མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
པར་འདི་ནི་བདེ་ཆེན་གཡང་མཚོའི་བཟོས་པའི་གངས་གཟིག་གི་རྩེད་ཆས་ཡིན།
པར་འདི་ནི་བདེ་ཆེན་གཡང་མཚོས་སྐུ་མགྲོན་ལ་འཚིག་ཇ་བཟོ་བཞིན་པའི་ཚུལ་རེད།
པར་འདི་ནི་ཡུལ་སྐོར་བར་ཡུས་ཧྲུའུ་ཡི་ཁྱད་ལྡན་ཐོན་རྫས་ངོ་སྤྲོད་བྱེད་བཞིན་པའི་ཚུལ་རེད།
པར་འདི་ནི་སྐུ་མགྲོན་ལ་ཐོན་རྫས་ངོ་སྤྲོད་བྱེད་བཞིན་པའི་ཚུལ་རེད།
ཟླ6པའི་ཚེས11ཉིན། ཡུས་ཧྲུའུ་བོད་རིགས་རང་སྐྱོང་ཁུལ་ཡུས་ཧྲུའུ་གྲོང་ཁྱེར་གྱི“དག་ཞིང་ཡུས་ཧྲུའུ”ཁྱད་ལྡན་ཐོན་རྫས་ཉམས་ལེན་ཚོང་ཁང་ནང་དུ། 95ལོའི་རྗེས་ཀྱི་སྦྱིན་བདག་ན་གཞོན་བདེ་ཆེན་གཡང་མཚོ་མགྲོན་པོ་རྣམས་ལ་འཚིག་ཇ་བཟོ་བར་བྲེལ། བདེ་ཆེན་གཡང་མཚོ་ལོ་ན་ཆེ་རྒྱུ་མེད་ནའང་། ཡུས་ཧྲུའུ་གྲོང་ཁྱེར་གྱི་ལས་སྒོ་གསར་སྤེལ་བྱེད་མཁན་ཚོའི་ཁྲོད་དུ་མོ་ལ་མཚན་སྙན་གྲགས་ངེས་ཅན་ཞིག་ཡོད།
2019ལོར་སློབ་ཆེན་མཐར་ཕྱིན་རྗེས། བདེ་ཆེན་གཡང་མཚོ་ལ་ཐེ་ཚོམ་སྤུ་ཙམ་ཡང་མེད་པར་ཕྱིར་ཕ་ཡུལ་ཡུས་ཧྲུའུ་གྲོང་ཁྱེར་དུ་ཡོང་སྟེ། ལས་སྒོ་གསར་སྤེལ་གྱི་ལམ་དུ་ཞུགས།
བདེ་ཆེན་གཡང་མཚོས་དང་ཐོག་ལས་སྒོ་གསར་སྤེལ་གྱི་ལམ་ལ་ཞུགས་དུས་ངས་ཀྱང་ཅི་ཞིག་སྒྲུབ་དགོས་པ་མི་ཤེས། ཡིན་ཡང་ངས་རང་གི་ཕ་ཡུལ་ན་ས་གནས་ཀྱི་ཁྱད་ལྡན་ཐོན་རྫས་ཧ་ཅང་མང་པོ་ཡོད་པ་ཤེས། དེར་མ་ཟད་ཚོང་རར་མི་བྲིན་ལ་རིན་གོང་ཡང་མི་བཟང་པས། ངས་འདི་ནི་གོ་སྐབས་ཡག་པོ་ཞིག་རེད་སྙམ་སྟེ། ང་ཚོའི་ཕ་ཡུལ་གྱི་ས་གནས་ཀྱི་ཁྱད་ལྡན་ཐོན་རྫས་ཕྱིར་འཚོང་བྱེད་ཐུབ་པ་དང་། ཕ་ཡུལ་གྱི་དཔལ་འབྱོར་འཕེལ་རྒྱས་ལ་སྐུལ་འདེད་གཏོང་ཐུབ་ཟེར།
བདེ་ཆེན་གཡང་མཚོས་ཐོག་མར་ཐད་གཏོང་བྱས་ཏེ་ཚོང་ཟོག་བཙོང་མོད། ཡིན་ཡང་ཡོང་སྒོ་དེ་ཙམ་བཟང་རྒྱུ་མེད་པས། 2020ལོར་ཚ་ཝུའུ་ལ་ཞིང་ཕྱུགས་ཚན་རྩལ་ཚད་ཡོད་ཀུང་སི་ཐོ་འགོད་བྱས་ནས་བཙུགས་ཏེ། དྲ་ལམ་ཐད་གཏོང་དང་དབང་བཅོལ་ལས་ཚབ། མཉམ་འབྲེལ་ཉོ་ཚོང་སོགས་ཀྱི་ཐབས་ལམ་སྤྱད་དེ་མཉམ་ལས་ཁང་གི་ཉེ་འགྲམ་གྱི་འབྲོག་པ་རྣམས་ལ་རོགས་རམ་བྱས་ཏེ། ཞིང་ཕྱུགས་ཐོན་རྫས་ཕྱིར་འཚོང་བྱས་ཤིང་། 2024ལོའི་ཕྱིར་འཚོང་གི་སྒོར་གྲངས་ཁྲི720ལ་སླེབས།
ཟོང་རྟགས་ཀྱི་ཤུགས་རྐྱེན་ཐེབས་ཤུགས་དང་ཚོང་རའི་འགྲན་རྩོད་ནུས་པ་རྒྱུན་མཐུད་ངང་མཐོར་འདེགས་སུ་བཏང་པ་དང་བསྟུན་ཏེ། ད་ལོའི་ལོ་མགོར། བདེ་ཆེན་གཡང་མཚོས“དག་ཞིང་ཡུས་ཧྲུའུ”ཞེས་པའི་ཁྱད་ལྡན་ཐོན་རྫས་ཉམས་ལེན་ཚོང་ཁང་འདི་ཉིད་སྒོ་ཕྱེ་བ་རེད། མོས་བཤད་རྒྱུར། ངས་ཚོང་ཁང་འདི་ཉིད་ཡུས་ཧྲུའུ་གྲོང་ཁྱེར་ཕྱིར་ངོམ་པའི“སྒེའུ་ཁུང”ཞིག་ཏུ་བཏང་སྟེ། འགྲུལ་བ་རྣམས་འདིར་སླེབས་ཚེ་ས་གནས་ཀྱི་ཁྱད་ལྡན་ཐོན་རྫས་ཉོ་ཐུབ་པར་མ་ཟད། ད་དུང་ཡུས་ཧྲུའུ་ཡི་ཟས་མཆོག་ལ་རོལ་མྱོང་ཡང་བྱས་ཆོག་ཟེར། །
