མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
“དགུན་དུས་སུ་སླེབས་གྲབས་ཡོད་པས་ཡུལ་སྐོར་བྱེད་མང་བའི་དུས་སུ་ཚ་ཚ་འུར་འུར་དུ་འགྲོ་བའི་སྒར་སྡོད་རྟེན་གཞི་དེ་གཞི་ནས་རིམ་བཞིན་ལྷིང་འཇགས་སུ་འགྲོ་གི་ཡོད།དེ་རིང་ང་ཚོས་ཆེད་མངགས་སྒར་སའི་སྒྲིག་ཆས་ལ་ཞིབ་བཤེར་བྱེད་པར་ཡོང་བ་ཡིན།སྲུང་སྐྱོང་བྱེད་དགོས་རིགས་དུས་ཐོག་ཏུ་གྲ་སྒྲིག་དང་དོ་དམ་བྱེད་དགོས་རིགས་ལེགས་སྒྲིག་ཡག་པོ་བྱེད་དགོས”ཟླ་10ཚེས་30ཉིན་མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་ཡུལ་ཤུལ་གྲོང་ཁྱེར་སྐྱེ་རྒུ་ཁྲོམ་གཞུང་དབུས་སྡེ་གྲོང་ཚོའི་གྲོང་ཚོར་བཅའ་སྡོད་ཧྲུའུ་ཅི་དང་པོ་དབྱང་ཡུས་ཝུན་དང་གྲོང་ཚོའི་ལས་བྱེད་པ་ཚོས་ཞོགས་པ་སྔ་པོ་ནས་གྲོང་ཚོའི་མཉམ་སྡེབ་དཔལ་འབྱོར་རྣམ་གྲངས་རི་ཆེན་སྣོད་བཅུད་སྒར་སྡོད་རྟེན་གཞིར་འཛོམས་ཤིང་།
“འདི་ནི་རྟེན་གཞིའི་ཕྱི་རོལ་གྱི་གུར་18ཡིན་པ་དང་དེའི་ནང་གི་སྒྲོག་ཙེ་དང་རྐུབ་སྟེགས་དང་།ཉལ་ཁྲི།སྒྲ་སྒམ།དྲོད་རླངས་སོགས་སྒྲིག་བཀོད་དང་སྒྲིག་ཆས་ཚང་མར་ཞིབ་བཤེར་ཞིབ་ཚགས་བྱེད་དགོས་པ་མ་ཟད།སྲུང་སྐྱོང་དང་བདག་སྐྱོང་ཡག་པོ་བྱེད་དགོས་ཀྱི་ཡོད།དུས་ཚོད་དེའི་རིང་འགྲུལ་པ་ཉུང་དུ་ཕྱིན་རུང་སྒར་སའི་སྤྱི་ཡོངས་ཀྱི་སྤུས་ཚད་རྒྱུན་འཁྱོངས་ཐུབ་ཡོད”གྲོང་ཚོའི་ཐོན་ལས་དེར་དབྱང་ཡུས་ཝུན་དང་གྲོང་ཚོའི་ལས་བྱེད་པ་ཚོས་སེམས་ཁུར་ཆེན་པོ་བྱེད་ཀྱི་ཡོད།
དབྱང་ཡུས་ཝུན་གྱིས་གསར་འགོད་པར་དེ་གོང་ཀྲུང་ཏེ་གྲོང་ཚོའི་མཉམ་སྡེབ་དཔལ་འབྱོར་འབབ་འཕར་ཐབས་ལམ་རྐྱང་པ་ཡིན་པ་དང་ལྷག་པར་དུ་ཐོན་ལས་འཕེལ་རྒྱས་ཐད་གྲོང་ཚོ་གཞན་དག་དང་བསྡུར་ན་ད་དུང་ཧེ་བག་ཡོད་ཅེས་བཤད་པ་རེད།ན་ནིང་ཀྲུང་ཏེ་གྲོང་ཚོའི་གྲོང་མི་མི་རེའི་ཆ་སྙོམས་ཡོང་འབབ་མང་དུ་ཕྱིན་ཡོད་མོད།འོན་ཀྱང་གྲོང་ཚོའི་ཁྱད་ལྡན་ཐོན་ལས་འཕེལ་རྒྱས་བལྟོས་བཅས་ཀྱིས་རྗེས་ལུས་ཐེབས་ཡོད།“གྲོང་ཁྱེར་ནང་གི་གྲོང་ཚོ་”ཞིག་ཇི་ལྟར་དར་རྒྱས་གཏོང་རྒྱུ་ནི་ཁོང་ཚོས་ཐོག་མཐའ་བར་གསུམ་དུ་དོ་ཁུར་ཆེ་ཤོས་དང་ཐག་གཅོད་བྱེད་འདོད་ཆེ་ཤོས་ཀྱི་གནད་དོན་ཞིག་རེད།
