མཚོ་སྔོན་ཞིང་ཆེན་རིམ་པ་ཡན་གྱི་གླིང་ཁུལ་འཁོར་སྐྱོད་ཅན་གྱི་བསྒྱུར་བཀོད་ཇེ་མགྱོགས་སུ་བཏང་བ།

མཚོ་སྔོན་གསར་འགྱུར་དྲ་བའི་འཕྲིན། ཟླ4པའི་ཚེས5ཉིན། མཚོ་སྔོན་ཞིང་ཆེན་འཕེལ་རྒྱས་དང་བཅོས་བསྒྱུར་ཨུ་ཡོན་ལྷན་ཁང་གིས2021ལོར་རྒྱལ་ཁབ་ཀྱི“ལོ་ལྔའི་འཆར་གཞི་བཅུ་བཞི་པའི”གླིང་ཁུལ་འཁོར་སྐྱོད་ཅན་གྱི་བསྒྱུར་བཀོད་བྱེད་འགོ་ཚུགས་པ་ནས་བཟུང་ཞིང་ཆེན་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་གིས་ཞིང་ཆེན་བཟོ་ལས་ཆ་འཕྲིན་ཐིང་དང་མཉམ་འབྲེལ་བྱས་ཏེ། ཞིང་ཆེན་ཡོངས་གི“ལོ་ལྔའི་འཆར་གཞི་བཅུ་བཞི་པའི”ཞིང་ཆེན་རིམ་པ་ཡན་གྱི་གླིང་ཁུལ་འཁོར་སྐྱོད་ཅན་གྱི་བསྒྱུར་བཀོད་ལས་དོན་ལ་སྐུལ་འདེད་མགྱོགས་སུ་བཏང་སྟེ།《མཚོ་སྔོན་ཞིང་ཆེན་གི“ལོ་ལྔའི་འཆར་གཞི་བཅུ་བཞི་པའི”གླིང་ཁུལ་འཁོར་སྐྱོད་ཅན་གྱི་བསྒྱུར་བཀོད་ལག་བསྟར་ཇུས་གཞི》ཞིབ་འཇུག་དང་གཏན་འབེབས་བྱས་པ་མ་ཟད།གསར་དུ་བསྒྱུར་བཀོད་ལས་འགན་སྤེལ་འགོ་ཚུགས་པའི་ཟི་ལིང་(རྒྱལ་ཁབ་རིམ་པའི་)དཔལ་འབྱོར་ལག་རྩལ་གསར་སྤེལ་ཁུལ་གྱི་ནན་ཁྲོན་བཟོ་ལས་གླིང་ཁུལ་དང་། མཚོ་ཤར་གྲོང་ཁྱེར་དམངས་དང་ཧའེ་རིགས་ཧོར་རིགས་རང་སྐྱོང་རྫོང་བཟོ་ལས་གླིང་ཁུལ།མཚོ་བྱང་བོད་རིགས་རང་སྐྱོང་ཁུལ་སྐྱེ་དངོས་གླིང་ཁུལ་སོགས་གླིང་ཁུལ་9ལ་མཛུབ་ཁྲིད་བྱས་ཏེ།“གླིང་གཅིགསྲིད་ཇུས་གཅིག”གཞིར་བཟུང་ལག་བསྟར་ཇུས་གཞི་སོ་སོར་ཞིབ་ཕྲ་བཟོས་ནས་ལག་བསྟར་བྱེད་པར་ནུས་ཤུགས་ཡོད་རྒུས་སྒྲིག་འཛུགས་དང་སྐུལ་འདེད་བཏང་ཡོད། མིག་སྔའི་བར་གླིང་ཁུལ་ཁག་གི་འཁོར་སྐྱོད་ཅན་གྱི་སྒྱུར་བཀོད་བདེ་བླག་ངང་འཕེལ་རྒྱས་ཕྱིན་པ་དང་འཆར་འགོད་ཀྱི་དམིགས་ཚད་གཙོ་བོ་13ཁྲོད་ཀྱི་དམིགས་ཚད་85%ཡན་སྔོན་དཔག་ལེགས་གྲུབ་བྱུང་བ་དང་དེའི་ནང་གི་དམིགས་ཚད་40%ཙམ་སྔ་སྣུར་གྱིས་ལེགས་གྲུབ་ཟིན་ཡོད།

