མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
སྒྲིག་ཁྲིམས་བཙན་ཞིང་གཟབ་ནན་ཡིན་པའི་བརྡ་རྟགས་སྟོན་ཆེད། ཉེ་དུས་ཞིབ་བཤེར་ཐག་གཅོད་བྱས་པའི་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དང་འགལ་བའི་དཔེ་མཚོན་གྱོད་དཔེ6ཐེར་འདོན་བྱས་པ་གཤམ་གསལ།
ཟི་ལིང་གྲོང་ཁྱེར་གྱི་གྲོང་བྱང་ཁུལ་གྱི་ལྕགས་ལམ་ལམ་སྐྱོང་མཉམ་སྲུང་རུ་ཁག་འབྲིང་བའི་དེ་སྔའི་རུ་འབྲིང་གི་རུ་དཔོན་ཞི་ཝུན་ཁུའེ་སོགས་ཀྱིས་སྒྲིག་འགལ་ངང་ཟ་འཐུང་གི་གནད་དོན་ཐག་གཅོད་བྱས་ཚུལ། 2024 ལོའི་ཟླ 3 པའི་ཚེས 16 ཉིན། ཞི་ཝུན་ཁུའེ་ཡིས་ལས་ཀའི་སྐབས་ལ། རུ་འབྲིང་དེའི་རུ་དཔོན་གཞོན་པ་ལིན་ཅིན་གོ་དང་། རུ་མི་ལི་ཞའོ་ཧུའེ། ལས་བྱེད་པ་ཡའོ་པིན་ཡོན་བཅས་དང་མཉམ་དུ་ལས་ཁུངས་ནང་ཁུལ་གྱི་གསོལ་ཁང་དུ་ཆང་འཐུང་། 2024 ལོའི་ཟླ 4 པར། ཞི་ཝིན་ཁུའེ། ལིན་ཅིན་གོ་བཅས་ཀྱི་གོ་གནས་ཕྱིར་འཐེན་བྱས་ནས་ཐག་གཅོད་བྱས་ཤིང་། ཕོགས་ཐོབ་ཀྱི་ཐོབ་ཐང་ཇེ་དམའ་བཏང་བ་དང་། ལས་གནས་གཞན་དུ་སྤར། ལི་ཞའོ་ཧུའེ་དང་ཡའོ་པིན་བཅས་ཀྱི་ཕོགས་ཐོབ་ཀྱི་ཐོབ་ཐང་ཇེ་དམའ་བཏང་ཞིང་ལས་གནས་གཞན་དུ་སྤར།
མཚོ་ལྷོ་ཁུལ་འཕེལ་རྒྱས་བསྒྱུར་བཅོས་ཨུ་ཡོན་ལྷན་ཁང་གི་དེ་སྔའི་ཏང་ཙུའུ་ཡི་ཁོངས་མི་དང་། ཀྲུའུ་རེན་གཞོན་པ་ཏུའུ་སུའུ་ཧའེ་ཡིས་སྒྲིག་འགལ་ངང་བཟའ་བཏུང་རོལ་བའི་གནད་དོན། 2023 ལོའི་ཟླ 10 པར། ཏུའུ་སུའུ་ཧའེ་ཡིས་སྒྲིག་འགལ་ངང་“ལས་གནས་གོ་འཕར་གྱི་གསོལ་སྟོན”བཤམས་ཏེ། དེ་སྔ་བྱ་བ་གཉེར་སའི་ལས་ཁུངས་གྱི་ལས་བྱེད་པ་དང་ལས་བཟོ་པ་ལྷན་འཛོམས་ལ་གདན་ཞུས་ནས་ཆང་རག་འཐུང་། དེ་མི་ཚད་ཏུའུ་སུའུ་ཧའེ་ལ་སྒྲིག་འགལ་ཁྲིམས་འགལ་གྱི་གནད་དོན་གཞན་དག་ཀྱང་ཡོད། 2024 ལོའི་ཟླ 4 