མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
མཚོ་སྔོན་གསར་འགྱུར་དྲ་འཕྲིན། ཟླ2པའི་ཚེས22ཉིན། གསར་འགོད་པས་ནུབ་རྒྱུད་གཏེར་ལས་ཚོགས་པ་ཚད་ཡོད་ཀུང་སིས་འཚོགས་པའི2025ལོའི་ཚན་རྩལ་ཚོགས་ཆེན་ཐོག་ནས་རྒྱུས་ལོན་བྱུང་བ་ལྟར་ན། མཚོ་སྔོན་གཏེར་ལས་ཁྱབ་ཁོངས་ཀྱི་སྣེ་ཁྲིད་ཁེ་ལས་ཡིན་པའི་ནུབ་རྒྱུད་གཏེར་ལས་ཚོགས་པས་གསར་གཏོད་སྐུལ་འདེད་མཐའ་འཁྱོངས་དང་། བསྒྱུར་བཅོས་འགག་སྒྲོལ་གཏིང་ཟབ་ཏུ་གཏོང་བ། ཚན་རྩལ་གསར་གཏོད་ཀྱིས་སྤུས་ཚད་མཐོ་བའི་འཕེལ་རྒྱས་ལ་སྣེ་ཁྲིད་དང་སྐུལ་འདེད་བཏང་ནས་འགག་སྒྲོལ་གསར་པ་མངོན་འགྱུར་བྱེད་པ། “ཚན་རྩལ་གྱི་འདེགས་སྐྱོར་ནུས་པ་སྔར་བས་འབུར་དུ་ཐོན་པ་དང་། ཚན་རྩལ་གསར་གཏོད་གྲུབ་འབྲས་ཕུན་སུམ་ཚོགས་པ། གྲངས་གཞི་དང་ཤེས་རིག་ཕྱོགས་སྒྱུར་མགྱོགས་སུ་གཏོང་བ། གཅིག་སྡུད་ཕན་འབྲས་གང་ལེགས་ཐོན་པ། མ་ལག་དང་ལམ་སྲོལ་ཉིན་བཞིན་འཐུས་ཚང་དུ་གཏོང་བ་བཅས་སོགས་ཀྱི་ཁྱད་ཆོས་མངོན་པ་དང་། སྤུས་ཚད་གསར་པ་ཐོན་སྐྱེད་ནུས་ཤུགས་མུ་མཐུད་གསོ་སྐྱོང་དང་སྟོབས་ཆེར་གཏོང་བ་དང་། ཁེ་ལས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྒུལ་ཤུགས་སྟོབས་ཆེན་གསོག་འཇོག་བྱེད་དགོས།
ནུབ་རྒྱུད་གཏེར་ལས་ཚོགས་པས་བཟོ་ལས་ཅན་གསར་པ་འཛུགས་སྐྲུན་ལ་མུ་མཐུད་སྐུལ་འདེད་གཏོང་བ་དང་། སྒུལ་ཤུགས་གསར་རྙིང་བརྗེ་སྤོར་མགྱོགས་སུ་གཏོང་བ། སྒྲིག་ཆས་གསར་སྒྱུར་དང་བཟོ་རྩལ་ལག་རྩལ་བསྒྱུར་བཀོད་མགྱོགས་སུ་གཏོང་བ། ཁེ་ལས་ཀྱི་གནས་ཚུལ་དང་བསྟུན་ནས་ཐོན་སྐྱེད་ནུས་ཤུགས་གསར་པ་གསོ་སྐྱོང་བཅས་བྱས་ཡོད། “བརྟན་ལྷིང་གཅིག་འཕར་སྣོན་ལྔ་ཉུང་གཏོང་གཉིས་མཐོ་རུ་གཏོང་བཞི”ཞེས་པའི་ལས་ཀའི་བསམ་ཕྱོགས་བཏོན་པ་དང་ལྷག་པར་དུ་ཚན་རྩལ་གསར