རྣམ་གྲངས་ལ་བརྟེན་ནས་རྨང་གཞི་ཇེ་བརྟན་དུ་བཏང་ནས་མཚོ་སྔོན་གྱི་ལྗང་མདོག་གི་རིན་ཐང་མངོན་པར་བྱས་པ།

ལྗང་མདོག་ནུས་རྒྱུའི་གསར་བརྗེ་དང་གྲངས་གཞི་ཅན་གྱི་རླབས་རྒྱུན་གྱི་འདྲེས་མཚམས་སུ་མཚོ་སྔོན་ཞིང་ཆེན་གྱིས་ས་མཐོའི་ཐོན་ཁུངས་ནུས་རྒྱུའི་ལེགས་ཆ་འདོན་སྤེལ་གང་ལེགས་བྱས་ནས་ལྗང་མདོག་གློག་ཤུགས་ལྗང་མདོག་རྩིས་རྒྱག་ནུས་པར་བསྒྱུར་རྒྱུར་སྐུལ་འདེད་བཏང་སྟེ་ལྗང་མདོག་རྩིས་རྒྱག་ནུས་པ་རྟེན་གཞི་བཏོད་དེ་ཡུལ་བབ་དང་བསྟུན་ནས་ལྗང་མདོག་རྩིས་རྒྱག་ནུས་པ་དེ་སྤུས་ཚད་གསར་པའི་ཐོན་སྐྱེད་ནུས་ཤུགས་གལ་ཆེན་དུ་འགྱུར་རྒྱུར་སྐུལ་འདེད་བཏང་བ་རེད།

2024ལོའི་ཟླ་3ཚེས་29ཉིན་མཚོ་སྔོན་གྱི་ལྗང་མདོག་རྩིས་རྒྱག་ནུས་པའི་ཐོན་ལས་འཕེལ་རྒྱས་འོས་སྦྱོར་ཚོགས་འདུ་སྐབས་དང་པོ་བདེ་བླག་ངང་འཚོགས་ནས་མཚོ་སྔོན་གྱི་ལྗང་མདོག་རྩིས་རྒྱག་ནུས་པའི་མིང་བྱང་པེ་ཅིང་དུ་ཁྱབ་པ་དང་ཁེ་ལས་མང་པོ་ཞིག་གིས་མཚོ་སྔོན་ཤེས་རྟོགས་བྱ་རྒྱུའི་ཡིད་དབང་བཀུག་ནས་མཚོ་སྔོན་ལ་མ་འཇོག་བྱས་ཏེ་སྤུས་ཚད་གསར་པའི་འབྱུང་འགྱུར་མཉམ་དུ་གཏོད་རྒྱུ་རེད།

འདས་ཟིན་པའི་ལོ་གཅིག་ནང་མགོ་བོའི་ཁེ་ལས་མེད་པ་ནས་ཡོད་པའི་བར་རྣམ་གྲངས་འཛུགས་སྐྲུན་གྱི་ཚ་རླབས་འཕྱུར་བ་དང་།རྩིས་རྒྱག་ནུས་པའི་སྣོད་བཅུད་རགས་ཙམ་ཆགས་ཡོད།མཚོ་སྔོན་གྱིས་མི་ཐབས་རིག་ནུས་འཕེལ་རྒྱས་ཀྱི་དུས་རབས་གོ་སྐབས་དམ་འཛིན་བྱས་ཏེ་སྒོ་དབྱེའི་རྣམ་པས་དུས་རབས་ཀྱི་རླབས་རྒྱུན་ལ་བརྟེན་ནས་གློག་ལྗང་དུ་བསྒྱུར་བ་དང་།གློག་སྐུད་འོད་སྐུད་དུ་བསྒྱུར་བ།ཝ་ཐེ་ལ་བསྒྱུར་བ་བཅས་བྱས་ཏེ་སྔོ་ལྗང་འབྱུང་འཕྲོད་གནོད་མེད་ཤར་བགྲོད་གྱི་རྩིས་ནུས་འཕེལ་རྒྱས་ཀྱི་“ནུས་རྒྱུ་ཧ་ཅང་འདང་བ་དང་།    གློག་རིན་ཧ་ཅང་དམའ་བ།    ལྗང་མདོག་གློག་ཤུགས་༼འབྱུང་འཕྲོད་གློག་ཤུགས་༽ཧ་ཅང་ལེགས་པ།    ནམ་ཟླ་ཧ་ཅང་བཟང་བ།    ནུས་ཁུངས་ཟད་གྲོན་ཧ་ཅང་ཉུང་བ།    ཕན་འབྲས་ཧ་ཅང་མཐོ་བ་བཅས་ཀྱི་ལེགས་ཆ་རྒྱུན་ཆད་མེད་པར་མངོན་པ་རེད།    

