རང་ཞིང་གིས་ཕྱོགས་ཡོངས་ནས་བྱང་ཚད་མཐོ་བའི་རོང་འབྲོག་དམངས་ཀྱི་སློབ་གསོའི་གསོ་སྦྱོང་སྤེལ་རྒྱུ་རེད།

ཟླ9པའི་ཚེས10ཉིན། མཚོ་སྔོན་ཞིང་ཆེན་ཞིང་ལས་ཞིང་སྡེ་ཐིན་གྱིས་བསྒྲགས་པའི་གནས་ཚུལ་ལྟར་ན། ཐིན་དེས་ཉེ་ལམ2024ལོའི་བྱང་ཚད་མཐོ་བའི་རོང་འབྲོག་དམངས་སྐྱེད་སྲིང་དང2024ལོ་ནས2025ལོའི་བྱང་ཚད་མཐོ་བའི་ཞིང་བ་སྐྱེད་སྲིང་གི་སྦྱོང་སྤྱོད་འབྲེལ་མཐུད་ཚོད་ལྟའི་བྱ་བ་ཕྱོགས་ཡོངས་ནས་སྤེལ་ཏེ། གཙོ་བོར་འབྲུ་སྣུམ་ལོ་ཏོག་གི་མཐོ་ཚད་མཐོར་འདེགས་གཏོང་བ་དང་རིགས་གསར་པའི་ཞིང་ལས་བདག་གཉེར་གཙོ་གཞི་ཐོན་ལས་འཕེལ་རྒྱས་ནུས་པ་མཐོར་འདེགས་གཏོང་བ། དབུལ་ཐར་ས་ཁུལ་གྱི་ཕྱུག་སྒྱུར་ནུས་པ་མཐོར་འདེགས་གཏོང་བ། རོང་འབྲོག་མང་ཚོགས་ཀྱི་ཕྱོགས་བསྡུས་བྱང་ཚད་མཐོར་འདེགས་གཏོང་བའི་ཆེད་དོན་གསོ་སྦྱོང་འགུལ་སྐྱོད་བཞི་སྤེལ་རྒྱུ་རེད།

གསོ་སྦྱོང་གིས་སྟོང་སྡེ་དཔེ་སྟོན་དང་ཁྲི་སྡེ་སྒྲིག་བཅོས་བཟོ་སྐྲུན་གྱི་ཉམས་མྱོང་སློབ་སྦྱོང་དང་བཀོལ་སྤྱོད་བྱེད་རྒྱུ་སྣེ་ཁྲིད་དུ་བྱེད་པ་དང་། ཞིང་ལས་ཞིང་སྡེ་སྤུས་ཚད་མཐོ་བའི་ངང་འཕེལ་རྒྱས་སུ་གཏོང་བའི་ཐད་ཀྱི་འཇོན་མིའི་དགོས་མཁོ་ལ་དམ་དུ་དམིགས་ནས། ལག་རྩལ་རྩལ་ནུས་ཆུ་ཚད་མཐོར་འདེགས་གཏོང་བ་དང་ཐོན་ལས་འཕེལ་རྒྱས་ཀྱི་ནུས་པ་མཐོར་འདེགས་གཏོང་བ། ཕྱོགས་བསྡུས་བྱང་ཚད་མཐོར་འདེགས་གཏོང་བ་གཙིགས་སུ་བཟུང་བ་དང་། འབྲུ་རིགས་བདེ་འཇགས་ཀྱི་སྲུང་སྐྱོབ་པ་དང་ཐོན་ལས་འཕེལ་རྒྱས་ཀྱི་སྣེ་ཁྲིད་པ། གྲོང་གསེབ་དར་སྤེལ་གྱི་གཙོ་ཤུགས་དམག་སྐྱེད་སྲིང་བྱས་ལ། སྦྱོང་སྤྱོད་འབྲེལ་མཐུད་ཀྱི་ཕྱོགས་བསྡུས་ཚོད་ལྟ་བྱ་བ་སྤེལ་ནས། རང་ཞིང་གི་གྲོང་གསེབ་དར་སྤེལ་དང་ཞིང་ལས་ཞིང་སྡེ་དེང་རབས་ཅན་ལ་ཕྱོགས་ཡོངས་ནས་སྐུལ་འདེད་གཏོང་བའི་ཐད་འཇོན་མིའི་འགན་སྲུང་བརྟན་པོ་འདོན་སྤྲོད་བྱེད་རྒྱུ་རེད།

