མཚོ་སྔོན་ཟི་ལིང་གིས་ཙོང་ཁའི་ཞོག་ཁོག་ཐོན་ལས་ཀྱི་ཐོན་སྐྱེད་མཐོ་བའི་གསང་གྲངས་བཏོལ་བ།

“མུའུ་རེའི་ཐོན་ཚད་རྒྱ་མ་11800ཡན་ཟིན་ནས་མཚོ་སྔོན་གྱི་ཟིན་ཐོ་གསར་པ་བཏོད་ཡོད”ཉིན་ཤས་བསྟུད་མར་མཚོ་སྔོན་ཞིང་ཆེན་ཟི་ལིང་གྲོང་ཁྱེར་ཙོང་ཁ་ཆུས་ནས་ཡོང་བའི་ཞོག་ཁོག་ཐོན་འབབ་མཐོ་བའི་གཏམ་བཟང་མཚོ་སྔོན་ས་མཐོའི་ས་གཞི་ཆེ་མོར་ཁྱབ་ཡོད།མུའུ་རེའི་ཐོན་འབབ་སྤྱི་རྒྱ་9/5946ཟིན་ནས་མཚོ་སྔོན་ཞིང་ཆེན་གྱི་ཞོག་ཁོག་ཐོན་འབབ་མཐོ་བའི་ཟིན་ཐོ་གསར་པ་བཏོད་དེ་ཙོང་ཆུ་དབུས་རྒྱུད་ཀྱིས་ཇི་ལྟར་བྱས་ནས་བསྒྲུབས་པ་ཡིན་ནམ།

སྟོན་ཟླ་བཅུ་པར་ཙོང་ཆུ་དབུས་ཁུལ་གྱི་གོ་ལུང་ཁོའུ་གྲོང་རྡལ་མི་རིགས་གྲོང་ཚོའི་ཞོག་ཁོག་གི་ལྗང་མདོག་ཐོན་འབབ་མཐོ་ལ་ནུས་ཆེའི་དཔེ་སྟོན་ཞིང་ཁར་ལོ་ལེགས་ཆེན་པོ་བྱུང་ཞིང་།ཞིང་ནང་གི་ཞོག་ཁོག་ཐོན་ཚད་དང་སྤུས་ཚད་ལ་ཚད་འཇལ་བྱ་ཆེད།ཙོང་ཆུ་ཁུལ་གྱི་ཞིང་ལས་ལག་རྩལ་ཁྱབ་གདལ་ལྟེ་གནས་ཀྱིས་མཚོ་སྔོན་ཞིང་ཆེན་ཞིང་ལས་ལག་རྩལ་ཁྱབ་གདལ་ལྟེ་གནས་ཀྱི་སྤྱི་ཁྱབ་ས་ཚིགས་དང་མཚོ་སྔོན་སློབ་ཆེན་ཞིང་ནགས་ཚན་རིག་ཁང་སོགས་ཚན་པའི་རིགས་གཅིག་མཁས་ཅན་གདན་དྲངས་ནས་ཞོག་ཁོག་གི་ལྗང་མདོག་ཐོན་མཐོ་ནུས་ཆེའི་དཔེ་སྟོན་ཞིང་ནང་དུ་ཐོན་འབབ་ཚད་ལེན་བྱས་པ་རེད།དེ་དང་ཆབས་ཅིག་ད་དུང་ཞིང་ཆེན་ཞིང་ལས་གྲོང་གསེབ་ཐིང་དང་།ཙོང་ཁ་དང་བོད་རང་སྐྱོང་ལྗོངས་སྲིད་གཞུང་།དེ་བཞིན་ཙོང་ཆུ་ཁུལ་ཞིང་ལས་གྲོང་གསེབ་ཅུས་ཀྱི་འབྲེལ་ཡོད་ལས་དོན་མི་སྣ་གདན་དྲངས་ནས་ཐུན་མོང་ཐོག་ཐོན་སྐྱེད་ཚད་ལེན་བྱས་འབྲས་ལ་དཔང་པོ་བྱས་པ་རེད།

