མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ནམ་མཁའ་གཡའ་དག་པའི་ཕྱི་དྲོ་ཞིག་ལ། མཚོ་ནུབ་སོག་རིགས་བོད་རིགས་རང་སྐྱོང་ཁུལ་ན་གོར་མོ་གྲོང་ཁྱེར་གདང་ལ་གྲོང་རྡལ་འབྲི་ཆུའི་མགོ་ཁུངས་སྡེ་བའི་ཐང་ཆེན་ནས་བྱིས་པ་ཚོའི་ལྷད་མེད་ཀྱི་དགོད་སྒྲ་མཆེད་ཡོང་།
ལོ་ན53ཡིན་པའི་ཚེ་རིང་དགྲ་འདུལ་རང་ཁྱིམ་གྱི་ར་སྐོར་མདུན་ནས་འགྲེང་སྟེ་གཅིག་གྱུར་འཆར་འགོད་བྱས་ཀྱང་སོ་སོའི་ཁྱད་ཆོས་ལྡན་པའི་བོད་ལུགས་སྡོད་ཁང་ལ་བལྟས་འདུག སྒྲོལ་མ་ཚང་གི་ཁང་ཀླད་ཀྱི་འོད་ཧྥུ་པང་ལེབ་ལ་འོད་སྔོན་པོ་ཞིག་འཕྲོ་བཞིན་འདུག བཀྲ་ཤིས་ཚང་གི་སྒོ་ཁའི་རླངས་འཁོར་ལྡིར་ལྡིར་གྲག སྡེ་བའི་ལམ་གྱི་ཉི་འོད་ནུས་པའི་ལམ་གློག་དང་བོད་ལུགས་ཤིང་བརྐོས་ལ་སོ་སོའི་མཛེས་པ་ལྡན། ལོ་ངོ་ཉི་ཤུའི་འགྱུར་ལྡོག་ཞིབ་ཕྲ་འདི་དག་གི་སྟེང་ནས་མངོན་བྱུང་ལ། ལྷ་རིས་པའི་པིར་སྨྱུག་ལས་ཐོན་པའི་ཐང་ག་ཇི་བཞིན་རིམ་གྱིས་མིག་ལ་མངོན་ཡོང་།
ཚེ་རིང་དགྲ་འདུལ་གྱིས་དེ་སྔ་གྲོང་ཚོ་ཨུ་ལྷན་དུ་ལས་ཀ་བྱས་ནས་ལོ་བཅུ་ལྷག་ཙམ་སོང་བ་དང་ཡུལ་མི་ཚོས་2004ལོར་རྒྱལ་ཁབ་ཀྱི་གཙང་གསུམ་ཆུ་འགོའི་སྣོད་བཅུད་སྲུང་སྐྱོང་སྲིད་ཇུས་དང་ལེན་ཞུས་ནས་འབྲི་ཆུའི་ཆུ་འགོའི་གྲོང་ཚོར་སྤོས་རྗེས་ཀྱི་འཚོ་བའི་འགྱུར་ལྡོག་དངོས་སུ་དཔང་པོ་བྱས་ཡོད།སྐྱས་སྤོས་སྦྲ་གུར་ནས་དེང་རབས་གྲོང་ཚོ་གསར་པའི་བར་གནས་སྤོ་བྱས་རྗེས་ཀྱི་དམངས་འཚོའི་རྣམ་པ་ཉིན་རེ་བཞིན་ཕུན་སུམ་ཚོགས་སུ་ཕྱིན་པ་སྟེ།མི་རིགས་སློབ་གྲྭ་དང་།འཕྲོད་བསྟེན་ཁང་།རྒན་གསོ་ཁང་སོགས་དམངས་འཚོའི་སྒྲིག་བཀོད་སྔ་རྗེས་སུ་བསྐྲུན་ཟིན་པ་དང་།རྩྭ་ཐང་སྣོད་བཅུད་སྲུང་སྐྱོང་ཁ་གསབ་དང་སྣོད་བཅུད་དོ་དམ་སྲུང་སྐྱོང་ལས་གནས་སོགས་སྲིད་ཇུས་རྒྱུན་མཐུད་དོན་འཁྱོལ་བྱས་ཡོད།ད་ཆའི་གྲོང་མི་ཚོས་སྲོལ་རྒྱུན་གྱི་འཚོ་ཐབས་ལ་མི་འཛེམ་པར་ཁོང་ཚོས་ཞིང་ཕྱུགས་ཐོན་རྫས་གཉེར་སྐྱོང་དང་།མི་རིགས་ཀྱི་གྱོན་ཆས་ཚོང་ཁང་འཛུགས་པ།བཟའ་བཏུང་གཉེར་བ་བཅས་བྱས་ནས་ཡོང་འབབ་སྣ་མང་གིས་ཚང་མའི་བདེ་སྐྱིད་བརྟན་པོ་ཡོང་བ་བྱས་ཡོད།
“དེ་སྔ་ཚང་མས་ནོར་ལུག་གི་མཐའ་འཁོར་དུ་སྐོར་བ་རྒྱག་པ་དང་།ཟ་མ་བཟོ་བ་དང་ལྕི་བ་སྲེག་པ།ཆུ་འཐུང་སྐབས་ཐག་རིང་པོར་འགྲོ་དགོས་པས་ཕྲུ་གུ་སློབ་གྲྭར་འགྲོ་བ་དང་མི་རྒན་པར་སྨན་བཅོས་བྱེད་ཁག་པོ་ཡོད།ད་ཆ་ཁྱིམ་དུ་དྲོད་རླངས་དང་།རང་བྱུང་སོལ་རླངས།རང་འབབ་ཆུ་བཅས་ཆ་ཚང་བ་ཡོད་པས་སྒོ་མི་རིང་བར་སྒོ་རྩིས་ཚོང་ཁང་དང་།སློབ་གྲྭའཕྲོད་བསྟེན་ཁང་བཅས་ཡིན་པས་དེ་གར་སྡོད་སྐབས་སྐྱིད་སྣང་དོད་པོ་འདུག”ལོ་དེ་དག་རིང་གི་འཚོ་བའི་འཕོ་འགྱུར་སྐོར་གླེང་སྐབས་ཚེ་རིང་དགྲ་འདུལ་གྱིས་ཚོར་སྣང་ཟབ་མོ་བྱུང་ཞིང་།ཁོང་གིས་དགའ་ཚོར་ཆེན་པོའི་ངང་རང་ཁྱིམ་གྱི་ཚ་མོ་ཚེ་དབང་ལྷ་མོ་འབྲི་ཆུའི་ཆུ་འགོ་གྲོང་ཚོའི་ས་སྐྱེས་རྡོ་སྐྱེས་ཀྱི་མི་རབས་གསར་པ་ཞིག་ཡིན་པའི་ངོས་ནས་འབྲི་ཆུའི་ཆུ་འགོ་གྲོང་ཚོའི་སྟབས་བདེའི་འཚོ་བ་གསར་པ་དང་གཏིང་ཟབ་འདྲེས་ཡོད་ཅེས་བཤད།
འཚོ་བར་འགྱུར་ལྡོག་བྱུང་བ་དེ་འབྲི་ཆུའི་ཆུ་འགོའི་གྲོང་ཚོའི་ངོས་ནས་བརྗོད་ན།གྲོང་མི་ཕྱུག་པོ་ཆགས་པ་དང་གྲོང་ཚོ་མཛེས་སྡུག་ལྡན་པ་མ་ཟད།འབྲོག་པ་མང་ཚོགས་ཀྱི་བསམ་པའི་འཇིག་རྟེན་འགྱུར་ལྡོག་བྱུང་བ་དེ་བས་ཀྱང་ཡིན།ཚེ་རིང་དགྲ་འདུལ་གྱིས་གསར་འགོད་པར་རི་གཤམ་དུ་སྤོས་པའི་ལོ་དེ་དག་ནང་གྲོང་མི་ཚོའི་སྣོད་བཅུད་སྲུང་སྐྱོང་གི་འདུ་ཤེས་དང་།ལས་གཏོད་ཀྱི་འདུ་ཤེས།མཉམ་སྡེབ་ཀྱི་འགན་འཁྲི་འཁུར་སེམས་བཅས་ཉིན་བཞིན་ཆེ་རུ་ཕྱིན་ཡོད།གྲོང་མིའི་ཚོགས་ཆེན་ཐོག་འབྲོག་པའི་འཐུས་མིས་འཚེར་སྣང་ནས་གདེང་ཚོད་བར་དང་གྲོང་དོན་གྲོས་མོལ་བྱེད་རིང་ཐབས་འདོན་ཇུས་འབུལ་བྱེད་པ་ནི་གནས་ལུགས་ལྡན་པ་ཞིག་རེད།སྔོ་ཞིང་དྭངས་པའི་རི་ཀླུང་ཁྲོད་ན་གཞོན་མི་རབས་ཀྱི་གཞི་རྒྱུའི་ནང་སྣོད་བཅུད་ཤེས་དཔལ་གྱི་གསང་གྲངས་བརྐོས་ཡོད་པ་རེད།
འབྲི་ཆུའི་ཆུ་འགོ་གྲོང་ཚོའི་གངས་པ་མི་རིགས་ལག་ཤེས་བཟོ་རྩལ་ཐོན་རྫས་ལས་སྣོན་ཆེད་ལས་མཉམ་ལས་ཁང་ནང་བོད་རིགས་ཀྱི་ཡུལ་སྲོལ་གོམས་གཤིས་མང་པོ་ཡོད།རི་མོའི་རི་མོ་ཕུན་སུམ་ཚོགས་པའི་སྣམ་བུ་དང་ཚོན་མདོག་རྣམ་པར་བཀྲ་བའི་དར་སྐུད་ཐང་གཱ་སོགས་བོད་རིགས་ཀྱི་ཁྱད་ཆོས་ལྡན་པའི་ལག་ཤེས་བཟོ་རྩལ་ཐོན་རྫས་དང་བཟོ་རྩལ་ཐོན་རྫས་སྣ་ཚོགས་ཀྱིས་ཁེངས་ནས་བོད་རིགས་རིག་གནས་ཀྱི་ནང་དོན་ཟབ་མོ་མངོན་ཡོད།
“བརྩམས་ཆོས་དེ་དག་ཚང་མ་ང་ཚོའི་མཉམ་ལས་ཁང་གི་ཁོངས་མི་དང་སློབ་མའི་ལག་ནས་བྱུང་བ་ཤ་སྟག་རེད”མཉམ་ལས་ཁང་གི་ཁོངས་མི་བྱམས་སྐྱིད་ཀྱིས་རྒྱ་སྐད་ཐོག་ནས་ངོ་སྤྲོད་བྱས་པར་གཞིགས་ན།མཉམ་ལས་ཁང་དེ་2015ལོར་བཙུགས་པ་ནས་ད་བར་འབྲི་ཆུའི་ཆུ་འགོ་གྲོང་ཚོ་དང་དེ་བཞིན་ཉེ་འཁོར་གྱི་ཤང་གྲོང་གི་ཞིང་འབྲོག་པའི་སློབ་མ་2000ལྷག་ཙམ་གསོ་སྦྱོང་བྱས་པ་དེས་སྟབས་བསྟུན་ལས་ཞུགས་བུད་མེད་ཚོགས་སྤྱིར་ལས་ཞུགས་ཀྱི་གོ་སྐབས་མཁོ་འདོན་བྱས་པ་མ་ཟད།ད་དུང་མི་རིགས་ལག་ཤེས་བཟོ་རྩལ་རིག་གནས་སྲུང་སྐྱོང་དང་རྒྱུན་འཛིན་ཐུབ་ཡོད།