གསོ་སྦྱོང་གི་སྤུས་ཚད་དང་གྲུབ་འབྲས་མཐོར་འདེགས་གཏོང་བར་ཁག་ཐེག་བྱེད་ཆེད། ས་ཆ་སོ་སོའི་ཞིང་ལས་ཞིང་སྡེ་སྡེ་ཁག་གིས་འཛིན་གྲྭ་རེ་རེའི་སློབ་མ་བརྒྱ་ཆའི་ལྔ་བཅུ་ལ་རྗེས་འདེད་ཞབས་ཞུ་ཐེངས་གཉིས་ལས་མི་ཉུང་བ་སྤེལ་རྒྱུ་ཡིན་པ་དང་། གསོ་སྦྱོང་སློབ་ཁྲིད་བཀོད་སྒྲིག་ཁྲོད། ཆེད་ལས་རྩལ་ནུས་ཀྱི་སློབ་ཁྲིད་དུས་ཚོད་དེ་སྤྱིའི་སློབ་ཁྲིད་དུས་ཚོད་ཀྱི་བརྒྱ་ཆའི་དྲུག་ཅུ་ལས་མི་ཉུང་བ་དང་། འབྲུ་སྣུམ་ཐོན་ཚད་མཐོར་འདེགས་གཏོང་བ་སོགས་ཀྱི་ཐོན་སྐྱེད་ལག་རྩལ་གསོ་སྦྱོང་གཙོར་བཟུང་ལ། གསོ་སྦྱོང་དུས་ཚོད་ཀྱི་གྲངས་ཀ་དེ་སྤྱིའི་སློབ་ཁྲིད་དུས་ཚོད་ཀྱི་སུམ་ཆའི་གཉིས་ལ་མི་ཉུང་བར་བྱས་ཡོད། གསོ་སྦྱོང་གིས་ད་དུང་རོང་འབྲོག་དམངས་ཀྱི་བསམ་བློ་ཆབ་སྲིད་སློབ་གསོ་ལ་ཤུགས་སྣོན་བྱེད་པ་དང་། ཕྱོགས་བསྡུས་བྱང་ཚད་དང་ཆེད་ལས་རྩལ་ནུས་སློབ་ཁྲིད། ནུས་པ་རྒྱ་སྐྱེད་སློབ་ཁྲིདབཀོད་སྒྲིག་བྱེད་པ། སྲིད་འཛིན་གཙོ་འགན་སྡེ་ཁག་གི་སློབ་ཁྲིད་དང་པོ་ལག་བསྟར་ནན་མོ་བྱེད་པ། བབ་ཆགས་གོ་བདེའི་སྐད་ཆ་བཀོལ་ནས་གསོ་སྦྱོང་ལ་ཞུགས་པའི་རོང་འབྲོག་མང་ཚོགས་ལ་སྒྲོག་འགྲེལ་བྱེད་རྒྱུ་རེད། དེ་དང་མཉམ་དུ། གྲངས་ཉུང་མི་རིགས་ས་ཁུལ་གྱི་སྐད་གཉིས་སློབ་ཁྲིད་དམ་འཛིན་བྱེད་པ་དང་། ཞིང་སྡེའི་འཇོན་མི་དང་གྲོང་གསེབ་ཀྱི་བཟོ་སྐྲུན་པ། རོང་འབྲོག་ཁུལ་གྱི་ཕྱུག་བསྒྱུར་མི་སྣ་སོགས་ཞིང་སྡེའི་འཇོན་མིའི་སྔོག་འདོན་སྐྱེད་སྲིང་བྱེད་པར་ཤུགས་སྣོན་རྒྱུ་རེད།

གསོ་སྦྱོང་ཐོན་ཁུངས་འཛུགས་སྐྲུན་ཕྱོགས་ནས། ཞིང་ཆེན་དང་གྲོང་ཁྱེར། རྫོང་གི་ཞིང་ལས་ཞིང་སྡེ་སྡེ་ཁག་གིས་རིམ་པ་སོ་སོའི་ཞིང་ལས་རྒྱང་སྒྲོག་བརྙན་འཕྲིན་སློབ་གྲྭ་དང་ཞིང་ཕྱུགས་ལས་ཚན་ཞིབ་སློབ་གླིང་། འབྲིང་རིམ་ཆེད་སྦྱོང་སློབ་གྲྭ་དང་ཆེད་སྦྱོང་སློབ་ཆེན། སྤྱི་ཚོགས་སྟོབས་ཤུགས་གཞན་པ་བཅས་རྩ་འཛུགས་བྱས་ནས་མཉམ་དུ་སློབ་གསོ་གསོ་སྦྱོང་མ་ལག་འཐུས་ཚང་དུ་གཏོང་བ་དང་། ཚན་རྩལ་ཆེད་མངག་ཚོགས་པའི་ཁོངས་མི་དང་ཞིང་འཁུར་རོགས་སྐྱོར་སྡེ་ཁག་ལ་འབྲེལ་འདྲིས་བྱས་ནས་ཁ་གཏད་རྫོང་ནས་གསོ་སྦྱོང་སློབ་ཁྲིད་བྱ་བར་ཟབ་ཞུགས་བྱེད་རྒྱུ་རེད།

རྒྱུས་ལོན་བྱུང་བ་ལྟར་ན། ད་ལོར་སྤུས་ཚད་མཐོ་བའི་རོང་འབྲོག་མང་ཚོགས5115ལ་གསོ་སྦྱོང་བྱེད་རྒྱུ་ཡིན་པ་དང་། སྦྱོང་སྤྱོད་འབྲེལ་མཐུད་ཚོད་ལྟ་བྱེད་ས་དེ་རྟ་ཐང་ཧོས་རིགས་ཧོར་རིགས་རང་སྐྱོང་རྫོང་དང་ཕེན་ཨན་ཆུའུ། ཧུའུ་ཀྲུའུ་ཧོར་རིགས་རང་སྐྱོང་རྫོང་། ཁྲི་ཀ་རྫོང་བཅས་རྫོང་དང་ཆུའུ་བཞི་རུ་ལག་བསྟར་བྱེད་རྒྱུ་ཡིན་ལ། འཆར་གཞི་ལྟར་ན་མི200གསོ་སྦྱོང་བྱེད་རྒྱུ་རེད།