ཞོག་ཁོག་གི་ལྗང་མདོག་ཐོན་མཐོའི་ནུས་ཆེའི་དཔེ་སྟོན་ཞིང་ཁ་དེ་ཙོང་ཆུའི་ཁུལ་གྱི་ལན་ལུང་ཁོའུ་གྲོང་རྡལ་མི་རིགས་གྲོང་ཚོར་གནས་པ་དང་།ས་བབ་མཐོ་ཚད་སྨི་5/2500ཟིན་པ་དང་།ལྟེ་བའི་ཆུའི་ཁོངས་སུ་གཏོགས་པ་དང་།དཔེ་སྟོན་རྒྱ་ཁྱོན་མུའུ་60ཟིན་པ།དཔེ་སྟོན་ས་བོན་ནི་ཞོག་ཁོག་སྔོན་པོ་ཨང་10པ་ཡིན་པ།འཕྲུལ་ཆས་ཀྱིས་རྣང་མ་བརྒྱབ་ནས་འདེབས་འཛུགས་བྱེད་པ་བཅས་ཀྱི་དཔེ་སྟོན་ཞིང་ཁར“རྒྱ་སྲན་+”རེས་འདེབས་བྱེད་སྟངས་དང་།དུག་ཕུད་སྤུས་ལེགས་ཀྱི་ཞོག་ཁོག་འདེབས་པ།སྨན་རྫས་བསྲེས་ནས་སྐྱེ་ལྡན་ལུད་རྒྱག་པ་སོགས་ཀྱི་འགག་རྩའི་ཐོན་མཐོའི་

ཚོད་ལྟའི་ཞིང་ཁ་སྔོག་འདོན་བྱ་ཡུལ་དུ་འདྲུད་འཐེན་འཕྲུལ་འཁོར་བཏང་རྗེས་ཞིང་ནང་དུ་ཞོག་ཁོག་སྟུག་པོ་བཏིང་ཡོད་པ་རེད།རྒྱང་རིང་ལ་བལྟས་ཚེ།ས་འོག་ཏུ་ཞོག་ཁོག་རྒྱས་ཤིང་ཁ་དོག་བཀྲ་བ་ཞིག་ཡོད།“ལྟོས་དང་།ང་ཚོའི་ཞོག་ཁོག་སྐྱེ་འཚར་ཡག་པོ་འདུག”ཅེས་འདེབས་འཛུགས་ཚོད་ལྟའི་ཞིང་ནང་གི་ཞོག་ཁོག་འདེབས་འཛུགས་གསོ་ཚགས་མཉམ་ལས་ཁང་གི་འགན་འཁུར་བ་ལུའོ་ཧྲེང་ཡུན་གྱིས་ཞོག་ཁོག་གི་སྡོང་རྐང་ཕྲེང་བ་ཞིག་འཁྱེར་ནས་བཤད།

ཚད་ལེན་བྱས་འབྲས་ལས་མངོན་པར།མི་རིགས་གྲོང་ཚོའི་ཞོག་ཁོག་ལྗང་མདོག་ཐོན་མཐོ་ནུས་ཆེའི་དཔེ་སྟོན་ཞིང་ཁའི་མུའུ་རེའི་ཐོན་ཚད་སྤྱི་རྒྱ་9/5946ཟིན་ཡོད།“མཚོ་སྔོན་གྱི་ཞོག་ཁོག་ཨང་10པ་མཚོ་སྔོན་གྱི་ས་ཆ་མང་པོར་འདེབས་འཛུགས་བྱས་པ་དང་།ན་ནིང་ཏ་ཐུང་ཧུའེ་རིགས་ཧོར་རིགས་རང་སྐྱོང་རྫོང་ཅིང་དབྱང་གྲོང་རྡལ་གྱི་མུའུ་རེའི་ཐོན་ཚད་རྒྱ་མ་ཁྲི་1ལས་བརྒལ་ཡོད།འདི་ལོ་ཙོང་ཆུ་དབུས་ཁུལ་མི་རིགས་གྲོང་ཚོའི་ཚོད་ལྟའི་ཞིང་ཁའི་མུའུ་རེའི་ཐོན་ཚད་རྒྱ་མ་11800ཟིན་ནས་མཚོ་སྔོན་གྱི་ཞོག་ཁོག་མུའུ་རེའི་ཐོན་ཚད་ཀྱི་ཟིན་ཐོ་གསར་པ་བཏོད་ཡོད”ཅེས་མཚོ་སྔོན་སློབ་ཆེན་ཞིང་ནགས་ཚན་རིག་ཁང་གི་ཞིབ་འཇུག་པ་ན་ཐེན་ཚང་གིས་བཤད།