བྱམས་སྐྱིད་སོགས་སྣེ་ཁྲིད་པའི་སྣེ་ཁྲིད་འོག་མཉམ་ལས་ཁང་གི་ཁོངས་མི་དང་སློབ་མ་ཚོས་མིག་དབང་འཕྲོག་པའི་མི་རིགས་ལག་ཤེས་བཟོ་རྩལ་ཐོན་རྫས་འབོར་ཆེན་ཞིག་བཟོས་ཡོད།སྣམ་བུ་དང་དར་སྐུད་ཐང་ག་སོགས་ཀྱི་བརྩམས་ཆོས་ལ་གདོད་མའི་རྣམ་པའི་ཉམས་འགྱུར་ཟབ་མོ་ལྡན་པ་དང་དེ་བཞིན་བྱང་ཆུབ་པའི་ས་མཐོའི་ལག་ཤེས་བཟོ་རྩལ་ལ་བརྟེན་ནས་འགྲེམས་ཚོགས་སྣ་ཚོགས་ཐོག་འབུར་དུ་ཐོན་ཏེ་ཚོང་པ་མང་པོའི་ཡིད་དབང་བཀུག་ནས་གདེང་འཇོག་བཟང་པོ་མང་པོ་ཐོབ་ཡོད།ད་ཆ་ཐོན་རྫས་དེ་དག་བོད་དང་སི་ཁྲོན་ཁྲེང་ཏུའུ་སོགས་སུ་བདེ་བླག་ངང་ཁྱབ་གདལ་བཏང་བས་ས་གནས་དེ་གའི་ཁྲོམ་རའི་དགའ་བསུ་ཆེན་པོ་ཐོབ་ཡོད།
“མངགས་ཐོ་མང་དུ་སོང་ན་ཁོངས་མི་དང་སློབ་མར་བགོས་པ་རེད།ང་ཚོའི་སློབ་མ་ཚོས་ཁ་ར་མོ་ལ་མཚོན་ན་རྨང་གཞི་མེད་པའི་ཐོག་ནས་འགོ་ཚུགས་ཏེ་མཉམ་ལས་ཁང་གི་གསོ་སྦྱོང་ལ་བརྟེན་ནས་རྩལ་ནུས་སྣ་ཚོགས་ཁོང་དུ་ཆུད་པ་དང་ད་ཆ་ལག་ཤེས་བཟོ་རྩལ་ལ་བརྟེན་ནས་ལོ་གཅིག་ལ་ཡོང་འབབ་སྒོར་ཁྲི་ལྔ་དྲུག་ཙམ་ཡོང་གི་འདུག”ཅེས་བཤད།
གུར་བརྟན་པོ་བཟོ་བ་དང་།གློག་སྒྲོན་བརྗེ་བ།དངོས་ཟོག་རྩིས་བཤེར་བྱེད་པ་སོགས་འབྲི་ཆུའི་ཆུ་འགོའི་གྲོང་ཚོ་དང་ཐག་ཉེ་བའི་ལིའུ་ཙེ་མཚེའུ་སྣོད་བཅུད་རིག་གནས་སློབ་གསོའི་རྟེན་གཞིར“འབྲི་ཆུའི་འབྲོག་གླུ”ཞེས་པའི་རྒྱས་སྤྲོས་གུར་སྒར་སར་ལོ་26ལ་སླེབས་པའི་གྲོང་མི་རི་དགེ་ཁྲུའུ་ཡིས་འཆར་ཉེར་ཡོད་པའི་ལས་གཉེར་དུས་ཚིགས་ལ་གྲ་སྒྲིག་བྱེད་ཀྱི་ཡོད།