ཞིང་ཆེན་རིམ་པ་ཡན་གྱི་གླིང་ཁུལ་གྱི་འཁོར་སྐྱོད་ཅན་གྱི་བསྒྱུར་བཀོད་ལ་སྐུལ་འདེད་གཏོང་རྒྱུ་ནི་ཐོན་ལས་ཀྱི་གྲུབ་ཆ་ལེགས་སྒྲིག་ནུས་ལྡན་དང་།ཐོན་ཁུངས་བེད་སྤྱོད་ཀྱི་ལས་ཆོད་མཐོར་འདེགས་གཏོང་བ།གླིང་ཁུལ་གྱི་ཕྱོགས་བསྡུས་འགྲན་རྩོད་ནུས་པ་ཆེ་རུ་གཏོང་བ་བཅས་ཀྱི་བྱེད་ཐབས་གལ་ཆེན་ཞིག་རེད། “ལོ་ལྔའི་འཆར་གཞི་བཅུ་བཞི་པ”ནས་བཟུང་།གླིང་ཁུལ་9ཡིས་ལག་བསྟར་ཇུས་གཞིར་གཏན་འཁེལ་བྱས་པའི་ལས་ཀའི་གཙོ་གནད་ལ་དམིགས་ཏེ་ཐོན་ཁུངས་དང་ནུས་ཁུངས་བེད་སྤྱོད་ལས་ཕྱོད་ཆེ་རུ་གཏོང་རྒྱུ་དེ་ལྟེ་བར་བྱེད་པ་དང་།ལྗང་མདོག་འཕེལ་རྒྱས་མངོན་འགྱུར་ཡོང་བར་སྐུལ་འདེད་གཏོང་རྒྱུ་དེ་དམིགས་ཚད་གཙོ་བོ་དང་གཙོ་གནད་རྣམ་གྲངས་ལ་དོ་སྣང་དམ་ཟབ་བྱས་ཏེ་འཁོར་སྐྱོད་ཅན་གྱི་བསྒྱུར་བཀོད་འཕེལ་རིམ་ལ་སྐུལ་འདེད་མགྱོགས་སུ་བཏང་ཡོད། འཆར་འགོད་བྱས་པའི་གཙོ་གནད་རྣམ་གྲངས་180ནང་2024ལོའི་ལོ་མཇུག་བར་130བསྐྲུན་ཟིན་པ་དང་ལེགས་གྲུབ་ཚད་72%ལས་བརྒལ་བ།མ་དངུལ་སྒོར་དུང་ཕྱུར་240ཟིན་ནས་མ་དངུལ་བསྡོམས་འབོར་གྱི་75%ཟིན་པ།གཙོ་གནད་རྣམ་གྲངས་གཞན་དག་འཛུགས་སྐྲུན་བྱེད་ཤུགས་ཆེ་རུ་གཏོང་བཞིན་ཡོད། འཁོར་སྐྱོད་ཅན་གྱི་བསྒྱུར་བཀོད་བྱས་པ་བརྒྱུད།གླིང་ཁུལ་ཁག་གི་ཐོན་ལས་རྨང་གཞི་རྒྱུན་ཆད་མེད་པར་སྲ་བརྟན་དུ་བཏང་བ་དང་།ནན་ཁྲོན་བཟོ་ལས་གླིང་ཁུལ་གྱི་འོད་གློག་དང་ལིས་གློག་གཙོ་བོར་བྱས་པའི་ནུས་ཁུངས་གསར་པའི་ཐོན་ལས་སྦྲེལ་ཐག་གསོ་སྐྱོང་དང་ཆགས་པ་དང་། མཚོ་ཤར་གྲོང་ཁྱེར་རྨ་ཙོང་ཁུལ་གསར་དུ་ཆ་འཕྲིན་ལག་རྩལ་དང་།ཚོང་དོན་ཟོག་འགྲུལ།ནུས་ཁུངས་གསར་པའི་ཐོན་ལས་བཅས་མགྱོགས་སུ་བཏོད་པ།ཟི་ལིང་(རྒྱལ་ཁབ་རིམ་པའི་)དཔལ་འབྱོར་ལག་རྩལ་གསར་སྤེལ་ཁུལ་གྱི་སྐྱེ་དངོས་ཚན་རྩལ་ཐོན་ལས་གླིང་ཁུལ་དང་།མཚོ་བྱང་སྐྱེ་དངོས་གླིང་ཁུལ། མཚོ་ཤར་གྲོང་ཁྱེར་ཧའེ་རིགས་ཧོར་རིགས་རང་སྐྱོང་རྫོང་གི་ལྗང་མདོག་ཐོན་ལས་གླིང་བཅས་ཀྱིས་ཁྱད་ཆོས་ལྡན་པའི་སྐྱེ་དངོས་ཞིབ་ཚགས་ལས་སྣོན་ཐོན་ལས་རྒྱུན་ཆད་མེད་པར་སྟོབས་ཆེར་གཏོང་བ།ཟི་ལིང་གྲོང་ཁྱེར་རྟ་ཐང་ཧའེ་རིགས་ཐུའུ་རིགས་རང་སྐྱོང་རྫོང་གི་པེ་ཁྲོན་བཟོ་ལས་གླིང་ཁུལ་དང་དམངས་ཧོ་བཟོ་ལས་གླིང་ཁུལ་དུ་ཧ་ཡང་དང་ལྕགས་སོགས་ལྕགས་རིགས་བསྲེས་ལྕགས་ཐོན་ལས་མུ་མཐུད་དུ་སྟོབས་ཆེར་གཏོང་བ།གླིང་ཁུལ་ཁག་གི་དེང་རབས་ཐོན་ལས་མ་ལག་མགྱོགས་མྱུར་ངང་འཛུགས་པ་དང་།ནུས་ཁུངས་བེད་སྤྱོད་ལས་ཆོད་རྒྱུན་ཆད་མེད་པར་མཐོ་རུ་ཕྱིན་པ་དང་།ཐོན་ཁུངས་ཟད་གྲོན་རྒྱུན་ཆད་མེད་པར་ཇེ་ཉུང་དུ་ཕྱིན་པ།བཟོ་ལས་སྦགས་བཙོག་དངོས་རྫས་འབུད་ཚད་ལོ་རེ་བཞིན་ཉུང་དུ་ཕྱིན་པ།འཁོར་སྐྱོད་དཔལ་འབྱོར་ཐོན་ལས་སྦྲེལ་ཐག་གི་འབྲེལ་བ་རྒྱུན་ཆད་མེད་པར་མཐོ་རུ་ཕྱིན་པས།གླིང་ཁུལ་གྱི་ལྗང་མདོག་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ནུས་ལྡན་བཏང་ཡོད།

ངོ་སྤྲོད་བྱས་པར་གཞིགས་ན།ཞིང་ཆེན་འཕེལ་རྒྱས་སྒྱུར་བཅོས་ཨུ་ལྷན་གྱིས་བཀོད་གཏོང་ལས་དོན་གྱི་བྱེད་ཤུགས་སྔར་བས་ཆེ་རུ་བཏང་ནས་དུས་ཚིགས་ལྟར་གླིང་ཁུལ་ཁག་གིས་དམིགས་ཚད་དམིགས་ཚད་དང་།ལས་འགན་གཙོ་བོ།གཙོ་གནད་རྣམ་གྲངས་སོགས་ལ་དམ་འཛིན་བྱས་ཏེ་འཁོར་སྐྱོད་ཅན་གྱི་བསྒྱུར་བཀོད་ཀྱི་མྱུར་ཚད་ལ་ནུས་ཤུགས་ཡོད་རྒུས་སྐུལ་འདེད་གཏོང་རྒྱུ་མ་ཟད།འཁོར་སྐྱོད་ཅན་གྱི་བསྒྱུར་བཀོད་ཀྱི་དུས་མཇུག་གི་དཔྱད་དཔོག་ལས་དོན་སྔ་སྣུར་བྱས་ཏེ“ལོ་ལྔའི་འཆར་གཞི་བཅུ་བཞི་པའི”ཞིང་ཆེན་རིམ་པ་ཡན་གྱི་གླིང་ཁུལ་གྱི་འཁོར་སྐྱོད་ཅན་གྱི་བསྒྱུར་བཀོད་ལས་འགན་བདེ་བླག་ངང་ལེགས་འགྲུབ་ཡོང་བའི་འགན་སྲུང་བྱ་རྒྱུ་ཡིན་རེད།