མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟི་ལིང་ཧྲིན་ནེང་ཙོང་ཆུ་ཁོར་ཡུག་སྲུང་སྐྱོང་ཚད་ཡོད་ཀུང་སི་དང་། མཚོ་སྔོན་མདོ་ལ་རི་བོའི་ཨར་འདམ་ཚད་ཡོད་ཀུང་སི། མཚོ་སྔོན་ཞིང་ཆེན་མཚོ་ཤར་བཟོ་ལས་གླིང་མིན་ཧོ་བཟོ་ལས་གླིང་སྐྱེ་ཁམས་གླེང་སོགས་ཁོར་ཡུག་པུའུ་ཡིས་ཉེ་ཆར་རྡོ་སྣུམ་དང་གློག་ཤུགས། ངར་ལྕགས། ཨར་ལས་རྒྱུ་ཆས་ལས་རིགས་ཀྱི་ཁོར་ཡུག་སྲུང་སྐྱོང་སྒྲིག་བཀོད་སྒོ་འབྱེད་ལས་ཁུངས་ཀྱི་མིང་ཐོ་ཁག་དང་པོ་ཁྱབ་བསྒྲགས་བྱས་པ་དང་། མཚོ་སྔོན་གྱི་ཁེ་ལས12དེའི་ཁྲོད་བདམས།
བདམས་ཐོན་བྱུང་བའི་ཁེ་ལས12ནང་རྡོ་སྣུམ་དང་གློག་ཤུགས། ཨར་ལས་རྒྱུ་ཆའི་ལས་རིགས་བཅས་ཡོད་པ་དང་། དེའི་ནང་ཟི་ལིང་གྲོང་ཁྱེར་གྱི་ཁེ་ལས2དང་། མཚོ་ཤར་གྲོང་ཁྱེར་གྱི་ཁེ་ལས3། མཚོ་ནུབ་སོག་རིགས་བོད་རིགས་རང་སྐྱོང་ཁུལ་གྱི་ཁེ་ལས7བཅས་ཡོད། དེ་དང་ཆབས་ཅིག སྐྱེ་ཁམས་ཁོར་ཡུག་པུའུ་ཡིས་ད་དུང་རྒྱལ་ཡོངས་ཁོར་ཡུག་སྲུང་སྐྱོང་སྒྲིག་བཀོད་དང་གྲོང་ཁྱེར་གྱི་བཙོག་ཆུ་དང་གད་སྙིགས་གཙང་སེལ་སྒྲིག་བཀོད་སྒོ་འབྱེད་ལས་ཁུངས་ཁག་ལྔ་བའི་མིང་ཐོ་ཁྱབ་བསྒྲགས་བྱས་པ་དང་། དེའི་ནང་ཟི་ལིང་གྲོང་ཁྱེར་ཏ་ཐུང་ཧུའེ་རིགས་ཧོར་རིགས་རང་སྐྱོང་རྫོང་གི་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་ས་ཚིགས། རྨ་ལྷོ་བོད་རིགས་རང་སྐྱོང་ཁུལ་རྩེ་ཁོག་རྫོང་གི་འཚོ་བའི་གད་སྙིགས་སྦས་ཡུལ་གཉིས་པ་སོགས་འདུས་པའི་ཞིང་ཆེན་གྱི་ཁེ་ལས6བདམས།
ཁོར་ཡུག་སྲུང་སྐྱོང་སྒྲིག་བཀོད་སྒོ་འབྱེད་བྱ་རྒྱུ་ནི་སྤྱི་དམངས་ལ་སྐྱེ་ཁམས་ཁོར་ཡུག་སྲུང་སྐྱོང་ཤེས་བྱ་ཁྱབ་གདལ་གཏོང་བ་དང་། སྐྱེ་ཁམས་དཔལ་ཡོན་གྱི་འདུ་ཤེས་དྲིལ་སྒྲོག་བྱེད་པ། གྲོང་མིའི་སྐྱེ་ཁམས་ཁོར་ཡུག་གི་འདུ་ཤེས་མཐོ་རུ་གཏོང་བའི་གནས་ཡུལ་གལ་ཆེན་ཞིག་ཡིན་ལ། ཁོར་ཡུག་དྲིལ་སྒྲོག་སློབ་གསོ་སྤེལ་བ་དང་ཁོར་ཡུག་བཅོས་སྐྱོང་བྱེད་པའི་དམངས་ཡོངས་ཀྱི་འགུལ་སྐྱོད་མ་ལག་འཛུགས་པའི་གནད་འགག་ཀྱང་ཡིན། ཁོར་ཡུག་སྲུང་སྐྱོང་སྒྲིག་བཀོད་ཀྱིས་སྤྱི་དམངས་ལ་སྒོ་འབྱེད་པའི་བྱ་བའི་ཕྱོགས་སྟོན་གྱི་བླང་བྱ་གཞིར་བཟུང་ནས། སྒོ་འབྱེད་ལས་ཁུངས་ཀྱིས་ཟླ་གཉིས་ནང་ཡུལ་དངོས་སུ་ཉུང་མཐར་ཡང་སྒོ་འབྱེད་ཐེངས1བྱེད་དགོས་པ་དང་། རང་ངོས་ཀྱི་སྣེ་ལེན་ནུས་པ་དང་སྒོ་འབྱེད་ཆུ་ཚད། སྤྱི་དམངས་ཞུགས་པའི་གནས་ཚུལ་བཅས་ལ་གཞིགས་ནས་སྒོ་འབྱེད་ཐེངས་གྲངས་རིམ་བཞིན་ཇེ་མང་དུ་གཏོང་དགོས། རིམ་པ་སོ་སོའི་སྐྱེ་ཁམས་ཁོར་ཡུག་སྡེ་ཁག་གིས་སྒོ་འབྱེད་ལས་ཁུངས་ཀྱི་ལྟ་སྐུལ་དོ་དམ་དང་དཔྱད་ཞིབ་ཞིབ་བཤེར་ལ་ཤུགས་བསྣན་ནས། སྒོ་འབྱེད་སྒྲིག་ཆས་བདེ་འཇགས་དང་བརྟན་འཇགས། ཚད་གཞི་དང་མཐུན་པ་བཅས་ཀྱི་འཁོར་སྐྱོད་འགན་ལེན་བྱ་དགོས། མིག་སྔའི་བར། མཚོ་སྔོན་ལ་རྒྱལ་ཡོངས་ཀྱི་ཁོར་ཡུག་སྲུང་སྐྱོང་སྒྲིག་བཀོད་སྒོ་འབྱེད་ལས་ཁུངས་བསྡོམས་པས46ཡོད། །