“ཟླ་གསུམ་པའི་ཟླ་སྨད་དུ་སྦྲ་གུར་གཉེར་སྐྱོང་བྱེད་རྩིས་ཡོད་པས་ངས་སྔ་སྣུར་དུ་ལས་ཀ་ཡག་པོ་སྒྲུབ་དགོས”རི་དགེ་ཁྲུའུ་ཡིས་གུར་གྱི་སྒྲོམ་གཞིའི་འགྲམ་དུ་རླུང་འགོག་ཐག་པ་མཐའ་མ་དེ་དམ་པོར་བཟུང་ནས་གསར་འགོད་པར་ལས་ཀ་དེས་ཟླ་རེར་ཁོང་ལ་ཡོང་འབབ་སྒོར་4500ཡོང་རྒྱུ་བྱུང་བས་ཁོང་གི་སྒོ་འགྲམ་དུ་འབབ་འཕར་ཡོང་རྒྱུ་བྱུང་ཡོད་ཅེས་བཤད།
རིག་དགའ་མཚོ་འབྲི་ཆུའི་ཆུ་འགོའི་མི་རིགས་སློབ་གྲྭ་ནས་ཐོན་རྗེས་ནུས་རྒྱུ་གསར་པའི་ཁེ་ལས་ཀྱི་ལས་མི་དང་།ཨར་ཁང་ཞབས་ཞུའི་སློབ་མ།རླངས་འཁོར་ཉམས་བཟོ་ཁང་གི་མཉམ་གཉེར་པ།ཕྱི་རོལ་གྱི་སྣེ་ཤན་པ་སོགས་ཀྱི་ལས་རིགས་སྔ་རྗེས་སུ་ཚོད་ལྟ་བྱས་ཀྱང་མི་ཚེའི་ཁ་ཕྱོགས་གཏན་ནས་རྙེད་མ་མྱོང་།2024ལོའི་ལོ་འགོར“འབྲི་ཆུའི་འབྲོག་གླུ”ཞེས་པའི་རྒྱས་སྤྲོས་སྦྲ་གུར་སྒར་ས་གྲ་སྒྲིག་བྱེད་པའི་སྐབས་སུ་ཏང་ཀྲི་པུའུ་ཡིས་འོས་སྦྱོར་གང་ཐུབ་བྱས་པ་བརྒྱུད་རི་དགེ་ཁྲུའུ་ལ་ཐོབ་དཀའ་བའི་ལས་ཀ་དེ་ཐོབ་པ་རེད།ད་ཆ་དེ་སྔོན་སྦྲ་གུར་གྱི་སྒར་སར་གཞི་ཚུགས་ནས་ཚོང་ལས་དེ་གཉེར་སྐྱོང་ཡག་པོ་བྱ་རྒྱུའི་སེམས་ཐག་བཅད།
“འདི་ལོ་ངས་སྦྱིན་བདག་དང་མཉམ་དུ་གཟིགས་སྐྱོང་དང་གླུ་གར་འཁྲབ་སྟོན་བྱས་ཏེ་སྐུ་མགྲོན་གསར་རྙིང་བསྡུ་རྒྱུ་དང་ཚོང་གང་འགབ་ཅི་སྤྱོད་བྱ་རྒྱུའི་གྲོས་འགོ་འདོན་རྒྱུ་ཡིན།གོ་སྐབས་འཚམ་པོ་བྱུང་ཚེ་ངས་ད་དུང་སྙིང་ཉེ་བའི་བུ་མོ་དང་གཉེན་སྒྲིག་བྱས་ནས་ཁྱིམ་ཚང་དྲོ་སྐྱིད་ལྡན་པའི་ཁྱིམ་ཚང་ཞིག་འཛུགས་རྩིས་ཡོད”འབྱུང་འགྱུར་གྱི་འཆར་འགོད་སྐོར་གླེང་སྐབས་རི་དགེ་ཁྲུའུ་ཡི་ངོ་གདོང་ཚང་མ་བདེ་སྐྱིད་ལྡན་པ་ཞིག་རེད།
