མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
མཚོ་སྔོན་གསར་འགྱུར་དྲ་བའི་འཕྲིན། རྒྱལ་ཁབ་ཀྱི་རིག་ལྡན་སློབ་གསོའི་སྟེགས་བུའི་ཚོད་ལྟའི་གྲུབ་འབྲས་གཏིང་ཟབ་ཏུ་གཏོང་བ་དང་། ད་སྔའི་སློབ་གསོ་ཆ་འཕྲིན་ཅན་བྱ་བར་འཕྲད་པའི་དུས་བབ་དང་ལས་འགན་ལ་དབྱེ་ཞིབ་གཏིང་ཟབ་བྱེད་པ། ས་གནས་ཁག་གི་སློབ་གྲྭ་ཁག་གིས་སློབ་གསོ་གྲངས་གཞི་ཅན་ལ་སྐུལ་འདེད་གཏོང་བའི་དཔེ་མཚོན་ཉམས་མྱོང་སྤེལ་རེས་བྱེད་པ། སློབ་གསོ་ཆ་འཕྲིན་ཅན་གྱིས་སློབ་གསོ་སྤུས་ཚད་མཐོ་པོའི་སྒོ་ནས་འཕེལ་རྒྱས་འགྲོ་རྒྱུར་སྐུལ་འདེད་གཏོང་རྒྱུའི་ཐད་བཀོད་སྒྲིག་བཅས་བྱ་ཆེད། ཉིན་ཤས་གོང་ཟི་ལིང་གྲོང་ཁྱེར་གྱི2024ལོའི་སློབ་གསོ་གཞི་གྲངས་ཅན་ལ་སྐུལ་འདེད་གཏོང་བའི་ཚོགས་འདུ་ཟི་ལིང་གྲོང་ཁྱེར་ཀོང་ཧྭ་སློབ་འབྲིང་དུ་འཚོགས། ཡུལ་དངོས་སྤེལ་རེས་དང་། ཆེད་མཁས་པའི་འཆད་ཁྲིད། ཕུལ་བྱུང་གཞི་གྲངས་ཀྱི་སློབ་ཁྲིད་གྲུབ་འབྲས་ཡུལ་དངོས་སུ་ལྟ་སྦྱོང་བཅས་བྱས་པ་བརྒྱུད། གྲོང་ཁྱེར་ཡོངས་ཀྱི་སློབ་གསོ་གཞི་གྲངས་ཅན་དུ་སྒྱུར་བའི་ལག་ལེན་ཐབས་ལམ་འཚོལ་ཞིབ་བྱས་ནས། ཟི་ལིང་གྲོང་ཁྱེར་གྱི་སློབ་གསོ་གྲངས་གཞི་ཅན་དེ་གཏིང་ཟབ་ཀྱི་ཕྱོགས་སུ་འཕེལ་རྒྱས་འགྲོ་རྒྱུར་སྐུལ་འདེད་གཏོང་བ་དང་། ཟི་ལིང་གི་སློབ་གསོ་ལེགས་གཏོང་དང་སྤུས་ཚད་མཐོ་རུ་གཏོང་རྒྱུར་སྐུལ་འདེད་གཏོང་བ། ཟི་ལིང་གི་སློབ་གསོ་སྤུས་ཚད་མཐོ་པོའི་ངང་འཕེལ་རྒྱས་འགྲོ་རྒྱུར་སྐུལ་འདེད་གཏང་དགོས།
ཚོགས་འདུ་འཚོགས་རིང《ཟི་ལིང་གྲོང་ཁྱེར་གྱི་སློབ་གསོ་གཞི་གྲངས་ཅན་དུ་འགྱུར་བ་བྱེད་པའི་ལོ་གསུམ་ལག་བསྟར་ཇུས་གཞི》དང《རྒྱལ་ཁབ་ཀྱི་སློབ་གྲྭ་འབྲིང་ཆུང་གི་རིག་ལྡན་སློབ་གསོའི་སྟེགས་བུ་བཀོལ་སྤྱོད་ཚོད་ལྟའི་ལས་དོན་ཇུས་གཞི》ཁྱབ་བསྒྲགས་བྱས། ཧྭ་ཀྲུང་དགེ་འོས་སློབ་ཆེན་གྱི་དགེ་རྒན་ཆེ་མོ་བ་ཝུའུ་ལུང་ཁའེ་གདན་དྲངས་ནས་གཙོ་དོན་སྙན་སྒྲོན་གནང་བ་དང་སློབ་སྤྱི་དང་། དགེ་རྒན། སློབ་མ་བཅས་ཀྱི་འཐུས་མི་བདམས་ནས་སློབ་གསོ་གཞི་གྲངས་ཅན་ལ་གོ་བ་ལེན་རྒྱུར་དམིགས་ནས་སྤེལ་རེས་གཏམ་བཤད་བྱས་ཏེ། ལྟ་ཕྱོགས་མི་འདྲ་བའི་ཐོག་ནས་སློབ་གསོ་གཞི་གྲངས་ཅན་དུ་འགྱུར་བའི་སློབ་ཁྲིད་ལག་ལེན་དང་། དགེ་སློབ་འཚར་ལོངས་ཡོང་བ། སློབ་ཁྲིད་བྱེད་སྟངས་བཅོས་སྒྱུར་སོགས་ཐད་ཀྱི་སློབ་གསོའི་གཞི་གྲངས་ཅན་གྱི་ཤུགས་རྐྱེན་དང་བཀོལ་སྤྱོད་ཐད་འཚོལ་ཞིབ་གཏིང་ཟབ་བྱས། ཚོགས་ཞུགས་འཐུས་མི་ཚོས་སློབ་གྲྭ7གྱི་རིག་ལྡན་སློབ་དཔྱོད་དང་། རིག་ལྡན་ལུས་རྩལ། རིག་ལྡན་ངལ་རྩོལ་སློབ་གསོ། རིག་ལྡན་མཛེས་རྩལ། རིག་ལྡན་དཔེ་ཀློག་སོགས་གཞི་གྲངས་ཅན་གྱི་སློབ་གསོ་སློབ་ཁྲིད་ལག་ལེན་དངོས་ཀྱི་གྲུབ་འབྲས་ལ་ཚོགས་ཆུང་ཁག་བགོས་ཀྱིས་ལྟ་སྦྱོང་བྱས། སློབ་སྤྱི35ཡིས་ཡན་ལག་གླེང་སྟེགས་བརྒྱུད་སློབ་གྲྭའི་གཞི་གྲངས་ཅན་གྱི་བྱ་བའི་དཔེ་མཚོན་གྱོད་གཞི་དང་གྲུབ་འབྲས་ཐོབ་པའི་ཉམས་མྱོང་མཉམ་སྤྱོད་བྱས་ནས་དཔྱད་གཞིར་འཛིན་ཆོག་པ་དང་དཔྱད་གཞིར་འཛིན་ཆོག་པའི་ལག་ལེན་དངོས་ཀྱི་ཉམས་མྱོང་མཁོ་འདོན་བྱས།
ཚོགས་འདུའི་ཐོག་ཉེ་བའི་ལོ་ཤས་རིང་ཟི་ལིང་གྲོང་ཁྱེར་གྱི་སློབ་གསོ་གཞི་གྲངས་ཅན་གྱི་བྱ་བར་ཐོབ་པའི་གྲུབ་འབྲས་ཁྱོན་ཡོངས་ནས་ཕྱོགས་སྡོམ་བྱས་པ་དང་། རྒྱལ་ཁབ་ཀྱི་སློབ་གསོའི་གྲངས་འཛིན་ཅན་གྱི་འཐབ་ཇུས་ལག་བསྟར་གྱི་དུས་བབ་གསར་པ་དང་ནང་དོན་གསར་པར་དབྱེ་ཞིབ་གཏིང་ཟབ་བྱས་པ། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་ཐོག་བཏོན་པའི་སློབ་གསོའི་གཞི་གྲངས་ཅན་གྱི་དམིགས་ཚད་ལ་སྐུལ་འདེད་གཏོང་རྒྱུར་དམ་པོར་དམིགས་པ། གྲོང་ཁྱེར་ཡོངས་ཀྱི་སློབ་གསོ་གཞི་གྲངས་ཅན་གྱི་ལོ་གསུམ་འགུལ་སྐྱོད་སྤེལ་བ་བཅས་བྱས་ཏེ་ཟི་ལིང་གྲོང་ཁྱེར་གྱི་སློབ་གསོ་གཞི་གྲངས་་ཅན་བྱ་བའི་གཙོ་རྒོལ་ཁ་ཕྱོགས་དང་གཙོ་གནད་ལས་འགན་བཏོན་པ་མ་ཟད། ལས་དོན་ལག་བསྟར་ལ་དམ་འཛིན་ཡག་པོ་བྱེད་དགོས་པའི་ཐད་གཙོ་གནད་ནན་བཤད་དང་བརྒྱུད་རིམ་ལྡན་པའི་སྒོ་ནས་བཀོད་སྒྲིག་བྱས།