“ན་ནིང་ནས་བཟུང་ངས་བརྙན་ལམ་སྟེགས་བུ་ཆེ་གྲས་ཁག་གི་ཐོག་མཚོ་སྔོན་ཞིང་ཆེན་ཟི་ལིང་གྲོང་ཁྱེར་དང་ཁུལ་དང་རྫོང་གཞན་དག་གིས་གྲོང་གསེབ་ཏུ་བཏོད་པའི་ལམ་ཐུང་གྲོང་གསེབ་ཀྱི་སྣོད་བཅུད་ཡུལ་སྐོར་ཧ་ཅང་མང་པོ་ཡོད།ཀྲུང་ཏེ་གྲོང་ཚོར་ཐུན་མོང་མ་ཡིན་པའི་ཡུལ་སྐོར་ཐོན་ཁུངས་ཡོད་པ་དང་རི་ཨོ་ཆིང་རི་བོ་གྲོང་ཁུལ་དང་བར་ཐག་སྐར་མ་བཅུ་ལས་མེད་པའི་རླངས་འཁོར་བསྡད་ནས་དབྱར་ཁ་དང་སྟོན་དུས་ཀྱི་རང་བྱུང་མཛེས་ལྗོངས་ཡག་པོ་ཡོད་པ་མ་ཟད།ཟླ་8པ་ནས་9པའི་བར་རི་བོ་ཆིང་རི་བོའི་མཛེས་ལྗོངས་ལ་ལྟ་བར་ཡོང་གི་ཡོད་པས་ང་ཚོས་དེ་གའི་ཡོང་འབབ་མང་དུ་འགྲོ་ཐུབ་ཀྱི་མེདཅེས་དབྱང་ཡུས་ཝུན་གྱིས་བཤད།
དེས་ན་འདི་ལོའི་ལོ་འགོར་ཀྲུང་ཏེ་གྲོང་ཚོས་སྒར་ཁུལ་འཛུགས་སྐྲུན་བྱ་རྒྱུའི་འཆར་འགོད་བྱེད་འགོ་ཚུགས་པ་རེད།གོང་རིམ་ཏང་ཨུད་དང་སྲིད་གཞུང་དང་དེ་བཞིན་འབྲེལ་ཡོད་སྡེ་ཚན་གྱི་མཐུན་སྦྱོར་རོགས་རམ་བརྒྱུད་འདི་ལོའི་ཟླ་དྲུག་པར་ས་གནས་དེ་གའི་སྣོད་བཅུད་ཁོར་ཡུག་ལ་གཏོར་བཤིག་མི་གཏོང་བའི་འགན་ལེན་བྱེད་པའི་རྨང་གཞིའི་ཐོག་གྲོང་གསེབ་དར་རྒྱས་གཏོང་བའི་ཐོན་ལས་མ་དངུལ་སྒོར་ཁྲི་150བཏང་ནས་རི་ཨོ་ཆིང་སྣོད་བཅུད་སྒར་སྡོད་རྟེན་གཞིར་ཚོད་ལྟའི་ལས་གཉེར་བྱེད་འགོ་ཚུགས་པ་རེད།དུས་དེ་ནས་བཟུང་ཡུལ་ཤུལ་གྲོང་ཁུལ་དུ་སླར་ཡང་དྲ་ཐོག་ཏུ་གྲགས་པའི་ས་ཆ་ཞིག་མང་དུ་ཕྱིན་ཡོད།
ཀྲུང་སྡེ་གྲོང་ཚོ་རི་ཨོ་ཆིང་སྣོད་བཅུད་སྒར་སྡོད་རྟེན་གཞི་དེ་ཡུལ་ཤུལ་གྲོང་ཁུལ་དང་བར་ཐག་སྤྱི་ལེ་2ཡོད་པའི་རི་འོག་ཏུ་གནས་པ་དང་།ཆུ་དང་འཕྲད་ཚེ་བསྐྲུན་པ་དང་།ཡུལ་ལྗོངས་ལྟ་ན་སྡུག་པ།སྒྲིག་བཀོད་འཐུས་སྒོ་ཚང་བ་བཅས་ཡིན་པས“ཟ་སྡོད།ཡུལ་སྐོར།རོལ་རྩེད”བཅས་གཞི་གཅིག་ཏུ་འདུས་པའི་སྒར་སྡོད་རྟེན་གཞི་ཞིག་རེད།རྟེན་གཞིའི་ནང་ས་གནས་དེ་གའི་ཁྱད་ལྡན་བཟའ་བཏུང་གི་ཚགས་ཤ་དང་།མོག་མོགཞོ་སོགས་ཡོད་པ་མ་ཟད།ད་དུང་གཞོན་ནུ་ཚོས་དགའ་པོ་བྱེད་པའི་སི་ཁྲོན་གྱི་རྒྱ་ཁོག་རྙིང་པ་དང་།ཀོག་ཧྥེ།བཏུང་བྱ་སོགས་ཡོད་པས་ཡུལ་སྐོར་བས་སྤྲོ་སྣང་ལྡན་པའི་སྒོ་ནས་རང་བྱུང་ཁམས་ལ་འཁྱུད་པ་དང་རང་བྱུང་ཁམས་དང་ཉེ་པོ་བྱེད་ཐུབ་པ་མ་ཟད།ད་དུང་གཉེན་ཉེའི་འབྲེལ་བ་ཟབ་ཏུ་གཏོང་ཐུབ་པས་སྤྲོ་གསེང་རོལ་རྩེད་བྱེད་ས་ཡག་པོ་ཞིག་རེད།
སྒར་སྡོད་དཔལ་འབྱོར“ཤར་རླུང”ལ་བརྟེན་ནས་ཀྲུང་ཏེ་གྲོང་ཚོའི་སྣོད་བཅུད་སྒར་སྡོད་རྟེན་གཞིའི་ཡུལ་སྐོར་བ་ཇེ་མང་དུ་འགྲོ་བཞིན་ཡོད་ལ་གྲོང་མི་དེ་བས་མང་བ་ཞིག་གི་སྣེ་ཁྲིད་དེ་ལས་ཞུགས་འབབ་འཕར་བྱུང་ཡོད།“དེ་སྔ་རྟག་ཏུ་ཕྲུ་གུ་སློབ་གྲྭར་བསྐྱོད་རྒྱུར་ལྟ་རྟོག་བྱེད་དགོས་པ་མ་ཟད།ད་དུང་ལས་མིའི་ཁ་གསབ་སྤྲོད་རྒྱུའི་བསམ་བློ་གཏོང་དགོས་ཀྱི་ཡོད།རང་ཉིད་ཀྱིས་དཀའ་ལས་བརྒྱབ་ནས་རྒྱུགས་སྤྲོད་མཁན་གྱི་མ་བྱན་ལག་ཁྱེར་ཡང་བེད་སྤྱོད་གཏོང་དགོས་ཀྱི་མེད།ད་ཆ་ལས་ཀ་བྱ་ཡུལ་ཁྱིམ་དང་ཐག་ཉེ་པོ་ཡོད།སྐབས་འགར་རྐང་ཐང་མར་ལས་ཀ་གྲོལ་ནས་འགྲོ་ཆོག་པ་དང་ཀུའུ་ཚང་གིས་ཡོང་འབབ་གསོག་རྒྱུ་གཉིས་ཀ་འཐུས་ཤོར་མི་ཡོང་བ་བྱེད་ཀྱི་ཡོད”ཅེས་རྟེན་གཞིར་ལས་ཞུགས་བྱེད་མཁན་གྲོང་མི་རྡོ་རྗེ་སྒྲོལ་མས་དགའ་སྤྲོའི་ངང་བཤད།
“གྲོང་ཚོའི་མཉམ་སྡེབ་དཔལ་འབྱོར་གྱི་ལས་རྣམ་གསར་པ་གཏོད་རྒྱུའི་ཐད་གོང་རིམ་ཏང་ཨུད་དང་སྲིད་གཞུང་སྡེ་ཚན་གྱིས་རྒྱབ་སྐྱོར་ཆེན་པོ་བྱེད་ཀྱི་ཡོད་ལ་མང་ཚོགས་ཀྱིས་ཁས་ལེན་བྱེད་ཚད་ཀྱང་ཧ་ཅང་མཐོ་པོ་ཡོད”དབྱང་ཡུས་ཝུན་གྱིས་རྟེན་གཞི་འཛུགས་སྐྲུན་བྱེད་འགོ་ཚུགས་མ་ཐག་གྲོང་ཚོ་ཡོངས་ཀྱི་མི་ཚང་མ་རང་འགུལ་ངང་སྔོ་འགྱུར་ལས་དོན་ནང་ཞུགས་པ་དང་།འཚམས་འདྲིར་ཡོང་མཁན་ཡུལ་སྐོར་བ་མང་དུ་ཕྱིན་པ།རྟེན་གཞིའི་མི་མང་པོ་ཇེ་མང་དུ་ཕྱིན་པ།ཟླ་ཤས་གོང་གཟའ་འཁོར་གྱི་ཟླ་མཇུག་ཏུ་ཉིན་རེའི་ཚོང་གཉེར་ཡོང་འབབ་སྒོར་ཁྲི་གཅིག་ལས་བརྒལ་ཡོད་ཅེས་བཤད་པ་རེད།མིག་སྔར་སྒར་སྡོད་རྟེན་གཞིའི་ནང་སྒར་སྡོད་རྐང་ཐང་མར་འགྲོ་བ་དང་རྟ་བཞོན་ནས་ཉམས་ལེན་བྱེད་པ་སོགས་རྣམ་གྲངས་མང་པོར་ཡུལ་སྐོར་བས་དགའ་པོ་བྱེད་ཀྱི་ཡོད་པ་དང་སང་ལོའི་རྟེན་གཞིས་ད་དུང་ཞིབ་འཇུག་སློབ་སྦྱོང་དང་སྐྱས་སྤོས་ཉམས་ལེན་སོགས་ཀྱི་རྣམ་གྲངས་མང་དུ་བཏང་ནས་ཡུལ་སྐོར་དུ་ཡོང་མཁན་ཡུལ་སྐོར་བར་ཉམས་ལེན་དང་ཕན་འབྲས་དེ་བས་མང་བ་ཐོབ་རྒྱུ་རེད།
“ཐོན་ལས་གསར་པར”རླུང་འཚུབ་ཆེན་པོ་བྱུང་ནས“ཐོན་ལས་རྙིང་པ”ཡང་རིམ་བཞིན་གསོན་ཤུགས་རྒྱས་བཞིན་ཡོད།འདི་ལོ་གྲོང་ཚོའི་ནང་སྔ་ས་ནས་གཉེར་མཚམས་བཞག་པ་དང་ཡུན་རིང་ཟུར་དུ་བཞག་པའི་སྣོད་བཅུད་འབྲོག་ལས་མཉམ་ལས་ཁང་བསྐྱར་དུ་བཙུགས་པ་དང་གསར་དུ་བསྐྲུན་པའི་རྩྭ་རའི་ར་སྐོར་དང་ཕྱུགས་ཁང་སོགས་རྨང་གཞིའི་སྒྲིག་བཀོད་ཆ་ཚང་ཡོད་པ་རེད།“གྲོང་ཚོའི་ནང་གི་འབྲོག་ལས་མཉམ་ལས་ཁང་གི་ཕྱུགས་ཁང་དང་།རྩྭ་གསོག་ཁང་།ཉལ་ཁང་བཅས་ཚང་མ་བསྐྲུན་ཟིན་པ་དང་སྲིད་གཞུང་གིས་ད་དུང་གྲོང་ཚོར་བ་གླང་བགོས་ཡོད།ད་ཆ་ཚང་མས་མཉམ་ལས་ཁང་བསྡུ་སྒྲིལ་བྱས་ནས་ནོར་ནག་གསོ་ཚགས་བྱས་ཚེ་རང་མཁོ་རང་འདང་ཐུབ་པ་མ་ཟད།སླད་ཕྱིན་ད་དུང་ཕྱིར་བཙོངས་ནས་ཚང་མར་དངུལ་བགོ་བཤའ་རྒྱག་ཐུབ་ཀྱི་ཡོད”ཅེས་གྲོང་མི་ཨོ་རྒྱན་གྱིས་བཤད།
“གྲོང་ཚོའི་དོན་དངོས་གནས་ཚུལ་ལ་གཞིགས་ན།མིག་སྔར་དུད་ཚང་ཚང་མ་ཞུགས་ཐུབ་ཀྱི་མེད་མོད།འོན་ཀྱང་དུས་འགོའི་འབད་བརྩོན་བརྒྱུད་གསོ་ཚགས་དུད་ཚང་20ལྷག་ཙམ་བསྡུ་སྒྲིལ་གྱི་དུས་མཚམས་སུ་སླེབས་པ་དང་མཉམ་ལས་ཁང་གིས་ནོར་ནག་150ཙམ་གསོ་ཚགས་བྱས་པ་མ་ཟད།ད་དུང་དུད་ཚང་ལྔ་དྲུག་གིས་མ་རྐང་ནང་ཞུགས་འདོད་ཡོད།ན་ནིང་ང་ཚོའི་གྲོང་ཚོར་ཞིང་ཆེན་རིམ་པའི་དབུལ་སྐྱོར་ཐོན་ལས་གླིང་གིས་མ་རྐང་ཁེ་སྤོགས་བགོ་བ་དང་།འོད་ཤུགས་གློག་ཁང་།དུད་ཚང་དུ་ཐོན་ལས་ཀྱི་བོགས་དངུལ་སྤྲོད་པ།གྲོང་གསེབ་དར་རྒྱས་ཀྱི་ཞབས་བྲོ་རུ་ཁག་གཉེར་བ་བཅས་བྱས་ནས་འདི་ལོ་སྣོད་བཅུད་མཉམ་ལས་ཁང་གི་ཡོང་འབབ་སྒོར་ཁྲི་ཅེས་དབྱང་ཡུས་ཝུན་གྱིས་བཤད།
