རྫོགས་ལྡན་དུས་ཚོད་དམ་འཛིན་གྱིས་གུང་གསེང་རིང་ལས་མཚམས་མི་འཇོག་པ།——མཚོ་སྔོན་གྱིས་གཙོ་གནད་ལས་གྲྭའི་རྣམ་གྲངས་འཛུགས་སྐྲུན་ལ་སྐུལ་འདེད་བཏང་བ།

རྒྱལ་སྟོན་གུང་གསེང་རིང་ཡངས་ཤིང་རྒྱ་ཆེ་བའི་གྲམ་ཐང་ནས་མཐོ་ཞིང་གྲང་ངར་ཆེ་བའི་ས་བབ་མཐོ་བའི་ས་ཁུལ་བར་འཛུགས་སྐྲུན་པ་ཚོས་རྣམ་གྲངས་འཛུགས་སྐྲུན་གྱི་འཐབ་ས་དང་པོར་བརྟན་སྲུང་དང་སྟོན་དུས་ཀྱི་ཨར་ལས་ཀྱི་དུས་ཚོད་ཡག་ཤོས་དམ་འཛིན་བྱས་ཏེ་ཨར་ལས་ལས་འགན་ལ་ནུས་ཤུགས་ཡོད་རྒུས་སྐུལ་འདེད་བཏང་ནས་མགྱོགས་མྱུར་དངོས་སྒྲུབ་ཀྱིས་དུས་ཆེན་གྱི་བརྗོད་དོན་གཙོ་བོ་དཀྲོལ་བ་དང་འབད་འཐབ་ལ་བརྟེན་ནས་མེས་རྒྱལ་ལ་ལེགས་སྐྱེས་ཕུལ་ཏེ་ཞིང་ཆེན་ཡོངས་ཀྱི་དཔལ་འབྱོར་རྒྱུན་མཐུད་ངང་འཕར་བར་རོགས་འདེགས་བྱ་དགོས།

ཆ་སྙོམས་ས་བབ་མཐོ་ཚད་སྨི་3300ཟིན་པའི་མཚོ་སྔོན་ཞིང་ཆེན་མགོ་ལོག་བོད་རིགས་རང་སྐྱོང་ཁུལ་རྨ་ཆེན་རྫོང་ར་རྒྱ་གྲོང་རྡལ་གྱི་མར་སྟེང་ཆུ་ཤུགས་གློག་ཁང་དུ་འཕྲུལ་ཆས་ཀྱིས་འུར་སྒྲ་གྲགས་པ་དང་མི་ཚོགས་ཀྱིས་ཁེངས་ནས་ས་མཐོའི་ལྷིང་འཇགས་ཀྱི་རྣམ་པ་ཞིག་བཏོད་ཡོད།འཛུགས་སྐྲུན་པ་600ལྷག་ཙམ་གྱིས་ལས་གནས་བརྟན་སྲུང་བྱས་པས་ས་གནས་ས་ཐོག་ཏུ་བྲེལ་འཚུབ་ཆེ་བའི་རྣམ་པ་ཞིག་མངོན།རྒྱལ་སྟོན་དུས་ཆེན་གྱི་ཉིན་དེར་མར་སྟེང་ཆུ་ཤུགས་གློག་ཁང་སླར་ཡང་རྒྱལ་ཁའི་གཏམ་བཟང་བསྒྲགས་པ་དང་ལོར་གློག་གཏོང་ཚད་རིམ་རྩིས་བྱས་ན་ཆན་ཝ་ཆུ་ཚོད་དུང་ཕྱུར་15ལས་བརྒལ་ཡོད་པ་རེད།གྲུབ་འབྲས་དེའི་རྒྱབ་ཏུ་འཛུགས་སྐྲུན་པ་གྲངས་མེད་ཀྱིས་ཉིན་མཚན་མེད་པར་དཀའ་སྤྱད་འབད་བརྩོན་དང་འབད་བརྩོན་ལྷོད་མེད་བྱས་པ་ཞིག་རེད།

མར་སྟེང་ཆུ་ཤུགས་གློག་ཁང་འཛུགས་སྐྲུན་ནང་ཞུགས་ནས་ལོ་གསུམ་སོང་བའི་ལིའུ་ཅིན་ཧྲན་གྱིས་ཕྱོགས་གཅིག་ནས་ལས་ཀ་བྱེད་བཞིན་དུ“འཁོར་སྒྱུར་དང་།བུ་འཁོར།གཏན་འཁེལ་སོགས་ལྷུ་ལག་གལ་ཆེན་གྱི་དཔྱང་སྒྲིག་སྒྲིག་སྦྱོར་ཚང་མ་གློག་ཁང་གི་བདེ་འཇགས་དང་བརྟན་པོའི་ངང་འཁོར་སྐྱོད་བྱ་རྒྱུ་དང་འབྲེལ་བ་ཡོད”ཅེས་བཤད།རྒྱལ་སྟོན་གྱི་སྔ་ནུབ་ཏུ་ཁོང་གིས་དངོས་སུ་ལྟ་སྐུལ་དོ་དམ་དང་ཨར་ལས་ཚན་པ་སྒྲིག་འཛུགས་བྱས་ནས་བདེ་འཇགས་ལག་རྩལ་རྩིས་སྤྲོད་བྱས་པ་དང་བརྒྱུད་རིམ་ཧྲིལ་པོར་སྒྲིག་སྦྱོར་དོ་དམ་ཚོད་འཛིན་བྱས་ཏེ་འཕྲུལ་ཚན་2པའི་ཆུ་འཁོར་འཁོར་བདེ་བླག་ངང་དཔྱང་སྒྲིག་བྱེད་ཐུབ་པའི་འགན་ལེན་བྱས་པ་རེད།

མར་སྟེང་ཆུ་ཤུགས་གློག་ཁང་གི་འཛུགས་སྐྲུན་པས་སྤྲོ་སེམས་རབ་ཏུ་འཁོལ་བ་དང་དད་སེམས་བརྟན་པོའི་ཐོག་ནས་2024ལོའི་ལོ་མཇུག་ཏུ་འཕྲུལ་འཁོར་ཡོངས་ནས་གློག་གཏོང་བའི་དམིགས་ཚད་ནུས་ཤུགས་ཡོད་རྒུས་གདོང་མཆོང་བྱེད་བཞིན་ཡོད།མི་རིང་བར་ས་མཐོའི་མུ་ཏིག་དེར་དེ་བས་འོད་སྟོང་འཕྲོ་བའི་འོད་ཟེར་འཕྲོ་ནས་རྒྱལ་ཁབ་ཀྱི་ནུས་རྒྱུའི་བྱ་གཞག་འཕེལ་རྒྱས་ལ་སྟོབས་ཤུགས་དེ་བས་ཆེ་བ་འབུལ་རྒྱུའི་ཡིད་ཆེས་བརྟན་པོ་བྱེད་ཀྱི་ཡོད།

རྨ་ཆུའི་གཡང་འཁྱིལ་ཆུ་ཤུགས་གློག་ཁང་ནི་མཚོ་སྔོན་ཞིང་ཆེན་གྱི“ལོ་ལྔ་ཚན་བཅུ་གཉིས་པའི”འཆར་འགོད་རིང་འཛུགས་སྐྲུན་གྱི་གཙོ་གནད་རྣམ་གྲངས་ཤིག་ཡིན་ལ་གློག་གཏོང་རྒྱུ་གཙོ་བོར་བྱེད་པའི་ཆུ་བེད་ཆུ་གློག་གི་ལྟེ་བའི་ལས་གྲྭ་ཆེ་གྲས་ཤིག་ཀྱང་རེད།གློག་ཁང་གི་སྒྲིག་སྦྱོར་བྱས་པའི་འཕྲུལ་འཁོར་ནས་གློག་གཏོང་ཚད་ཆན་ཝ་ཁྲི་120ཟིན་པ་དང་འཕྲུལ་འཁོར་རྐྱང་པའི་ཤོང་ཚད་ཆན་ཝ་ཁྲི་40ཟིན་པའི་མཉམ་བསྲེས་རྣམ་པའི་ཆུ་ཤུགས་གློག་འདོན་འཕྲུལ་འཁོར་3སྒྲིག་སྦྱོར་བྱས་ཡོད།

མིག་སྔར་གཡང་འཁྱིལ་ཆུ་ཤུགས་གློག་ཁང་གི་འཕྲུལ་ཚན་གསུམ་གྱི་དཔྱང་སྒྲིག་ཚང་མ་ལེགས་གྲུབ་ཟིན་པ་དང་།འཕྲུལ་ཚན་དང་པོའི་ལག་སྒུལ་ངང་པར་ལེན་ཚོད་ལྟ་ཐེངས་གཅིག་ལ་ལེགས་གྲུབ་བྱུང་ཡོད།རྒྱལ་སྟོན་རིང་འཕྲུལ་ཙུའུ་ཨང་2པས་ཛ་དྲག་ངང་སྙོམས་སྒྲིག་ཚོད་ལྟ་བྱེད་བཞིན་ཡོད་པ་དང་རྣམ་གྲངས་པུའི་དོ་དམ་མི་སྣ་དང་འཛུགས་སྐྲུན་ནང་ཞུགས་མཁན་ཚང་མས་ལས་གནས་བརྟན་སྲུང་བྱས་ཏེ་ལས་གྲྭའི་འཐབ་ས་དང་པོར་འབད་འཐབ་བྱས་ཏེ་འཕེལ་རིམ་ལ་དམ་འཛིན་དང་།སྤུས་ཚད་འགན་ལེན།ལས་ཡུན་བརྩོན་ལེན་བཅས་བྱས་ཏེ་དངོས་སྒྲུབ་ཀྱིས་མེས་རྒྱལ་ལ་ལེགས་སྐྱེས་ཕུལ་ཡོད།

མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་མང་རྫོང་ཁོངས་སུ་གནས་པའི་ཝ་རིང་ཆུ་འཐེན་ནུས་གསོག་གློག་ཁང་ནི་རྒྱལ་ཡོངས་ཀྱི་གཞི་ཁྱོན་ཆེ་ཤོས་ཀྱི་ཆུ་འཐེན་ནུས་གསོག་གློག་ཁང་གི་རྣམ་གྲངས་ཆེ་གྲས་གཉིས་པ་དང་།མཚོ་སྔོན་གྱི་སྣོད་བཅུད་ཤེས་དཔལ་འཛུགས་སྐྱོང་ལ་ཞབས་འདེགས་ཞུ་བ་དང་གློག་ཤུགས་མ་ལག་གསར་པ་འཛུགས་པའི་གཙོ་གནད་ལས་གྲྭ་ཞིག་ཡིན་པས།དེ་གར་ལྗང་མདོག་གི་ངོ་མཚར་ཞིག་མངོན་བཞིན་ཡོད།

ཀྲུང་གོ་ཆུ་བེད་ཆུ་གློག་ལས་གྲྭ་ཅུས་བཞི་པའི་ཚད་ཡོད་ཀུང་སིས་ཨར་སྐྲུན་གྱི“རྫོགས་ལྡན་དུས་སྐབས”དམ་འཛིན་བྱས་ནས་རྒྱལ་སྟོན་རིང་ལས་ཀ་ཆེན་པོ་བྱེད་པའི་ཚ་རླབས་འཕྱུར་བ་དང་འཛུགས་སྐྲུན་པ་ཚོས་ལས་གནས་བརྟན་སྲུང་བྱས་ཏེ་ཨར་ལས་ལས་འགན་ཁག་ལ་སྐུལ་འདེད་ནན་པོ་བཏང་བས་ས་གནས་ས་ཐོག་ཏུ་“ནུས་ཤུགས་ཚང་མ་འབྱེད་པའི”ཨར་ལས་རྣམ་པ་མངོན་ཡོད།

རླུང་འགྲོ་དང་བདེ་འཇགས་བྲག་ཕུག་གི་ཨར་ལས་བྱ་ཡུལ་དུ་འཛུགས་སྐྲུན་པས་ལས་གོས་གྱོན་པ་དང་མགོ་ལ་བདེ་འཇགས་ཞྭ་མོ་གྱོན་པ་དང་ལག་ཏུ་གློག་གསོར་འཁྱེར་ནས་བློ་རྩེ་གཅིག་སྒྲིམ་གྱིས་བྲག་ཕུག་གི་གཏིང་རྡོ་སྲུང་བའི་ཁུང་བུ་བཟོ་བའི་ཨར་ལས་བྱེད་བཞིན་ཡོད།ཤེས་རྟོགས་བྱུང་བར་གཞིགས་ན།བྲག་ཕུག་དེའི་ཇུས་འགོད་སྤྱི་འབོར་སྨི་2132ཟིན་པ་དང་ལས་འགོ་ཚུགས་པ་ནས་བཟུང་རིམ་རྩིས་བྱས་ན་སྨི་560ལེགས་གྲུབ་ཟིན་པ་དང་ལེགས་གྲུབ་བྱེད་ཚད་260%ཟིན་ཡོད།ཨར་ལས་ཀྱི་འཆར་གཞི་དང་འཕེལ་རིམ་ལ་གཞིགས་ནས་2025ལོའི་ཟླ་10པའི་ཟླ་མཇུག་ཏུ་དངོས་སུ་ལས་མཇུག་འགྲིལ་རྒྱུ་རེད།

