མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
རྒྱལ་སྟོན་གྱི“རྫོགས་ལྡན་གཟའ་འཁོར”རིང་མཚོ་སྔོན་ཞིང་ཆེན་རིག་གནས་ཡུལ་སྐོར་སྡེ་ཚན་གྱིས་རིགས་ཁག་གི“སྟོན་མོ”གྲ་སྒྲིག་ཞིབ་ཚགས་བྱས་ནས“གུང་གསེང་རིང་གི་དཔལ་འབྱོར”སྤར་ནས་མཚོ་སྔོན་གྱི་དཔལ་འབྱོར་ལ་གསོན་ཤུགས་རབ་ཏུ་འཕེལ།
གུང་གསེང་རིང་གི་ཉིན་གསུམ་རིང་རིག་གནས་ཁང་ནས་ཚོང་ལས་ཁྲོམ་གཞུང་བར་དང་།གསར་བརྗེའི་ཡུལ་སྐོར་ནས་གྲོང་གསེབ་ཀྱི་ཡུལ་སྐོར་བར།ལམ་ཐུང་མཐའ་འཁོར་ནས་ཐག་རིང་ཡུལ་སྐོར་བར་བཅས་ཀྱི་བར་ལས་རྣམ་གསར་པ་དང་རྣམ་པ་གསར་པ་ཟམ་མི་ཆད་པར་ཐོན་པ་དང་།རིག་གནས་ཡུལ་སྐོར་གྱི་འཛད་སྤྱོད་མི་མངོན་པའི་ནུས་པ་རྒྱུན་མཐུད་ངང་འདོན་སྤེལ་ཐུབ་པ།ཞིང་ཆེན་ཡོངས་ཀྱི་རིག་གནས་ཡུལ་སྐོར་མཛེས་ལྗོངས་ཁུལ་ཁག་ཏུ་མི་མང་དུ་འགྲོ་བཞིན་ཡོད།
རིག་གནས་ཡུལ་སྐོར་གྱི་འཕེལ་རྒྱས་གསར་པ་བྱུང་བ་དང་གུང་གསེང་རིང་གི་དཔལ་འབྱོར་འཕེལ་རྒྱས་ཆེན་པོ་བྱུང་བ།
སྟོན་ཁའི་མེ་ཏོག་གི་དྲི་ཞིམ་འཐུལ།མཚོ་སྔོན་ཞིང་ཆེན་ཟི་ལིང་གི་རི་སྐྱེས་སྲོག་ཆགས་གླིང་གིས་ཡུལ་སྐོར་བར་མཐོང་ཚོར་གྱི་སྟོན་མོ་གཟབ་རྒྱས་ཤིག་གྲ་སྒྲིག་བྱས་པ་སྟེ།སྟོན་དུས་ཀྱི་ལུག་མིག་མེ་ཏོག་འགྲེམས་སྟོན་བྱས་པ་རེད།ཡུལ་སྐོར་བའི་ཞབས་ཞུ་ལྟེ་གནས་ནས་ཤར་ཕྱོགས་སུ་བསྐྱོད་པ་དང་།ཆུ་བྱ་དང་མཚེའུ་ཡི་ཐང་ཆེན་དུ་རིམ་པ་བཞིན་བསྒྲིགས་པའི་ཆིའུ་ཅུས་ཀྱིས་སྲོག་ཆགས་གླིང་དེ་ཧ་ཅང་དྭངས་ཤིང་གཙང་བའི་སྟོན་ཁའི་མཛེས་ལྗོངས་ཤིག་ཏུ་བརྒྱན་ཡོད།
ད་ཐེངས་ཀྱི་རྨ་ཆུ་དང་ཙོང་ཆུའི་སྟོན་དུས་ཀྱི་ལུག་མིག་མེ་ཏོག་འགྲེམས་སྟོན་དེ“ལུག་མིག་མེ་ཏོག་གི་ཉམས་འགྱུར་སྟོན་དུས།སྙན་ངག་གི་ཉམས་འགྱུར་ལྡན་པའི་སྐྱེད་ཚལ”ཞེས་པ་བརྗོད་དོན་གཙོ་བོར་བྱས་པ་དང་།“སྙན་ཚིག་མཉམ་དུ་མྱོང་རོལ་བྱེད་པ་དང་།མེ་ཏོག་སྣ་མང་ཕུན་སུམ་ཚོགས་པར་བྱེད”ཅེས་པ་གཞི་རྟེན་དུ་བྱས་ནས་ཐང་ཆེན་མཐའ་འཁོར་གྱི་མེ་ཏོག་དང་མེ་ཏོག་ཞའོ་ལི་སོགས་མེ་ཏོག་དང་ཟུང་འབྲེལ་བྱས་ཏེ་གནའ་བོའི་སྙན་ཚིག་ལ་གཞོགས་འདེགས་བྱས་པས་ཡུལ་སྐོར་བའི་འགྲེམས་སྟོན་གྱི་རྣམ་པ་ཕུན་སུམ་ཚོགས་སུ་ཕྱིན་ཡོད་པ་རེད།
