མཚོ་སྔོན་གྱིས“8·15རྒྱལ་ཡོངས་སྐྱེ་ཁམས་ཉིན་མོའི”དྲིལ་བསྒྲགས་བྱེད་སྒོ་སྤེལ་བ།

མཚོ་སྔོན་གསར་འགྱུར་དྲ་བའི་འཕྲིན། ཟླ་8ཚེས་15ཉིན། “ཆསྔོ་ལྗང་གི་རི་ཆུ་ནི་གསེར་རི་དངུལ་རི་ཡིན”ཞེས་པའི་བརྗོད་དོན་གཙོ་བོར་བྱས་པའི་“8·15རྒྱལ་ཡོངས་སྐྱེ་ཁམས་ཉིན་མོ”ཞེས་པའི་མཚོ་སྔོན་ཞིང་ཆེན་གྱི་དྲིལ་བསྒྲགས་བྱེད་སྒོ་ལྟེ་བའི་ཐང་ཆེན་དུ་སྤེལ་འགོ་ཚུགས་པ་དང་།ཞིང་ཆེན་འཕེལ་རྒྱས་བསྒྱུར་བཅོས་ཨུ་ལྷན་དང་།ཞིང་ཆེན་ཁྲིམས་འཛིན་ཐིང་།ཞིང་ཆེན་སྐྱེ་ཁམས་ཁོར་ཡུག་ཐིང་སོགས་སྡེ་ཚན་20ལྷག་ཙམ་གྱིས་དྲིལ་བསྒྲགས་སྟེགས་བུ་འཛུགས་པ་དང་།དྲིལ་བསྒྲགས་དེབ་དེབ་བསྐྲེལ།བྱ་དགའ་ཐོབ་པའི་དྲིས་ལན་སོགས་བྱེད་ཐབས་སྣ་ཚོགས་བརྒྱུད་རྒྱ་ཆེའི་ལས་བྱེད་པ་དང་མང་ཚོགས་ལ་སྐྱེ་ཁམས་དཔལ་ཡོན་འདུ་ཤེས་དང་འབྲེལ་ཡོད་བཅའ་ཁྲིམས་དང་ཁྲིམས་སྲོལ་ཁྱབ་གདལ་བཏང་བ་རེད།

འདི་ལོ་ནི“སྔོ་ལྗང་གི་རི་ཆུ་ནི་གསེར་རི་དངུལ་རི་ཡིན”ཞེས་པའི་འདུ་ཤེས་བཏོན་ནས་ལོ་20འཁོར་བ་ཡིན། ཞིང་ཆེན་ཏང་ཨུད་དང་ཞིང་ཆེན་སྲིད་གཞུང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་སྐྱེ་ཁམས་དཔལ་ཡོན་གྱི་བསམ་བློ་ལག་ལེན་གཏིང་ཟབ་བྱས་ཏེ།ཞིང་ཆེན་གྱི་གནས་བབ་“ཆེ་ཤོས་གསུམ་”དང་“དེ་བས་གལ་ཆེ་བ་གསུམ་”གྱི་འཐབ་ཇུས་གནས་བབ་ལ་གཞི་ཚུགས་ནས་གཙང་པོ་གསུམ་གྱི་འབྱུང་ཁུངས་དང་“ཀྲུང་ཧྭ་ཆུ་མཆོད་རྟེན་”སྲུང་སྐྱོང་བྱེད་པའི་འགན་འཁྲི་གལ་ཆེན་བློ་བརྟན་འགྱུར་མེད་ངང་ཁུར་ཏེ།ནུས་ཤུགས་ཡོད་རྒུས་རྒྱལ་ཁབ་ཀྱི་སྐྱེ་ཁམས་དཔལ་ཡོན་གྱི་མཐོ་ས་བསྐྲུན་ཏེ།“ཤེལ་གཉིས་དང་ཁུལ་གསུམ་”གྱི་སྐྱེ་ཁམས་བདེ་འཇགས་ཀྱི་རྣམ་པ་མགྱོགས་མྱུར་ངང་འཛུགས་པ་དང་།སྐྱེ་ཁམས་འགོག་སྲུང་གི་ནུས་པ་མུ་མཐུད་དུ་སྲ་བརྟན་དུ་བཏང་སྟེ།“ལྗང་མདོག་ཁྱིམ་ཚང་གི་རྨང་གཞི་”རྒྱུན་ཆད་མེད་པར་ཕུན་སུམ་ཚོགས་སུ་ཕྱིན་ཡོད། བྱེད་སྒོ་སྤེལ་ཡུལ་དུ་གྲུབ་འབྲས་འགྲེམས་སྟོན་ཁུལ་དང་།རིག་རྩལ་འཁྲབ་སྟོན་ཁུལ།མཉམ་འགུལ་ཉམས་ལེན་ཁུལ།ཁྲིམས་ལུགས་ཁྱབ་གདལ་དྲིལ་བསྒྲགས་ཁུལ་བཅས་བཙུགས་ཡོད།བྱེད་སྒོའི་ནང་དོན་ནང་སྐྱེ་ཁམས་དཔལ་ཡོན་མཐོ་ས་འཛུགས་སྐྲུན་གྱི་གྲུབ་འབྲས་འགྲེམས་སྟོན་དང་།སྐྱེ་ཁམས་རིག་གནས་དྲིལ་བསྒྲགས་འཁྲབ་སྟོན།དམངས་ཡོངས་ཀྱི་སྐྱེ་ཁམས་རིག་གནས་མཉམ་འགུལ་ཉམས་ལེན་སོགས་ཚུད་ཡོད།ཕྱོགས་ཡོངས་དང་ཟུར་ཚད་མང་བ།ལངས་གཟུགས་ཅན་བཅས་ཀྱིས་རང་ཞིང་ཆེན་གྱིས་སྐྱེ་ཁམས་སྲུང་སྐྱོང་དང་ལྗང་མདོག་འཕེལ་རྒྱས་ཁྱབ་ཁོངས་སུ་ཐོབ་པའི་ཚད་བརྒལ་རང་བཞིན་གྱི་འཕེལ་རྒྱས་དང་མཚོན་རྟགས་རང་བཞིན་གྱི་གྲུབ་འབྲས་འགྲེམས་སྟོན་བྱས་ཡོད།

