[གྲོང་གསེབ་དར་སྤེལ།]གཏེར་ལམ་གྱིས་གྲོང་གསེབ་དར་རྒྱས་ཀྱི་གྲུབ་འབྲས་གསར་པ་ཞིག་བཏོད་པ།

སྟོན་ཟླ་བཅུ་པ་ནི་ནོར་ལུག་གི་ཤ་ཤེད་རྒྱས་པའི་དུས་ཚིགས་ཡིན།མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་རང་སྐྱོང་ཁུལ་དུར་ལམ་རྫོང་ཤ་ཧ་གྲོང་རྡལ་ཤ་ཐ་ལ་གྲོང་ཚོའི་ནོར་ནག་གསོ་ཚགས་རྟེན་གཞིར་སྐྱོད་སྐབས།རྣ་འགྲམ་དུ་ནོར་ནག་གི་སྐད་སྒྲ་གཅིག་ལངས་ཀྱི་ཡོད་པ་དང་།གསར་དུ་བསྐྲུན་པའི་ནོར་ནག་གཅིག་གམ་ཡང་ན་བབས་ཚུགས་སུ་ཉལ་བས་རྟེན་གཞིའི་ཁོངས་མི་ཁ་ཤས་ཀྱིས་ནོར་ནག་ལ་གཟན་རྩྭ་དང་ནོར་ལུག་སྣོན་བཞིན་ཡོད་པ་རེད།

ནོར་ནག་ནི་ས་མཐོའི་ལེགས་ཆའི་ཕྱུགས་རིགས་ཀྱི་གྲས་ཤིག་ཡིན་པ་དང་།ཤ་ཐ་ལ་གྲོང་ཚོར་མི་ཉུང་ལ་ས་རྒྱུ་མང་བས་ནོར་ནག་གསོ་ཚགས་བྱ་རྒྱུ་དེ་ལས་རིགས་བྱེད་ཀྱི་ཡོད།“གྲོང་ཚོའི་ནང་གི་གསོ་ཚགས་དུད་ཚང་མང་ཆེ་བས་སོ་སོར་གསོ་ཚགས་བྱེད་ཀྱི་ཡོད་པས་གཏན་འཇགས་ཀྱི་ཕྱིར་ཚོང་ཐབས་ལམ་མེད་པ་དང་།ཆེད་ལས་ཀྱི་གསོ་ཚགས་ལག་རྩལ་གྱི་མཛུབ་ཁྲིད་མེད་པ།ནོར་ནག་གསོ་ཚགས་བྱེད་ཚད་དང་གསོན་ཚད་བལྟོས་བཅས་ཀྱིས་དམའ་བ་བཅས་ཡོད་པས་གྲོང་མིའི་ཡོང་འབབ་ཟམ་མི་ཆད་པར་དམའ་རུ་ཕྱིན་ནས་གསོ་ཚགས་དུད་ཚང་གི་ཧུར་བརྩོན་རང་བཞིན་ལ་རྡུང་རྡེག་བཏང་བ་དང་གྲོང་ཚོའི་མཉམ་སྡེབ་དཔལ་འབྱོར་འཕར་ཚད་ཀྱང་ཧ་ཅང་འགོར་པོ་ཡོད”ཅེས་ཞ་ཐ་ལ་གྲོང་ཚོའི་ཏང་ཀྲི་པུའི་ཧྲུའུ་ཅི་ཀྲའོ་ཡིའུ་ཚའེ་ཡིས་བཤད།

འཕེལ་རྒྱས་ཀྱི་འཇུར་མིག་ཤེས་རྟོགས་བྱུང་བར།གོང་རིམ་ཏང་ཨུད་ཀྱི་རྒྱབ་སྐྱོར་དང་མཛུབ་ཁྲིད་འོག་ཞ་ཐ་ལ་གྲོང་ཚོ“ཨུ་ལྷན་གཉིས”དང་གྲོང་སྡོད་ལས་དོན་རུ་ཁག་གིས་འཕེལ་རྒྱས་ཀྱི་ཐབས་ལམ་འཚོལ་ཞིབ་ཧུར་ཐག་བྱས་ཏེ་ཐུན་མོང་ཐོག་གྲོས་བསྡུར་བྱས་པ་སྟེ།ཚོགས་པའི་དྲོད་ལེན་བྱེད་ཐབས་བརྒྱུད་ནུས་ཆེའི་གསོ་ཚགས་འཕེལ་རྒྱས་བཏང་བ་རེད།གྲོང་ཚོ“ཨུ་ལྷན་གཉིས”ཀྱི་སྒྲིག་འཛུགས་ཧུར་ཐག་འོག་གསོ་ཚགས་དུད་ཚང་ཁག་གཅིག་མཚོ་ནུབ་ཁུལ་ཞིང་འབྲོག་ཐོན་ལས་ཅུང་དར་རྒྱས་ཆེ་བའི་ས་ཁུལ་དུ་བསྐྱོད་དེ་ས་གནས་ས་ཐོག་ཏུ་ལྟ་སྦྱོང་སློབ་སྦྱོང་བྱས་པ་དང་།ས་གནས་ས་ཐོག་ཏུ་རྟོག་ཞིབ་དང་ཐུན་མོང་ཐོག་གྲོས་མོལ་བྱས་པ་བརྒྱུད་ཞ་ཐ་ལ་གྲོང་ཚོས་གསོ་ཚགས་རྟེན་གཞི་བཙུགས་ནས་རྒྱ་ཆེའི་གྲོང་མིའི་སྟོབས་ཤུགས་བསྡུ་སྒྲིལ་བྱས་ཏེ་གཞི་ཁྱོན་ཅན་གྱི་གསོ་ཚགས་འཕེལ་རྒྱས་གཏོང་རྒྱུའི་གཏན་འབེབས་བྱས་པ་རེད།