ལུག་མིག་མེ་ཏོག་4000ལྷག་ཙམ་གྱིས་ཐུན་མོང་མ་ཡིན་པའི་ཚོན་མདངས་དང་རྣམ་པའི་ཐོག་ནས་པར་ལེན་དང་མེ་ཏོག་ལ་དགའ་པོ་བྱེད་མཁན་མང་པོ་ཞིག་གི་ཡིད་དབང་བཀུག་པ་དང་།ཡུལ་སྐོར་བ་ཚོས་ལྟད་མོ་བྱེད་པའམ་ཡང་ན་དྲན་རྟེན་པར་རྒྱག་པ་བཅས་བྱས་ནས་ཕྲུ་གུ་ཚོ་དགའ་སྤྲོའི་ངང་མེ་ཏོག་ཁྲོད་རྩེད་འཇོར་རོལ་བ་དང་དགའ་སྤྲོའི་དགོད་སྒྲས་ཁེངས།ཤིས་ཨན་གྱི་ཡུལ་སྐོར་བ་ལིའུ་མེ་ཡིས“སྲོག་ཆགས་གླིང་དུ་མེ་ཏོག་ལ་ལྟ་རྒྱུ་ཡོད་པ་ཡིད་ལའང་མ་ཤར།གླིང་དེའི་ནང་གི་ལུག་མིག་མེ་ཏོག་དང་དེ་བཞིན་མེ་ཏོག་སྣ་ཚོགས་ཧ་ཅང་མཛེས་པོ་འདུགསྒོ་འཛིན་དེ་ནི་དངོས་གནས་ཡག་པོ་འདུག”ཅེས་དགའ་སྤྲོའི་ངང་བཤད།
མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་རང་སྐྱོང་ཁུལ་ན་གོར་མོ་གྲོང་ཁྱེར་དུ་རྨི་ལམ་ལྟར་སྣང་བའི“ཁུ་ནུའི་གནས་མཆོག་གི་མཚན་གྲོང”ཞིག་ཡུལ་སྐོར་བ་དང་གྲོང་མིས་དོ་ཁུར་བྱེད་པའི་གནད་འགག་ཏུ་གྱུར་ཡོད།
མཚན་མོ་བབས་ནས་མཚན་མོའི་གྲོང་ཁྱེར་དུ་སླེབས་པ་དང་།སྐད་ཅིག་ཙམ་ལ་ངོ་མཚར་ཆེ་བའི་ལྷ་ཡུལ་དུ་བསྐྱོད་པ་དང་འདྲ།འོད་མདངས་འཕྲོ་བའི་གློག་འོད་དང་འོད་ཀྱི་འོད་སྣང་ཕན་ཚུན་འདྲེས་པའི་འཕྲུལ་སྣང་གི་རྣམ་པ་ལས་མཐོང་ཚོར་དྲག་པོ་བྱུང་།ཁྲོམ་གཞུང་དུ་བཀོད་སྒྲིག་ཞིབ་ཚགས་བྱས་པའི་མཉམ་འགུལ་གཱ་རྒྱག་སར་ཡུལ་སྐོར་བའི་ཡིད་དབང་བཀུག་ནས་དྲན་རྟེན་པར་བརྒྱབ་པ་རེད།ངོ་མཚར་ཆེ་བའི་འཁྲབ་སྟོན་ཞིག་གིས་མི་རྣམས་ལ་ལྟ་ཁོམ་མེད་པ་དང་།ཉམས་འགྱུར་སྣ་མང་གི་རྣམ་པ་ལས་མི་རྣམས་ལ་ཡུལ་དུས་མི་འདྲ་བའི་ཁྲོད་དུ་ཁྱབ་པའི་ཚོར་སྣང་ཞིག་སྟེར།ཁྱད་ཆོས་ལྡན་པའི་ཟས་ཞིམ་སྣ་ཚོགས་ཀྱིས་མི་སེམས་འགུལ་བའི་དྲི་ཞིམ་འཐུལ།མི་ཡུལ་གྱི་དུ་བས་ཁེངས་པའི་སྟོན་མོ་དེར་བྲོ་བ་ཟབ་མོ་བསྣན་ཡོད།
