མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
སྟོན་རླུང་ཁྲོད་དུ་སྔོ་ཐིང་ངེར་གནས་པའི་རྟེན་འབུལ་ཚལ་གྱིས་ལོ་ལེགས་ཀྱི་གླུ་གཞས་ལེན་བཞིན་ཡོད།མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ཁྲི་ཀ་རྫོང་འཕྲང་དམར་གྲོང་རྡལ་སྲན་ཕུང་གྲོང་ཚོ་དང་མེ་སྐྱ་གྲོང་ཚོའི་མུའུ་20ལྷག་ཙམ་གྱི་རྟེན་འབུལ་ཚལ་བརྔ་བསྡུ་བྱེད་པའི་དུས་སུ་སླེབས་པ་དང་།སྔོ་ཐིང་ཐིང་གི་རྟེན་འབུལ་ཚལ་གྱི་སྔོ་ཐིང་ངེར་གནས་པ་དང་།རྩ་བ་རྒྱས་པ་དང་ལོ་འདབ་རྒྱས་པ།སྐྱེ་འཚར་དགའ་འོས་པ་ཞིག་ཡོད།
སྔོ་ཐིང་ཐིང་གི་རྟེན་གཞིའི་ནང་ཞིང་དུད་ཚང་ཚོས་ཞིང་ནང་དུ་བྲེལ་འཚུབ་ཆེན་པོ་བྱེད་བཞིན་ཡོད་པ་དང་།རྟེན་འབུལ་སྔོ་ཚལ་གྱི་ལོ་མ་རྙིང་པ་རིམ་བཞིན་གོ་རིམ་ལྡན་པའི་ངང་རྟེན་འབུལ་ཚལ་བཟོས་ནས་ཞིང་ནང་དུ་སྤུངས་པ་དང་།དབོར་འདྲེན་དང་རླངས་འཁོར་བླུགས་པ་སོགས་ངལ་རྩོལ་གྱི་རྣམ་པ་ཕར་འགྲོ་ཚུར་འོང་བྱས་ནས“མི་རྣམས་ཀྱིས་འབད་བརྩོན་གྱིས་གསེར་སྐྱེས་པའི”གསོན་ཉམས་ལྡན་པའི་རྣམ་པ་ཞིག་མངོན་ཡོད།
ཉེ་བའི་ལོ་ཤས་རིང་།ཁྲི་ཀ་རྫོང་འཕྲང་དམར་གྲོང་རྡལ་གྱིས་རྨོ་ཞིང་སྲུང་སྐྱོང་ལམ་ལུགས་དོན་འཁྱོལ་བྱ་རྒྱུ་མཐའ་འཁྱོངས་བྱས་ཏེ“ཡུལ་བབ་དང་བསྟུན་པ་དང་རིགས་དབྱེ་བཅོས་སྐྱོང”གི་རྩ་དོན་གཞིར་བཟུང་སྲོལ་རྒྱུན་ཐོན་ལས་ཀྱི་ལེགས་ཆ་རྒྱུན་ཆད་མེད་པར་ཆེ་རུ་གཏོང་བ་དང་གསར་དར་ཐོན་ལས་ཀྱི་རང་འགུལ་བཟུང་བ་དང་།འབྱུང་འགྱུར་ཐོན་ལས་ཀྱི་གོ་སྐབས་སྔོན་ལ་སྟངས་འཛིན་བྱེད་པ།ས་ཁམས་ཀྱི་ཆ་རྐྱེན་དང་ཟུང་འབྲེལ་