2022ལོར་ཞ་ཐ་ལ་གྲོང་ཚོས་ཀྲུང་དབྱང་གི་གྲངས་ཉུང་མི་རིགས་འཕེལ་རྒྱས་མ་དངུལ་སྒོར་ཁྲི་380བརྩོན་ལེན་བྱས་ནས་གཞི་ཁྱོན་ཅན་དང་ཆེད་ལས་ཅན་གྱི་གསོ་ཚགས་ར་བ་བསྐྲུན་རྒྱུར་སྤྱོད་རྒྱུ་རེད།2023ལོར་རྣམ་གྲངས་དེ་འཛུགས་སྐྲུན་ལེགས་གྲུབ་ཟིན་ནས་རྒྱ་ཁྱོན་སྨི་ངོས་གྲུ་2327.24ཟིན་པའི་ཕྱུགས་ཁང་བཞི་བསྐྲུན་པ་དང་དེ་གར་ནོར་ནག་1000དུས་གཅིག་ཏུ་གསོ་ཚགས་བྱེད་ཆོག་པ་མ་ཟད།ནོར་ནག་ལ་རྒྱ་ཁྱོན་སྨི་ངོས་གྲུ2419.2ཟིན་པའི་ཁང་པའི་ཕྱི་རོལ་གྱི་ར་བ་ཞིག་བཀོད་སྒྲིག་བྱས་ཡོད།

ཀྲའོ་ཡིའུ་ཚའེ་ཡིས་དཔལ་འབྱོར་གྱི་ཕན་འབྲས་དང་སྣོད་བཅུད་ཕན་འབྲས་གཉིས་ཀ་ཐོན་ཆེད།གསོ་ཚགས་རྟེན་གཞིའི་ནང་ཁུལ་དུ་རྒྱ་ཁྱོན་སྨི་ངོས་གྲུ་200ཟིན་པའི་ལུད་ཁང་དང་རྒྱ་ཁྱོན་སྨི་ངོས་གྲུ་50ཟིན་པའི་གནོད་མེད་ཅན་གྱི་གཙང་སེལ་རྫིང་བུ་རེ་རེ་བསྐྲུན་ནས་སྤྱི་གནོད་མེད་པའི་ཐག་གཅོད་བྱས་པ་བརྒྱུད་ནོར་ནག་གི་གཅིན་སྐྱག་དེ་སྐྱེ་ལྡན་ལུད་དུ་བསྒྱུར་ནས་ས་ཞིང་ལུད་རྒྱག་པ་དང་ལོ་ཏོག་འདེབས་འཛུགས་བྱེད་པར་སྤྱོད་ཀྱི་ཡོད།

“ཐོག་མར་གྲོང་ཚོའི་ནང་གི་གསོ་ཚགས་དུད་ཚང་མང་ཆེ་བས་ད་དུང་ལྟ་བཞིན་ཡོད་པ་དང་གནད་དོན་དེར་བསམ་གཞིག་བྱས་ནས་གྲོང་ཚོའི‘ཨུ་ལྷན་གཉིས’ཀྱི་ཚན་ཁག་གིས་གྲོས་བསྡུར་བྱས་རྗེས‘ལས་བྱེད་པས་སྔོན་ལ་སྐྱོད་པ་དང་ཏང་ཡོན་གྱིས་སྣེ་ཁྲིད་པའི’བྱེད་སྟངས་སྤྱད་དེ་གྲོང་ཚོའི་ཏང་ཡོན་ལས་བྱེད་པས་སྣེ་ཁྲིད་དེ་གསོ་ཚགས་རྟེན་གཞིར་ཞུགས་སུ་བཅུག་ནས་དཔེ་སྟོན་སྣེ་ཁྲིད་བྱས་པ་བརྒྱུད་གྲོང་ཚོའི་གསོ་ཚགས་དུད་ཚང་གི་སེམས་ཁྲལ་རིམ་བཞིན་སེལ་རྒྱུའི་གཏན་འབེབས་བྱས་ཡོད”ཅེས་ཀྲའོ་ཡིའུ་ཚའེ་ཡིས་བཤད།