“ཁུ་ནུའི་གནས་མཆོག་མཚན་གྲོང་”གིས་ཁུ་ནུའི་རིག་གནས་ཀྱི་ནང་དོན་ཟབ་མོར་བརྟེན་ནས་དེང་རབས་ཚན་རྩལ་བྱེད་ཐབས་དང་ཟུང་འབྲེལ་མཁས་པོ་བྱས་ཏེ་ཟས་ཞིམ་དང་།འཁྲབ་སྟོན།སྤྲོ་གསེང་།རོལ་རྩེད།རིག་གནས་བཅས་གཞི་གཅིག་ཏུ་འདུས་པའི་མཉམ་འདྲེས་རིག་གནས་ཡུལ་སྐོར་གྱི་ཚོང་ལས་ཁྲོམ་གཞུང་ཞིག་བཏོད་ཡོད།གུང་གསེང་རིང་དེས་གྲོང་མི་དང་ཡུལ་སྐོར་བའི་སྣ་མང་ཅན་གྱི་བཟའ་བཏུང་འཛད་སྤྱོད་ཀྱི་དགོས་མཁོ་སྐོང་ཐུབ་པ་མ་ཟད།ན་གོར་མོའི་མཚན་མོའི་དཔལ་འབྱོར་གྱི་གསོན་ཤུགས་ཀྱང་དབྱར་མཚོ་རྒྱས་པ་ལྟར་འཕེལ་ཡོད།
རྒྱལ་སྟོན་གུང་གསེང་རིང་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་བྲག་དཀར་རྫོང་ཙི་འཁོར་ཐང་གྲོང་རྡལ་གྱི་ཁྲོམ་གཞུང་དུ་སྐར་ལྔའི་དར་དམར་བཀལ་ཡོད།ཟླ་10ཚེས་2ཉིན།མཚོ་ལྷོ་ཁུལ་བྲག་དཀར་རྫོང་ཏུང་ཀེར་ཐང་ཆེན་དུ་2024ལོའི་ཀྲུང་ལུགས་དང་བོད་ལུགས་གསོ་རིག་རིག་གནས་མཚན་ཁྲོམ་གཉེར་ནས་མངོན་མིན་རིག་གནས་ཤུལ་བཞག་གི་རྣམ་གྲངས་འགྲེམས་སྟོན་དང་།མངོན་མིན་རིག་གནས་ཤུལ་བཞག་གི་ཐོན་རྫས་འགྲེམས་སྟོན།མངོན་མིན་རིག་གནས་ཤུལ་བཞག་གི་རྣམ་གྲངས་ཉམས་ལེན་སོགས་ཀྱི་རྣམ་པའི་ཐོག་ནས་དམངས་གཞས་དང་།རྩེ་རུ།རྒྱན་གོས་སོགས་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྣམ་གྲངས་གཅིག་སྡུད་ཐོག་མངོན་པར་བྱས་ཏེ་མི་རིགས་ཁག་གི་མང་ཚོགས་ཚོས་ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་ཀྱི་ཐུན་མོང་མ་ཡིན་པའི་ཡིད་དབང་འཕྲོག་ཤུགས་ཉམས་སུ་མྱོང་རོལ་ཐུབ་པ་བྱས་ཡོད།
རྫོང་གྲོང་གཞན་ཞིག་གི་གེ་སར་རྐང་ཐང་ཁྲོམ་གཞུང་དུ་ཀྲུང་གོ་ལྕགས་ལམ་གྱི་དངུལ་བཟོ་བ་དང་བོད་ཤོག་སོགས་ས་གནས་མི་རིགས་ཀྱི་ཁྱད་ཆོས་ལྡན་པའི་ཚོང་ཁང་རྒྱུན་གཏན་ལྟར་ལས་གཉེར་བྱེད་ཀྱི་ཡོད་པ་དང་དེའི་ནང་མངོན་མིན་རིག་གནས་ཤུལ་བཞག་གི་རྒྱན་ཆ་དང་ཡོ་བྱད་སྣ་ཚོགས་ཀྱིས་ཁེངས་ཤིང་།དེར་ཡོང་མཁན་སྐུ་མགྲོན་རྒྱུན་ཆད་རྒྱུ་མེད།ལས་ཀའི་མདུན་དུ་བོད་བཟོའི་དངུལ་ཆས་བཟོ་རྩལ་གྱི་རྫོང་རིམ་པའི་རྒྱུན་འཛིན་པ་ལུང་བོད་རྒྱལ་མཚན་གྱིས་བྱང་ཆུབ་པའི་ངང་ཐོ་བ་དང་གཟོང་འབྲུ་བླངས་ཏེ་གོང་འོག་གཡས་གཡོན་དུ་བརྐོས་པ་དང་ཡུད་ཙམ་མ་སོང་བར་ལག་ནང་གི་དངུལ་ཆས་ཐོག་འབུར་འབུར་གྱི་རི་མོ་སྤུས་ལེགས་མངོན་པས་ཡུལ་སྐོར་བའི་བསྔགས་བརྗོད་ཀྱི་སྒྲ་མང་པོ་ཞིག་གྲགས་བྱུང་།