་གཏོད་ཐད་“ཚན་རྩལ་གསར་གཏོད་དང་གྲངས་གཞི་རིག་ནུས་ཅན་ལ་བརྟེན་ནས་ད་ཡོད་ཀྱི་ཐོན་སྐྱེད་ནུས་ཤུགས་བསྒྱུར་བསྒྱུར་དང་། སྤུས་ཚད་གསར་པ་ཐོན་སྐྱེད། གསར་པའི་ཕྱོགས་སུ་སྤུས་ཚད་མཐོར་འདེགས་དང་གསར་པའི་ཕྱོགས་སུ་མགྱོགས་སུ་བཏང་སྟེ། གསར་གཏོད་ལ་བརྟེན་ནས་ཡར་རྒྱས་དང་། གསར་གཏོད་ལ་བརྟེན་ནས་སྟོབས་ཆེ་བ། གསར་གཏོད་ལ་བརྟེན་ནས་རྒྱལ་ཁ་ལེན་པ་བཅས་ཀྱི་དེང་རབས་ཅན་གྱི་ནུབ་ཕྱོགས་གཏེར་ཁ་གསར་པ་ཞིག་ནུས་ཤུགས་ཡོད་རྒུས་འཛུགས་སྐྲུན་བྱེད་དགོས”ཞེས་པའི་དམིགས་འབེན་བཏོན་ཡོད། སྤུས་ཚད་མཐོ་བའི་འཕེལ་རྒྱས་ཀྱི་བརྗོད་དོན་གཙོ་བོར་ཞབས་འདེགས་ཞུ་བ་དང་འདེགས་སྐྱོར་བྱེད་པ་དང་། རེས་སྐོར་གསར་པའི་གཏེར་འཚོལ་ཚད་བརྒལ་འཐབ་ཇུས་བྱ་སྤྱོད་ལ་སྐུལ་འདེད་གཏིང་ཟབ་གཏོང་བ། ཕན་འབྲས་འཕར་སྣོན་དང་། ཐོན་ཚད་འཕར་བ། ཐོན་ཚད་འཕར་སྣོན་བཅས་ཀྱི་དམིགས་འབེན་ལ་དམིགས་ནས་ཐོན་ཁུངས་ནུས་ཆེའི་ཕྱིར་བསྡུ་ལག་རྩལ་ཞིབ་འཇུག་ལ་ཤུགས་སྣོན་རྒྱག་པ། ཚྭ་མཚེའུ་མེ་ཐོན་ཁུངས་སྣ་མང་ཅན་དང་རིན་ཐང་མཐོ་བའི་གསར་སྤེལ་བེད་སྤྱོད་ལ་དམིགས་ནས་ཐོན་སློབ་ཞིབ་འཇུག་གི་སྟོབས་ཤུགས་སྐུལ་སློང་གང་ལེགས་བྱེད་པ་དང་། སྤུས་ཚད་གསར་པ་ཐོན་སྐྱེད་ནུས་ཤུགས་གསོ་སྐྱོང་དང་འཕེལ་རྒྱས་གཏོང་རྒྱུར་དམིགས་ནས་གྲངས་འཛིན་རིག་ནུས་ཅན་གྱི་འཆར་འགོད་ཁྱོན་ཡོངས་ནས་ལག་བསྟར་བྱས་ཏེ། རིན་གོང་ཡོད་པའི་ཐོན་ཁུངས་འཁོར་སྐྱོད་བེད་སྤྱོད་མ་ལག་མུ་མཐུད་དུ་ལེགས་སུ་བཏང་སྟེ། ཐོན་ལས་འཕེལ་རྒྱས་ཀྱི་ལེགས་ཆ་གསར་པ་དང་སྒུལ་ཤུགས་གསར་པ་རྒྱུན་ཆད་མེད་པར་གཏོད་དགོས།
