མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
མཚོ་སྔོན་གསར་འགྱུར་དྲ་བའི་འཕྲིན། ཟླ་8ཚེས་29ཉིན་རང་བྱུང་ཐོན་ཁུངས་པུའི་ཀྲུང་གོའི་གླིང་སྣེའི་ཞིབ་འཇུག་ལྟེ་གནས་མཚོ་ནུབ་སོག་རིགས་བོད་རིགས་རང་སྐྱོང་ཀྲོའུ་ཐེམ་ཆེན་རྫོང་དུ་རྟོག་ཞིབ་བྱེད་པར་ཡོང་བ་མ་ཟད། ད་དུང་རྫོང་དེ“ཀྲུང་གོའི་གླིང་སྣེའི་ཕྱུགས་ལས་ཐོན་རྫས་མཁོ་སྤྲོད་རྟེན་གཞིར”གཏན་འཁེལ་བྱས་པ་དང་ཕྱོགས་གཉིས་པོས་མཉམ་ལས་སྒྲོམ་གཞིའི་གྲོས་མཐུན་ཡི་གེར་མིང་རྟགས་བཀོད། ད་ལོའི་ཟླ6པར་ཐེམ་ཆེན་རྫོང་གི་ཏང་སྲིད་འཐུས་མི་ཚོགས་པ་ཀྲུང་གོའི་གླིང་སྣེའི་ཞིབ་འཇུག་ལྟེ་གནས་སུ་འཚམས་འདྲིར་ཕེབས་ནས་སྤེལ་རེས་བྱས་པ་དང་། “ཐེམ་ཆེན་བོད་ལུག”དང“ཐེམ་ཆེན་ནོར་གནག་”དེ་ཀྲུང་གོའི་གླིང་སྣེའི་ཞིབ་འཇུག་ལྟེ་གནས་ཀྱིས“ཀྲུང་གོའི་ལྷོ་སྣེ་རྟོག་ཞིབ་འདེམས་སྤྱོད་ཐོན་རྫས”ལ་གཏན་འཁེལ་བྱས།
ཀྲུང་གོའི་གླིང་སྣེའི་ཞིབ་འཇུག་ལྟེ་གནས་ཀྱིས་ལྷོ་བྱང་སྣེ་གཉིས་ཀྱི་ཚན་རིག་རྟོག་ཞིབ་ཀྱི་འགན་འཁྲི་གལ་ཆེན་འཁུར་གྱི་ཡོད། ད་ཐེངས་ཐེམ་ཆེན་རྫོང་དུ་རྟགས་ཞིབ་གནང་བར་ཕེབས་པ་དེས་སླད་ཕྱིན་རིམ་པ་དེ་བས་གཏིང་ཟབ་པའི་སྤེལ་རེས་མཉམ་ལས་བྱ་རྒྱུར་ཁ་ཕྱོགས་ཁ་གསལ་བཟོས་ནས་ཐེམ་ཆེན་གྱི་འབྲེལ་ཡོད་ཐོན་ལས་འཕེལ་རྒྱས་ལ་གོ་སྐབས་དེ་བས་མང་བ་དང་དེ་བས་རྒྱ་ཆེ་བའི་བར་མཐོངས་གཏོད་ངེས་རེད་ཅེས་བཤད། བྱང་བུ་སྤྲོད་ཡུལ་དུ་ཀྲུང་གོའི་གླིང་སྣེའི་ཞིབ་འཇུག་ལྟེ་གནས་ཕྱོགས་ཀྱིས་སྤུས་ལེགས་ཐོན་རྫས་མཁོ་སྤྲོད་བྱེད་པའི་རྨང་གཞིའི་ཐོག་ཕྱོགས་གཉིས་པོས་ཞིབ་འཇུག་སློབ་སྦྱོང་དང་ཚན་རིག་ཁྱབ་གདལ་སོགས་ཁྱབ་ཁོངས་ཀྱི་མཉམ་ལས་ལ་ཤུགས་སྣོན་རྒྱག་པ་དང་སྤེལ་རེས་སྔར་བས་གཏིང་ཟབ་ཏུ་བཏང་ནས་སའི་གོ་ལའི“སྣེ་གསུམ་པའི”ཞབས་ཞུ་དང་སའི་གོ་ལའི“སྣེ་གཉིས”འགན་ལེན་ཡག་པོ་ཡོང་བའི་རེ་བ་ཡོད་ཅེས་བཤད།
མདོ་ལ་རིང་བོའི་ལྷོ་འདབས་སུ་གནས་པའི་ཐེམ་ཆེན་རྫོང་ནི་ཡངས་ཤིང་མཛེས་སྡུག་ལྡན་པའི་རང་བྱུང་འབྲོག་ར་ལས་སྐད་གྲགས་ཆོད་ཅིང་། རྫོང་ཡོངས་ཀྱི་རྩྭ་ར་སྤྱི་ཆིང་ཁྲི་16ཙམ་ལ་སྐྱེ་ལྡན་ཁས་ལེན་ཐོབ་པ་དང་། ནོར་ལུག་ཤའི་ཐོན་རྫས་སྣ་ཁ་20ལ་ལྗང་མདོག་བཟའ་བཅའི་ས་ཁམས་མཚོན་རྟགས་ཀྱི་ཁས་ལེན་ཐོབ་པ་མ་ཟད། “ཐེམ་ཆེན་བོད་ལུག”དང“ཐེམ་ཆེན་ནོར་ནག”ལ་ཞིང་ལས་གྲོང་གསེབ་པུའི་2024ལོའི་རྒྱལ་ཡོངས་ཀྱི་གྲགས་ཅན་ཁྱད་ལེགས་ཞིང་ལས་ཐོན་རྫས་གསར་པ་ཐོབ། ད་ལོའི་ཟླ7པའི་ཟླ་མཇུག་བར་རྫོང་ཡོངས་ལ་ནོར་ཁྲི23.97དང་ལུག་ཁྲི80.62ཡོད། ཐེམ་ཆེན་རྫོང་གིས་ཀྲུང་གོའི་གླིང་སྣེའི་ཞིབ་འཇུག་ལྟེ་གནས་དང་འབྲེལ་མཐུད་མཉམ་ལས་གཏིང་ཟབ་བྱས་ཏེ། ཐོན་ཁུངས་ལ་བརྟེན་ནས་རྟོག་ཞིབ་རུ་མིར་སྤུས་ལེགས་ཀྱི“ཐེམ་ཆེན་བོད་ལུག”དང“ཐེམ་ཆེན་ནོར་ནག”གི་ཤ་ཐོན་རྫས་མཁོ་འདོན་བྱ་རྒྱུ་འགན་འཁྲི་དང་འགན་འཁྲིར་བརྩིས་ནས་སའི་གོ་ལའི“སྣེ་གཉིས”རྟོག་ཞིབ་ལ་སྤུས་ལེགས་རྒྱབ་ཕྱོགས་མཁོ་སྒྲུབ་འགན་ལེན་བྱས་ཏེ་རྫོང་ཡོངས་ཀྱི་འབྲོག་ལས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ་དང་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་སྐྲུན་རྒྱུར་རོགས་རམ་བྱ་རྒྱུ་རེད།
རྩོམ་སྒྲིག་པ། ཨ་གཡང་སྐྱིད།
