ཡུལ་ཤུལ་ཁུལ་གྱིས་ཆུ་བོ་དང་མཚོ་མོ་དོ་དམ་སྲུང་སྐྱོབ་ལ་སྐུལ་འདེད་བཏང་བ།

ད་ལོར།  ཡུལ་ཤུལ་ཁུལ་གྱིས་ཆུ་དང་མཚོ་མོར་སྲུང་སྐྱོབ་བཟང་བོ་དང་།  མཛེས་སྡུག་ལྡན་པའི་ཆུ་དང་མཚོ་མོ་འཛུགས་སྐྲུན་ལ་དམིགས་ཏེ།  བསམ་གཞིགས་ཞིབ་མོས་ཆུ་བོ་དང་མཚོ་མོ་དོ་དམ་སྲུང་སྐྱོབ་ཀྱི་བྱ་བ་སོ་སོར་གཅིག་གྱུར་ཐོག་སྐུལ་འདེད་བཏང་བ་དང་།     འགན་འཁྲི་ནན་དཀྲི་དང་བཅོས་སྐྱོང་ལ་ཤུགས་སྣོན།   ལྟ་སྐུལ་དོ་དམ་གནད་ལ་འཁེལ་བ་བཅས་བྱས་ནས་ཆུའི་སྐྱེ་ཁམས་ཁོར་ཡུག་གི་སྤུས་ཚད་རྒྱུན་མཐུད་ཇེ་ལེགས་དང་། དོན་འཁྱོལ་ཕན་ནུས་ལྡན་ཞིང་སྤུས་འདེགས་ནུས་སྤེལ་གྱི་རྣམ་པ་བཟང་བོ་མངོན།

ཆུ་དཔོན་དང་མཚོ་དཔོན་གྱིས་སྣེ་ཁྲིད་དང་ཆུ་བེད་སྡེ་ཁག་གིས་དོན་འཁྱོལ།   སྡེ་ཁག་མང་པོས་མཐུན་སྦྱོར་སོགས་རྒྱུན་འཁྱོངས་བྱས་ནས།   མཛེས་པའི་ཆུ་བོ་དང་མཚོ་མོ་འཛུགས་སྐྲུན་ལ་སྐུལ་འདེད་བཏང་།  ཆུ་དཔོན་མཚོ་དཔོན་དང་ཞིབ་དཔྱོད་དཔོན་མཉམ་འབྲེལ་གྱི་ལས་ཀའི་ནང་རྐྱེན་དང་། ཆུ་དང་མཚོ་མོའི་ཉེན་དཔོན་ལམ་ལུགས་རྒྱུན་ཆད་མེད་པར་འཐུས་ཚང་དུ་བཏང་སྟེ།   ཁུལ་སྤྱི་བདེ་དང་ཞིབ་དཔྱོད།   ཁྲིམས་ཁང་སོགས་སྡེ་ཁག་བརྒྱད་དང་མཉམ་འབྲེལ་ཐོག་ཡུལ་ཤུལ་བོད་རིགས་རང་སྐྱོང་ཁུལ་གྱི་ཆུའི་སྲིད་འཛིན་མཉམ་འབྲེལ་ཁྲིམས་བསྟར་དང་སྲིད་འཛིན་མཐུན་སྦྱོར་ནང་རྐྱེན་འཛུགས་པའི་འབྲེལ་ཡོད་བསམ་འཆར་འགྲེམ་སྤེལ་བྱས་པ་དང་། ཆུ་དང་མཚོ་མོ་སྲུང་སྐྱོབ་ཁྱབ་ཁོངས་ཀྱི་ཁྲིམས་འཛིན་ཁྲིམས་བསྟར་དང་ཉེས་དོན་སྲིད་འཛིན་སྦྲེལ་མཐུད་ལ་སྐུལ་འདེད་བཏང་སྟེ།    སྡེ་ཁག་མཉམ་འབྲེལ་དང་མཉམ་འཛིན་སྤྱི་སྒྲུབ་ཀྱི་བཅོས་སྐྱོང་མཉམ་ཤུགས་ཆགས་སུ་བཅུག །

ཆུ་བོར་སྐོར་ཞིབ་དང་སྲུང་སྐྱོབ་རྨང་གཞིར་བྱས་ནས།   སྐྱེ་ཁམས་ཁོར་ཡུག་བདེ་འཇགས་ཐད་གནས་པའི་མི་མངོན་རྐྱེན་ངན་དང་གནད་དོན་ལ་ཞིབ་བཤེར་ལེགས་བཅོས་སོགས་ཀྱི་བྱེད་ཐབས་སྤྱད་དེ་ཚད་གཞི་དང་གོ་རིམ་ལྡན་པའི་ཆུ་དང་མཚོ་མོའི་དོ་དམ་སྒྲིག་སྲོལ་ལ་སྲུང་སྐྱོབ་ནན་མོ་བྱས།  ཁུལ་དང་རྫོང་།  ཡུལ་ཚོ། སྡེ་བ་བཅས་རིམ་པ་བཞིའི་ཆུ་དཔོན་དང་མཚོ་དཔོན་རྣམས་ཀྱིས་གཏན་འཁེལ་ལྟར།  ཆུ་བོ་དང་མཚོ་མོར་སྐོར་ཞིབ་བྱ་བ་ཐེངས་མང་སྤེལ་བ་དང་།   ད་ལྟའི་བར་དུ།   བསྡོམས་པས་ཆུ་བོར་སྐོར་ཞིབ་ཐེངས་སྟོང་གསུམ་དང་བདུན་བརྒྱ་བཞི་བཅུ་བརྒྱབ་ཡོད་པ་དང་།  ཆུ་བོ་དང་མཚོ་མོར་འབྲེལ་བའི་གནད་དོན་བཅུ་ལྷག་རྙེད་ལ།   དེ་ན་ནིང་གི་དུས་མཉམ་དང་བསྡུར་ན་བརྒྱ་ཆའི་ཉི་ཤུ་མར་ཆག་ཡོད་པ་དང་།   གནད་དོན་ཡོད་ཚད་དག་ཐེར་ལེགས་བཅོས་བྱས་ཟིན།