[དུས་རབས་གསར་པ། ལམ་བུ་གསར་པ། བྱ་བཞག་གསར་པ། ]མཚོ་ཤར་དུ་དུང་ཕྱུར་བརྒྱ་རིམ་པའི་ལྗང་མདོག་རྩིས་ནུས་རྣམ་གྲངས་འཛུགས་སྐྲུན་གྱི་ཚ་རླབས་འཕྱུར་བཞིན་ཡོད།

ཉེ་སྔོན། མཚོ་སྔོན་ཞིང་ཆེན་མཚོ་ཤར་གྲོང་ཁྱེར་གྱི་ཐཱན་མེད་པའི་ཐོན་ལས་གླིང་དུ་གནས་པའི“མཚོ་སྔོན་དར་གོས་སྤྲིན་ལུང་ཐཱན་ཉུང་རྩིས་རྒྱག་ཐོན་ལས་གླིང་གི་དུས་ཐེངས་དང་པོའི་རྣམ་གྲངས”(གཤམ་དུ་དར་གོས་སྤྲིན་ལུང་གི་དུས་ཐེངས་དང་པོའི་རྣམ་གྲངས་ཞེས་བསྡུ་རྒྱུ)ཛ་དྲག་ངང་ཨར་ལས་བྱེད་བཞིན་ཡོད་པས་ལྗིད་འདེགས་འཕྲུལ་འཁོར་གྱི་ལག་པ་སྔོན་པོའི་མཁའ་དབྱིངས་སུ་ཕར་འགྲོ་ཚུར་འོང་བྱེད་བཞིན་ཡོད་པ་དང་། བསྐྲུན་ཟིན་པའི་ཐོག་ཁང་དང་པོའི་ལྕགས་ལས་གྲུབ་པའི་ཐོག་སོ་དེ་དག་ཐོག་བཟོ་པས་ལྕགས་ཆས་བསྒར་བ།    གཅུས་གཟེར་བསྒར་བ།    ཚ་ལ་རྒྱག་པ་བཅས་ཀྱི་ལས་ལ་བྲེལ་བཞིན་ཡོད་པ་རེད།    

ཤེས་རྟོགས་བྱུང་བར་གཞིགས་ན།དར་གོས་སྤྲིན་ལུང་གི་དུས་ཐེངས་དང་པོའི་རྣམ་གྲངས་འཛུགས་སྐྲུན་དེ་2023ལོ་ནས་2025ལོ་བར་180MWགཤེར་འཁྱགས་དང་ཚ་ནུས་ལྷག་མ་ཚུར་བསྡུའི་རྣམ་པའི་གྲངས་གཞིའི་འཕྲུལ་ཁང་བསྐྲུན་རྒྱུར་ཚད་ལྡན་འཕྲུལ་སྒྲོམ་53352ཙམ་བསྐྲུན་རྒྱུ་རེད།དུས་ཐེངས་གཉིས་པའི་འཛུགས་སྐྲུན་ནི་2026ལོ་ནས་2028ལོ་བར་220MWཡི་གཤེར་འཁྱག་དང་ཚ་ནུས་ལྷག་མ་ཚུར་བསྡུའི་རྣམ་པའི་གྲངས་གཞིའི་འཕྲུལ་ཁང་བསྐྲུན་པར་ཚད་ལྡན་འཕྲུལ་སྒྲོམ་149760ཙམ་ཡོད་པ།20KWཡི་རླུང་གཤེར་འཕྲུལ་འཁོར་གྱི་སྒྲོམ་དང་མཉམ་དུ་ཡོད་པའི་ཚད་ལྡན་འཕྲུལ་འཁོར་སྒྲོམ་4896ཙམ་ཡོད།

“གནམ་ཐང་བའི་ཉིན་བཅུ་ལྷག་ཙམ་རིང་ཆར་པ་བབས་མཚམས་མི་འཇོག་པ་དང་བཟོ་པས་ཀྱང་ལས་མཚམས་མ་བཞག་ཀྱང་གནམ་གཤིས་ཡག་པོ་བསྟན་ཚེ་རྣམ་གྲངས་ཀྱི་ཨར་ལས་ཐད་ཆུ་སྦུག་དྲ་བ་དེ་བས་མགྱོགས་མྱུར་འདྲེན་ཐུབ་པ་དང་།ཐོག་བརྩེགས་བཞི་པའི་འགྲམ་གྱི་རི་ལྡེབས་ཀྱང་དུས་ཐོག་ཏུ་ཐག་གཅོད་ཐུབ་ནས་གོམ་སྟབས་རྗེས་མའི་ཨར་ལས་ལ་གྲ་སྒྲིག་བྱེད་ཐུབ”མཚོ་སྔོན་དར་གོས་ཡུན་ཀུའུ་ཐཱན་ཉུང་རྩིས་རྒྱག་ཐོན་ལས་གླིང་རྣམ་གྲངས་ཀྱི་འགན་འཁུར་བ་ཀྲང་ཧྥེ་ཡིས་གསར་འགོད་པར་འདི་ལོའི་ཟླ་7ཚེས་10ཉིན་དར་གོས་ཡུན་ཀུའུ་ཡི་དུས་ཐེངས་དང་པོའི་རྣམ་གྲངས་ལས་འགོ་ཚུགས་པ་རེད།ཉིན་ཤས་བསྟུད་མར་རྣམ་གྲངས་ཨར་ལས་ཕྱོགས་ཀྱིས་ཆར་པ་འབབ་པའི་དུས་སུ་ལས་ཡུན་དམ་འཛིན་བྱས་པ་དང་རྣམ་གྲངས་བདེ་བླག་ངང་ཨར་ལས་བྱེད་བཞིན་ཡོད་མོད།འོན་ཀྱང་ཨར་ལས་བྱེད་རིང་།“ཨར་ལས་ཀྱི་ཆུ་མི་འདང་བ”དང“དམར་ཐིག་ཕྱིའི་མཐའ་ངོས་ཐག་གཅོད་བྱེད་པ”སོགས་ཀྱི་དཀའ་གནད་འཕྲད་ཡོད།

“རྣམ་གྲངས་ཀྱི་དེ་སྔའི་གནས་ཡུལ་ནི་གྲོང་མིའི་ཆུ་ཡིན་པས་རྣམ་གྲངས་ཀྱི་ཨར་ལས་ལ་སྤྱོད་པའི་ཆུ་ལ་འདེགས་སྐྱོར་བྱེད་མི་ཐུབ་པར་སྔོན་ལ་ཆུ་གསོག་སྒམ་ཆེ་གྲས་གསུམ་ཉོས་ནས་ཆུའི་གནད་དོན་ཐག་གཅོད་བྱས་པ་ཡིན།ང་ཚོས་ཀྱང་དུས་ཐོག་ཏུ་མཚོ་ཤར་བཟོ་ལས་གླིང་དོ་དམ་ཨུ་ལྷན་དང་འབྲེལ་གཏུག་བྱས་ཏེ་ཆུ་སྦུག་དྲ་བ་སྤྱད་དེ་ཨར་ལས་བྱེད་བཞིན་ཡོད་པས་ཟླ་འདིའི་ཟླ་མཇུག་ཏུ་རྣམ་གྲངས་ནང་འདྲེན་བྱེད་ཐུབ་པ་དང་།ད་དུང་ཐོག་བརྩེགས་བཞི་པའི་འགྲམ་གྱི་སྨི་100ལྷག་ཙམ་གྱི་གྱེན་ཐུར་ཡོད་པ་དེས་ས་དོང་རྒྱག་རྒྱུར་ཤུགས་རྐྱེན་ཐེབས་ཀྱི་ཡོད་ལ་དུས་ཐོག་ཏུ་གླིང་ཁུལ་དང་འབྲེལ་གཏུག་ཀྱང་བྱེད་ཀྱི་ཡོད།    གལ་སྲིད་གནམ་གཤིས་ཀྱི་ཤུགས་རྐྱེན་མ་ཕོག་ཚེ་སྔ་ས་ནས་ཨར་ལས་བྱེད་ཀྱི་ཡོད།     ”

ཀྲང་ཧྥེ་ཡིས་གནད་དོན་དེ་དག་ཐག་གཅོད་བྱེད་པར་གླིང་ཁུལ་གྱི་རྒྱབ་སྐྱོར་དང་རོགས་རམ་ཤུགས་ཆེན་ཐོབ་པ་དང་།དཀྱིལ་གྱི་མཐུན་སྦྱོར་ཧ་ཅང་བདེ་བླག་བྱུང་ཡོད།དུས་འགོའི་ཨར་ལས་རི་མོ་ད་དུང་ལེགས་གྲུབ་མ་བྱུང་བར་ཨར་ལས་བྱེད་ཐབས་བྲལ་བའི་གནད་དོན་ལ་དམིགས་ནས་གླིང་ཁུལ་གྱིས་དར་གོས་ཡུན་ཀུའུ་རྣམ་གྲངས་ལ་ལྗང་མདོག་བགྲོད་ལམ་ཤར་གཏོང་བྱས་ཡོད།ཉིན་དེར་རེ་ཞུ་བྱས་པའི་མཆན་འགོད་བཀའ་ལན་དོན་འཁྱོལ་མགྱོགས་པོ་བྱུང་ཡོད།