བྱས་ཏེ་ཐོན་ལས་གྲུབ་ཆ་ལེགས་སྒྲིག་ལ་སྐུལ་འདེད་ཧུར་ཐག་གཏོང་བ།ཁྱད་ལྡན་སྔོ་ཚལ་འདེབས་འཛུགས་ཐོན་ལས་ནང་འདྲེན་བྱེད་པ།མངགས་ཐོ་རྣམ་པའི་ཕྱིར་ཚོང་ཐབས་ལམ་རྒྱ་ཆེར་གཏོང་བ།ཐོན་ཁུངས་སྔར་བས་གང་འགབ་ཅི་སྤྱོད་བྱེད་པ། ས་ཆ་སྤྱོད་ཚད་མཐོ་རུ་བཏང་སྟེ“གྲུབ་ཆ་ལུགས་མཐུན་མེད་པ་དང་། ལེགས་ཆ་མངོན་གསལ་དོད་པོ་མེད་པ། ཁྱད་ཆོས་མངོན་གསལ་དོད་པོ་མེད་པ”བཅས་ཀྱི་གནད་དོན་ཐག་གཅོད་ཤུགས་ཆེན་བྱས་ནས“ཕྱུག་འགྱུར་ལམ་བུ”གསར་རྐྱང་ཞིག་བཏོད་དེ་གྲོང་གསེབ་དར་རྒྱས་ཆེད་ནུས་པ་གཅིག་ཏུ་བསྡུས་ཡོད།
“ཐག་པ་དེ་རྒྱ་མ་20ཡིན་པ་དང་།རྟགས་བརྒྱབ་ནས་ཉོ་སྒྲུབ་བྱེད་མཁན་རྣམས་ཀྱིས་རེ་ཞིག་རྒྱ་མ་བརྒལ་བ་དང་རླངས་འཁོར་ནང་འཇུག་རྒྱུར་སྒུག་ཡོད”འཕྲང་དམར་གྲོང་རྡལ་མེ་རྒྱ་གྲོང་ཚོའི་གྲོང་མི་བདེ་སྐྱིད་མཚོས་ཕྱོགས་གཅིག་ནས་རྟེན་འབུལ་ཚལ་གྱི་ལྗིད་ཚད་ཐོ་འགོད་བྱེད་ཞོར་དུ་ཚང་མར་གོ་རིམ་ལྡན་པའི་ངང་སྤུངས་རྒྱུའི་བརྡ་བཏང་།
“ཉེ་ཆར་རྟེན་འབུལ་ཚལ་ལ་ལོ་ལེགས་ཆེན་པོ་བྱུང་བས་ཉིན་གཅིག་ལ་ཡོང་འབབ་རྒྱ་མ་ཆིག་སྟོང་ཙམ་བསྡུ་ཐུབ་ཀྱི་ཡོད།ཉེ་འཁོར་གྱི་གྲོང་མི་ཚང་མས་འདེབས་འཛུགས་དང་།དོ་དམ།བརྔ་བསྡུ་བཅས་ཀྱི་ལྷུ་ཚིགས་ཚང་མར་ལས་མི་དགོས་ཀྱི་ཡོད།ལས་མི་མང་ཤོས་སྐབས་ཉིན་ལྟར་མི་40དགོས་ཀྱི་ཡོད་པས་ཉེ་འགྲམ་གྱི་གྲོང་ཚོའི་ངལ་རྩོལ་ནུས་ཤུགས་ལྷག་མ་བསྡུ་ལེན་ནུས་ལྡན་བྱས་ནས་སྒོ་འགྲམ་དུ་ལས་ཞུགས་ཐུབ་ཀྱི་ཡོད”ཅེས་ཁྲང་མུའུ་གྲོང་རྡལ་མེ་རྒྱ་གྲོང་ཚོའི་གྲོང་ཚོར་བཅའ་སྡོད་ཧྲུའུ་ཅི་དང་པོ་ཧོ་ཁྲང་ཧྲུའུ་ཡིས་ཀུང་ཚལ་ལ་བསྡམས་ནས་བཤད།