གློག་ཁང་འོག་མཛོད་ཕྱོགས་བསྡུས་ལས་སྣོན་བཟོ་གྲྭར་འཛུགས་སྐྲུན་པ་ཚོས་ལྕགས་རྩིབས་དྲ་བའི་ཚ་ལ་རྒྱག་བཞིན་ཡོད་པ་དང་།ཁོང་ཚོས་ལག་རྩལ་བྱང་ཆུབ་པའི་སྒོ་ནས་ལྕགས་རྩིབས་ཤིག་ཚ་ལ་བརྒྱབ་ནས་དྲ་བ་བརྟན་པོ་ཞིག་ཆགས་པ་མཐོང་རྒྱུ་ཡོད།ས་གནས་ས་ཐོག་གི་ལས་སྣོན་བཟོ་གྲྭའི་འགན་འཁུར་བས“ང་ཚོའི་ཉིན་རེའི་ཐོན་འབབ་350ཙམ་ཟིན་པ་དང་ལྕགས་རྩིབས་དྲ་ལ་ཚ་ལ་བརྒྱབ་རྗེས་གཙོ་བོ་བྲག་ཕུག་ཁག་གི་ཐོག་མའི་སྲུང་སྐྱོང་ཨར་ལས་ལ་སྤྱོད་ཀྱི་ཡོད།དེ་ནི་བྲག་ཕུག་གི་ཡན་ལག་སྲུང་སྐྱོང་ཨར་ལས་ལ་མེད་དུ་མི་རུང་བའི་ལས་རིམ་ཞིག་ཡིན་པས་ཕུག་ལམ་གྱི་ཨར་ལས་ཁྲོད་ནུས་པ་གལ་ཆེན་ཐོན་གྱི་ཡོད”ཅེས་ངོ་སྤྲོད་བྱས་པ་རེད།

དེ་དང་འདྲ་བར་མཚོ་ལྷོ་ཁུལ་གྱི་ཡངས་ཤིང་རྒྱ་ཆེ་བའི་གྲམ་ཐང་ཐོག་འཛུགས་སྐྲུན་པ་ཚོས་ལྗང་མདོག་འཕེལ་རྒྱས་ཀྱི་ཕུགས་འདུན་བཟང་པོ་བརྟན་སྲུང་བྱས་ཡོད།ཐང་ཆེན་པོའི་བྲག་དཀར་རྫོང་གི་དྭངས་གཙང་དྲོད་རླངས་མཁོ་འདོན་གྱི་ལེ་ལག་ཚང་བའི་ཆན་ཝ་ཁྲི་40ཟིན་པའི་འོད་ཤུགས་རྣམ་གྲངས་འཛུགས་སྐྲུན་ཚ་ཚ་འུར་འུར་ངང་བྱས་པ་དང་།ས་གནས་ས་ཐོག་གི་ཨར་ལས་མི་སྣས་སྟོན་དུས་ཀྱི་ཨར་ལས་དུས་ཚོད་ཡག་ཤོས་དམ་འཛིན་བྱས་ནས་འཛུགས་སྐྲུན་གྱི་འཕེལ་རིམ་རྒྱུན་ཆད་མེད་པར་བཏོད་ཡོད།མིག་སྔའི་བར་རྣམ་གྲངས་དེའི་ཆན་ཕུའུ་330ཡི་གློག་གནོན་འཕར་ས་ཚིགས་ཀྱི་གྲུབ་ཆ་གཙོ་བོའི་ཨར་ལས་800%ལེགས་གྲུབ་ཟིན་པ་དང་།SVGརྨང་གཞི་དང་ཆན་ཕུའུ་35ཡི་འགག་སྒོ་ཕྱེ་བའི་ས་ཚིགས་དང་དེ་བཞིན་གཙོ་བོའི་རྨང་གཞིའི་ཨར་ལས་ཚང་མ་ལེགས་གྲུབ་ཟིན་པ།འོད་ཤུགས་ཁུལ་གྱིས་ཨར་ལས་གྲ་སྒྲིག་ལས་དོན་སྤེལ་བཞིན་ཡོད་པ་རེད།

