མཚོ་སྔོན་སྟོང་སྐོར་གྱིས་ཞིང་པའི་སྤྲོ་སྐྱིད་ཁང་གི་རྩལ་ནུས་མཐོར་གཏོང་གསོ་སྦྱོང་འཛིན་གྲྭ་གཉེར་བ།

མཚོ་སྔོན་གསར་འགྱུར་དྲ་བའི་འཕྲིན།   གྲོང་གསེབ་ཡུལ་སྐོར་ལས་རིགས་ཀྱི་ཤེས་ལྡན་པའི་དཔུང་ཁག་འཛུགས་སྐྱོང་སྔར་བས་མགྱོགས་སུ་བཏང་ནས་རྫོང་ཁོངས་ཀྱི་ཞིང་པའི་སྤྲོ་སྐྱིད་ཁང་གཉེར་སྐྱོང་དོ་དམ་གྱི་ཆུ་ཚད་དང་ལས་གཉེར་པའི་ཆེད་ལས་རྩལ་ནུས་རྒྱུན་ཆད་མེད་པར་ཆེ་རུ་གཏོང་ཆེད།    གྲོང་ཁྱེར་སྤྱི་ཁྱབ་བཟོ་ཚོགས་ཀྱི་རྒྱབ་སྐྱོར་ཤུགས་ཆེན་འོག་ཟླ་11ཚེས་14ཉིན་2024ལོའི་ཀྲུང་དབྱང་ནོར་སྲིད་ཀྱི་དཀའ་ངལ་ཡོད་པའི་ལས་བཟོའི་རོགས་སྐྱོར་མ་དངུལ་རྣམ་གྲངས་དང་སྟོང་སྐོར་རྫོང་གི་ཞིང་པའི་སྤྲོ་སྐྱིད་ཁང་གི་རྩལ་ནུས་མཐོར་གཏོང་གསོ་སྦྱོང་འཛིན་གྲྭ་སྟོང་སྐོར་རྫོང་གི་ལས་རིགས་ལག་རྩལ་སློབ་གྲྭར་བདེ་བླག་ངང་སློབ་འགོ་ཚུགས་ཤིང་།    རྫོང་དེ་ཡོངས་ནས་ཡོང་བའི་ཤང་གྲོང་གི་ཞིང་པའི་སྤྲོ་སྐྱིད་ཁང་གཉེར་སྐྱོང་དོ་དམ་མི་སྣ་40གསོ་སྦྱོང་ནང་ཞུགས།     

ཐེངས་འདིའི་གསོ་སྦྱོང་འཛིན་གྲྭའི་དུས་ཡུན་ཉིན་7ཡིན་པ་དང་སློབ་ཚན་བཀོད་སྒྲིག་དང་།    དགེ་རྒན་བཀོད་སྒྲིགསློབ་གཞི་འདེམས་སྒྲིགདུས་ཚོད་བཀོད་སྒྲིག་སོགས་ཀྱི་ཐད་ཞིབ་འཇུག་ཞིབ་ཚགས་བྱས་པ་དང་།    གསོ་སྦྱོང་གི་ནང་དོན་ཕུན་སུམ་ཚོགས་པ།    རིགས་པའི་གཞུང་ལུགས་ཀྱི་མཛུབ་ཁྲིད་དང་དངོས་འཐབ་ནང་སྦྱོང་ཡོད་ལ་ལས་རིགས་ཀྱི་མིག་དཔེ་བཏོན་ནས་ས་གནས་ས་ཐོག་ཏུ་ལྟ་སྦྱོང་དང་སྤེལ་རེས་ཀྱང་བྱས་ཡོད་པས་དམིགས་སའི་རང་བཞིན་དང་བཀོལ་སྤྱོད་རང་བཞིན་ཧ་ཅང་ཆེན་པོ་ལྡན་ཡོད་པ་རེད།     ད་ཐེངས་ཀྱི་གསོ་སྦྱོང་འཛིན་གྲྭ་དེ་ནི་སྟོང་སྐོར་རྫོང་གིས་ཞིང་པའི་སྤྲོ་སྐྱིད་ཁང་ལས་རིགས་ཚད་ལྡན་ཅན་དང་།    ཁྱད་ལྡན་ཅན།    སྤུས་ལེགས་ཅན་བཅས་ཀྱི་ཕྱོགས་སུ་འཕེལ་རྒྱས་འགྲོ་རྒྱུར་སྐུལ་འདེད་གཏོང་བའི་བྱེད་ཐབས་གལ་ཆེན་ཞིག་ཡིན་ལ་སྟོང་སྐོར་རྫོང་བཟོ་ཚོགས་ཀྱིས་སྤྱི་ཚོགས་ཀྱི་སྟོབས་ཤུགས་གོང་བུ་གཅིག་ཏུ་སྒྲིལ་བ་དང་ཏང་དང་ལས་བཟོ་མང་ཚོགས་ཀྱི་སྦྲེལ་ཟམ་དང་སྒྲོག་ཐག་ལྟ་བུའི་ནུས་པ་འདོན་སྤེལ་བྱེད་པའི་མཚོན་ཚུལ་གལ་ཆེན་ཞིག་ཀྱང་ཡིན།    གསོ་སྦྱོང་བྱས་པ་བརྒྱུད་ཞིང་པའི་སྤྲོ་སྐྱིད་ཁང་གི་སྦྱིན་བདག་ཚོའི་སྤྱི་ཡོངས་ཀྱི་བྱང་ཚད་དང་ནུས་པ་ཆེ་རུ་འགྲོ་བ་དང་དུས་མཚུངས་ཞིང་པའི་སྤྲོ་སྐྱིད་ཁང་གི་བཟའ་བཏུང་ཞབས་ཞུའི་ཆུ་ཚད་མཐོ་རུ་བཏང་ནས་ས་གནས་ཀྱི་ཁྱད་ཆོས་ལྡན་པའི་བཟའ་བཏུང་སྤུས་རྟགས་གཏོད་རྒྱུ་ཡིན་པ་རེད།     

གོམ་སྟབས་རྗེས་མར་སྟོང་སྐོར་རྫོང་སྤྱི་ཁྱབ་བཟོ་ཚོགས་ཀྱིས་བཟོ་ཚོགས་རྩ་འཛུགས་ཀྱི་ལེགས་ཆ་མུ་མཐུད་འདོན་སྤེལ་དང་།    སྤྱི་ཚོགས་ཀྱི་ཐོན་ཁུངས་བསྡུ་སྒྲིལ།    གསོ་སྦྱོང་རྣམ་གྲངས་རྒྱ་ཆེར་གཏོང་བ་བཅས་བྱས་ཏེ་གྲོང་གསེབ་ཡུལ་སྐོར་ལས་རིགས་ཀྱི་ཤེས་ལྡན་མི་སྣའི་དཔུང་ཁག་ཧྲིལ་པོའི་བྱང་ཚད་དང་ཆུ་ཚད་མཐོ་རུ་བཏང་ནས་སྟོང་སྐོར་རྫོང་གི་གྲོང་གསེབ་ཡུལ་སྐོར་བྱ་གཞག་སྤུས་ཚད་མཐོ་པོའི་སྒོ་ནས་འཕེལ་རྒྱས་འགྲོ་རྒྱུར་རྒྱབ་སྐྱོར་ནུས་ལྡན་བྱས་ཏེ་གྲོང་གསེབ་ཀྱི་ཤེས་ལྡན་མི་སྣ་དར་རྒྱས་གཏོང་རྒྱུར་རོགས་སྐྱོར་བྱ་རྒྱུ་་རེད།