རི་ཀླུང་དམར་པོར་གྱུར་པ་དང་རིག་གནས་ཡུལ་སྐོར་གྱི་མེ་ལྕེ་རབ་ཏུ་འབར་བའི་ཚ་ནུས་ཆེན་པོ་ལྡན་པ།
གུང་གསེང་འདིར་མི་མང་པོ་ཞིག་གིས་གུང་གསེང་གི་སྒོ་འབྱེད་པའི་བྱེད་སྟངས་ནི་རྒྱང་རིང་གི་རི་ཀླུང་གི་གདན་ཞུ་དང་ལེན་བྱས་ཏེ་ལྟ་སྐོར་དང་།ཉམས་ལེན།མྱོང་རོལ་བཅས་བྱེད་པར་འགྲོ་རྒྱུ་དེ་ཡིན།
ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་75འཁོར་བར་རྟེན་འབྲེལ་ཞུ་ཆེད།ཚྭ་ཁ་ཚྭ་མཚེའུ་མཛེས་ལྗོངས་ཁུལ་གྱིས་བརྗོད་དོན་གཙོ་བོའི་འཁྲབ་སྟོན་བྱེད་སྒོ་རབ་དང་རིམ་པ་ཆེད་མངགས་ཇུས་འགོད་བྱས་ནས་སྤེལ་བའི་ནང་མྱུར་བགྲོད་འཁྲབ་སྟོན་དང་།གླུ་གར་འཁྲབ་སྟོན།མིག་འཕྲུལ་འཁྲབ་སྟོན་སོགས་ཚུད་ཡོད།བྱེད་སྒོ་སྤེལ་ཡུལ་དུ་གཙོ་སྐྱོང་པས་ལྟད་མོ་བ་གདན་དྲངས་ནས་མཉམ་འགུལ་ངང་གླུ་དབྱངས་ལེན་པ་དང་དགའ་སྤྲོའི་ངང་ནས་མཛེས་ལྗོངས་ཁུལ་དུ་བསྐྱོད།
ཨང་རྟགས་20201026པའི་རྒྱལ་དར་གནམ་བདེ་སྒོ་མོ་ཆེ་ནས་ཚྭ་ཁ་མཛེས་ལྗོངས་ཁུལ་དུ་འབྱོར་ནས་མཛེས་ལྗོངས་ཁུལ་གྱི་རྒྱལ་སྟོན་བྱང་བུ་རྒྱག་པའི་མཚོན་རྟགས་སུ་གྱུར་ཡོད།ཡུལ་སྐོར་བས་བླ་ན་མེད་པའི་རྒྱལ་དར་དེ་དང་དྲན་རྟེན་སྐུ་པར་བསྐྱོན་ནས་མེས་རྒྱལ་ལ་གུས་འདུད་ཟབ་མོ་ཞུས་པ་དང་ཆབས་ཅིག་འགྲུལ་བཞུད་ཆེད་བརྗེད་པར་དཀའ་བའི་དྲན་ཤེས་བཞག་ཡོད།རྒྱལ་སྟོན་གུང་གསེང་ཉིན་དང་པོར་ཚྭ་ཁ་མཛེས་ལྗོངས་ཁུལ་གྱིས་ཡུལ་སྐོར་བ་མི་ཐེངས་ཁྲི་1.5ཙམ་ལ་སྣེ་ལེན་ཞུས་པ་དེ་དུས་མཚུངས་ལས་38.88%འཕར་ཡོད།
སྤྱི་ལེ་ཁ་ཤས་ཀྱི་ཕྱི་རོལ་དུ་མཛེས་ལྗོངས་ཁུལ་དང་ཐག་ཉེ་བའི་ཚྭ་ཁ་གྲོང་རྡལ་ཚྭ་ཁ་གྲོང་ཚོ་དང་པ་དབྱིན་གྲོང་ཚོའི་མགྲོན་ཁང་ལའང་མཉམ་དུ་ཕན་པ་ཐོབ་ནས་སྔོན་མངགས་བྱེད་མཁན་མང་པོ་ཡོད་པ་དང་སྡོད་མཁན་མང་པོ་ཡོད།