ཐོན་ལས་ཀྱི་ལེགས་ཆ་དེ་དཔལ་འབྱོར་གྱི་ལེགས་ཆར་བསྒྱུར་ཆེད།གསོ་ཚགས་རྟེན་གཞིར“གྲོང་ཚོ་ཨུ་ལྷན་གྱིས་དོ་དམ་ལ་གཞོགས་འདེགས་དང་མཉམ་ལས་ཞིང་དུད་ཁ་ཐོར་ངང་གསོ་ཚགས་དང་རྟེན་གཞིའི་གཅིག་སྡུད་གསོ་ཚགས་ཟུང་དུ་འབྲེལ་བའི”གཉེར་སྐྱོང་བྱེད་སྟངས་སྤྱད་དེ་གསོ་ཚགས་དྲོད་ཁང་ཆེ་མོ་བོགས་མར་གཏོང་བའི་བྱེད་ཐབས་བརྒྱུད་དམག་རྒྱགས་གསོ་ཚགས་དུད་ཚང་ཆེ་མོར་བོགས་དངུལ་བསྡུ་ལེན་བྱས་པས་གྲོང་ཚོའི་མཉམ་སྡེབ་དཔལ་འབྱོར་ལོ་རེར་ཆ་སྙོམས་སྒོར་ཁྲི་8ནས་ཁྲི་12བར་འཕར་ཡོད་པ་རེད།དེ་དང་ཆབས་ཅིག་གསོ་ཚགས་རྟེན་གཞིས་གྲོང་ཚོའི་ཁ་ཐོར་གསོ་ཚགས་དུད་ཚང་བསྡུས་ནས“གཅིག་གྱུར་དུག་སེལ་དང་།གཅིག་གྱུར་རིམས་འགོག་།གཅིག་གྱུར་དོ་དམ་”བཅས་ཀྱི“གཅིག་གྱུར་གསུམ”གྱི་ཚན་རིག་དང་མཐུན་ཞིང་ནུས་ཆེའི་གསོ་ཚགས་བྱས་ཏེ་གྲོང་ཚོའི་ནང་གི་གསོ་ཚགས་དུད་ཚང་གིས་དུད་ཚང་བགོས་ནས་གསོ་ཚགས་དང་མཉམ་སྡེབ་གསོ་ཚགས་ཀྱི་ལམ་བུར་བསྐྱོད་རྒྱུར་སྐུལ་ཁྲིད་བྱས་ཡོད།

འདི་ལོའི་ཟླ་3པར་ཞ་ཐ་ལ་གྲོང་ཚོའི་ཏང་ཡོན་ལས་བྱེད་པའི་སྣེ་ཁྲིད་དང་དྲིལ་བསྒྲགས་འོག་གསོ་ཚགས་རྟེན་གཞིས་གསོ་ཚགས་དུད་ཚང་8ཀྱི་ནོར་ནག་405གྲུབ་འབྲས་ཐོབ་པའི་ངང་བསྡུས་ནས་ནོར་ནག་དེ་དག་རྟེན་གཞིའི་ནང་གི“ཁྱིམ་གསར་པར”སྤོས་པ་རེད།

“གྲོང་ཚོའི་ཧྲུའུ་ཅི་བསྟུད་མར་ཐེངས་ཁ་ཤས་བསྐྱོད་མྱོང་ཡོད།སྐབས་དེ་དུས་ངས་ད་དུང་ཐེ་ཚོམ་བྱེད་ཀྱི་ཡོད།འོན་ཀྱང་གྲོང་ཚོའི་ཏང་ཡོན་ལས་བྱེད་པས་སྣེ་ཁྲིད་དེ་གསོ་ཚགས་རྟེན་གཞིར་ཞུགས་པ་མཐོང་སྐབས་ང་ལ་བློ་བདེ་པོ་མེད་པ་གང་ཡོད།དེས་ན་ངས་དབུགས་ཐེངས་གཅིག་ལ་ཁྱིམ་གྱི་ནོར་ནག་ཚང་མ་གསོ་ཚགས་རྟེན་གཞིར་བཏང་བ་ཡིན།ད་ཆ་གསོ་ཚགས་རྟེན་གཞི་ཡོད་པས་ང་ལ་བ་གླང་གསོ་རོགས་བྱེད་ཀྱི་ཡོད།གལ་ཏེ་ནོར་ནག་ལ་ནད་ཕོག་ཚེ་རྟེན་གཞིས་ད་དུང་ཕྱུགས་རིགས་སྨན་པའི་སྨན་པ་གདན་དྲངས་ནས་ནོར་ནག་ལ་སྨན་བཅོས་བྱེད་ཀྱི་ཡོད”ཅེས་གསོ་ཚགས་དུད་ཚང་གིས་འཛུམ་དམུལ་དམུལ་ངང་བཤད།