གཅིག་བསྡུས་ཀྱིས་བཀོད་སྒྲིག་བྱེད་པ།དགེ་མཚན་ཆེ་རུ་གཏོང་བ།

མཚོ་སྔོན་གྱི་ཁྱད་ལྡན་ལེགས་ཆ་མངོན་གསལ་དོད་པ་དང་ལྗང་མདོག་འཕེལ་རྒྱས་ཀྱི་གཏིང་ཤུགས་ཆེན་པོ་ལྡན་ཡོད།

མཚོ་སྔོན་གྱིས“ཤར་གྲངས་ནུབ་རྩིས”ཀྱི་རྒྱལ་ཁབ་ཀྱི་བཀོད་པ་དང་རྒྱལ་ཡོངས་གཞི་གཅིག་ཅན་གྱི་རྩིས་རྒྱག་དྲ་བའི་ནང་ཧུར་ཐག་ཞུགས་ནས་ཞིང་ཆེན་གྱི་དོན་དངོས་ལ་གཞི་ཚུགས་ཏེ་ནུས་རྒྱུ་གཙང་མ་དང་གྲངས་འཛིན་དཔལ་འབྱོར་མཉམ་འདྲེས་འཕེལ་རྒྱས་རྟེན་གཞི་འཛུགས་སྐྲུན་ལ་སྐུལ་འདེད་གཏོང་བ་དང་།ནུས་ཆེའི་ཐཱན་ཉུང་དང་ལེགས་བསྡུས་འཁོར་རྒྱུག་གི་ལྗང་མདོག་གྲངས་གཞིའི་ལྟེ་གནས་མགྱོགས་མྱུར་བསྐྲུན་ནས་ཤར་རྒྱུད་ས་ཁུལ་གྱི་ལས་དོན་དགོས་མཁོ་བསྐང་པ་དང་། སྔོ་ལྗང་འབྱུང་འཕྲོད་གནོད་མེད་ཤར་བགྲོད་རྩིས་ཤུགས་རྟེན་གཞི་འཕེལ་རྒྱས་བཀོད་སྒྲིག་བྱས་ནས་རྩིས་ཤུགས་སྣ་མང་ཁྱབ་པ་དང་།    གསོག་ཤུགས་བདེ་འཇགས་བློས་འགེལ་ཆོག་པ་དང་།    སྐྱེལ་འདྲེན་སྟོབས་ཤུགས་སྤུས་ལེགས་དང་མཉམ་སྦྲེལ་བཅས་ཀྱི་སྔོ་ལྗང་འབྱུང་འཕྲོད་གནོད་མེད་ཤར་བགྲོད་རྩིས་རྒྱག་སྟོབས་ཤུགས་མ་ལག་གཞི་རྩའི་ཆ་ནས་ཆགས་པ་རེད།    

“1＋2＋N”སྤྱི་ཡོངས་ཀྱི་བཀོད་པ་གཞི་རྩའི་ཆ་ནས་གྲུབ་པ་དང་བསྟུན་ནས་རྩིས་རྒྱག་ཤུགས་ཀྱི་གཞི་ཁྱོན་རྒྱུན་མཐུད་ངང་རྒྱ་སྐྱེད་བཏང་ཡོད།2024ལོའི་ལོ་མཇུག་བར་ཞིང་ཆེན་ཡོངས་ཀྱིས་སྐྲུན་བཞིན་པའི་གནམ་གྲུའི་སྒྲོམ་གཞི་ཁྲི་9.3ཟིན་པ་དང་རྩིས་རྒྱག་ཤུགས་ཀྱི་གཞི་ཁྱོན་8400Pཟིན་པ་དེ་ལོ་འགོ་དང་བསྡུར་ན་8000Pའཕར་རྒྱུ་ཡིན་པ་དང་སྔོན་དཔག་བྱས་ན་2025ལོར་ཞིང་ཆེན་ཡོངས་ཀྱི་ཚད་ལྡན་གནམ་གྲུའི་སྒྲོམ་གཞི་དང་གཞི་ཁྱོན་གཉིས་འཕར་རྒྱུ་ཡིན་པ་རེད།