ཁྲོམ་རའི་དགོས་མཁོའི་ཁྲིད་སྟོན་མཐའ་འཁྱོངས་དང་ཀུང་སིའི་ཐོན་སྐྱེད་གཉེར་སྐྱོང་གི་གནད་དོན་དངོས་ཐག་གཅོད་བྱ་རྒྱུ་དམིགས་ཚད་དུ་བྱས་ཏེ་ཚན་རྩལ་གསར་གཏོད་དང་ཐོན་ལས་གསར་གཏོད་མཉམ་འདྲེས་གཏིང་ཟབ་བྱ་རྒྱུར་མུ་མཐུད་སྐུལ་འདེད་གཏོང་བ་དང་། ཞིབ་འཇུག་བྱ་གཞི་གལ་ཆེན་10ལ་དམ་པོར་དོ་སྣང་བྱས་ཏེ་མཉམ་འབྲེལ་འགག་སྒྲོལ་ཤུགས་ཆེན་བྱས་ཏེ་ཚན་རྩལ་གྲུབ་འབྲས་མགྱོགས་མྱུར་ངང་ཐོན་སྐྱེད་ནུས་ཤུགས་གསར་པར་བསྒྱུར་རྒྱུར་སྐུལ་འདེད་གཏོང་བ་དང་ཁེ་ལས་ཀྱི་དཔལ་འབྱོར་ཕན་འབྲས་ཁྱོན་ཡོངས་ནས་ཆེ་རུ་གཏོང་དགོས། “དགོས་མཁོ་སྦྲེལ་མཐུད་ལག་རྩལ་དང་ལག་རྩལ་སྦྲེལ་མཐུད་དགོས་མཁོའི”གནད་དོན་ཆེན་པོ་གཉིས་ཐག་གཅོད་བྱ་རྒྱུར་དམིགས་ཏེ་ཚན་རྩལ་དོ་དམ་ལམ་ལུགས་སྔར་བས་ལེགས་སུ་གཏོང་བ་དང་འཐུས་ཚང་དུ་གཏོང་བ་དང་། ཕྱོགས་ཡོངས་དོ་དམ་ཚོད་འཛིན་མ་ལག་འཐུས་ཚང་དུ་གཏོང་བ་དང་། མཐུན་སྦྱོར་གསར་གཏོད་ཀྱི་རྣམ་པ་མུ་མཐུད་དུ་འཛུགས་པ། ལས་མི་ཡོངས་ཀྱི་གསར་གཏོད་ཀྱི་རྣམ་པ་ཤུགས་ཆེན་བཏོད་པ། ནུས་ཤུགས་ཡོད་རྒུས་“གནད་ལ་འཁེལ་བའི་སྦྲེལ་མཐུད་དང་གོང་འོག་སྦྲེལ་མཐུད་”ཀྱི་མ་ལག་ལམ་སྲོལ་འཛུགས་དགོས། སྤུས་ཚད་མཐོ་བའི་འཕེལ་རྒྱས་ཀྱི་ལས་འགན་ཨང་དང་པོར་དམིགས་ནས་ལྟེ་བའི་ལས་དོན་ལ་དམིགས་པ་དང་། ཐོན་ལས་ཀྱི་བཀོད་སྒྲིག་ལ་དམ་པོར་ལྟ་བ། ཁེ་ལས་ཀྱི་དགོས་མཁོ་དང་དམ་པོར་བསྟུན་ནས་ཤེས་ལྡན་མི་སྣ་ནང་འདྲེན་བྱས་ཏེ། “ཐག་ཉེ་ནས་རྒྱང་རིང་ཡོང་བ་དང་། ཐུན་མོང་ཐོག་འཕེལ་རྒྱས་འཚོལ་ཞིབ་བྱེད་པའི”སྣོད་བཅུད་བཟང་པོ་རྒྱུན་ཆད་མེད་པར་གཏོད་པ། ཤེས་ལྡན་མི་སྣས་ཁེ་ལས་སྟོབས་ཆེར་གཏོང་བའི་འཐབ་ཇུས་ལག་བསྟར་གཏིང་ཟབ་དང་། ཤེས་ལྡན་མི་སྣ་གསོ་སྐྱོང་བྱེད་ཤུགས་མུ་མཐུད་དུ་ཆེ་རུ་གཏོང་བ། ཐོན་ལས་དང་ཤེས་ལྡན་མི་སྣ་མཉམ་འདྲེས་གཏིང་ཟབ་ཏུ་གཏོང་བ། ཤེས་ལྡན་མི་སྣའི་འགྲན་རྩོད་ཀྱི་ལེགས་ཆ་རྒྱུན་ཆད་མེད་པར་ཟབ་ཏུ་གཏོང་བཅས་བྱ་དགོས།