ཤེས་རྟོགས་བྱུང་བར་གཞིགས་ན།དར་གོས་སྤྲིན་ལུང་གི་དུས་ཐེངས་དང་པོའི་རྣམ་གྲངས་ལ་གཤེར་གྲང་གྲངས་གཞིའི་འཕྲུལ་ཁང་3དང་།ལེ་ལག་ཚང་བའི་ཁང་པ་1ཁྲོ་ཐབ་ཁང་པ་1གློག་སྒྱུར་ས་ཚིགས་1བཅས་ཡོད་པ་རེད།མིག་སྔར་ཐོག་ཁང་དང་པོའི་གཤེར་གྲང་གྲངས་གཞིའི་འཕྲུལ་ཁང་གིས་ངར་ལྕགས་ཀྱི་གྲུབ་ཆའི་ཨར་ལས་བྱེད་བཞིན་ཡོད་པ་དང་།ངར་ལྕགས་ཀྱི་གྲུབ་ཆ་ཟླ་འདིའི་ཟླ་མཇུག་ཏུ་ལས་མཇུག་འགྲིལ་རྒྱུ་ཡིན་པ་དང་།ཟླ་11ཚེས་15ཉིན་གྱི་དགུན་དུས་ངལ་གསོ་མ་བྱས་གོང་ཐོག་བརྩེགས་དང་པོའི་སྐོར་སྲུང་གྲུབ་ཆ་དང་ཁང་པའི་ནང་མཛེས་བཟོ་ལས་གྲྭ་ལེགས་གྲུབ་བྱ་རྒྱུ་ཡིན་པ་དང་།ཐོག་ཁང་གཞན་དག་ཀྱང་ཟླ་11ཚེས་15ཉིན་གོང་ས་ངོས་སྔོག་འདོན་དང་མཐའ་རི་བསྐྲུན་རྒྱུ།

ཐོག་བརྩེགས་དང་པོའི་ཨར་ལས་བྱ་ཡུལ་དུ་སྐྱོད་སྐབས་ཐོག་སོ་2པའི་ལྕགས་སྒྲོམ་གྱི་མཐིལ་ཚང་མར་ཚགས་དམ་པོར་སྦྱར་བའི་ལྕགས་རྩིབས་བཏིང་ཡོད་པ་རེད།

ཅིའི་ཕྱིར་ཐོག་ཁང་ལ་ངར་ལྕགས་ཀྱི་སྒྲིག་གཞི་བཀོལ་བ་ལས་ལྕགས་རྩིབས་ཨར་འདམ་མིན་པ།

ཀྲང་ཧྥེ་ཡིས“འདི་གར་འཕྲུལ་སྒམ་འཇོག་དགོས་པ་དང་།འཕྲུལ་སྒྲོམ་གཅིག་ལ་ཞབས་ཞུའི་འཕྲུལ་ཆས་8བཀོད་སྒྲིག་བྱས་ཡོད།ལྗིད་ཚད་སྤྱི་རྒྱ་680ཟིན་གྱི་ཡོད།ངར་ལྕགས་ཀྱི་གྲུབ་ཆའི་ལྗིད་ཚད་དེ་བས་ལེགས་པ་དང་དེ་བས་བརྟན་པོ་ཡོད”ཅེས་བཤད།

ཤེས་རྟོགས་བྱུང་བར་གཞིགས་ན།དར་གོས་ཡུན་ཀུའུ་གཤེར་གྲང་གྲངས་གཞིའི་འཕྲུལ་ཁང་ནང་འཕྲུལ་སྒྲོམ་884ནས་1040བར་འཇོག་ཆོག་པ་དང་།འཕྲུལ་སྒྲོམ་རེར་ཞབས་ཞུའི་འཕྲུལ་ཆས་8བཀོད་སྒྲིག་བྱེད་པ།ཞབས་ཞུའི་འཕྲུལ་ཆས་རེར་རྩེར་སོན་གྱི་མངོན་གསལ་གཱ(ནུས་པ་མཐོ་བའི་རིས་དབྱིབས་ཐག་གཅོད་འཕྲུལ་ཆས)8སྤྱོད་ཆོག་པ།རྩིས་རྒྱག་ནུས་པ་སྐར་ཆ་རེར་དུང་ཕྱུར་ཁྲི་ཆིག་སྟོང་ཟིན་གྱི་ཡོད།

རྣམ་གྲངས་དེ་བསྐྲུན་རྗེས་མཛོད་ཉར་རྣམ་པའི་གྲངས་གཞིའི་ལྟེ་གནས་ཆེ་གྲས་སུ་གྱུར་ནས་ཆ་འཕྲིན་གསོག་འཇོག་དང་།བརྗེ་རེས།དབྱེ་ཞིབ།ཐག་གཅོད།ཁྱབ་བསྒྲགས་བཅས་ཀྱི་འདུས་གཟུགས་སུ་འགྱུར་རྒྱུ་དང་།སྤྲིན་རྩིས་དང་།མཚོ་འབོར་གསོག་འཇོགཡུལ་གཞན་དུ་གེགས་བར་གྲ་སྒྲིག་སོགས་ཀྱི་ནུས་པ་ལྡན་ནས་མཚོ་ཤར་གྲོང་ཁྱེར་གྱི་གྲངས་གཞི་ཆེན་པོའི་འཕེལ་རྒྱས་དང་།གྲངས་འཛིན་དཔལ་འབྱོར་འཕེལ་རྒྱས།ཐོན་ལས་མཉམ་འདྲེས་སོགས་འཕེལ་རྒྱས་ཀྱི་དགོས་མཁོ་བསྐངས་ཏེ“ཤར་གྲངས་ནུབ་རྩིས”འདུ་འགོད་ལ་རམ་འདེགས་བྱ་རྒྱུ་རེད།

འདི་གའི་རྨང་གཞིའི་འཛུགས་སྐྲུན་རྟ་མེད་པ་དང་།ལེ་དབར་སྟོང་གི་ཕྱི་རོལ་གྱི་ཧུའུ་པེར་དར་གོས་ཡུན་ཀུའུ་ལ་མཁོ་བའི་“རྩིས་རྒྱག་སྒྲིག་ཆས་”ཀྱང་དམ་པོར་བཟོས་ནས་བཟོས་པ་དང་།འདི་ལོའི་ཟླ་12ཚེས་30ཉིན་གྱི་གོང་དུ་འཕྲུལ་འཁོར་སྒྲོམ་400ཐོག་བརྩེགས་དང་པོར་སྒྲིག་སྦྱོར་བྱ་རྒྱུ་རེད།

རྣམ་གྲངས་གཞུང་ལས་ཁུལ་དུ་སྐྱོད་སྐབས་ཚོད་ལྟའི་འཕྲུལ་འཁོར་ཁང་ཞིག་ཡོད་པ་དེ་དག་རྒྱང་རིང་ནས་ཞབས་ཞུའི་འཕྲུལ་ཆས་འཁོར་སྐྱོད་དང་དྲོད་སྙོམས་འཕྲུལ་ཆས་ཀྱིས་གྲང་བཟོའི་སྒྲ་གྲགས་བཞིན་ཡོད།ཀྲང་ཧྥེ་ཡིས་དེ་གར་ས་མཐོའི་དྲ་རྒྱའི་བརྟན་ལྷིང་རང་བཞིན་ལ་ཚོད་ལྟ་བྱེད་དགོས་པ་མ་ཟད།ད་དུང་ཞབས་ཞུའི་འཕྲུལ་ཆས་ཀྱི་གཤེར་ཁུའི་དྲོད་ཚད་ལ་ཚོད་ལྟ་བྱས་ནས་དུས་མཇུག་གི་ཚ་ནུས་ལྷག་མ་བེད་སྤྱོད་བྱ་རྒྱུར་གྲ་སྒྲིག་བྱེད་དགོས་ཞེས་བཤད་པ་རེད།

དར་གོས་སྤྲིན་ལུང་ལ་དུང་ཕྱུར་བརྒྱ་རིམ་པའི་རྩིས་ཤུགས་སྒྲིག་ཆས་ཡོད་པ་ཕུད།ད་དུང་རྩིས་ཤུགས་ཀྱི་རྨང་གཞིའི་སྒྲིག་བཀོད་དང་རྩིས་ཤུགས་ཀྱི་ཚ་ནུས་ལྷག་མའི་ལག་རྩལ་ཟུང་འབྲེལ་བྱས་ཏེ་འབྲེལ་མཐུད་རྣམ་པའི་འཁྱགས་ལེབ་ཀྱི་ཚ་ནུས་ལྷག་མ་བསྡུ་བའི་ལག་རྩལ་བརྒྱུད་ཚ་ནུས་འཁོར་རྒྱུག་བེད་སྤྱོད་ཐུབ་པ་བྱ་རྒྱུ་རེད།

དེར་བརྟེན་མཚོ་སྔོན་གྱི་གྲངས་གཞིའི་ནུས་རྒྱུ་ཚན་རྩལ་ཚད་ཡོད་ཀུང་སིས“སྙིང་འདུས་ནུས་པའི”རིམ་སྤེལ་ཐོན་རྫས་དང་དེ་བཞིན་ནུས་ཆེའི་ནུས་རྒྱུ་བེད་སྤྱོད་རྣམ་པ་དང་དེ་བཞིན“ལྗང་མདོག་རྩིས་རྒྱག་ནུས་པ་དང་ལྗང་མདོག་ཚ་ནུས་+AIསྤྱོད་པའི”མ་ལག་སྒྲོམ་གཞི་བཏོད་དེ་སྤྲིན་རྩིས་དང་།མཚོ་གྲངས་གསོག་འཇོགཡུལ་གཞན་གྱི་གནོད་འཚེ་གྲ་སྒྲིག་བཅས་ཀྱི་ནུས་པ་ལྡན་པ་མ་ཟད།ནུས་ལྷག་གིས་ཚོང་ལས་དང་།གྲོང་མི།སྤྱི་སྐྲུན་སོགས་ཀྱི་དྲོད་རླངས་མཁོ་འདོན་གྱི་དགོས་མཁོ་སྐོང་ཐུབ་ཀྱི་ཡོད་པ་རེད།

ཀྲང་ཧྥེ་ཡིས“ང་ཚོའི་ཀུང་སི་ནི་ཚ་ནུས་ལྷག་མ་བེད་སྤྱོད་བྱེད་མཁན་མཁས་པ་ཞིག་ཡིན།སྤྲིན་རྩིས་དང་།གྲངས་གཞི་ཆེན་པོའི་ལྟེ་གནས།ཚ་ནུས་ལྷག་མ་བེད་སྤྱོད་བཅས་ནི་ང་ཚོའི་རྣམ་གྲངས་ཀྱི་གཙོ་ཁྲིད་ཐོན་ལས་ཤིག་ཡིན།ལྗང་མདོག་གི་རྩིས་རྒྱག་ནུས་པ་དང་ཐཱན་ཉུང་ཐོན་ལས་མ་ལག་འཁོར་སྐྱོད་བྱས་པ་བརྒྱུད་ལྗང་མདོག་དང་།ལྗང་མདོག་གི་རྩིས་ཤུགས།ལྗང་མདོག་གི་ཚ་ནུས་བཅས་ང་ཚོའི་དར་གོས་སྤྲིན་ལུང་དུ་དངོས་འབྲེལ་ཟུང་འབྲེལ་ཐུབ་རྒྱུ་རེད”ཅེས་བཤད།

“ཡང་ན་མི་སྣོན་པ།ཡང་ན་ལས་དུས་འཕར་མ་བྱེད”ཀྲང་ཧྥེ་ཡིས་དེ་ནི་དར་གོས་སྤྲིན་ལུང་རྣམ་གྲངས་དང་ཨར་ལས་ཕྱོགས་ཀྱི་ཁ་ཆད་ཅིག་ཡིན་པ་དང་།རིམ་པ་དུང་ཕྱུར་བརྒྱ་རིམ་པའི་ལྗང་མདོག་རྩིས་རྒྱག་ནུས་པའི་རྣམ་གྲངས་སྔ་ཙམ་ལེགས་སྒྲུབ་བྱས་ནས་མཚོ་བོད་ས་མཐོའི་ཐཱན་མེད་པའི་ཐོན་ལས་གླིང་ཁུལ་དང་པོའི་འཆར་གཞི་མངོན་འགྱུར་ཡོང་ཆེད་ཡིན་ཞེས་བཤད་པ་རེད།