ད་ཆ་རྒྱལ་ཁབ་ཀྱི་འབྲེལ་ཡོད་པུའུ་ཨུད་དང་།ཁ་གཏད་མཚོ་སྐྱོར།ཤར་ནུབ་རྒྱུད་ཀྱི་མཉམ་ལས་ཞིང་ཆེན་དང་གྲོང་ཁྱེར་དང་ལས་རིགས་ཀྱི་མགོ་བོའི་ཁེ་ལས་བཅས་ཀྱི་རྒྱབ་སྐྱོར་ཤུགས་ཆེན་འོག་སྲིད་དོན་དང་ལས་རིགས་ཀྱི་གྲངས་གཞི་དང་།རྣམ་གྲངས་གལ་ཆེན།ཁེ་ལས་བཅས་འབོར་ཆེན་ཞིག་རྒྱུན་ཆད་མེད་པར་མཚོ་སྔོན་དུ་འཛོམས་ཡོད་པ་རེད།

གྲངས་གཞིའི་ཐོན་ཁུངས་ཁག་གཅིག་གཅིག་སྒྲིལ་དང་།རྣམ་གྲངས་གལ་ཆེན་ཁག་གཅིག་དོན་འཁྱོལ་བྱེད་པ།མགོ་བོའི་ཁེ་ལས་ཁག་གཅིག་བསྡུ་བ།གཙོ་གནད་ཐོན་ལས་ཁག་གཅིག་སྐྱེད་སྲིང་བྱེད་པ།ཚན་རྩལ་གསར་གཏོད་ལས་སྟེགས་ཁག་གཅིག་མཉམ་སྐྲུན་བྱེད་པ།ཆེད་ལས་ཤེས་ལྡན་མི་སྣ་ཁག་གཅིག་ནང་འདྲེན་བྱེད་པ།ཞིང་ཆེན་ཐད་གཏོགས་སྡེ་ཚན་ཁག་གིས་རྒྱབ་སྐྱོར་སྲིད་ཇུས་བཟོ་བ་དང་།ལེ་ལག་ཚང་བའི་བྱེད་ཐབས་འཐུས་ཚང་དུ་གཏོང་བ།དྲིལ་བསྒྲགས་འོས་སྦྱོར་ཚོང་འགུག་སོགས་ཐད་ཤུགས་སྒྲིལ་མཉམ་ལས་བྱེད་པ།

དེ་དང་ཆབས་ཅིག“གྲངས་གཞིའི་མཚོ་སྐྱོར”གྱི་ནུས་རིམ་རྒྱུན་ཆད་མེད་པར་མཐོ་རུ་ཕྱིན་ཡོད།མཚོ་སྔོན་གྱིས་མཚོ་སྐྱོར་ཞིང་ཆེན་དང་གྲོང་ཁྱེར་ཁག་དང་དེ་བཞིན་གནས་སའི་ས་ཁུལ་གྱི་གྲངས་གཞི་ཆེ་མོའི་འབྲེལ་ཡོད་ཁེ་ལས་ཀྱི་ཐོན་ལས་གཞན་སྒྱུར་དང་ལེན་ཧུར་ཐག་བྱས་ཡོད།གྲོང་ཁྱེར་དང་ཁུལ་ཁག་གིས“གྲངས་གཞིའི་མཚོ་སྐྱོར”གྱི་ཚོང་འགུགས་མ་འདྲེན་མ་ལག་གི་ནུས་པ་འདོན་སྤེལ་བྱས་ཏེ་ཞིང་ཆེན་ཕྱིར་བསྐྱོད་དེ“གྲངས་གཞིའི་མཚོ་སྐྱོར”གྱི་འོས་སྦྱོར་ཚོགས་འདུ་དང་ཆེད་དོན་ཚོང་འགུགས་བྱེད་སྒོ་སྣ་ཚོགས་སྤེལ་ནས་མཚོ་སྐྱོར་ས་ཁུལ་གྱི་ཚན་པ་མཚོ་སྔོན་དུ་རྟོག་ཞིབ་དང་སྦྲེལ་མཐུད་བྱེད་པར་གདན་དྲངས་ཏེ་རྩིས་རྒྱག་ལས་རིགས་ཀྱི་མགོ་བོའི་ཁེ་ལས་ཀྱིས་ཚོང་འགུགས་བྱ་རྒྱུར་དམིགས་ནས་གཙོ་གནད་ཐོག་མགོའི་ཁེ་ལས་དང་འབྲེལ་མཐུད་བྱས་པ་རེད།2024ལོའི་ཀྲུང་གོའི་དྲ་སྦྲེལ་ཕྱོགས་བསྡུས་སྟོབས་ཤུགས་ཀྱི་མདུན་གྲལ་བཅུ་པར་སླེབས་པའི་ཁེ་ལས་ཁྲོད་གསུམ་གྱིས་མཚོ་སྔོན་དང་འཐབ་ཇུས་མཉམ་ལས་ཀྱི་གྲོས་མཐུན་བཞག་པ་དང་།ཁེ་ལས་5ལ་འབྲེལ་མཐུད་ངོ་འཕྲད་གྲོས་མོལ་བྱས་པ་རེད།

ཚན་རྩལ་གསར་གཏོད་ཀྱི་ལས་སྟེགས་གལ་ཆེན་འཛུགས་སྐྲུན་ཐད་གྲོང་ཁྱེར་དང་ཁུལ་ཁག་དང་རོགས་སྐྱོར་ཚན་པ་དང་དེ་བཞིན་གནས་སའི་ས་ཁུལ་གྱི་འབྲེལ་ཡོད་མཐོ་སློབ་དང་ཚན་ཞིབ་ཁང་སོགས་དང་འབྲེལ་མཐུད་མཉམ་ལས་བྱས་པ་དང་ཞིང་ཆེན་ཡོངས་ཀྱི་ཕྱི་ནད་ཚན་ཁག་གི་འཕུར་སྐྱོད་ཁུལ་དང་པོ་སྟེ་མཚོ་སྔོན(པེ་ཅིང)ཚན་རྩལ་གསར་གཏོད་རྟེན་གཞི་དང་མཚོ་སྔོན(པེ་ཅིང)ལྗང་མདོག་རྩིས་རྒྱག་གསར་གཏོད་རྟེན་གཞི་སྒོ་བྱང་བཀལ་ནས་འཁོར་སྐྱོད་བྱས་ཡོད།

ཤུགས་སྐུལ་རྣམ་གྲངས་ཀྱི་འདེགས་སྐྱོར་ལ་ཤུགས་སྣོན་རྒྱག་པ།

རྣམ་གྲངས་གཅིག་ནི་འཕར་གཞི་ཞིག་ཡིན་པ་དང་།རྣམ་གྲངས་ཁག་གཅིག་ནི་འཕར་གཞི་ཞིག་རེད།

ཀྲུང་གོ་གློག་འཕྲིན(རྒྱལ་ཁབ)གྲངས་འཛིན་མཚོ་སྔོན་གྱི་ལྗང་མདོག་གྲངས་གཞི་ཆེ་མོའི་ལྟེ་གནས་དང་།ཀྲུང་གོ་སྒུལ་བདེ(མཚོ་སྔོན)ས་མཐོའི་གྲངས་གཞི་ཆེ་མོའི་ལྟེ་གནས།ཀྲུང་གོ་འཕྲིན་སྦྲེལ(མཚོ་སྔོན)གཙང་གསུམ་ཆུ་འགོའི་རྒྱལ་ཁབ་ཀྱི་གྲངས་གཞི་ཆེ་མོའི་རྟེན་གཞི་སོགས་བསྐྲུན་ཟིན་པའི་རྣམ་གྲངས་ཀྱིས་སྣེ་ཁྲིད་ཀྱི་ཕན་འབྲས་རྒྱུན་མཐུད་འདོན་སྤེལ་བྱས་པ་མ་ཟད།རྒྱལ་ཁབ་ལྗང་མདོག་གྲངས་གཞིའི་ལྟེ་གནས་ཀྱི་མིང་ཐོའི་ནང་བདམས་པ་དང་།རྗེས་མཐུད་བཀོད་སྒྲིག་འཛུགས་སྐྲུན་ཡང་དེ་དང་བསྟུན་ནས་ཡིད་ཆེས་འཕེལ་བ་བྱས་ཡོད།

གོ་ལ་ཧྲིལ་པོའི“རང་འགུལ་དང་།རང་གསོགརང་སྤྱོད།རང་འགན་སྲུང་”བཅས་ཀྱི་ནུས་རྒྱུ་གཙང་མའི་གློག་དྲ་ཆུང་གྲས་ཀྱི་རྩིས་རྒྱག་ལྟེ་གནས་ཐོག་མ་དེ་འགོ་ཚུགས་པ་དང་།རྒྱལ་ནང་གི་རང་རྒྱལ་གྱིས་བཟོས་པའི་ཉིང་ལྷེབ་ཀྱི་ཁྲི་གཱ་ལྗང་རྩིས་ཚོགས་པའི་རྣམ་གྲངས་ཐོག་མར་སྤེལ་འགོ་ཚུགས་པ།རྒྱལ་ཁབ་རིམ་འདས་རྩིས་འཁོར་ཝུའུ་ཤིས་ལྟེ་གནས་མཚོ་སྔོན་སློབ་ཆེན་ཡན་ལག་ལྟེ་གནས་དོན་འཁྱོལ་བྱས་པ་སོགས་ཀྱི་གནས་ཚུལ་བཟང་པོ་གཅིག་རྗེས་གཉིས་མཐུད་ངང་ཐོན་པ་རེད།