འདི་ལོ་ཙོང་ཆུ་དབུས་རྒྱུད་ཀྱིས་ལི་ཅ་ཧྲན་གྲོང་རྡལ་ན་ཅ་གྲོང་ཚོ་དང་།ལན་ལུང་ཁོའུ་གྲོང་རྡལ་མི་རིགས་གྲོང་ཚོ།མདོ་པ་གྲོང་རྡལ་ཧོར་ཡིང་གྲོང་ཚོ་བཅས་སུ་ཞོག་ཁོག་ཚོད་ལྟའི་ཞིང་ཁ་བསྐྲུན་ནས་ཞོག་ཁོག་ཨང་2པ་དང་།མཚོ་སྔོན་ཞོག་ཁོག་ཨང་13པ།མཚོ་སྔོན་ཞོག་ཁོག་ཨང་15པ།མཚོ་སྔོན་ཞོག་ཁོག་ཨང་10པ་སོགས་ས་གནས་དེ་གའི་སྣ་ཁ་དང་དེ་བཞིན་ལུང་ཞོག་ཁོག་21ལུང་ཞོག་ཁོག་ཨང་22སོགས་ཞིང་ཆེན་ཕྱིའི་སྣ་ཁ་ཁྱོན་14བཏབ་པ་དང་།ཞིང་ནང་ནས་ཐོན་རྒྱུར་འཚམ་པའི་སོན་བཟང་འདེབས་གསོ་བྱ་རྒྱུའི་གྲ་སྒྲིག་བྱས་ཡོད་པ་རེད།

“ཐོན་འབབ་ཚད་ལེན་བྱས་པ་བརྒྱུད་ང་ཚོའི་ཞོག་ཁོག་གི་སྣ་ཁ་སྤྱིར་ན་ཧ་ཅང་ཡག་པོ་ཡོད་པ་དེའི་ནང་ནས་སྣ་ཁ་ཁ་ཤས་ང་ཚོའི་ས་གནས་དེ་གར་འདེབས་རྒྱུར་ཧ་ཅང་འཚམ་པོ་ཡོད་པ་དང་།ཞོག་ཁོག་གི་ཐོན་འབབ་ལེགས་ལ་ཐོན་ཚད་ཀྱང་མཐོ་བ་མ་ཟད།ནད་དུག་དང་ནད་འབུའི་གནོད་འཚེ་འགོག་པའི་ཁྱད་ཆོས་ཀྱང་ཅུང་ཆེན་པོ་ཡོད་པ་ཤེས་རྟོགས་བྱུང”ཅེས་ལུའོ་ཧྲེང་ཡུན་གྱིས་བཤད།

བསམ་ཡུལ་ལས་འདས་པ་ཞིག་ལ།ཚོད་ལྟའི་ཞིང་ནང་གི་ཞོག་ཁོག་སྔོན་པོ་ཨང་10པའི་མུའུ་རེའི་ཐོན་ཚད་སྤྱི་རྒྱ་5900ལས་བརྒལ་ཡོད།ཙོང་ཁའི་ཆུས་ཞིང་ལས་ལག་རྩལ་ཁྱབ་གདལ་ལྟེ་གནས་ཀྱི་ཀྲུའུ་རེན་གཞོན་པ་ཧུའུ་ཅན་ཁྲེང་གིས་ཐོན་འབབ་མཐོ་བའི་འབྲས་བུ་ལས་ཞོག་ཁོག་གི་ལྗང་མདོག་ཐོན་འབབ་ཆེ་ལ་ཕན་འབྲས་ཆེ་བའི་ཕྱོགས་བསྡུས་འདེབས་གསོའི་ལག་རྩལ་དེ་ཙོང་ཆུའི་རྒྱུད་དུ་འཕྲོད་པའི་རང་བཞིན་ར་སྤྲོད་ཐུབ་ཡོད།དུས་མཇུག་ཏུ་ཁོང་ཚོས་ཉམས་མྱོང་ཕྱོགས་སྡོམ་དང་ཁྱབ་གདལ་བཏང་ནས་ཙོང་ཆུའི་རྒྱུད་ཀྱི་ཞོག་ཁོག་གི་སྤུས་ཚད་མཐོར་གཏོང་དང་ཕན་འབྲས་ཆེ་རུ་གཏོང་ཆེད་སྟོབས་ཤུགས་ལེགས་སྐྱེས་སུ་འབུལ་རྒྱུ་ཡིན་ཞེས་བཤད་པ་རེད།