བྱེད་སྒོ་སྤེལ་ཡུལ་དུ་ཞིང་ཆེན་འཕེལ་རྒྱས་སྒྱུར་བཅོས་ཨུ་ལྷན་གྱིས་ཞིང་ཆེན་ཡོངས་མི་དམངས་ལ་བློ་བརྟན་འགྱུར་མེད་ངང་ལྗང་མདོག་འཕེལ་རྒྱས་ཀྱི་འདུ་ཤེས་ལག་ལེན་བསྟར་བ་དང་།དཔལ་འབྱོར་ལྗང་མདོག་བསྒྱུར་བར་སྐུལ་འདེད་གཏོང་བ།ལྗང་མདོག་དང་ཐཱན་དམའ་བའི་འཚོ་བ་དར་སྤེལ་གཏོང་བ།སྐྱེ་ཁམས་ཁོར་ཡུག་གི་སྤུས་ཚད་ལེགས་སུ་གཏོང་བ།ཞི་མཛེས་གྲོང་གསེབ་འཛུགས་སྐྲུན།སྐྱེ་ཁམས་སྲུང་སྐྱོང་ལམ་ལུགས་འཐུས་ཚང་དུ་གཏོང་བ།སྐྱེ་ཁམས་རིག་གནས་དར་སྤེལ་གཏོང་བ།ཐུན་མོང་འཛུགས་སྐྲུན་དང་མཉམ་སྤྱོད་ལ་སྐུལ་འདེད་གཏོང་བ་བཅས་བྱས་ཏེ་སྐྱེ་ཁམས་དཔལ་ཡོན་གྱི་དཔེ་བཟང་སྐུལ་འདེད་གཏོང་མཁན་དང་།ཆུ་ལྗང་རི་ལྗང་སྲུང་སྐྱོང་བརྟན་པོ་བྱེད་པ།མཛེས་སྡུག་ལྡན་པའི་མཚོ་སྔོན་གྱི་སྤྲོ་སེམས་འཁོལ་བའི་ཁྱབ་སྤེལ་གཏོང་མཁན་བཅས་བྱེད་དགོས་པའི་གྲོས་འགོ་བཏོན།

ཤེས་རྟོགས་བྱུང་བར་གཞིགས་ན།ཉིན་དེར་ཁྱོན་བསྡོམས་དྲིལ་བསྒྲགས་འགྲེམས་སྟོན་པང་ལེབ་60ལྷག་ཙམ་འགྲེམས་སྟོན་བྱས་པ་དང་།པར་ལེན་དང་།རི་མོ།ཡིག་གཟུགས་བཅས་ཀྱི་བརྩམས་ཆོས་100ལྷག་ཙམ་འགྲེམས་སྟོན་བྱས་པ།བཅའ་ཁྲིམས་ཁྱབ་གདལ་གཏོང་བའི་དྲིལ་བསྒྲགས་དངོས་རྫས་ཁྲི་1ལྷག་ཙམ་འགྲེམས་སྟོན་བྱས་པ།དངོས་པོ་དང་སྐྱེ་ཁམས་ཐོན་རྫས་རིགས་9འགྲེམས་སྟོན་བྱས་པ།བཅའ་ཁྲིམས་ཤེས་བྱའི་བྱ་དགའ་ཡོད་པའི་དྲིན་ལན་ནང་ཞུགས་མཁན་ལས་བྱེད་པ་དང་མང་ཚོགས་མི་ཐེངས་སྟོང་ལྷག་ཙམ་ཟིན་ཡོད།