པར་ཏུའུ་སུའུ་ཧའེ་ལ་ཏང་ནང་གི་གོ་གནས་ཕྱིར་འཐེན་དང་། ལས་གནས་ལས་དབྱུང་བའི་ཆད་པ(རིམ་པ་དང་པོའི་ཀྲུའུ་རེན་ཁོའོ་ཡོན་ལ་ཕབ)བཅད་པ་དང་། སྒྲིག་འགལ་གྱི་ཟ་འཐུང་ནང་ཞུགས་མཁན་གཞན་དག་ལ་གནས་ཚུལ་དངོས་ལ་གཞིགས་ཏེ། མི1ལ་ཏང་ནང་གི་ཐ་ཚིག་ཚབས་ཆེན་བསྒྲགས་པ་དང་། མི 1 ལ་ཐ་ཚིག་ནན་མོ་བསྒྲགས། མི 5 ལ་སྐྱོན་བརྗོད་དང་མི5ལ་བསླབ་བྱ་བཏང་ནས་སྐྱོན་ཡོ་བསྲང་བྱེད་དུ་བཅུག །
མཚོ་ནུབ་ཁུལ་གྱི་མང་ངེ་གྲོང་ཁྱེར་དབང་པོ་སྐྱོན་ཅན་མཉམ་འབྲེལ་ལྷན་ཚོགས་ཀྱི་ལས་འཛིན་འགོ་གཙོ་ཀྲང་ཞུའེ་ལིན་གྱིས་སྒྲིག་འགལ་གྱི་ཟ་འཐུང་ལ་རོལ་བའི་གནད་དོན། 2022ལོའི་ཟླ 10 བར་གྲོང་ཁྱེར་གྱི་དབང་པོ་སྐྱོན་ཅན་མཉམ་འབྲེལ་ལྷན་ཚོགས་ཀྱི་འཐུས་མིའི་ཚོགས་ཆེན་ཐེངས་དང་པོ་འཚོགས་རིང་། ཀྲང་ཞུའེ་ལིན་གྱིས་དབང་པོ་སྐྱོན་ཅན་མཉམ་འབྲེལ་ཚོགས་པའི་ཁོངས་མིར་ཚུད་པའི་མི 12 དང་མཉམ་དུ་ཆང་འཐུང་རྗེས་སུ་གཞུང་དངུལ་སྤྱད་དེ་ཟས་རིན་སྒོར 1680 རྩིས་ཞུ་བྱས། 2024 ལོའི་ཟླ 1 པོར་ཀྲང་ཞུའེ་ལིན་ལ་ཏང་ནང་ཁུལ་ནས་ཐ་ཚིག་བསྒྲགས་པ་དང་། སྲིད་དོན་གྱི་སྐྱོན་ཐོ་བཀོད།
མཚོ་བྱང་ཁུལ་རྒྱ་མདོ་རྫོང་ནུབ་ཐང་ཡུལ་ཚོའི་ཏང་ཨུའི་ཧྲུའུ་ཅི་མཱ་གོ་ཆིན་སོགས་ཀྱིས་སྒྲིག་འགལ་ངང་བཟའ་བཏུང་རོལ་བའི་གནད་དོན། 2023 ལོའི་ཟླ 11 པར། མཱ་གོ་ཆིན་གྱིས་ལས་ཀའི་སྒང་ལ། ཡུལ་ཚོ་དེའི་ཚོ་དཔོན་དང་ཚོ་དཔོན་གཞོན་པ་སོགས་ཚན་པ 4 ཚུད་པའི་ལས་བྱེད་པ11སྒྲིག་འཛུགས་བྱས་ནས་ཡུལ་ཚོ་སྲིད་གཞུང་གི་གསོལ་ཁང་དུ་བཟའ་བཏུང་ལ་རོལ་ཞིང་ཆག་རག་འཐུང་། 2024 ལོའི་ཟླ 1 པོར་མཱ་གོ་ཆིན་ལ་ཏང་ནང་གི་ཐ་ཚིག་དྲག་པོ་བསྒྲགས་ནས་སྲིད་དོན་གྱི་ཉེས་སྐྱོན་ཚབས་ཆེན་ཕོག སྒྲིག་འགལ་གྱི་ཟ་འཐུང་དུ་ཞུགས་མཁན་གཞན་དག་གནས་ཚུལ་ལ་གཞིགས་ནས་མི 2 ལ་སློབ་གསོ་བཏང་། མི 8 ལ་སྐྱོན་བརྗོད་དང་སློབ་གསོ་བཏང་།
