲུང་མ་ལག་བཙུགས་པ་བརྒྱུད་དམར་གཙང་ཁུལ་གྱི་ཞིང་ཕྱུགས་ལས་ལོ་ཧྲིལ་པོར་སྤུས་ཚད་མཐོ་བའི་འཕེལ་རྒྱས་ལ་སྒུལ་ཤུགས་ཆེན་པོ་བསྣན་ཡོད།

དམར་གཙང་ཁུལ་གྱིས་ཞིང་ལས་རྒྱུ་ཆའི་སྤུས་ཚད་བདེ་འཇགས་དེ་ཞིང་ལས་ཐོན་རྫས་ཀྱི་སྤུས་ཚད་བདེ་འཇགས་འགན་ལེན་བྱེད་པའི་འགོག་སྲུང་དང་པོར་བརྩིས་ཏེ། ས་བོན་དང་།ལུད་རྫས།ཞིང་ལས་དང་ཕྱུགས་སྨན་སོགས་འགག་རྩའི་ཞིང་ལས་རྒྱུ་ཆ་ལ་དམིགས་ནས་ཁྲིམས་འཛིན་སྟོབས་ཤུགས་སྒྲིག་འཛུགས་བྱས་ཏེ།ཞིང་ལས་རྒྱུ་ཆའི་ཁྲོམ་ར་ཚད་ལྡན་དང་གོ་རིམ་ལྡན་པའི་འགན་སྲུང་བྱེད་དགོས། ཞིང་ལས་ཐོན་སྐྱེད་འཕྲུལ་ཆས་ཅན་དང་རིག་ནུས་ཅན་དུ་འགྱུར་བར་ཁྱོན་ཡོངས་ནས་སྐུལ་འདེད་བཏང་ནས་དཔྱིད་འདེབས་ཐོན་སྐྱེད་ཁྲོད་ཞིང་ལས་འཕྲུལ་ཆས་ཀྱི་སྟོབས་ཤུགས་གཙོ་བོའི་ནུས་པ་འདོན་སྤེལ་ཏན་ཏིག་བྱ་དགོས། “མཉམ་ལས་ཁང་དང་གྲོང་ཚོའི་ཐུན་མོང་།ཞིང་དུད་བཅས་ཀྱི་བརྒྱུད་རིམ་ཧྲིལ་པོའི་ཚབ་གཉེར་ཞབས་ཞུའི་རྣམ་པ་གསར་གཏོད་དང་ཁྱབ་གདལ་བཏང་ནས་ཞིང་དུད་ཆུང་གྲས་ལ་ཚབ་འདེབས་དང་ཚབ་འདེབས་བྱེད་པའི“གཅིག་འཐུས་རང་གཞིའི”ཐག་གཅོད་ཇུས་གཞི་མཁོ་འདོན་བྱེད་དགོས། ཞིང་ལས་འཕྲུལ་ཆས་ཉོ་སྒྲུབ་ཁ་གསབ་སྲིད་ཇུས་དོན་འཁྱོལ་དང་ཞིང་ལས་འཕྲུལ་ཆས་སྒྲིག་ཆས་ཀྱི་གྲུབ་ཆ་ལེགས་སུ་གཏོང་བ།ཞིང་ལས་འཕྲུལ་ཆས་དུད་ཚང་ཆེ་གྲས་དང་མཉམ་ལས་ཁང་དང་བདེ་འཇགས་ཐོན་སྐྱེད་འགན་འཁྲིའི་ཡི་གེ་འཇོག་པ།འཕྲུལ་ཆས་བཀོལ་སྤྱོད་ཚད་ལྡན་མཛུབ་ཁྲིད་བྱེད་ཤུགས་ཆེ་རུ་གཏོང་བ་བཅས་བྱས་ཏེ་ཞིང་ལས་འཕྲུལ་ཆས་ལས་སྒྲུབ་ལས་ཆོད་དང་བདེ་འཇགས་དོ་དམ“གཉིས་མཐོར་འདེགས་གཏོང་བ”མངོན་འགྱུར་བྱེད་དགོས།

དམར་གཙང་ཁུལ་གྱིས་ཞིང་ལས་ཚོང་ལས་དངུལ་ཁང་སོགས་དངུལ་རྩའི་སྒྲིག་གཞི་དང་མཉམ་འབྲེལ་བྱས་ཏེ“དངུལ་རྩའི་ཐོག་ཞིང་པར་རོགས་སྐོར”གྱི་ཆེད་དོན་བྱ་སྤྱོད་གཏིང་ཟབ་ཏུ་སྤེལ་ཡོད། སྨན་ཁབ་རྒྱག་པའི་གསོ་སྤེལ་དུད་ཚང་དང་མཉམ་ལས་ཁང་གི་མ་དངུལ་དགོས་མཁོར་གནད་ལ་འཁེལ་བའི་སྒོ་ནས་ཞིང་ལས་ཁག་ཐེག་དངུལ་བུན་སྤྲད་ནས་ཞིང་དུད་ལ་ཕན་པ་ཐོབ་པ་རེད། དེ་དང་ཆབས་ཅིག་ས་ཁོངས་ཐོན་ལས་ཀྱི་ཁྱད་ཆོས་དང་ཟུང་འབྲེལ་བྱས་ཏེ་ཞིང་ལས་འགན་བཅོལ་གྱི་ཁྱབ་ཁོངས་རྒྱ་སྐྱེད་དང་ཐོན་རྫས་མང་དུ་གཏོང་རྒྱུར་བརྟན་པོའི་ངང་སྐུལ་འདེད་གཏོང་བ་དང་།སྲིད་ཇུས་རང་བཞིན་གྱི་ཞིང་ལས་འགན་སྲུང་གི་དུས་འགོའི་བརྟག་དཔྱད་ལེགས་གྲུབ་བྱས་ཏེ་ཞིང་ཕྱུགས་ལས་ཉེན་ཁ་འགོག་པའི་ནུས་པ་ཆེ་རུ་ཏན་ཏིག་བཏང་ནས་ཐོན་ལས་འཕེལ་རྒྱས་ལ་དངུལ་རྩའི་“གསོན་ཆུ”བརྒྱབ།