“འདི་གར་ས་བབ་མཐོ་ལ་ཉིན་མཚན་གྱི་དྲོད་ཚད་ཧེ་བག་ཆེ་བས་རྟེན་ཚལ་སྐྱེ་འཚར་ལ་དེ་བས་འཚམ་པོ་ཡོད།ང་ཚོས་རྐང་གཅིག་གི་བྲོ་བ་མྱོང་བས་ཧ་ཅང་ཡག་པོ་འདུག”
“རྟེན་འབུལ་ཚལ་གྱི་ཤུན་པགས་དང་སྔོ་ཚལ་གྱི་ལོ་མས་ད་དུང་བ་གླང་དང་ངང་པ་གསོ་ཐུབ་ཀྱི་ཡོད།དེ་ནི་ང་ཚོའི་ངོས་ནས་བརྗོད་ན་ཡོང་འབབ་ཡག་པོ་ཞིག་རེད”
“དེ་ཙམ་མ་ཟད།ང་ཚོའི་རྟེན་འབུལ་ཚལ་བརྔ་བསྡུ་མཇུག་འགྲིལ་རྗེས་ལོ་ཏོག་གཞན་དག་འདེབས་ཐུབ་པས་ས་ཆ་དེའི་རིན་ཐང་དེ་བས་མཐོ་བ་ཡོད”……
གྲོང་མིའི་ཨུ་ཡོན་ལྷན་ཁང་གི་མི་ཚང་མས་སྐད་ཆ་བཤད་བཞིན་ཡོད་པ་དང་།ལག་པ་ད་དུང་བྲེལ་བ་ཆེན་པོ་བྱེད་ཀྱི་ཡོད།
“འབྲོག་པ་མང་ཚོགས་ཀྱི་རིག་གནས་ཆུ་ཚད་བལྟོས་བཅས་ཀྱིས་དམའ་ཙམ་ཡོད་པ་དང་ཆེད་ལས་ལག་རྩལ་མི་འདང་བས་ཁ་ཐོར་གསོ་ཚགས་དང་ཕྱུགས་འཚོ་བར་བརྟེན་ནས་འཚོ་བ་སྐྱེལ་དགོས་ཀྱི་ཡོད།དེའི་ཁར་ཁྱད་ལྡན་འདེབས་འཛུགས་ལས་རིགས་འཕེལ་རྒྱས་ཐད་ཀྱི‘སྟོང་ཆ’ཡོད་པས་གྲོང་ཚོའི་འཕེལ་རྒྱས་ཀྱི་གཏིང་ཤུགས་སྔར་བཞིན་འདང་གི་མེད”མེ་རྒྱ་གྲོང་ཚོ་དང་སྲན་མ་གྲོང་ཚོའི་ཨུ་ལྷན་གཉིས་ཀྱི་ཚོར་སྣང་བྱུང་ཡོད།ཉེ་བའི་ལོ་ཤས་རིང་གྲོང་རྡལ་ཡོངས་ཀྱི་འདེབས་འཛུགས་གསོ་ཚགས་མཉམ་ལས་ཁང་དང་ཧུང་ཤིང་ཞིང་འཕྲུལ་ཞབས་ཞུ་རུ་ཁག་སོགས་འཚོལ་ཞིབ་འཕེལ་རྒྱས་ལ་ཕན་འབྲས་གསར་པ་ཐོབ་པ་དང་བསྟུན་ནས“ཐོན་རྫས་རེ་རེ”འཕེལ་རྒྱས་ཀྱི་བསམ་ཕྱོགས་རིམ་བཞིན་གསལ་པོ་ཡོད་པས་གྲོང་མི་ཚོས་ཇི་ལྟར་བྱས་ནས་འཕེལ་རྒྱས་ཀྱི་མྱུར་བགྲོད་རླངས་འཁོར་གྱི་རྗེས་སུ་དམ་པོར