[སྟོབས་ལྡན་རྒྱལ་ཁབ་ལམ་བུར་ཧུར་གྱིས་བརྩོན། ལམ་བུ་གསར་པར་རྒྱང་སྐྱོད་བྱེད། མཚོ་སྔོན་གྱི་གཏམ་རྒྱུད།]མཚོ་སྔོན་ཞིང་ཆེན་མཚོ་ལྷོ་ཁུལ་གྱི་མཛུབ་རྩེ་ལས་འཁྲུངས་པའི“མངོན་མིན་རིག་གནས་ཤུལ་བཞག་”དང་བདེ་སྐྱིད་ཀྱི་འཚོ་བ།

ཟླ་9ཚེས་23ཉིན་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་གསེར་ཆེན་རྫོང་དབུལ་སྐྱོར་ཐོན་ལས་གླིང་གི་མཚོ་སྔོན་ཨ་ཅེ་འབྲོག་མོའི་རིག་གནས་ཡུལ་སྐོར་ཐོན་ལས་ཚད་ཡོད་འགན་འཁྲི་ཀུང་སིའི་བཟོ་ཁང་ནང་རིན་ཆེན་སྒྲོལ་མས་འཚེམ་དྲུབ་བཟོ་པ་དང་མཉམ་དུ་བོད་ཆས་ཀྱི་མ་ཟིན་ཇུས་འགོད་བྱས་ནས་གྱོན་ཆས་ཀྱི་རྒྱུ་ཆ་གདམ་ག་བྱེད་བཞིན་ཡོད།

གཅིག་འཇགས་གཅིག་ལངས་ཀྱི་འཚེམ་སྒྲའི་ཁྲོད་དུ་ཚོན་མདོག་རྣམ་པར་བཀྲ་བའི་རས་ཤིག་རིམ་བཞིན་སྦྲེལ་མཐུད་བྱས་ནས་གྲུབ་པ་རེད།འགྲེམས་ཁང་ནང་ལག་ཤེས་བཟོ་རྩལ་ཐོན་རྫས་སྣ་ཚོགས་ཡོད་པ་དང་རིན་ཆེན་སྒྲོལ་མས་སྤུས་ལེགས་ཀྱི་པད་མའི་ཁུག་མ་ཞིག་འཁྱེར་ནས“མཐའ་དྲུག་དབྱིབས་ཀྱི་རི་མོ་དང་དེའི་ནང་གི་ཟུར་ལྔའི་སྐར་མས་མི་རིགས་56མཚོན་གྱི་ཡོད།རས་དམར་པོས་ཀྲུང་གོའི་དམར་མདངས་མཚོན་པ་དང་།འཚེམ་དྲུབ་སྔོན་པོས་མཚོ་སྔོན་གྱི་སྔོ་མདོག་མཚོན་གྱི་ཡོད།ཆུ་ཐིགས་ཀྱིས་མཚོ་ལྷོ་ཁུལ་མངའ་ཁོངས་ཀྱི་མཚོ་སྔོན་པོ་དང་རྨ་ཆུ་མཚོན་གྱི་ཡོད”ཅེས་ངོ་སྤྲོད་བྱས།

2009ལོར་རིན་ཆེན་སྒྲོལ་མ་ཀྲུང་གོ་སྲིད་ཁྲིམས་སློབ་ཆེན་ནས་ཐོན་རྗེས་མཚོ་སྔོན་གློག་ཤུགས་ཁོངས་གཏོགས་སུ་བཅའ་ཁྲིམས་ལས་དོན་ནང་ཞུགས་པ་རེད།ཁོང་རོགས་སྐྱོར་དང་བླངས་ཞབས་ཞུའི་བྱེད་སྒོར་ཞུགས་ནས་རོགས་རམ་བྱེད་དགོས་པའི་བུད་མེད་དང་ན་སོ་དར་ལ་མ་བབས་པའི་མི་སོགས་ལ་ཁེ་དབང་སྲུང་སྐྱོང་གི་རོགས་རམ་བྱས་པས་འཚོ་བ་བྲེལ་བ་ཆེ་ལ་ཕུན་སུམ་ཚོགས་པོ་ཡོད།འོན་ཀྱང་ཁོང་ལ་ལས་ཀ་དང་ཁྱིམ་ཚང་དབར་གྱི་གདམ་ག་མགྱོགས་མྱུར་འཕྲད་པ་དང་2016ལོར་ཁོང་གིས་ལས་ཀ་དགོངས་ཞུ་བྱས་ནས་དགའ་ཞེན་གྱི་ཕ་ཡུལ་དུ་ལོག་པ་རེད།