རྒྱལ་སྟོན་རིང་།ཀྲུང་གོ་ལྗང་མདོག་འཕེལ་རྒྱས་མཚོ་སྔོན་ཡན་ལག་ཀུང་སིའི་ལས་མི་དང་ཨར་ལས་མི་སྣ་400ལྷག་ཙམ་གྱིས་མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་རང་སྐྱོང་ཁུལ་ན་གོར་མོ་གྲོང་ཁྱེར་གྱི་ཤར་རྒྱུད་དུ་འོད་ཤུགས་གླིང་ཁུལ་དུ་ཕྱིར་གཏོང་བྱས་ནས་འཛམ་གླིང་གི་གཞི་ཁྱོན་ཆེ་ཤོས་ཀྱི་གཤེར་རྣམ་མཁའ་རླུང་ནུས་གསོག་རྣམ་གྲངས་ཏེ།མཚོ་སྔོན་གྱི་ཆན་ཝ་ཁྲི་6རེར་གཤེར་རྣམ་རླུང་གསོག་དཔེ་སྟོན་རྣམ་གྲངས་མགྱོགས་མྱུར་བསྐྲུན་པ་རེད།

“མིག་སྔའི་བར་རྣམ་གྲངས་དེའི་སྤྱིའི་ལས་གྲྭའི་བསྡོམས་འབོར་གྱི་70%ལེགས་གྲུབ་ཟིན་པའི་ནང་ཨར་ལས་འཛུགས་སྐྲུན་གྱི་ཆ་ཤས་ཚང་མ་ལེགས་གྲུབ་ཟིན་པ་དང་།སྒྲིག་ཆས་ཆེ་གྲས་དཔྱང་འཇུག་དང་།མདོང་ལམ་འདིང་བ།ཕྱི་ནང་མཛེས་བཟོ་སོགས་ཀྱི་ལས་དོན་ཚ་ཚ་འུར་འུར་ངང་སྤེལ་བཞིན་ཡོད་པ་དང་2024ལོའི་ལོ་མཇུག་ཏུ་བསྐྲུན་ཟིན་ནས་ཐོན་སྐྱེད་བྱེད་འགོ་འཛུགས་རྒྱུའི་འཆར་གཞི་ཡོད”།

རྣམ་གྲངས་ཀྱི་ཐེངས་གཅིག་གསོག་ནུས་ཀྱིས་གློག་དྲར་བསྟུད་མར་ཆུ་ཚོད་10གློག་གཏོང་ཐུབ་པ་དང་ཆུ་ཚོད་རེར་ཆན་ཝ་ཁྲི་60ཡི་གློག་ནུས་གཙང་མ་ཕྱིར་གཏོང་ཐུབ་རྒྱུ་རེད།རྣམ་གྲངས་དེས་བར་གནོན་དྲོད་ཚད་དམའ་བའི་གྲང་གསོག་ལག་རྩལ་སྤྱད་དེ་རླུང་རྣམ་གྱི་མཁའ་རླུང་དེ་གཤེར་གཟུགས་མཁའ་རླུང་དུ་བསྒྱུར་བ་དང་།རླུང་འདོར་འོད་འདོར་གློག་ནུས་སྤྱད་དེ་རླུང་རྣམ་གྱི་མཁའ་རླུང་དེ་སྟུག་ཚད་མཐོ་བ་དང་སྔོན་པོའི་གཤེར་གཟུགས་མཁའ་རླུང་དུ་བསྒྱུར་ནས་ལྕགས་ཀྲིན་ཆེན་པོའི་ནང་གསོག་འཇོག་བྱས་ཏེ་གློག་སྤྱོད་སྐབས་སླར་ཡང་རླུང་རྣམ་གྱི་མཁའ་རླུང་དུ་བསྒྱུར་ནས་གློག་འདོན་འཕྲུལ་འཁོར་ལ་སྐུལ་འདེད་གཏོང་དགོས།ལག་རྩལ་དེའི་ཁྱད་ཆོས་ནི་ཤོང་ཚད་ཆེ་བ་དང་།ནུས་གསོག་དུས་ཚོད་རིང་བ།བདེ་འཇགས་ཁོར་ཡུག་སྲུང་སྐྱོང་གི་སྒོ་ནས་ས་ཁམས་ཁོར་ཡུག་མི་འདྲ་བའི་འོག་འཛུགས་སྐྲུན་བྱེད་ཐུབ་པ་བཅས་ཀྱི་ཐོག་ནས་གྲོང་ཁྱེར་གྱི་ནུས་རྒྱུ་སྤྱོད་པའི“གློག་གསོག་པའི་ནོར་ཆེན”ཞིག་བྱས་ནས་དུད་ཚང་ཁྲི་སྟོང་མང་པོར་གློག་ནུས་གཙང་མ་འབུལ་ཐུབ་རྒྱུ་རེད།