་འབྲངས་ཐུབ་པ་བྱ་རྒྱུ་དེ་གྲོང་ཚོ་གཉིས་ཀྱི་ཏང་ཀྲི་པུའི“སེམས་ནང་གི་དཀའ་གནད”དུ་གྱུར་ཡོད།ས་གནས་ས་ཐོག་ཏུ་ལྟ་སྦྱོང་དང་སློབ་སྦྱོང་སྣ་ཚོགས་བྱས་པ་བརྒྱུད་གྲོང་ཚོའི“ཨུ་ལྷན་གཉིས”ཀྱི་ཁོངས་མིས་དེ་སྔའི་དབུལ་ཕོངས་རྗེས་ལུས་ཀྱི་གྲོང་ཚོ་མཐོང་སྐབས་ས་ཞིང་བརྒྱུད་བཤུག་ལ་བརྟེན་ནས་མཉམ་ལས་ཁང་དང་རྟེན་གཞི་སོགས་གཉེར་བར་བརྟེན་ནས་སྔོན་ཐོན་དཔེ་སྟོན་གྲོང་ཚོར་གྱུར་ནས་སེམས་ནང་རེ་བ་དལ་བུར་འཕྱུར་ཡོད།
ཞིང་ལས་ཀྱི་ཕན་འབྲས་ཆེ་རུ་གཏོང་བ་དང་མང་ཚོགས་ཀྱི་འབབ་འཕར་ལམ་བུ་རྒྱུན་མཐུད་ངང་རྒྱ་ཆེར་གཏོང་ཆེད།འཕྲང་དམར་གྲོང་རྡལ་མེ་ཅ་གྲོང་ཚོ་དང་ཏུའུ་ཧོའུ་ལིའུ་གྲོང་ཚོ“ཨུ་ལྷན་གཉིས”ཀྱིས་སྲིད་ཇུས་ཀྱི་གོ་སྐབས་དམ་འཛིན་བྱས་ཏེ་སྔ་རྗེས་སུ་ཁྲི་ཀ་རྫོང་གི་ཁྲོམ་གཞུང་གསར་པའི་ཤང་དུ་བསྐྱོད་དེ་ཞིང་ལས་སྐྱེ་དངོས་འདེབས་འཛུགས་ཉམས་མྱོང་ལ་ལྟ་སྦྱོང་དང་སློབ་སྦྱོང་བྱས་པ་དང་།རྟེན་ཚལ་གྱི་ཁྲོམ་རའི་དགོས་མཁོ་ཆེ་ཙམ་ཡོད་པ་དང་དཔལ་འབྱོར་གྱི་ཕན་འབྲས་ཡག་པོ་ཡོད་པ་ཤེས་རྟོགས་བྱུང་བ་མ་ཟད།སྐྱེ་འཚར་ཁོར་ཡུག་དང་ས་ཁུལ་གྱི་གནམ་གཤིས་ཧ་ཅང་འཚམ་པོ་ཡོད་པ་རེད།གྲོང་ཚོ་གཉིས་ཀྱིས་ས་ཞིང་བརྒྱུད་བཤུག་དང་།ཏང་ཡོན་ལས་བྱེད་པས་སྣེ་ཁྲིད་དེ་འདེབས་འཛུགས།“ཏང་ཀྲི་པུའུ་དང་རྟེན་གཞི།ཞིང་དུད”སོགས་ཀྱི་བྱེད་ཐབས་བརྒྱུད་ས་གནས་དེ་གར་འཚམ་པའི་རྟེན་འབུལ་སྔོ་ཚལ་འདེབས་འཛུགས་བྱེད་སྟངས་ཆ་ཚང་ཞིག་འཚོལ་ཞིབ་ཧུར་ཐག་བྱས་ནས་གྲོང་ཚོའི་མཉམ་སྡེབ་དཔལ་འབྱོར་དང་མང་ཚོགས་ཀྱི་ཡོང་འབབ་གཉིས་ཀ་མཐོ་རུ་ཕྱིན་ཡོད་པ་རེད།