ཨ་ལི་སྤྲིན་རྩིས་རྟེན་གཞི་དང་།པའེ་ཏུའུ་རྟགས་བཀོད་ལྟེ་གནས།ཅིན་ཧྲན་རིག་རྩིས་ལྟེ་གནས།ཅིང་ཏུང་རིག་རྩིས་སྒེར་དབང་སྤྲིན་ཚོགས།མཚོ་སྔོན་ཐུའུ་ལིང་གྲོང་རྡལ་ཆུང་ངུ་སོགས་རྣམ་གྲངས་དོན་འཁྱོལ་བྱས་ནས་འཛུགས་སྐྲུན་བྱས་པ་དང་།རྒྱལ་ཡོངས་ཀྱི་ནུས་རྒྱུ་གཙང་མ་དང་ལྗང་མདོག་རྩིས་ཤུགས་བཀོད་གཏོང་ལྟེ་གནས་ཐོག་མ་དེ་བསྐྲུན་ནས་འཁོར་སྐྱོད་བྱེད་འགོ་ཚུགས་པ།གྲངས་གཞི་ཆེན་པོའི་གནོད་འཚེ་གྲ་སྒྲིག་ལྟེ་གནས་དང་གནོད་འཚེ་སྤྲིན་རྩིས་སོགས་གཙོ་གནད་རྣམ་གྲངས་མགྱོགས་མྱུར་སྐུལ་འདེད་བཏང་བ་རེད།

“རྣམ་གྲངས་རྒྱལ་པོ་ཡིན་པའི”དམག་འཐབ་ཀྱི་རྔ་སྒྲས་སྤུས་ཚད་མཐོ་བ་དང་།འབྲེལ་ཐག་རིང་བ།ཐོན་ལས་གསར་པ།མདུན་ལམ་ལེགས་པ་བཅས་ཀྱི་གཙོ་གནད་རྣམ་གྲངས་རེ་རེ་བཞིན་ཚ་ཚ་འུར་འུར་ངང་སྐུལ་འདེད་བཏང་ཡོད།

ཇུས་འགོད་མགྱོགས་མྱུར་བྱས་ནས་དུས་ཚོད་སྐར་ཆ་ཙམ་ཡང་བརྩོན་ལེན་བྱེད་དགོས།

ད་ཆ་རྩིས་རྒྱག་ཤུགས་དང་དཔེ་དབྱིབས་ནས་བེད་སྤྱོད་བྱེད་པའི་བར་དང་།གྲངས་གཞིའི་མཚོན་རྟགས་དང་བརྡ་གཏོང་བའི་ཞབས་ཞུ་ནས་གེགས་སེལ་གྲ་སྒྲིག་བྱེད་པའི་བར།མཚོ་སྔོན་གྱིས་ནུས་ཤུགས་ཡོད་རྒུས་ལས་རྣམ་སྣ་མང་དང་རྒྱ་སྐྱེད་གཏོང་རྒྱུར་སྐུལ་འདེད་བཏང་ཡོད།

རྣམ་གྲངས་ཇུས་འགོད་དང་།རྣམ་གྲངས་ནང་འདྲེན།རྣམ་གྲངས་དོན་འཁྱོལ་བཅས་བྱ་དགོས།རྣམ་གྲངས་ལ་སྐུལ་འདེད་གཏོང་བའི་འཕེལ་ཕྱོགས་ཆེན་པོ་དེ་སྲིད་ཇུས་ཀྱི་རྒྱབ་སྐྱོར་ནུས་ལྡན་དང་ཁ་འབྲལ་ཐབས་མེད།

《མཚོ་སྔོན་ཞིང་ཆེན་གྱི་ལྗང་མདོག་རྩིས་རྒྱག་ནུས་པའི་རྟེན་གཞི་འཛུགས་སྐྲུན་ཇུས་གཞི》དང་།《ལྗང་མདོག་རྩིས་རྒྱག་ནུས་པའི་ཐོན་ལས་འཕེལ་རྒྱས་ལ་སྐུལ་འདེད་གཏོང་བའི་བྱ་ཐབས་འགའ་ཞིག》《མཚོ་སྔོན་ཞིང་ཆེན་གྱི་ལྗང་མདོག་རྩིས་རྒྱག་ནུས་པའི་རྟེན་གཞི་འཛུགས་སྐྲུན་གྱི་བྱ་སྤྱོད་ཇུས་གཞི》《མཚོ་སྔོན་ཞིང་ཆེན་གྱི་ནུས་རྒྱུའི་ཁྱབ་ཁོངས་ཀྱི་ལྗང་མདོག་འཕེལ་རྒྱས་ལ་རྒྱབ་སྐྱོར་བྱེད་པའི་བྱེད་ཐབས་འགའ་ཞིག》《མཚོ་སྔོན་ཞིང་ཆེན་གྱི་ལྗང་མདོག་ནུས་པའི་ཐོན་ལས་འཕེལ་རྒྱས་ཀྱི་བྱ་ཐབས་འགའ་ཞིག》སོགས་བཏོན་ཡོད།ཇུས་གཞི་དང་།བྱེད་ཐབས།ཚད་གཞི་བཅས་གཞི་གཅིག་ཏུ་འདུས་པའི་སྲིད་ཇུས་མ་ལག་རགས་ཙམ་བཙུགས་ཡོད།