མཚོ་ཤར་གྲོང་ཁྱེར་མི་དམངས་སྨན་ཁང་གཉིས་པའི་དེ་སྔའི་ཏང་ཨུའི་ཨུ་ཡོན་དང་། ཡོན་ཀྲང་གཞོན་པ་པའེ་ཧའེ་ཏུང་གིས་སྒྲིག་འགལ་ངང་སྐྱེས་འབུལ་བླངས་པ་སོགས་ཀྱི་གནད་དོན། 2013 ལོ་ནས 2023 ལོའི་བར་པའེ་ཧའེ་ཏུང་གིས་ཐེངས་མང་དོ་དམ་དང་ཞབས་ཞུ་བྱ་ཡུལ་གྱིས་སྤྲད་པའི་དུ་ཆང་དང་། ལག་ཁྱེར་ཁ་པར། ནོར་ཤ་སོགས་ལེགས་སྐྱེས་ཀྱི་རིན་ཐང་སྒོར་ཁྲི 4. 4 བླངས་པ་དང་། དོ་དམ་དང་ཞབས་ཞུ་བྱ་ཡུལ་གྱིས་ཐེངས་མང་པོ་ཁྱིམ་མི་སི་ཁྲོན་དང་། ཡུན་ནན། ཅང་སུའུ་སོགས་སུ་ཡུལ་སྐོར་བཀོད་སྒྲིག་བྱས་པ་དང་། འགྲོ་སོང་སྒོར་ཁྲི 2. 4 བཏང་། པེ་ཧའེ་ཏུང་ལ་ད་དུང་ཁྲིམས་འགལ་ལུགས་དཀྲུག་གི་གནད་དོན་ཚབས་ཆེན་གཞན་དག་ཡོད་པས། 2024 ལོའི་ཟླ 5 པར། པའེ་ཧའེ་ཏུང་ལ་ཏང་གི་སྐྱིད་སྡུག་ནས་བསྐྲད་པ། གཞུང་གི་ལས་འགན་ལས་དབྱུང་བའི་ཆད་པ་ཕོག ཉེས་གསོག་གི་དོགས་གཞི་ཡོད་པའི་གནད་དོན་ཞིབ་དཔྱོད་ལས་ཁུངས་སྤྲད་དེ་ཁྲིམས་ལྟར་ཞིབ་བཤེར་བྱེད་དུ་བཅུག་ཡོད།
ཡུལ་ཤུལ་རྫོང་གི་རྫོང་དཔོན་གཞོན་པ་ལིའུ་གོ་ཧུའེ་ཡིས་སྒྲིག་འགལ་ངང་སྐྱེས་འབུལ་བླངས་པ་སོགས་ཀྱི་གནད་དོན་ཐག་གཅོད་བྱས་ཚུལ། 2016 ལོ་ནས 2022 ལོའི་བར་ལིའུ་གོ་ཧུའེ་ཡིས་སྐྱེས་སྐར་ལ་རྟེན་འབྲེལ་དང་། ཐེངས་མང་པོར་གོང་རིམ་འགོ་ཁྲིད་ལ་ལེགས་སྐྱེས་སྒོར་ཁྲི 3. 2 སྤྲད་པ་དང་། སྐྱེས་སྐར་ལ་རྟེན་འབྲེལ་ཞུ་བ་དང་གཞུང་གཉེར་སློབ་གྲྭ་སོགས་རོགས་དངུལ་སྤྲོད་པའི་མིང་ཐོག་ནས་གོང་རིམ་མགོ་ཁྲིད་ལ་ལེགས་སྐྱེས་སྒོར་ཁྲི3.2ཕུལ་བ་དང་། སྐྱེ་སྐར་དང་གཉེན་སྟོན་སོགས་ཀྱི་མིང་ཐོག་ནས་ཐེངས་དུ་མར་དོ་དམ་དང་ཞབས་ཞུ་བྱ་ཡུལ་གྱི་ལག་ནས་འབུལ་རྟེན་སྒོར་ཁྲི 17. 