ཅ་ཤིས་གཞུང་ལམ་རྣམ་གྲངས་ཀྱི་ས་གནས་ས་ཐོག་ཏུ་སྟོན་དུས་ཀྱི་མཛེས་ལྗོངས་རི་མོ་ལྟར་བྲིས་ཡོད་པ་དང་།རྣམ་གྲངས་དེ་རྒྱལ་སྟོན་གུང་གསེང་རིང་ཀན་ཁྲེན་ཁོའུ་ཟམ་ཆེན་དང་རིག་ཚན་ཐང་ཟམ་ཆེན་གྱི་གཡས་ངོས་སུ་བརྟན་པོའི་ངང་བསྐྲུན་རྒྱུ་ཡིན་པ་དེ་ཐོག་ནས་ཅ་ཤིས་གཞུང་ལམ་གྱི་ལམ་ཐིག་ཧྲིལ་པོའི་ཆུ་སྤྱིར་ན་ལེགས་གྲུབ་བྱུང་བ་མཚོན་ཡོད་པ་རེད།ཐག་མི་རིང་བའི་སར་ཡོན་ཕུའུ་ལུང་ཤུར་གྱི་ཟམ་པ་དང་པོ་ནས་ཡོན་ཕུའུ་ལུང་ཤུར་གྱི་ཟམ་པ་གཉིས་པར་སྣུམ་སྙིགས་འདིང་བཞིན་ཡོད་པ་དང་ཨར་ལས་བྱ་ཡུལ་དུ་འཕྲུལ་ཆས་ཀྱིས་འུར་སྒྲ་གྲགས་པ་དང་།སྣུམ་སྙིགས་འདིང་བ་དང་སྒྲིག་ཆས་ནུས་ཤུགས་ཡོད་རྒུས་འཁོར་སྐྱོད་བྱེད་བཞིན་ཡོད་པས་བཟོ་པ་རྣམས་དེའི་ཁྲོད་དུ་བྲེལ་འཚུབ་ཀྱི་རྣམ་པ་ཞིག་ཡོད།

“ང་ཚོས་ཟླ་10པའི་ཟླ་མཇུག་ཏུ་དགའ་ལྡན་གྱི་ཁ་སའི་སྣུམ་སྙིགས་ལྷག་རིམ་པའི་ཨར་ལས་ལེགས་གྲུབ་ཡོང་བའི་བརྩོན་ལེན་བྱས་ནས་ལོ་མཇུག་ཏུ་དགའ་ལྡན་གྱི་ཁ་སྦྲེལ་མཐུད་ཁུལ་དུ་རླངས་འཁོར་ཤར་གཏོང་ཐུབ་རྒྱུར་རྨང་གཞི་བཏིང་ཡོད”ལས་གྲྭ་པུའི་འགན་འཁུར་བ་ལི་ཅན་ཅུན་གྱིས་གསར་འགོད་པར་ཅ་ཤིས་གཞུང་ལམ་ནི་མཚོ་སྔོན་ཞིང་ཆེན་འགྲིམ་འགྲུལ་སྐྱེལ་འདྲེན་གྱི“ལོ་ལྔ་ཚན་བཅུ་གསུམ་པའི”གཙོ་གནད་འཆར་འགོད་འཛུགས་སྐྲུན་རྣམ་གྲངས་ཤིག་ཡིན་པ་དང་རྣམ་གྲངས་བསྐྲུན་རྗེས་རྒྱལ་ཁབ་ཀྱི་ནུབ་རྒྱུད་ཐོན་འབྱེད་ཆེ་མོའི་འཐབ་ཇུས་ལག་བསྟར་བྱེད་མགྱོགས་སུ་གཏོང་བ་དང་རྒྱལ་ཁབ་ཀྱི་གཙོ་གནད་དཔལ་འབྱོར་ཁུལ་འཕེལ་རྒྱས་དང་དེ་བཞིན་ལམ་རྒྱུད་ཀྱི་ཐོན་ཁུངས་གསར་སྤེལ་ལ་སྐུལ་འདེད་གཏོང་རྒྱུར་དོན་སྙིང་གལ་ཆེན་ལྡན་ཡོད་ཅེས་ངོ་སྤྲོད་བྱས་པ་རེད།མིག་སྔར་ལམ་གཞི་འགེབས་པ་དང་།ཟམ་པའི་ལས་གྲྭ་གཙོ་བོ།བྱང་རིའི་ཕུག་ལམ་རིང་གྲས་ཀྱི་ནང་འདྲེན་དུམ་བུའི་གཡས་གཡོན་གྱི་བྲག་ཕུག་དང་ཕྱིར་གཏོང་དུམ་བུའི་གཡས་གཡོན་གྱི་བྲག་ཕུག་སོགས་གཙོ་གནད་ཨར་ལས་མཚམས་ཚིགས་ལེགས་གྲུབ་ཟིན་པ་དང་སྔོན་དཔག་བྱས་ན།2025ལོའི་ལོ་སྨད་དུ་རླངས་འཁོར་ཤར་གཏོང་ཐུབ་རྒྱུ་རེད།