དེ་དང་ཆབས་ཅིག་མཚོ་སྔོན་གྱིས་ཞིང་ཆེན་ནང་ཁུལ་གྱི་ཞིང་ཆེན་དབར་གྱི་རྐང་འཛིན་དྲ་བའི་སྒྲོམ་གཞི་རྒྱུན་མཐུད་ལེགས་སུ་བཏང་ནས་ཟི་ལིང་གི་རྒྱལ་ཁབ་རིམ་པའི་དྲ་སྦྲེལ་རྐང་འཛིན་ཐད་སྦྲེལ་ས་ཚིགས་ཀྱི་དྲ་རྒྱའི་དྲ་སྦྲེལ་ནུས་པ་ཕྱོགས་ཡོངས་ནས་ཆེ་རུ་ཕྱིན་པ་དང་།“1—5—20”ཡི་སྤུས་ཚད་མཐོ་བའི་བརྒྱུད་གཏོང་མ་ལག་ཕྱོགས་ཡོངས་ནས་བསྐྲུན་པ་སོགས་དྲ་རྒྱའི་རྨང་གཞིའི་སྒྲིག་བཀོད་འཛུགས་སྐྲུན་གྱི་སྤུས་ཚད་མཐོ་རུ་ཕྱིན་པ་དེས་ཀྱང་རྣམ་གྲངས་ཀྱི“ལྗང་མདོག”ལ་བརྟེན་ནས་དབྱར་མཚོ་རྒྱས་པ་ལྟར་འཕེལ་རྒྱས་འགྲོ་རྒྱུར་གསོན་ཤུགས་བསྣན་ཡོད་པ་རེད།

གནད་སྨིན་ཚོང་འགུགས་ལ་ཚད་བརྒལ་ཡོང་བའི་བརྩོན་ལེན་བྱེད་པ།

“ང་ཚོས་མཚོ་སྔོན་གྱིས་ལྗང་མདོག་ནུས་ཤུགས་ཐོན་ལས་འཕེལ་རྒྱས་གཏོང་བའི་ལྷག་བསམ་གྱིས་ཁེངས་པ་མཐོང་བྱུང”།

“མདུན་སྐྱོད་ལ་བརྟེན་ནས་ཞབས་འདེགས་ཞུ་བའི་དྲོ་སྐྱིད་དང་།དཀའ་ངལ་སེལ་བའི་ཆོད་སེམས།དེ་བཞིན་བྱ་བ་སྒྲུབ་པ་དང་ལས་གཏོད་ཀྱི་བློ་སྟོབས་བཅས་ཀྱིས་ང་ཚོར་རྣམ་གྲངས་ལ་སྐུལ་འདེད་གཏོང་བའི་ཡིད་ཆེས་ཆེན་པོ་སྦྱིན་ཡོད”།

“ས་ཁུལ་ཁག་དང་སྡེ་ཚན་ཁག་གིས་ཁེ་ལས་ཀྱི་དགོས་མཁོ་ཤེས་རྟོགས་ཐུབ་ནས་ང་ཚོར་ནུས་ཤུགས་གང་ཡོད་འདོན་ཐུབ་པའི་ཚོང་གཉེར་ཁོར་ཡུག་བཟང་པོ་ཞིག་བཏོད་ཡོད”།

མཚོ་སྔོན་གྱི་ལྗང་མདོག་རྩིས་རྒྱག་ནུས་པའི་ཐོན་ལས་འཕེལ་རྒྱས་འོས་སྦྱོར་ཚོགས་འདུ་སྐབས་གཉིས་པ་མ་འཚོགས་གོང་ཁེ་ལས་ལ་འཚམས་འདྲི་བྱེད་པའི་བརྒྱུད་རིམ་ནང་མཚོ་སྔོན་ཞིང་ཆེན་ལ་ཁེ་ལས་ཀྱི་འགན་འཁུར་བས་མཚོ་སྔོན་ལ་སྤྲོ་སེམས་དང་དངོས་སྒྲུབ་ཀྱི་བསྔགས་བརྗོད་ཐོབ་ཡོད།