ཉེ་སྔོན།ཚྭ་ཁ་གྲོང་ཚོའི་མེ་ཏོག་སོས་པ་བཞད་པའི་གྲོང་ཚོའི་ལམ་དུ“མོ་ཧྥན·དབྱི་གཙང”ཞེས་པའི་ཁྱིམ་ཚང་མགྲོན་ཁང་ཞིག་ཏུ་བསྐྱོད་སྐབས་ཁྱིམ་ཚང་མགྲོན་ཁང་མཛེས་བཟོ་བྱས་པ་ཧ་ཅང་ཡག་པོ་ཡོད་པ་དང་ཁང་པའི་སྒེའུ་ཁུང་གསལ་པོ་ཡོད་པ་མཐོང་ཐུབ།“ང་ཚོའི་འདི་གར་ཤིང་རྣམ་པའི་དཔྱང་ཁྲིའི་ཁང་པ་དང་།དྲོ་སྐྱིད་ལྡན་པའི་བུ་ཕྲུག་གི་ཁང་པ།མེ་ཏོག་ལྡུམ་རའི་སྐར་ཚོགས་བཀྲ་བའི་ཉལ་ཁྲི་ཆེན་པོ་སོགས་ཁང་པ་སྣ་ཚོགས་ཡོད་པས་ཉལ་ཁྲི་ཚང་མ་སྐར་མ་རིམ་པའི་ཨར་ཁང་ལྟར་བཀོད་སྒྲིག་བྱས་ཡོད”སྦྱིན་བདག་ཚའོ་ཡན་ཧུའུ་ཡིས་བཤད་ཞོར་དུ་ཡུལ་སྐོར་བ་ཁྲིད་ནས་ཁང་པར་བལྟ་རུ་སོང་།
“ཚྭ་ཁ་ཚྭ་མཚེའུ་ནས་ཐོན་རྗེས་ངས་དྲ་ཐོག་ནས་མགྲོན་ཁང་དེ་རྙེད་བྱུང་།མགྲོན་ཁང་གི་མཛེས་བཟོ་ལ་ཁྱད་ཆོས་ཆེན་པོ་ལྡན་པ་དང་།སྡོད་མྱོང་བའི་ཡུལ་སྐོར་བའི་དྲན་འཆར་ཧ་ཅང་མཐོ་པོ་ཡོད་པས་ཐད་ཀར་སླེབས་བྱུང”ཅེས་བཤད།
མཚན་མོ་བབས་རྗེས་ཚྭ་ཁ་གྲོང་ཚོའི་ཞིམ་ཟས་ཐང་ཆེན་དུའང་འཁྲུག་ཆ་དོད་དུ་འགྲོ་བཞིན་ཡོད་པ་དང་ཡུལ་སྐོར་བས་ཁྲོམ་སྟེགས་ཁག་གི་མདུན་དུ་བསྐྱོད་དེ་ཉོས་པ་དང་གྲོང་ཚོ་ཧྲིལ་པོའི་མཚན་མོར་དུ་མེ་ལྕེ་རབ་ཏུ་འཕྱུར་བཞིན་ཡོད།
“ང་ཚོའི་དེ་གར་རྩྭ་སྔར་བཞིན་ལྗང་ཁུ་ཡིན་པ་དང་དེ་གའི་རྩྭ་སེར་པོར་གྱུར་ཡོད།ཞོགས་པའི་དྲོད་ཚད་ཅུང་དམའ་བས་ད་དུང་བྱ་སྤུའི་གྱོན་ཆས་གྱོན་དགོས་ཀྱི་ཡོད”ཧྲའན་ཤིས་ནས་སྒེར་འཁོར་བཏང་ནས་མཚོ་སྔོན་ཞིང་ཆེན་མགོ་ལོག་བོད་རིགས་རང་སྐྱོང་ཁུལ་རྨ་ཆེན་རྫོང་བར་གྱི་ཝང་ཐའོ་ཡིས་མགོ་ལོག་ཏུ་ཉིན་གསུམ་ཡོང་སྐབས་བག་ཆགས་ཟབ་ཤོས་ནི་མགོ་ལོག་རྩྭ་རའི་ཚོན་མདངས་དང་ཡུན་པོ་རི་བོའི་ཐུན་མོང་མ་ཡིན་པའི་མཛེས་ལྗོངས་དེ་རེད་ཅེས་བཤད།
“ང་ནང་སོག་ཏུ་འགྲོ་མྱོང་ཡོད།ཤིན་ཅང་ཐེན་ཧྲན་རི་འདབས་སུ་སླེབས་མྱོང་ཡོད།མགོ་ལོག་གི་རྩྭ་ཐང་དང་ཁོང་ཚོ་ཚང་མ་མི་འདྲ་བ་དང་།ཚོན་མདངས་རབ་ཏུ་འཕྲོ་བ།ད་དུང་མིག་མདུན་གྱི་ཆུ་རྫིང་སྔོན་པོ་དང་རྒྱང་རིང་གི་གངས་རི་སྔོན་པོ་སོགས་ཡོད།གུར་གྱི་ཇ་ཞིང་ནང་འབྲོག་པའི་འཚོ་བ་མྱོང་རོལ་བྱེད་པ་དང་གླུ་གར་ཁྲོད་ཁྱད་ལྡན་ཟས་ཞིམ་མྱོང་རོལ་བྱེད་པ་ལས་དེ་གར་ཡོང་མཁན་མེད”ཝང་ཐའོ་ཡིས་བབས་ཚུགས་རྗེས་མའི་ནང་མི་ཚང་མ་གཏེར་ལེན་ཁ་ལ་བསྐྱོད་དེ་མཚོ་སྔོན་གྱི་མཛེས་ལྗོངས་དེ་བས་མང་བ་མྱོང་རོལ་བྱ་རྒྱུ་ཡིན་ཞེས་བཤད།
ཟླ་10ཚེས་2ཉིན་ཟི་ལིང་གི་གྲོང་མི་ཀྲང་ཉིང་ལི་ཞོགས་པ་སྔ་པོ་ནས་ཡུལ་ཤུལ་བོད་རིགས་རང་སྐྱོང་ཁུལ་ནང་ཆེན་རྫོང་ཤང་མདའ་གྲོང་རྡལ་ནས་ཐོན་ཏེ་དེ་གར་སྐད་གྲགས་ཆེ་ཤོས་ཀྱི་མཛེས་ལྗོངས་ཁུལ་གྱི་གྲས་ཤིག་ཀའར་གྲོག་རོང་ཆེན་པོར་བསྐྱོད།
སྔོ་ཞིང་དྭངས་པའི་ནམ་མཁའ་དང་།སྤྲིན་དཀར་གྱི་སྤྲིན་པ།རྒྱང་རིང་གི་གངས་རི་བརྗིད་ཉམས་ལྡན་པ།ཉེ་འགྲམ་དུ་རྩྭ་སྔོན་དྲི་ཞིམ།ནོར་ལུག་ཁྱུ་དང་ཁྱུ་སོགས་སྒེར་འཁོར་བཏང་ནས་ཡུལ་སྐོར་བ་མི་ཉུང་བ་ཞིག་གིས་རླངས་འཁོར་བསྡད་དེ་མཛེས་ལྗོངས་ལ་ལྟ་བར་ཡོང་བ་དང་འབྲེལ་གཱ་ཡང་རྒྱག་གི་ཡོད།
ཀྲང་ཉིང་ལིས“ངས་བརྙན་ཐུང་ཐོག་ནས་སྒེར་འཁོར་དངོས་མང་སྟོན་ཚོགས་ཀྱིས་ནང་ཆེན་རྫོང་འོས་སྦྱོར་བྱས་པ་མཐོང་བྱུང་།བརྙན་ལམ་ལ་བལྟས་ནས་སེམས་འགུལ་ཆེན་པོ་ཐེབས་བྱུང་།ཟླ་10ཚེས་1ཉིན་ངས་རླངས་འཁོར་བཏང་ནས་ནང་མི་ཁྲིད་དེ་ནང་ཆེན་རྫོང་དུ་འབྱོར་བ་དང་།ཨང་2པ་དཀར་གྲོག་རོང་ཆེན་པོར་སླེབས་སྐབས་དེ་གའི་ཡུལ་ལྗོངས་ཧ་ཅང་ཡག་པོ་འདུགམཚོ་སྔོན་དུ་འཚར་ལོངས་བྱུང་བའི་མི་རྣམས་ཧང་སངས་དགོས་ཀྱི་འདུག”ཅེས་བཤད།
རིག་གནས་ཀྱི“སེམས་ལ་ཟུག་པ”དང“འཛད་སྤྱོད་སྒུལ་ཤུགས”རིམ་སྤོར་མགྱོགས་སུ་ཕྱིན་པ།
མཚན་མོ་བབས་ནས་རྒྱ་སྒྲོན་ཐོག་ཏུ་སླེབས།ཟླ་10ཚེས་2ཉིན་གྱི་དགོང་མོ་མཚོ་སྔོན་ཞིང་ཆེན་མཚོ་ཤར་གྲོང་ཁྱེར་ཕིང་ཨན་ཆུས་ཕིང་ཨན་དབྱི·ཧོ་ཧོང་དམངས་སྲོལ་རིག་གནས་ཉམས་ལེན་བྱ་ཡུལ་དུ་ཡུལ་སྐོར་བ་མང་པོ་ཡོད་པ་དང་།གློག་འོད་ཀྱིས་ཁྲོམ་གཞུང་དུ་བསྒྲིགས་ཡོད།
ཆུ་ཚོད་21ཙམ་ལ་འགུལ་སྣང་ལྡན་པའི་རོལ་དབྱངས་དང་གཙོ་སྐྱོང་པས་ངོ་སྤྲོད་བྱས་པ་དང་བསྟུན་ནས་མངོན་མིན་རིག་གནས་ཤུལ་བཞག་གི་ལྕགས་ཀྱི་མེ་ཏོག་རྒྱག་པའི་འཁྲབ་སྟོན་དངོས་སུ་འགོ་ཚུགས་པ་རེད།ལྕགས་བཟོ་བ་ཚོས་ལྕགས་དབྱུག་གཡུག་བྱས་ཏེ་ལྕགས་ཆུ་དེ་མཁའ་དབྱིངས་སུ་འཕངས་ནས་སྐད་ཅིག་ཙམ་ལ་ལྕགས་ཆུ་དེ་འོད་སྟོང་འཕྲོ་བའི་ལྕགས་ཀྱི་མེ་ཏོག་སྟོང་ཕྲག་མང་པོ་ཞིག་ཏུ་གྱུར་པ་དང་།ཤོག་སྦག་ཚོན་ཁྲ་ལྟར་མཚན་མོའི་མཁའ་དབྱིངས་སུ་བཞད་པ་དང་།མཚོ་ངོས་ཀྱི་ལྡོག་གཟུགས་དང་ཕན་ཚུན་རྒྱན་སྤྲས་བྱས་པས་མཐོང་ཚོར་གྱི་ཕོག་ཐུག་ནུས་པ་ཆེན་པོ་ལྡན་ཡོད།
ལྕགས་རྡུང་མེ་ཏོག་ནི་གནའ་བོའི་དམངས་ཁྲོད་སྒྱུ་རྩལ་མངོན་པ་ཞིག་ཡིན་པ་དང་།ཀྲུང་ཧྭ་མི་རིགས་མི་རབས་ནས་མི་རབས་བར་གྱི་བསམ་པའི་སྟོབས་ཤུགས་མཚོན་ཡོད།ལྕགས་དང་མེ་མཉམ་འདྲེས་བྱེད་པའི་ཁྲོད་གཡོ་འགུལ་ཐེབས་པའི་མངོན་མིན་རིག་གནས་ཤུལ་བཞག་འཁྲབ་སྟོན་གྱིས་ཡུལ་སྐོར་བར་མཐོང་ཚོར་མི་འདྲ་བ་ཞིག་སྦྱིན་ཡོད།
རིག་རྩལ་མཉམ་འཁྲབ་དང་།ཞིང་འབྲོག་ཐོན་ཟོག་དང་དེ་བཞིན་དམངས་སྲོལ་རིག་གནས་འགྲེམས་སྟོན་འགྲེམས་སྟོན།བཟའ་བཅའི་མེ་ལོང་།ཞིང་སྡེའི་འགྲན་བསྡུར་སོགས་མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་ཧེ་ཡན་རྫོང་མཚོ་སྔོན་པོ་ཤང་དར་རྒྱས་གྲོང་ཚོར“རྒྱལ་སྟོན་བསུ་བ།ལོ་ལེགས་ཡོང་བར་རྟེན་འབྲེལ་ཞུ།འཕེལ་རྒྱས་ལ་སྐུལ་འདེད་གཏོང་བའི”བརྗོད་དོན་གཙོ་བོའི་བྱེད་སྒོ་སྤེལ་ནས་མི་རིགས་ཁག་གི་མང་ཚོགས་ཀྱི་བདེ་སྐྱིད་འཚོ་བ་དང་གྲོང་གསེབ་ཀྱི་རིག་གནས་ཟབ་མོ་མངོན་པར་བྱས་ཡོད།
སྙན་འཇེབས་ལྡན་པའི་ཞབས་བྲོ《སྟོན་དུས་ཀྱི་ཕ་ཡུལ་》དང《ལོ་ལེགས་ཡོང་བར་རྟེན་འབྲེལ་ཞུ་བ》ཞེས་པའི་དགའ་སྤྲོའི་དུས་སྐབས་བསུ་བ་ཞུ་བ།མཚོ་སྔོན་གྱི་གླུ་གཞས《གུང་ཁྲན་ཏང་ནི་ཉི་མ་དམར་པོ་དང་འདྲ》དང《སྲིད་ཇུས་ཡག་པོ་དོན་འཁྱོལ་བྱེད་མཁན་གྱི་མི་སེམས་ཡངས》ཞེས་པ་དེས་མེས་རྒྱལ་གྱི་ཨ་མར་དགའ་ཞེན་བྱེད་ལུགས་མཚོན་ཡོད།དམངས་སྲོལ་རིག་གནས་འགྲེམས་སྟོན་ནང་འགྲེམས་སྟོན་ཁག་ཏུ་བཟོ་དབྱིབས་མཛེས་པའི་འཚེམ་དྲུབ་བརྩམས་ཆོས་དང་།སྤུས་ལེགས་ཀྱི་ལྷམ་གདན་དང་།མཛེས་སྡུག་ལྡན་པའི་རྒྱ་གྲམ་འཚེམ་དྲུབ།ཐུན་མོང་མ་ཡིན་པའི་པད་མའི་ཁུག་མ་བཅས་བཀལ་ཡོད་པ་དང་།འཚེམ་དྲུབ་བརྩམས་ཆོས་སྣ་ཚོགས་ཀྱི་ཚོན་མདངས་མངོན་གསལ་དོད་པ་དང་རི་མོ་བབ་ཆགས་ཡིན་པས་མཚོ་སྔོན་མཚོ་ཤང་གི་དམངས་ཁྲོད་ཀྱི་གོམས་སྲོལ་དང་སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་ཀྱི་བརྩེ་དུང་བརྒྱུད་སྤྲོད་བྱེད་ཀྱི་ཡོད།
རྒྱལ་སྟོན་གུང་གསེང་རིང་མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་རྟེན་རྫས་བཤམས་མཛོད་ཁང་སྔ་ས་ནས་སྒོ་ཕྱེ་སྟེ་རྨ་ལྷོ་རིག་གནས་འཚོལ་བར་ཡོང་མཁན་ཡུལ་སྐོར་བར་བསུ་བ་ཞུས་ཤིང་།
རྟེན་རྫས་བཤམས་མཛོད་ཁང་དུ་སྐྱོད་སྐབས་སྤུས་ལེགས་ཀྱི་ཐང་ག་ཞིག་མིག་ལམ་དུ་འཆར་བ་དང་།འགྲེལ་བཤད་པས་ཡུལ་སྐོར་བར་ཐང་གའི་བཟོ་རྩལ་འགྲེལ་བཤད་ཞིབ་ཕྲ་རྒྱག་བཞིན་ཡོད་པ་དང་།རི་མོ་བཟོས་པ་ནས་ཚོན་རྫས་ཀྱི་ཞིབ་འཇུག་བརྡར་ནས་མཐའ་མའི་མཛེས་བཟོ་བར་གྱི་བཟོ་པ་མང་པོའི་སེམས་ཤུགས་འདུས་ཡོད།
ཤིང་བརྐོས་འགྲེམས་སྟོན་ཁུལ་དུ་སྤུས་ལེགས་ཀྱི་ཤིང་བརྐོས་ལ་ཤིང་གི་དྲི་ཞིམ་འཐུལ་བཞིན་ཡོད།ཤིང་བརྐོས་ཐོག་བརྐོས་པའི་མེ་ཏོག་དང་སྲོག་ཆགས་ཀྱི་རྣམ་པ་གསོན་ཉམས་དོད་པ་དང་།མེ་ཏོག་གི་འདབ་མའི་རི་མོ་དང་སྲོག་ཆགས་ཀྱི་སྤུ་ཚང་མ་གསལ་པོ་ཡོད།ཡུལ་སྐོར་བ་འགའ་ཞིག་གིས་ཤིང་བརྐོས་ལ་དམ་པོར་དམིགས་ནས་ལྟ་ཞིབ་ནན་ཏན་བྱས་ཏེ་བསྔགས་བརྗོད་དང་དབུགས་རིང་གཏོང་བཞིན་ཡོད།ལ་ལས་ལག་ཐོགས་ཁ་པར་བཟུང་ནས་ཟུར་ཚད་མི་འདྲ་བའི་ཐོག་ནས་ཐུན་མོང་མ་ཡིན་པའི་མཛེས་སྡུག་འདི་ཟིན་ཐོར་འགོད་བཞིན་ཡོད།
རིག་གནས་ཡུལ་སྐོར་མཉམ་འདྲེས་གཏིང་ཟབ་འཕེལ་རྒྱས་ཀྱི་རྒྱབ་ལྗོངས་འོག་གྲོང་ཁྱེར་གྱི་སྲོལ་རྒྱུན་རིག་གནས་ཀྱི་ནང་དོན་དེ་རིག་གནས་ཡུལ་སྐོར་ལ་སྐུལ་འདེད་གཏོང་བའི་“རྒྱུག་ཚད་ཀྱི་གསང་ཨང་”ཞིག་ཏུ་གྱུར་ཡོད།
(སྨྱུག་འཛིན་པ།ཉི་ཞའོ་ཡིང་། ཟུར་ཞུགས་པ། ལི་ཆིན་ལིན། ལི་ཞིན་ཧྥ། ཀྲང་ཧུའེ་ཧུའེ།མ་ཀྲེན་ཏུང་།དབྱི་ཡའོ་ཙེང་།ལྷ་མོ་མཚོ།ཞེ་མེང་རུའུ།ལོན་ཡུས་ཅ།ལི་ཁྲང་ཡོན།)