དེ་དང་ཆབས་ཅིག་ཞ་ཐ་ལ་གྲོང་ཚོས་ད་དུང་ཐག་ཉེ་སའི་རྩ་དོན་གཞིར་བཟུང་རྟེན་གཞི་དང་མཐའ་འཁོར་མང་ཚོགས་དབར་གྱི་འབྲེལ་བར་རྒྱུན་ཆད་མེད་པར་ཤུགས་སྣོན་བརྒྱབ་ནས་ལས་ཞུགས་ལས་གནས་མཁོ་འདོན་བྱས་པ་བརྒྱུད་གྲོང་ཚོར་སྡོད་པའི་ངལ་རྩོལ་ནུས་ཤུགས་ལའང་ཡོང་འབབ་ངེས་ཅན་ཞིག་ཡོད་པ་བྱས་ཡོད།ད་ཆ་རྟེན་གཞིས་གྲོང་ཚོའི་མི་4ལས་ཞུགས་ཐུབ་རྒྱུར་སྐུལ་ཁྲིད་བྱས་པ་དང་།གྲོང་ཚོ་ཡོངས་ཀྱི་དུད་ཚང་126གི་མི་425ལ་ཁྱབ་འགྱེད་ཐུབ་ནས་ཕན་པ་ཐོབ་པ་དང་།ཞིང་འབྲེལ་ཞིང་ཁྲིད་ལམ་སྲོལ་གྱི་ནུས་པ་མངོན་གསལ་དོད་པོ་ཐོན་ཡོད་པ་རེད།“གྲོང་ཚོར་ཐོན་ལས་ཡོད་ན་ཡག་པོ་ཡོད།རང་ཉིད་ཁྱིམ་གྱི་སྒོ་འགྲམ་དུ་ལས་ཀ་བྱས་ནས་ཡོང་འབབ་མང་དུ་གཏོང་ཐུབ་པ་མ་ཟད།ད་དུང་ཁྱིམ་གྱི་ཞིང་ལས་ལ་འཐུས་ཤོར་མི་གཏོང་བར་ཆ་སྙོམས་ཡོང་འབབ་ཀྱང་དེ་སྔ་ལས་སྒོར་2000ལྷག་ཙམ་མང་དུ་ཕྱིན་ཡོད”གྲོང་མི་ལི་ཀྲན་ཧའེ་ཡི་ངོ་གདོང་ནས་ཡིད་ཚིམ་པའི་འཛུམ་མདངས་འཕྱུར།

ཤ་ཐ་ལ་གྲོང་ཚོའི་གསོ་ཚགས་རྟེན་གཞིའི་ནང་དུས་ཡུན་རིང་པོའི་སྐད་སྒྲ་ཡང་ཡང་གྲགས་ཀྱི་ཡོད།ཤ་ཐ་ལ་གྲོང་ཚོས་ནོར་གནག་གསོ་ཚགས་ཐོན་ལས་དེ་གྲོང་གསེབ་དར་རྒྱས་ཀྱི་འཐབ་ཇུས་ལག་བསྟར་བྱེད་པའི་དམ་འཛིན་བྱ་གཞི་གལ་ཆེན་ཞིག་ཏུ་བརྩིས་ནས“ཚན་རིག་དང་མཐུན་པའི་གསོ་ཚགས་དང་།ཐོན་ཁུངས་འཁོར་རྒྱུགསྐྱེ་ཁམས་འཕེལ་རྒྱས”བཅས་ཀྱི་དེང་རབས་ཅན་གྱི་འབྲོག་ལས་འཕེལ་རྒྱས་གཏོང་སྟངས་གསར་པ་འཚོལ་ཞིབ་ཧུར་ཐག་བྱས་ཏེ་ནོར་ནག་གསོ་ཚགས་ཐོན་ལས་ལེགས་སུ་བཏང་ནས་ཞིང་དུད་ཀྱི་འབབ་འཕར་ཐབས་ལམ་རྒྱ་ཆེར་བཏང་བས་གྲོང་ཚོའི་མཉམ་སྡེབ་དཔལ་འབྱོར་སྔར་བས་འཕེལ་རྒྱས་དང་སྟོབས་ཆེར་ཕྱིན་ནས་གྲོང་གསེབ་དར་རྒྱས་ཀྱི་འཆར་གཞི་གསར་པ་ཞིག་བཏོད་ཡོད།