རྣམ་གྲངས་འཛུགས་སྐྲུན་ཐད“རྟ་ལྕག་ལྕག་མགྱོགས་པ”དང་།ཁེ་ལས་ཀྱི“ཉ་མོ་ཆུ་ལ་ཐོབ་པ་”སོགས་ཀྱི་སྲུང་སྐྱོང་བྱེད་པ་སོགས་ཆུ་འགོའི་ས་གཞི་ཆེ་མོར་སྐྱོད་སྐབས་དྲིས་ལན་མ་བཤད་རང་གསལ་རེད།

མཚོ་སྔོན་གྱིས་ཚོང་འགུགས་ལ་དམ་འཛིན་བྱ་རྒྱུ་མཐའ་འཁྱོངས་བྱེད་པ་ནི་འབྱུང་འགྱུར་ལ་དམ་འཛིན་བྱེད་པ་ཞིག་རེད།2024ལོར་སྐབས་དང་པོའི་མཚོ་སྔོན་གྱི་ལྗང་མདོག་རྩིས་རྒྱག་ཐོན་ལས་འཕེལ་རྒྱས་འོས་སྦྱོར་ཚོགས་འདུར་མིང་རྟགས་བཀོད་པ་དང་ཐུན་མོང་གི་ངོས་འཛིན་ཐོབ་པའི་གྲུབ་འབྲས་ཐོབ་ཡོད།འོས་སྦྱོར་བྱེད་ཚད་དང་བསྟུན་ནས་ལོ་དེའི་ཟླ་4ཚེས་29ཉིན་དང་ཟླ་5ཚེས་17ཉིན་མཚོ་སྔོན་གྱི་ལྗང་མདོག་རྩིས་རྒྱག་ནུས་པའི་ཚོང་འགུགས་མ་འདྲེན་གྱི་བཞུགས་མོལ་ཚོགས་འདུ་ཧྲེན་ཀྲེན་དང་ནན་ཅིང་དུ་འཚོགས་ནས་མཚོ་སྔོན་གྱི་ལྗང་མདོག་རྩིས་རྒྱག་ནུས་པའི་སྤུས་རྟགས་རྒྱུན་མཐུད་ངང་བཏོད་པ་རེད།

མཚོ་སྔོན་ཞིང་ཨུད་དང་ཞིང་ཆེན་སྲིད་གཞུང་གིས་ཚད་མཐོའི་ཇུས་འགོད་དང་སྐུལ་འདེད་ཤུགས་ཆེན་བཏང་ནས་མགོའི་ཁེ་ལས་དང་།གློག་རྡུལ་ཆ་འཕྲིན་བཟོ་སྐྲུན་རིགས་ཀྱི་ཁེ་ལས།ལས་སྟེགས་ཁེ་ལས་སོགས་དང་འབྲེལ་མཐུད་ཧུར་ཐག་བྱས་པ་དང་།པེ་ཅིང་དང་།ཐེན་ཅིན།ཧོ་པེ་བཅས་དང་།འབྲི་ཆུའི་ཟུར་གསུམ་གླིང་།ཀྲུའུ་ཅང་ཟུར་གསུམ་གླིང་སོགས་གཙོ་གནད་ས་ཁུལ་གྱི་ལྗང་མདོག་རྩིས་རྒྱག་ནུས་པ་ཚོང་འགུགས་ལས་དོན་གཏིང་ཟབ་སྤེལ་བ།གྲངས་གཞིའི་ཞབས་ཞུའི་ཚོང་པ་དང་དྲ་སྦྲེལ་ཁེ་ལས་ཀྱིས་མཚོ་སྔོན་དུ་ས་ཁོངས་རང་བཞིན་གྱི་སྤྱི་ཁྱབ་པུའུ་དང་ཡན་ལག་སྒྲིག་གཞི་འཛུགས་རྒྱུའི་བརྩོན་ལེན་ཧུར་ཐག་བྱས་པ།རྩིས་རྒྱག་ནུས་པ་མཁོ་སྤྲོད་ནུས་པ་ཆེ་རུ་གཏོང་བ་དང་།ལྗང་མདོག་གློག་མཁོ་སྤྲོད་དང་ཚན་རྩལ་གསར་གཏོད་ལ་སྐུལ་འདེད་གཏོང་བ།མཉམ་འདྲེས་བེད་སྤྱོད་རྒྱ་ཆེར་གཏོང་བའི་ཐད་མཉམ་ལས་བྱེད་དགོས།

