མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
སློབ་གྲྭར་འགྲོ་མཚམས་འཇོག་པར་ཚོད་འཛིན་དང་སློབ་ཞུགས་འགན་ལེན་གྱི་དམིགས་ཚད་ལས་འགན་ཕྱོགས་ཡོངས་ནས་དོན་འཁྱོལ་བྱེད་པ་དང་། སློབ་ལོ་རན་པའི་བྱིས་པ་དང་ལོ་དགུའི་འོས་འགན་སློབ་གསོ་བདེ་བླག་ངང་མྱོང་ཐུབ་པར་འགན་ལེན་བྱེད་པ།“ལོ་དགུའི་འོས་འགན་སློབ་གསོ་ཁྱབ་གདལ”གཏོང་བའི་སྤུས་ཚད་དང་ཆུ་ཚད་མཐོ་རུ་གཏོང་བ་བཅས་ཀྱི་ཆེད་དུ། མགོ་ལོག་བོད་རིགས་རང་སྐྱོང་ཁུལ་དར་ལག་རྫོང་དཔོན་སྐོར་གོང་མ་ཞང་གིས་ཞང་ཡོངས་མཉམ་འགུལ་དང་འགག་རྩར་དམ་འཛིན་ནན་པོ་བྱེད་པ་དང་།“གཅིག་ཀྱང་མི་ལུས་པའི”བྱ་བའི་དམིགས་ཚད་ལྟར། སློབ་གྲྭར་འགྲོ་མཚམས་འཇོག་པར་ཚོད་འཛིན་དང་སློབ་གྲྭར་ཞུགས་ཚད་འགན་ལེན་བྱེད་པའི་བྱ་བ་སྒྲུབ་ཤུགས་ཇེ་དྲག་ཏུ་གཏོང་བ་དང་། སློབ་གྲྭར་འགྲོ་མཚམས་འཇོག་པར་ཚོད་འཛིན་དང་སློབ་གྲྭར་ཞུགས་ཚད་འགན་ལེན་བྱ་རྒྱུ་དེ་འགུལ་རྣམ་གཙང་བཤེར་བྱེད་པ་ནས་རྒྱུན་རྣམ་གཙང་བཤེར་བྱེད་པའི་ཕྱོགས་སུ་བསྒྱུར་བར་ཁག་ཐེག་བྱེད་པ། ཞང་ཡོངས་ཀྱི་འོས་འགན་སློབ་གསོ་དོ་སྙོམས་ངང་འཕེལ་རྒྱས་འགྲོ་བར་འགན་ལེན་ཏན་ཏིག་བྱེད་པ་བཅས་ཀྱིས། གྲོང་གསེབ་ཁྱོན་ཡོངས་ནས་དར་སྤེལ་གཏོང་བར་སྐུལ་འདེད་བཏང་།
མཐོ་ས་ནས་སྐུལ་འདེད་དང་ཕྱོགས་ཡོངས་ནས་བཀོད་སྒྲིག་བྱས། དཔོན་སྐོར་གོང་མ་ཞང་གི་སློབ་གྲྭར་འགྲོ་མཚམས་འཇོག་པར་ཚོད་འཛིན་དང་སློབ་གྲྭར་ཞུགས་ཚད་འགན་ལེན་བྱེད་པའི་ལས་དོན་གྱི་སྐུལ་འདེད་ཚོགས་འདུ་འཚོགས་ནས་སློབ་གསོ་པུའུ་གཞུང་དོན་ཐིང་གི《འོས་འགན་སློབ་གསོའི་སློབ་གྲྭར་འགྲོ་མཚམས་འཇོག་པར་ཚོད་འཛིན་དང་སློབ་གྲྭར་ཞུགས་པར་འགན་ལེན་བྱེད་པའི་རྒྱུན་རྣམ་ཅན་གྱི་སྙན་ཞུའི་བྱ་བའི་ནང་རྐྱེན་འཛུགས་པ་དང་འཐུས་ཚང་དུ་གཏོང་རྒྱུའི་སྐོར་གྱི་བརྡ་ཐོ》དང་། མཚོ་སྔོན་ཞིང་ཆེན་གྱི་དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་སྐྱེད་པ་དེ་གྲོང་གསེབ་དར་སྤེལ་དང་འབྲེལ་མཐུད་ནུས་ལྡན་བྱེད་པའི་གནད་དོན་དག་ཐེར་དང་གཙོ་གནད་བྱ་བར་སྐུལ་འདེད་གཏོང་བའི་བཀོད་གཏོང་ཚོགས་འདུའི་དགོངས་དོན། དར་ལག་རྫོང་གི2024ལོའི་སློབ་གྲྭར་འགྲོ་མཚམས་འཇོག་པར་ཚོད་འཛིན་དང་སློབ་གྲྭར་ཞུགས་པར་འགན་ལེན་བྱེད་པའི་བྱ་བའི་བརྙན་ལམ་བཀོད་གཏོང་ཚོགས་འདུའི་དགོངས་དོན་བརྒྱུད་སྒྲོག་དང་སློབ་སྦྱོང་། ཞང་ཡོངས་ཀྱི་བྱ་བ་ཕྱོགས་ཡོངས་ནས་བཀོད་སྒྲིག་བྱས་ཏེ་སློབ་མཚམས་འཇོག་པར་ཚོད་འཛིན་དང་སློབ་གྲྭར་ཞུགས་པར་འགན་སྲུང་བྱེད་པའི་བྱ་བའི་འགན་འཁྲིའི་འདུ་ཤེས་དང་ཁ་ཚ་དགོས་གཏུག་གི་འདུ་ཤེས་ཇེ་དྲག་ཏུ་གཏོང་བ། རྒྱ་ཆེའི་སློབ་ལོ་རན་པའི་བྱིས་པ་རྣམས་ཀྱིས་འདྲ་མཉམ་ངང་སློབ་གསོའི་ཁྲིམས་མཐུན་ཁེ་དབང་ལོངས་སྤྱོད་ཐུབ་པར་འགན་ལེན་བྱེད་པ་བཅས་ཀྱིས། འོས་འགན་སློབ་གསོ་དོ་མཉམ་ངང་འཕེལ་རྒྱས་འགྲོ་བར་མཉམ་ཤུགས་དང་སྒུལ་ཤུགས་བསྣན།
བཅའ་ཁྲིམས་དྲིལ་སྒྲོག་དང་མཉམ་གཤིབ་བྱས་ནས་ཁྱོན་ཡོངས་ནས་སྐུལ་འདེད་བཏང་། དཔོན་སྐོར་གོང་མ་ཞང་གི་ཞང་ཨུ་དང་ཞང་སྲིད་གཞུང་གིས་རིམ་པ་བཞིན་སློབ་གྲྭར་འགྲོ་མཚམས་འཇོག་པར་ཚོད་འཛིན་དང་སློབ་གྲྭར་ཞུགས་པར་འགན་ལེན་བྱེད་པའི་བྱ་བའི་འགན་འཁྲི་ཏན་ཏིག་གིས་ཁུར་ཏེ། “སློབ་གསོ་དྲིལ་སྒྲོག་དང་ཡོ་བསྲང་བྱེད་དགོས་པའི་བཀའ་རྒྱ་གཏོང་བ་དང་། སྲིད་འཛིན་ཆད་གཅོད་དང་བཙན་ཤེད་ཀྱིས་ལག་བསྟར་བྱེད་པའི་རེ་ཞུའམ་ཡང་ན་གཏུག་བཤེར་བྱེད་པ”བཅས་ཀྱི་ཁྲིམས་ལྟར་སློབ་གྲྭར་འགྲོ་མཚམས་འཇོག་པར་ཚོད་འཛིན་དང་སློབ་གྲྭར་ཞུགས་པར་འགན་ལེན་བྱེད་པའི“བྱ་ཐབས་བཞི”དོན་འཁྱོལ་བྱས་པ་དང་། སྡེ་བའི་བཅའ་སྡོད་ལས་དོན་རུ་མི་དང་སྡེ་བའི“ཨུ་ཡོན་ལྷན་ཁང་གཉིས”ཀྱི་ལས་བྱེད་པར་ཁ་པར་ཐོག་ནས་འབྲེལ་གཏུག་བྱེད་པ་དང་། ཁྱིམ་ཚང་དུ་བཅར་འདྲི་བྱེད་པ། སློབ་ཞུགས་འགན་ལེན་གྱི་ཁས་ལེན་ཡི་གེ་འཇོག་པ་བཅས་ཀྱི་བྱ་ཐབས་བརྒྱུད་གཞི་གྲངས་ལ་ཞིབ་དཔྱད་ཚད་ལེན་ནན་ཏན་བྱེད་པ། ལུགས་མཐུན་གྱི་རྒྱུ་རྐྱེན་གང་ཡང་མེད་པར་སློབ་གྲྭར་མ་ལོག་པ་དང་སློབ་ཞུགས་མ་ཐུབ་པའི་སློབ་མའི་ཆ་འཕྲིན་མཐིལ་རྟོགས་བྱས་ཏེ། ཁྱིམ་ཚང་གཅིག་ཀྱང་མི་ལུས་པ་དང་བྱིས་པ་གཅིག་ཀྱང་མི་ལུས་པ་བྱས་ཡོད། དུས་མཚུངས་སུ། སྡེ་བ་སོ་སོའི་ཕྱིར་ལོག་བྱ་རྒྱུའི་ཁ་ཏ་བསླབ་བྱ་ཚན་ཆུང་ལ་བཅའ་ཁྲིམས་ཁྲིམས་སྲོལ་དང་ཉེ་འགྲམ་གྱི་དཔེ་མཚོན་གྱོད་དཔེ་དང་ཟུང་འབྲེལ་བྱ་རྒྱུའི་སྐུལ་སློང་བྱས་ཏེ། ཁྱིམ་བདག་དང་སློབ་མའི་བསམ་བློ་བརྟན་པོ་ཡོང་བའི་བྱ་བ་ཡག་པོར་སྒྲུབ་པ་དང་། གཞིས་སྲུང་བྱིས་པ་དང་། དྭ་ཕྲུག ཁྱིམ་ཚང་གི་དཔལ་འབྱོར་ལ་དཀའ་ངལ་ཡོད་པའི་སློབ་མ་བཅས་ལ་གཙོ་གནད་དུ་དོ་ཁུར་བྱེད་པ། སློབ་མཚམས་འཇོག་ཉེན་ཡོད་པའི་སློབ་མར་སློབ་གསོ་ཁྲིད་སྟོན་བྱེད་པར་ཤུགས་སྣོན་པ། དུས་ཚོད་དངོས་ཀྱི་ནང་དུ་རྗེས་སྙེག་ལྟ་སྐུལ་དང་མཛུབ་ཁྲིད་བྱེད་པ། སློབ་མ་ལྟ་སྐྱོང་པ་དང་ངོ་ཐུག་གདོང་འཕྲད་ཀྱིས་སྙིང་གཏམ་ཤོད་པ། གནས་དང་གནས་ལ་དམིགས་ཏེ་ལོ་དགུའི་འོས་འགན་སློབ་གསོའི་ནང་དོན་གསལ་འགྲེལ་བྱེད་པ། སློབ་གྲྭར་མ་ཕྱིན་པའི་གནོད་འཚེ་འགྲེལ་བཤད་ཞིབ་ཕྲ་རྒྱག་པ། འགན་འཁྲི་དང་འོས་འགན་ཁ་གསལ་བཟོ་བ་བཅས་བྱས་ཏེ། སློབ་མར་བཅའ་ཁྲིམས་ཀྱི་འདུ་ཤེས་དང་རང་ངོས་སྲུང་སྐྱོབ་ཀྱི་འདུ་ཤེས་ཆགས་སུ་འཇུག་པ་དང་། ལྟ་སྐྱོང་བའི་ཁྲིམས་སྐྱོང་འདུ་ཤེས་དང་རང་རྟོགས་ངང་སློབ་མཚམས་འཇོག་པར་ཚོད་འཛིན་དང་སློབ་གྲྭར་ཞུགས་པར་འགན་ལེན་བྱེད་པའི་ལས་འགན་ལག་བསྟར་འདུ་ཤེས་ཇེ་མཐོར་གཏོང་བ་བཅས་བྱས་ཏེ། སློབ་གྲྭར་འགྲོ་མཚམས་འཇོག་པར་ཚོད་འཛིན་དང་སློབ་གྲྭར་ཞུགས་པར་འགན་ལེན་བྱེད་པའི་ལས་ཀའི་ཕན་འབྲས་མུ་མཐུད་སྲ་བརྟན་དུ་བཏང་། མིག་སྔའི་བར། ལུགས་མཐུན་གྱི་རྒྱུ་རྐྱེན་གང་ཡང་མེད་པར་སློབ་གྲྭར་མི་ལོག་པའི་སློབ་མ་དང་སློབ་ཞུགས་མ་ཐུབ་པའི་མིང་ཐོ་གཞིར་བཟུང་སྟེ། ཚང་མར་བརྡ་ལེགས་པོ་བརྒྱབ་ཟིན་པར་མ་ཟད། སློབ་ཞུགས་འགན་ལེན་གྱི་ཁས་ལེན་ཡི་གེར་མིང་རྟགས་བཀོད་དུ་བཅུག་སྟེ། ཁྱིམ་བདག་གིས་བླང་བྱ་ལྟར་ཕྲུ་གུ་སློབ་གྲྭ་མངགས་ནས་འོས་འགན་སློབ་གསོ་དང་ལེན་བྱེད་དུ་འཇུག་དགོས་པའི་བླང་བྱ་བཏོན། །