བསམ་བློ་ཡང་ཡང་བཏང་རྗེས་རིན་ཆེན་སྒྲོལ་མས་ལས་གཏོད་བྱ་རྒྱུའི་སེམས་ཐག་བཅད།རིན་ཆེན་སྒྲོལ་མའི་ཨ་མ་ནི་ས་གནས་དེ་གའི་སྐད་གྲགས་ཡོད་པའི་བོད་རིགས་ཀྱི་རྒྱན་གོས་ལག་ཤེས་པ་ཞིག་རེད།ཆུང་དུས་ནས་མིག་འདྲིས་མིག་འདྲིས་པས།ཁོ་མོ་ལག་རྩལ་འདི་ལ་སྤྲོ་བ་ཆེན་པོ་སྐྱེས།ཨ་མའི་རྒྱབ་སྐྱོར་འོག་ཁོང་གིས་ཨ་མདོའི་བོད་རིགས་གྱོན་ཆས་ལས་སྣོན་བཟོ་གྲྭ་བཙུགས།

སྲོལ་རྒྱུན་གྱི་ལག་རྩལ་རྒྱུན་འཛིན་དང་གསར་གཏོད་ཇུས་འགོད་ནང་འདྲེས་པར་བྱས་ཏེ་རིན་ཆེན་སྒྲོལ་མས་སྲོལ་རྒྱུན་གྱི་བོད་ཆས་ལ་གསོན་ཤུགས་གསར་པ་འཕེལ་གང་ཐུབ་བྱས་ཡོད།གསར་རྙིང་མཉམ་འདྲེས་ཀྱི་ཉིས་བརྩེགས་འོག་ཐོན་རྫས་ལ་ཁྲོམ་རའི་ཁས་ལེན་ཐོབ་ནས་ཚོང་ལམ་བཏོད་ཡོད།གསེར་ཆེན་རྫོང་སྲིད་གཞུང་གིས་མཚོ་སྔོན་པོའི་དམངས་སྲོལ་རིག་གནས་དུས་ཆེན་གཉེར་བ་དང་བཟོ་གྲྭར་བཟོས་པའི་འཁྲབ་སྟོན་གྱོན་ཆས་ཆ་ཚང་འགྲེམས་སྟོན་བྱས་རྗེས་ཡོངས་ཁྱབ་ཏུ་ཁས་ལེན་ཐོབ་ཡོད།དེ་རྗེས་མཚོ་ལྷོ་ཁུལ་མི་དམངས་སྲིད་གཞུང་གིས་སླར་ཡང་དེ་སྔའི་ཞིང་འབྲོག་པའི་ལུས་རྩལ་འགྲན་ཚོགས་ལ་མཁོ་བའི་གྱོན་ཆས་བཟོས་པས་རིན་ཆེན་སྒྲོལ་མའི་ལས་སྣོན་བཟོ་གྲྭའི་སྐད་གྲགས་རིམ་བཞིན་ཆེ་རུ་ཕྱིན་ཡོད།

མྱུར་དུ་རིན་ཆེན་སྒྲོལ་མར་འཕེལ་རྒྱས་ཀྱི་གཞི་ཁྱོན་ཆེ་རུ་གཏོང་རྒྱུའི་བསམ་ཚུལ་ཞིག་སྐྱེས།རྫོང་སྲིད་གཞུང་དང་འབྲེལ་ཡོད་སྡེ་ཚན་གྱི་ཤུགས་ཆེའི་རོགས་སྐྱོར་འོག་སྒྲིག་ཆས་ཀྱི་གཏོང་ཆ་གཏོང་རྒྱུ་མ་ཟད།ད་དུང་གསེར་ཆེན་རྫོང་དབུལ་སྐྱོར་ཐོན་ལས་གླིང་བོགས་གཏོང་བྱ་ཡུལ་དུ་ཨ་མདོའི་བོད་རིགས་གྱོན་ཆས་ལས་སྣོན་བཟོ་གྲྭ་དེ་མཚོ་སྔོན་ཨ་ཅེ་འབྲོག་མོའི་རིག་གནས་ཡུལ་སྐོར་ཐོན་ལས་ཚད་ཡོད་ཀུང་སིར་བསྒྱུར་ཡོད།

ཐོན་སྐྱེད་གཞི་ཁྱོན་རྒྱ་བསྐྱེད་པར་མི་སྔར་ལས་མང་བ་དགོས།འཚོལ་ཞིབ་ཧུར་ཐག་བྱས་པ་བརྒྱུད་ཀུང་སིས“ཁེ་ལས་དང་ཞིང་དུད།མཉམ་ལས་ཁང་བཅས་ཟུང་དུ་འབྲེལ་བའི”ཞིང་འབྲེལ་གཉེར་སྐྱོང་བྱེད་སྟངས་ཤིག་ཆགས་པ་བྱས་ནས་མཐའ་འཁོར་རྫོང་གྲོང་གི་གྲོང་གསེབ་ཀྱི་གཞིས་སྲུང་བུད་མེད་དང་ཡོང་འབབ་དམའ་བའི་བུད་མེད་སོགས་ས་གནས་དེ་རང་དང་ཐག་ཉེ་སར་སྟབས་བསྟུན་ལས་ཞུགས་ཐུབ་རྒྱུར་རོགས་རམ་དང་སྐུལ་ཁྲིད་བྱས་ཡོད།

“ངས་ཁོང་ཚོར་གྲུབ་འབྲས་ཐོབ་པ་དང་ཁོང་ཚོས་ཀྱང་ང་ལ་གྲུབ་འབྲས་ཐོབ་བྱུང”རིན་ཆེན་སྒྲོལ་མས་ལག་རྩལ་དང་ཇུས་འགོད་ཐད་གསར་གཏོད་དེ་བས་ལེགས་པ་བྱ་ཆེད།རྫོང་ལས་ཞུགས་ཅུས་ཀྱི་རོགས་རམ་འོག་ཀུང་སིས་ཚེམ་བཟོ་སྒྲིག་འཛུགས་བྱས་ནས་རྩལ་ནུས་གསོ་སྦྱོང་འཛིན་གྲྭར་ཞུགས་ཏེ་ལག་རྩལ་མཐོ་རུ་གཏོང་བ་དང་མཐོང་རྒྱ་ཆེ་རུ་གཏོང་དགོས་པའི་མྱོང་ཚོར་ཟབ་མོ་བྱུང་།ད་ཆ་ཀུང་སིས་སློབ་གྲྭའི་གྱོན་ཆས་བཟོ་བའི་མངགས་ཐོ་མི་ཉུང་བ་ཞིག་བསྡུ་ལེན་བྱས་ནས་ས་གནས་དེ་ག་དང་ཉེ་འཁོར་རྫོང་གྲོང་གི་སློབ་གྲྭ་ཕུད་ད་དུང་སུའེ་ཉིང་དང་།དཀར་མཛེས།རྔ་པ།ཉིང་ཁྲི་སོགས་སུ་འཚོང་གི་ཡོད།

“ལས་གཏོད་བྱེད་པའི་དུས་འགོར་ཟླ་རེར་བཟོ་པར་གླ་ཆ་སྒོར་2700ཙམ་སྤྲོད་ཀྱི་ཡོད།ཀུང་སིའི་ཕན་འབྲས་ཇེ་ལེགས་སུ་ཕྱིན་པ་དང་བསྟུན་ནས་ད་ཆ་བཟོ་པར་ཟླ་རེར་གླ་ཆ་སྒོར་6000ནས་7000བར་རག་གི་ཡོད”ཅེས་རིན་ཆེན་སྒྲོལ་མས་དགའ་སྤྲོའི་ངང་བཤད།

མིག་སྔར་ཀུང་སིར་གཏན་འཇགས་ལས་མི་62ཡོད་པའི་ནང་བུད་མེད་ཀྱིས་95%ཡན་དང་།ཡིག་ཚགས་དང་གཱ་བཟོས་པའི་དུད་ཚང་18དབང་པོ་སྐྱོན་ཅན་4བཅས་ཡོད་པ་རེད།“སྲིད་གཞུང་སྡེ་ཚན་གྱིས་འབྲེལ་ཟམ་བཙུགས་པ་དང་།ཀུང་སི་དང་མཚོ་ལྷོ་ཁུལ་གྱི་ལས་རིགས་སློབ་གྲྭས་‘སློབ་གྲྭ་དང་ཁེ་ལས་མཉམ་ལས’ཀྱི་བྱེད་ཐབས་ལ་བརྟེན་ནས་ལྟ་སྦྱོང་རྟེན་གཞི་བཏོད་དེ་མཐོ་སློབ་ཐོན་སློབ་མ་གསོ་སྐྱོང་བྱས་ཤིང་།ན་ནིང་ཀུང་སིས་དངོས་སྦྱོང་སློབ་མ་14གསོ་སྐྱོང་བྱས་པའི་ནང་ནས་4ནི་ཡིག་ཚགས་དང་གཱ་བཟོས་པའི་དུད་ཚང་ཡིན་པ་དང་།དངོས་སྦྱོང་མཇུག་འགྲིལ་རྗེས་གལ་སྲིད་འདོད་མོས་ཡོད་ཚེ་ཀུང་སིར་ལས་ཞུགས་ཐུབ་རྒྱུ་ཡིན་པས་རང་ཉིད་ཀྱི་ནུས་ཤུགས་ཡོད་རྒུས་སློབ་ཐོན་སློབ་མའི་ལས་ཞུགས་ལ་སྐུལ་ཁྲིད་ཐུབ་རྒྱུ་ཡིན་པས་ང་སྤོབས་པ་ཆེན་པོ་སྐྱེས་བྱུང་ཅེས་རིན་ཆེན་སྒྲོལ་མས་བཤད།

