མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
མཚོ་སྔོན་གསར་འགྱུར་དྲ་བའི་འཕྲིན། ཞིང་ཆེན་ཏང་ཨུད་རྩ་འཛུགས་པུའུ་དང་ཞིང་ཆེན་རིགས་གཅིག་མཁས་ཅན་འཇོན་མི་མཉམ་འབྲེལ་ལྷན་ཚོགས་ཀྱིས་མཚོ་ཤར་གྲོང་ཁྱེར་ཧོར་གྲོང་ཧོར་རིགས་རང་སྐྱོང་རྫོང་དང་ལག་གདང་སྦྲེལ་ནས་སྤེལ་བའི་“དཔའ་ཚོགས་དང་ཧོར་གྲོང་ལ་བསྐྱོད་པའི”རྟོག་ཞིབ་ཞབས་ཞུ་ཉམས་ལེན་དང་ས་མཐོའི་ནགས་ཚལ་བདེ་ཐང་གསོ་སྐྱོང་སློབ་ཁང་ཆེན་པོའི་བྱེད་སྒོ་སྤེལ་འགོ་ཚུགས་པ་དང་། དེའི་དམིགས་ཡུལ་ནི་ཞིང་ཆེན་ཡོངས་ཀྱི་སློབ་གསོ་དང་། སྨན་བཅོས། རིག་གནས་ཡུལ་སྐོར། སྐྱེ་ཁམས་སོགས་ཁྱབ་ཁོངས་ཀྱི་ཆེད་མཁས་པ་དང་མཁས་དབང་གི་བློ་གྲོས་གཅིག་ཏུ་བསྡུས་ནས་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་ཧོར་གྲོང་བྱ་ཆེད་བློ་གྲོས་ཟབ་པའི་གཏམ་བཤད་དང་། འཕེལ་རྒྱས་ཀྱི་ཇུས་འགོད། དངོས་སྒྲུབ་ཀྱི་བྱ་སྤྱོད་བཅས་འདོན་རྒྱུ་དེ་རེད། དེ་ནི་ཞིང་ཆེན་ཡོངས་ཀྱི་སློབ་གསོ་དང་། སྨན་བཅོས། རིག་གནས་ཡུལ་སྐོར་སོགས་ཁྱབ་ཁོངས་ཀྱི་ཆེད་ཁམས་པ་དང་མཁས་དབང་གི་བློ་གྲོས་གཅིག་ཏུ་བསྡུས་ནས་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་ཧོར་གྲོང་བྱ་ཆེད་རེད།
འགོ་འཛུགས་མཛད་སྒོའི་ཐོག་ཧོར་གྲོང་རྫོང་རིག་རྩལ་ཡུལ་སྐོར་ཅུའུ་ཡིས་མཐོ་སྒང་གི་ནགས་ཚལ་བདེ་ཐང་ཡུལ་སྐོར་ལམ་ཐིག་ཁྱབ་བསྒྲགས་བྱས་པ་དང་ཞིང་ཆེན་ཆེད་ཁམས་འཇོན་མི་མཉམ་འབྲེལ་ལྷན་ཚོགས་ཀྱིས་ཧོར་གྲོང་རྫོང་ཨུ་དང་རྫོང་སྲིད་གཞུང་བར་མཉམ་ལས་སྒྲོམ་གཞིའི་གྲོས་མཐུན་བཞག ཐེངས་འདིའི་བྱེད་སྒོའི་དུས་ཡུན་ཉིན་གཉིས་ཡིན་པ་དང་ཆེད་མཁས་པ་དང་མཁས་དབང་ཚོས་གླེང་སྟེགས་དང་། ས་གནས་ས་ཐོག་ཏུ་ལྟ་ཞིབ། རྟོག་ཞིབ་སོགས་ཀྱི་རྣམ་པའི་ཐོག་ནས་མཐོ་སྒང་གི་རི་སྐྱེས་སྨན་རྫས་རྩོད་གླེང་དང་། ཀྲུང་ལུགས་དང་བོད་སྨན་དབྱེ་འབྱེད་འཚོལ་བསྡུ་དང་དམར་དཔེ་བཟོ་བ། རྩྭ་བརྒྱ་ཁྲུས་དང་བོད་སྨན་ཁྲུས་སོགས་ཀྱི་བྱེད་སྒོ་རབ་དང་རིམ་པ་སྤེལ་ནས་ཆེད་མཁས་འཇོན་མིའི་ཆེད་ལས་ཀྱི་ཁྱད་ཆོས་དང་། ཐོན་ཁུངས་ཀྱི་ལེགས་ཆ། བློ་གྲོས་ཉམས་མྱོང་བཅས་འདོན་སྤེལ་གང་ལེགས་བྱ་རྒྱུ་རེད། ཕན་ཚུན་ཧོར་གྲོང་བྱེད་ཆེད“མིང་བྱང་ལྔ”གཏོད་པ་དང་“དཔེ་སྟོན་ཁུལ་ལྔ”འཛུགས་སྐྲུན་བྱེད་པ་སོགས་ལ་སྟོབས་ལྡན་གྱི་འཇོན་མིའི་འདེགས་སྐྱོར་དང་རིག་སྟོབས་ཀྱི་འགན་ལེན་མཁོ་འདོན་བྱས་ཡོད།
ཉེ་བའི་ལོ་ཤས་རིང་། ཧོར་གྲོང་རྫོང་གིས་རྒྱལ་ཡོངས་ཀྱི་སྨན་བཅོས་དང་གསོ་སྐྱོང་ཟུང་འབྲེལ་དཔེ་སྟོན་རྫོང་གཏོད་རྒྱུ་དམ་འཛིན་བྱས་ཏེ་བདེ་སྲུང་གི་རྨང་གཞིའི་སྒྲིག་བཀོད་ཟམ་མི་ཆད་པར་འཐུས་ཚང་དུ་གཏོང་བ་དང་། བདེ་སྲུང་ཐོན་རྫས་གསར་གཏོད་དང་གསར་སྤེལ། བདེ་སྲུང་ཞབས་ཞུའི་ཆུ་ཚད་ཇེ་མཐོར་གཏོང་བ། ཧོར་གྲོང་རྫོང་ཀྲུང་ལུགས་སྨན་ཁང་གི་བདེ་སྲུང་ནད་གཡོག་ལྟེ་གནས་བསྐྲུན་ནས་ཧའེ་ཏུང་གྲོང་ཁྱེར་གྱི་ཀྲུང་ལུགས་དང་བོད་ལུགས་གསོ་རིག་རིག་གནས་དྲིལ་བསྒྲགས་སློབ་གསོའི་རྟེན་གཞི་ཐོག་མ་བཏོད་པ། ལྷག་པར་དུ་པེ་ལུང་ཧྲན་གྱི་སྤུས་ལེགས་སྣོད་བཅུད་ཁོར་ཡུག་དང་། རང་བྱུང་ཡུལ་ལྗོངས་དང་བཟའ་བཅའ་དང་སྨན་རྫས་ཐོན་ཁུངས་བཅས་ལ་བརྟེན་ནས། བདེ་ཐང་གི་གཞི་རྒྱུ་འདུས་པའི་ལས་རིགས་གསར་པའི་ཐོན་ལས་ཁག་གཅིག་གཏོད་དགོས།
རྩོམ་སྒྲིག་པ། ཨ་གཡང་སྐྱིད།