གཙང་སེལ་རྣམ་གྲངས་ཀྱི་འགོ་འཛུགས་ས་ནི་མཚོ་སྔོན་ཞིང་ཆེན་མཚོ་ཤར་གྲོང་ཁྱེར་གྲོང་མི་དང་ཧུད་རིགས་ཧོར་རིགས་རང་སྐྱོང་རྫོང་ཀོན་ཐིང་གྲོང་རྡལ་དུ་གནས་པ་དང་ཁྲོན་ཁོའུ་ནས་ཏ་ཧོ་ཅ་བར་གྱི་མྱུར་བགྲོད་གཞུང་ལམ་དང་མཉམ་དུ་སྦྲེལ་མཐུད་བྱས་ཏེ་ཀུའོ་ཅ་གྲོང་ཚོའི་ནུབ་བྱང་དུ་ཀུའོ་ཅ་ལྟེ་གནས་བཙུགས་ནས་ཀན་སུའུ་ཞིང་ཆེན་ཉིང་ཞ་ནས་ཏ་ཧོ་ཅ་བར་གྱི་མྱུར་བགྲོད་གཞུང་ལམ་སྦྲེལ་མཐུད་བྱས་པ་དང་།ལམ་ཐིག་མུ་མཐུད་ནུབ་བྱང་དུ་སྣུར་སྲིང་བྱས་ནས་ཅི་ཧྲི་ཞའི་ཆུ་ཤུགས་གློག་ཁང་གི་རགས་ཆེན་བྱང་ངོས་ཡ་རྫི་ས་ལར་རིགས་རང་སྐྱོང་རྫོང་དུ་བསྐྱོད་དེ་སླར་ཡང་ཧྲི་ཞ་ཆུ་མཛོད་ཁུལ་གྱི་རྨ་ཆུའི་ངོགས་གཉིས་སུ་འབྲེལ་མཐུད་བྱས་ཡོད།

དུས་ཆེན་རིང་།གཙང་སེལ་རྣམ་གྲངས་ཀྱིས་སྔ་སྣུར་དུ་ཨར་ལས་འཆར་གཞི་ཞིབ་ཕྲ་བཟོས་ནས་ཅི་ཧྲི་འགག་རོང་གི་རྨ་ཆུའི་ཟམ་ཆེན་དང་།སོ་ཐུང་རྨ་ཆུའི་ཟམ་ཆེན་ཁ་པའི་རྨ་ཆུའི་ཟམ་ཆེན་སོགས་ཚོད་འཛིན་རང་བཞིན་གྱི་ལས་གྲྭ་གཙོ་གནད་ལས་ཡུལ་དུ་མི་སྣ་དང་འཕྲུལ་ཆས་སྒྲིག་ཆས་ཀྱི་གཏོང་ཆ་མང་དུ་བཏང་བ་དང་།རྣམ་གྲངས་ཀྱི་དོ་དམ་མི་སྣ་གཙོ་བོས་ལས་གནས་བརྟན་སྲུང་དང་།ས་གནས་ས་ཐོག་ཏུ་དམ་པོར་དམིགས་ནས་མཛུབ་ཁྲིད་དང་།མཐུན་སྦྱོར།ཞབས་ཞུ།འགན་ལེན་སོགས་ཀྱི་ལས་དོན་ཕྱོགས་ཡོངས་ནས་ཡག་པོ་བསྒྲུབས་ཏེ་ལོ་འཁོར་གྱི་དུས་ཚིགས་དམིགས་ཚད་ལས་འགན་གྱི་ཕྱོགས་སུ་མཐའ་མའི་གདོང་མཆོང་བྱེད་ཀྱི་ཡོད།