“རྟེན་འབུལ་ཚལ་སྐྱེ་ཡུན་ཐུང་བ་དང་འདེབས་འཛུགས་མ་གནས་དམའ་བ་མ་ཟད།ཉོ་སྒྲུབ་ཚོང་པས་ཐད་ཀར་ཞིང་ནང་ནས་མངགས་ཉོ་བྱས་པས‘མངགས་ཐོ་ཐོན་སྐྱེད་དང་ཞིང་ནང་ཉོ་ཚོང་བྱེད་པའི’འདེབས་འཛུགས་བྱེད་སྟངས་གཞི་རྩའི་ཆ་ནས་མངོན་འགྱུར་བྱུང་བས་ཚོང་ལམ་ལ་སེམས་ཁྲལ་གཏན་ནས་བྱེད་ཀྱི་མེད”ཁྲང་མུའུ་གྲོང་རྡལ་གྱི་སྲན་མ་གྲོང་ཚོའི་ཏང་ཀྲི་པུའི་ཧྲུའུ་ཅིས་ངོ་སྤྲོད་བྱས།
“ང་ཚོའི་མཉམ་ལས་ཁང་གཉིས་པའི་ས་ཞིང་མུའུ་6གྲོང་ཚོ་ཨུ་ལྷན་ལ་རྟེན་འབུལ་ཚལ་འདེབས་རྒྱུར་བརྒྱུད་བཤུག་བྱས་པས་ལོ་གཅིག་ལ་ཡོང་འབབ་སྒོར་3000སྤྲོད་ཀྱི་ཡོད།དེ་ལྟར་བྱས་ན་ལོ་མཇུག་ཏུ་ཚང་མས་ཁེ་སྤོགས་རག་གི་ཡོད།དུས་རྒྱུན་ཐག་ཉེ་སར་ལས་ཀ་བྱེད་ཀྱི་ཡོད་ལ་ཁྱིམ་ཚང་ལའང་ལྟ་རྟོག་བྱེད་ཀྱི་ཡོད་པས་འཚོ་བར་ཡང་མདུན་ལམ་ཡག་པོ་ཡོད་པས་ང་ཚོའི་ངོས་ནས་བརྗོད་ན་ཧ་ཅང་ཡག་པོ་འདུག”ཅེས་ཁྲང་མུའུ་གྲོང་རྡལ་ཏོའུ་ཧོ་གྲོང་ཚོའི་གྲོང་ཚོ་གཉིས་པའི་གྲོང་མིས་གད་མོ་དགོད་བཞིན་དུ་བཤད།
རྟེན་འབུལ་ཚལ་ཐོན་ལས་འཕེལ་རྒྱས་ཕྱིན་པ་དེས་གྲོང་མིའི་ཤ་ཚལ་སྒོང་གསུམ་ཕུན་སུམ་ཚོགས་སུ་ཕྱིན་པ་མ་ཟད།གྲོང་མིའི་དངུལ་ཁུག་ཀྱང་མང་དུ་ཕྱིན་ཡོད་པ་རེད།
རྟེན་འབུལ་ཚལ་གྲུབ་འབྲས་ཐོབ་པའི་ངང་འདེབས་འཛུགས་བྱས་པ་དང་།འཚོལ་བསྡུ་བྱེད་པའི་ཉིན་དེར་འཕྲང་དམར་གྲོང་རྡལ་ཏང་སྲིད་འགོ་ཁྲིད་ཚན་ཁག་ཀྱང་ས་གནས་ས་ཐོག་ཏུ་བསྐྱོད་དེ་ཕྱི་ཕྱོགས་ཀྱི་ཚོང་པ་དང་མཉམ་དུ་མིག་སྔའི་རྟེན་འབུལ་ཚལ་གྱི་ཁྲོམ་རའི་གནས་ཚུལ་དང་འབྱུང་འགྱུར་འཕེལ་རྒྱས་ཀྱི་མདུན་ལམ་ཤེས་རྟོགས་ཞིབ་ཕྲ་བྱས་ཏེ་གོམ་སྟབས་རྗེས་མའི་རྟེན་འབུལ་ཚལ་ཐོན་ལས་འཕེལ་རྒྱས་ལ་དུས་འགོའི་བརྟག་དཔྱད་གྲ་སྒྲིག་ཡག་པོ་བྱས་ཡོད།