2 བླངས། དེ་མིན་ལིའུ་གོ་ཧུའེ་ལ་སྒྲིག་འགལ་ཁྲིམས་འགལ་གྱི་གནད་དོན་ཚབས་ཆེན་གཞན་དག་ཡོད་པས། 2024 ལོའི་ཟླ 3 པར་ལིའུ་གོ་ཧུའེ་ཏང་གི་སྐྱིད་སྡུག་ནས་འབུད་རྒྱུ་དང་། གཞུང་ཁོངས་ནས་འབུད་དགོས་པའི་ཆད་པ་ཕོག བྱས་ཉེས་བསགས་པར་དོགས་གཞི་ཡོད་པའི་གནད་དོན་དག་ཞིབ་དཔྱོད་ལས་ཁུངས་ལ་སྤྲད་དེ་ཁྲིམས་ལྟར་ཞིབ་བཤེར་བྱེད་དུ་བཅུག་ཡོད།
རྒྱ་ཆེའི་ཏང་ཡོན་ལས་བྱེད་པས་དཔེ་མཚོན་གྱོད་དཔེ་ལས་བསླབ་བྱ་བསྡུ་ལེན་གང་ལེགས་བྱས་ཏེ་མ་མཐའི་ཚད་ཐིག་ལས་མི་བརྒལ་བ་དང་། དམར་ཐིག་ལ་མི་ཐོགས་པར་རང་རྟོགས་ངང་སྒྲིག་བཤེར་ལ་སློབ་སྦྱོང་དང་། སྒྲིག་ཁྲིམས་ལ་རྒྱུས་ལོན། སྒྲིག་བཤེར་གསལ་བོར་ངེས་པ། སྒྲིག་ཁྲིམས་ལ་བརྩི་སྲུང་བཅས་བྱེད་དགོས། རིམ་པ་ཁག་གི་ཏང་རྩ་འཛུགས་ཀྱིས་སྤྱོད་ཚུལ་འཛུགས་སྐྱོང་གི་འགན་འཁྲི་གཙོ་བོ་བརྟན་པོར་འཁུར་ཏེ། གནོན་ཤུགས་ཁྱབ་འགྱེད་ལ་ཤུགས་སྣོན་དང་། དོ་དམ་ནན་སྐྱོང་ལ་མཉམ་ཤུགས་བསྒྲིལ་ནས་སྤྱོད་ཚུལ་འཛུགས་སྐྱོང་གི་འགག་སྒྲོལ་དམག་འཐབ་དང་རྒྱུན་སྲིང་དམག་འཐབ་ཡག་པོ་རྒྱག་དགོས། རིམ་པ་ཁག་གི་སྒྲིག་ཁྲིམས་ཞིབ་བཤེར་དང་ལྟ་ཞིབ་ལས་ཁུངས་ཀྱིས་སྒྲིག་སྲོལ་ལས་འགལ་བའི་འབུལ་རྟེན་ལེན་པར་དམིགས་ཏེ། སྒྲིག་འགལ་ཟ་འཐུང་སོགས་ཀྱི་སྤྱོད་ཚུལ་ངན་པར་ཞིབ་བཤེར་ཐག་གཅོད་དང་། སྲོལ་ངན་དང་རུལ་སུངས་གཞི་གཅིག་ཏུ་འགྱུར་བའི་གནད་དོན་ལ་ཞིབ་བཤེར་ཐག་གཅོད་ནན་པོ་བྱས་ནས་རྒྱུན་གཏན་གྱི་ཕུགས་ཕན་བཅོས་སྒྲིག་ཡང་ཡང་དང་། ཡང་ཡང་ཐོན་པའི་གནད་དོན་རྙིང་པ་ཇེ་ཉུང་། གསར་དུ་ཐོན་པའི་གནད་དོན་རྒྱ་ཡན་དུ་གཏོང་མི་ཐུབ་པ་ཞིག་ཏུ་བསྒྱུར་ནས་སྒྲིག་ཁྲིམས་ལག་བསྟར་རྗེས་ཕྱོགས་སུ་དེ་ལྟར་ནན་པོ་འཛིན་པའི་རྣམ་པ་བཟང་པོ་རྒྱུན་མཐུད་ངང་གཏོད་དགོས།
ཀྲུང་གུང་མཚོ་སྔོན་ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་།
2024ལའི་ཟླ5ཚེས23ཉིན
རྩོམ་སྒྲིག་པ། ཁོན་ཐར་འཚོ།