ལས་གཏོད་ཀྱི་ཕུགས་འདུན་ནས་འཕེལ་རྒྱས་ཀྱི་གཞི་ཁྱོན་རགས་ཙམ་ཆགས་པའི་བར་རིན་ཆེན་སྒྲོལ་མས་སེམས་ཤུགས་མང་པོ་བཏོན་ཡོད།མིག་སྔའི་བར་ཀུང་སིས་བུད་མེད་512ལས་ཞུགས་ཐུབ་པ་དང་བུད་མེད་1200ལས་ཞུགས་ཐུབ་རྒྱུར་སྐུལ་ཁྲིད་ཐུབ་ཡོད་པ་རེད།“ལས་གཏོད་ལམ་བུའི་ཐོག་ཏང་གི་སྲིད་ཇུས་བཟང་པོར་དྲིན་ཚོར་དང་ཐུགས་རྗེ་ཆེ་ཞུ་རྒྱུ་ཡིན།སྲིད་གཞུང་གིས་ལས་གཏོད་གཞོན་ནུར་ཚད་གཞི་མཐོ་ཤོས་ཀྱི་རོགས་སྐྱོར་བྱས་ཡོད།ད་ཆ་ཀུང་སི་དེ་ཞིང་ཆེན་རིམ་པའི་མངོན་མིན་རིག་གནས་ཤུལ་བཞག་རྒྱུན་འཛིན་རྟེན་གཞིར་གཏན་འཁེལ་བྱས་པས་ངས་འབྱུང་འགྱུར་ལ་ཡིད་ཆེས་སྔར་བས་ཆེ་རུ་ཕྱིན་སོང”ཅེས་རིན་ཆེན་སྒྲོལ་མས་བཤད།

ཆུ་འཐུང་ཆུས་ཁྲོན་པ་རྐོ་མཁན་བརྗེད་མི་རུང་།རིན་ཆེན་སྒྲོལ་མས་ཀུང་སིའི་སྣེ་ཁྲིད་དེ་ཐོག་མཐའ་བར་གསུམ་དུ“འཕེལ་རྒྱས་ཀྱིས་ཏང་དང་སྲིད་གཞུང་མི་བརྗེད་པ་དང་།ཕྱུག་འགྱུར་གྱིས་མང་ཚོགས་དང་ཕ་ཡུལ་ལ་སྐུལ་ཁྲིད་བྱེད་པའི”དམིགས་ཡུལ་ལག་ལེན་བསྟར་ནས་སྤྱི་ཕན་བྱེད་སྒོའི་ནང་ཧུར་ཐག་ཞུགས་ཏེ་སྔ་རྗེས་སུ་སློབ་མ་དབུལ་པོ་དང་།མི་ཧྲེང་རྒན་རྒོན།གཉེན་ཉེ་ཁེར་རྐྱང་གི་ཁྱིམ་ཚང་།ཁུལ་དམིགས་བསལ་སློབ་གྲྭ་བཅས་ལ་འཚམས་འདྲི་བྱས་པ་དང་རིམ་རྩིས་བྱས་ན་ཞལ་འདེབས་སྒོར་ཁྲི་55བརྒྱབ་པ་རེད།

“ལས་གཏོད་ནི་ངའི་ཕུགས་བསམ་ཡིན་པས་བུད་མེད་དེ་བས་མང་བ་མཉམ་དུ་ལས་གཏོད་བྱ་རྒྱུར་སྐུལ་ཁྲིད་བྱ་རྒྱུ་ནི་ངའི་ཕུགས་འདུན་དང་སྤྱི་ཚོགས་ལ་འགན་འཁྲི་ཞིག་རེད”རིན་ཆེན་སྒྲོལ་མས་ངའི་ཐོག་མའི་བསམ་འདུན་ནི་བུད་མེད་དེ་བས་མང་བར་འབབ་འཕར་དང་།གྲོང་གསེབ་དར་རྒྱས།དཔལ་འབྱོར་འཕེལ་རྒྱས་བཅས་ལ་རང་ཉིད་ཀྱི་སྟོབས་ཤུགས་དང་ལས་རིགས་ཀྱི་སྟོབས་ཤུགས་སྐྱེས་སུ་འབུལ་རྒྱུ་དེ་ཡིན་ཞེས་བཤད།