“སྲིད་གཞུང་གི་རྒྱབ་སྐྱོར་ཐོབ་རྗེས་ང་ཚོ་མི་སེར་ཚོའི་སྐེད་པ་དེ་བས་དྲང་པོར་གྱུར་ནས་འབྱུང་འགྱུར་འཚོ་བ་སྦྲང་རྩི་ལས་ཀྱང་སྐྱིད་པོ་ཡོང་ངེས་རེད”
“ན་ནིང་ཁྲང་མུའུ་གྲོང་རྡལ་ཁུལ་ཐུང་གྲོང་ཚོས་ས་ཞིང་མུའུ་30ལྷག་ཙམ་བརྒྱུད་བཤུག་བྱས་པར་སྲན་ཆེན་བཏབ་པར་ཡོང་འབབ་སྒོར་ཁྲི་4བྱུང་བ་གོ་ཐོས་བྱུང་།འདི་ལོ་སླར་ཡང་པད་ཁ་མུའུ་210བརྒྱུད་བཤུག་བྱས་ནས་ལོ་ལེགས་བྱུང་བ་དང་ཁྱོན་པད་ཁ་རྒྱ་མ་ཁྲི་5ཡོད་པ་དང་།སྔོན་དཔག་བྱས་ན་པད་ཁའི་སྣུམ་ལ་བརྟེན་ནས་ཡོང་འབབ་སྒོར་ཁྲི་18རག་གི་ཡོད་པས་ང་ཚོས་ཀྱང་སློབ་སྦྱོང་མང་ཙམ་དང་དཔྱད་གཞིར་འཛིན་དགོས”
“སླད་ཕྱིན་ང་ཚོས་སྔ་སྣུར་དུ་ཇུས་འགོད་བྱས་ཏེ་ས་ཆའི་ཕན་འབྲས་ཆེ་རུ་ནུས་ལྡན་བཏང་ནས‘རིན་གོང་དམའ་བའི་ཞིང་ཞིང’དེ‘བསྡུ་ཚད་འཕར་བའི’ཕྱོགས་སུ་བསྒྱུར་ཏེ་ཞིང་ནང་དུ་མང་ཙམ་བསྡུ་ཐུབ་པ་བྱ་རྒྱུ་ཡིན”
གོམ་སྟབས་རྗེས་མར་ཁྲི་ཀ་རྫོང་འཕྲང་དམར་གྲོང་རྡལ་གྱིས་དོན་དངོས་ལ་གཞིགས་ནས“སྔོ་ཚལ་གཅིག་ཡག་པོ་བཏབ་ནས་མང་ཚོགས་ཀྱི་འབབ་འཕར་ཕྱུག་འགྱུར་ལམ་བུ་རྒྱ་ཆེར་གཏོང་བ”དང“ས་ཞིང་རེས་འདེབས་”སོགས་སྣ་མང་ཐོན་ལས་འཕེལ་རྒྱས་གཏོང་སྟངས་གསར་པ་འཚོལ་ཞིབ་ཧུར་ཐག་བྱས་ནས་བསྐྲུན་ཏེ་ཁྱད་ལྡན་འདེབས་འཛུགས་དེ་མང་ཚོགས་ཀྱི་འབབ་འཕར་ཡོང་རྒྱུར་སྦྲེལ་མཐུད་བྱེད་པའི“གསེར་ཐག”རེ་རེ་བཞིན་དུ་འགྱུར་བ་བྱ་རྒྱུ་རེད།