ལྷག་བསམ་ཟོལ་མེད་ཀྱི་རྒྱབ་སྐྱོར་རྒྱ་ཁྱབ་ཐོབ་ཡོད།རྒྱལ་ཁབ་འཕེལ་སྒྱུར་ཨུ་ལྷན་དང་།བཟོ་འཕྲིན་པུའུ།ཀྲུང་གོ་གནམ་གཤིས་ཅུས།རྒྱལ་ཁབ་ནུས་རྒྱུ་ཅུས།རྒྱལ་ཁབ་གྲངས་གཞི་ཅུས་སོགས་རྒྱལ་ཁབ་ཀྱི་པུའུ་ཨུད་དང་ཚན་པ།རྒྱལ་ཁབ་གློག་དྲ་དང་།རྒྱལ་ཁབ་གློག་ཤུགས་མ་འཇོག་གཉེར་སྐྱོང་ཚོང་པ་ཆེ་གྲས་གསུམ་སོགས་ཀྲུང་དབྱང་གི་ཁེ་ལས།ཆིང་ཧྭ་སློབ་ཆེན་དང་ཀྲུང་གོ་ཚན་རིག་ཁང་སོགས་མཐོ་སློབ་ཁང་དང་སུའོ་བཅས་ཀྱིས་སྤུན་ཟླའི་ཞིང་ཆེན་དང་གྲོང་ཁྱེར་ཁག་གིས་མཚོ་སྔོན་གྱི་ལྗང་མདོག་རྩིས་ནུས་འཕེལ་རྒྱས་ལ་རྒྱབ་སྐྱོར་བྱས།

རྣམ་གྲངས་གལ་ཆེན་ལ་རྒྱབ་སྐྱོར་དང་།ནོར་ཁྲལ་སྲིད་ཇུས་དོན་འཁྱོལ།རོགས་སྐྱོར་ལམ་སྲོལ་འདོན་སྤེལ།ལྗང་མདོག་གློག་གཏོང་གི་ལེགས་ཆ་འདོན་སྤེལ།རྒྱུ་རྐྱེན་གཙོ་བོའི་འགན་ལེན་ལ་ཤུགས་སྣོན་རྒྱག་པ།ཚོང་གཉེར་ཁོར་ཡུག་ལེགས་སུ་གཏོང་བ་སོགས་ཀྱི་ཐད་ནས་ཤུགས་སྣོན་བརྒྱབ་སྟེ་ཟི་ལིང་གི་ལྗང་མདོག་གློག་རྩིས་མཉམ་འདྲེས་དཔེ་སྟོན་གླིང་དང་མཚོ་ཤར་གྱི་ཐཱན་རྩིས་རྒྱག་ཐོན་ལས་གླིང་འཛུགས་སྐྲུན་ཤུགས་ཆེན་བྱས་ནས་ཀྲུང་གོའི་ཚྭ་འདམ་གྱི་ལྗང་མདོག་གློག་དྲ་ཆུང་གྲས་ཀྱི་རྩིས་རྒྱག་ལྟེ་གནས་ཀྱི་དཔེ་སྟོན་རྣམ་གྲངས་ལ་སྐུལ་འདེད་མགྱོགས་སུ་བཏང་སྟེ།ཨ་ལི་དང་།པེ་ཏུའུ།ཅིང་ཏུང་།ཅིན་ཧྲན།360ཁོའོ་སློབ་ཆེན་ཤུན་ཧྥེ་སོགས་ཁེ་ལས་ཀྱིས་མཚོ་སྔོན་དང་འཐབ་ཇུས་མཉམ་ལས་ཀྱི་གྲོས་མཐུན་བཞག་པ་རེད།

ད་ཆའི་མཚོ་སྔོན་གྱིས“ནུས་རྒྱུ་ཕྱིར་གཏོང”ནས“རྩིས་རྒྱག་ནུས་ཕྱིར་གཏོང”ཕྱོགས་སུ་བསྒྱུར་བའི་དབྱར་མཚོ་རྒྱས་པ་ལྟར་གྱི་རྣམ་པ་མངོན་པ་དང་།ཁེ་ལས་དང་།ཤེས་ལྡན་མི་སྣ།ཐོན་ཁུངས་བཅས་སྔར་བས་མང་བ་གཅིག་སྡུད་བྱས་ནས་རྣམ་གྲངས་ཁག་གཅིག་གན་རྒྱ་བཞག་ནས་འཛུགས་སྐྲུན་བྱ་རྒྱུར་སྐུལ་འདེད་གཏོང་བཞིན་ཡོད།དེས་མཚོ་སྔོན་གྱིས་ལྗང་མདོག་རྩིས་རྒྱག་ནུས་ཐོན་ལས་འཕེལ་རྒྱས་གཏོང་རྒྱུར་ཡིད་དབང་འཕྲོག་ཤུགས་སྔར་བས་མང་བ་བསྣན་རྒྱུའི་ཡིད་ཆེས་ཡོད་ཅེས་གསུངས་པ་རེད།