ཉེ་བའི་ལོ་ཤས་རིང་།ཙོང་ཆུས་ལྗང་མདོག་དང་།ཐོན་མཐོ།ནུས་ཆེ་བཅས་ཀྱི་བརྗོད་དོན་གཙོ་བོར་དམིགས་ནས་ཞོག་ཁོག་ལ་ཆུ་གྲོན་ཆུང་བྱས་ནས་འབྲུ་རིགས་ཐོན་ཚད་མཐོ་བ་མུའུ་ཁྲི་12.4ལ་སྐུལ་འདེད་བཏང་བ་དང་།མུའུ་བརྒྱའི་ཞིང་ཁ་40དང་།མུའུ་སྟོང་ལ་སྨི་གྲུ་བཞི་མ་10མུའུ་ཁྲི་1བཅས་གཙོ་གནད་ཐོག་བཏོད་པ།ཙོང་ཆུའི་ཁུལ་གྱི་ཞོག་ཁོག་མུའུ་ཁྲི་10ལ་ལྗང་མདོག་ཐོན་མཐོའི་ནུས་ཆེའི་ཐོན་སྐྱེད་བྱེད་པར་སྐུལ་ཁྲིད་བྱས་པ།ས་ཁོངས་ཅན་དང་ཚད་ལྡན་ཅན་གྱི་ལྗང་མདོག་ཐོན་མཐོའི་རྒྱུན་མཐུད་ལག་རྩལ་གྱི་རྣམ་པ་དཔེ་སྟོན་ཁྱབ་གདལ་བཏང་བ་བརྒྱུད།

ཙོང་ཁར་ད་ཆ་ཞོག་ཁོག་སྣ་ཁ་14དང་།ཞོག་ཁོག་འདེབས་འཛུགས་མཉམ་ལས་ཁང་250ཙམ།འདེབས་ཁྱོན་མུའུ་500ཡན་ཟིན་པ་15བཅས་ཡོད།མིག་སྔར་ཙོང་ཆུའི་དབུས་ཁུལ་གྱི་ཞོག་ཁོག་མུའུ་ཁྲི་12ཚ་ཚ་འུར་འུར་ངང་བསྡུ་བཞིན་ཡོད་པ་དང་སྔོན་དཔག་བྱས་ན་ཟླ་10པའི་ཟླ་མཇུག་ཏུ་ཚང་མ་བསྡུ་རྒྱུ་ཡིན་པ་རེད།

“ཉེ་བའི་ལོ་ཤས་རིང་ང་ཚོས་ས་བོན་གསོ་སྤེལ་དང་།སོན་བཟང་འདེབས་འཛུགས།ཕྱོགས་བསྡུས་ལག་རྩལ་ཁྱབ་གདལ་སོགས་ཀྱི་ལྷུ་ཚིགས་ལ་དམ་འཛིན་ཡག་པོ་བྱས་ཏེ་ཞོག་ཁོག་ཐོན་ལས་འཕེལ་རྒྱས་ཀྱི་ལེགས་ཆ་རྒྱུན་ཆད་མེད་པར་སྐྱེད་སྲིང་དང་ཐོན་ལས་ཀྱི་གྲུབ་ཆ་ལེགས་སྒྲིག་ཧུར་ཐག་བྱས་ནས་འདེབས་འཛུགས་རྒྱ་ཁྱོན་བརྟན་པོ་དང་།འདེབས་འཛུགས་སྣ་ཁ་མང་དུ་གཏོང་བ།འདེབས་འཛུགས་ལག་རྩལ་མཐོ་རུ་གཏོང་བ་བཅས་བྱས་པ་བརྒྱུད་ཞོག་ཁོག་ཐོན་ལས་རྒྱུན་ཆད་མེད་པར་སྟོབས་ཆེར་ཕྱིན་པ་དང་།ཞིང་པའི་འབབ་འཕར་ཕྱུག་འགྱུར་ཐབས་ལམ་རྒྱ་ཆེར་ནུས་ལྡན་ཕྱིན་ནས་གྲོང་གསེབ་དར་རྒྱས་དང་འཕེལ་རྒྱས་ལ་རམ་འདེགས་བྱས་ཡོད”ཅེས་ཧུའུ་ཅན་ཡུས་ཀྱིས་བཤད།