ཆུ་ཤུགས་གློག་ཁང་ཅུས་བཞི་པས་སྐྲུན་འགན་འཁུར་བའི་མཚོ་སྔོན་ཞིང་ཆེན་ཟི་ལིང་གྲོང་ཁྱེར་གྱི་སློབ་འབྲིང་བདུན་པའི་རྒྱས་སྐྲུན་རྒྱས་སྐྲུན་རྣམ་གྲངས་སྤེལ་ཡུལ་དུ་སྐྱོད་སྐབས་འཕྲུལ་འཁོར་གྱིས་འུར་སྒྲ་ཆེན་པོ་སྒྲོག་པ་དང་འཛུགས་སྐྲུན་པ་200ཙམ་བྲེལ་འཚུབ་ངང་ཨར་ལས་བྱ་ཡུལ་ཧྲིལ་པོར་སྒྲིག་ལམ་ཡག་པོ་ཡོད་པ་རེད།ཤེས་རྟོགས་བྱུང་བར་གཞིགས་ན།མིག་སྔར་རྣམ་གྲངས་ཀྱི་ཕྱོགས་བསྡུས་སློབ་ཁྲིད་ཐོག་ཁང་དང་པོའི་མེ་ཟོན་དང་།རླུང་འགྲོ།ཆུ་གློག་སྒྲིག་སྦྱོར་བཅས་ཚང་མ་ལེགས་གྲུབ་ཟིན་པ་དང་ཁང་པའི་ནང་མཛེས་བཟོ་ཁྱོན་ཡོངས་ནས་བྱེད་འགོ་ཚུགས་པ་དང་།ཕྱོགས་བསྡུས་སློབ་ཁྲིད་ཐོག་ཁང་ཨང་2པ་དང་4པ།དཔེ་མཛོད་ཁང་ཨང་5པ་བཅས་གྲུབ་ཆའི་ཨར་ལས་ཐེངས་གཉིས་པར་སླེབས་པ་དང་ཁང་པའི་ནང་གི་མེ་ཟོན་དང་།རླུང་འགྲོ་།ཆུ་གློག་སོགས་རྣམ་གྲངས་དུས་ཚོད་ཀྱི་མཚམས་ཚིགས་ལྟར་གོ་རིམ་ལྡན་པའི་ངང་སྐུལ་འདེད་གཏོང་བཞིན་ཡོད་པ་རེད།

“འཆར་གཞི་ལྟར་ན།སང་ལོའི་ཟླ་9པའི་ཚེས་1དང་།2པ།4པ་བཅས་ཀྱི་སློབ་ཁྲིད་ཐོག་ཁང་དང་དཔེ་མཛོད་ཁང་ཨང་5པ་བཅས་དངོས་སུ་སྤྱོད་འགོ་ཚུགས་རྒྱུ་ཡིན་པས་སྐབས་དེ་དུས་ཕྲུ་གུ་ཚོས་སློབ་ཁང་གསར་པར་སློབ་ཚན་འཁྲིད་ཐུབ་ཀྱི་ཡོད”ཅེས་རྣམ་གྲངས་ཀྱི་རྒྱུན་ལས་ཅིང་ལི་གཞོན་པ་པུའུ་ཕེང་ཀྲེན་གྱིས་བཤད།

རྒྱལ་སྟོན་གུང་གསེང་རིང་མཚོ་སྔོན་གྱི་ས་གཞི་ཆེ་མོར་རྒྱང་ལྟ་བྱེད་སྐབས་འཛུགས་སྐྲུན་པ་ཚོས་འཐབ་ས་དང་པོའི་ལས་གནས་བརྟན་སྲུང་དང་།“འབད་འཐབ”ཀྱི་སྙིང་སྟོབས་དང་སྙིང་རུས་ལ་བརྟེན་ནས་དུས་ཚོད་སྐར་ཆ་ཙམ་ཡང་བརྩོན་ལེན་དང་འབད་འཐབ་ཀྱི་སྙིང་སྟོབས་དར་སྤེལ་བཏང་སྟེ་ནུས་ཤུགས་ཡོད་རྒུས་རྣམ་གྲངས་འཛུགས་སྐྲུན་ལ་སྐུལ་འདེད་བཏང་ནས་ངར་ཤུགས་ཆེན་པོ་དང་དཀའ་སྤྱད་ཀྱི་རྔུལ་ཆུ་བཏོན་ནས་མེས་རྒྱལ་ལ་ལེགས་སྐྱེས་ཕུལ་བ་རེད།