མཚོ་སྔོན་ཁྲི་ཀ་རྫོང་གིས“མཐའ་འཁྱོངས་བཞི་དང་དམ་འཛིན་ཡག་པོ་བཞི”བྱས་ནས་སྤུས་ཚད་མཐོ་བའི་སྒོ་ནས་སྣོད་བཅུད་ཉེན་རྟོག་ལས་དོན་འཛུགས་སྐྱོང་དོན་འཁྱོལ་བྱ་རྒྱུར་སྐུལ་འདེད་བྱས་པ།

འདི་ལོ་ཚུན་དུ་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ཁྲི་ཀ་རྫོང་སྤྱི་བདེ་ཅུས་ཀྱིས“སྔོ་ཞིང་དྭངས་བའི་རི་ཆུ་གསེར་རི་དངུལ་རི་ཡིན་པའི”འདུ་ཤེས་བརྟན་པོ་བཙུགས་ནས“མཐའ་འཁྱོངས་བཞི་དང་དམ་འཛིན་ཡག་པོ་བྱེད་པའི”ཐོག་ནས“སྣོད་བཅུད་ཉེན་རྟོག་དཔོན་ལུགས”དོན་འཁྱོལ་བྱ་རྒྱུར་སྤུས་ཚད་མཐོ་པོའི་སྒོ་ནས་སྐུལ་འདེད་བཏང་སྟེ་ཁོངས་གཏོགས་ཁུལ་གྱི་སྣོད་བཅུད་སྒྲིག་ལམ་རྒྱུན་མཐུད་བརྟན་ལྷིང་ཡོང་བའི་འགན་ལེན་བྱས་ཏེ“གནམ་འོག་གི་རྨ་ཆུའི་ཁྲི་ཀའི་ཡུལ་དུ་དྭངས”ཞེས་པའི་མིང་བྱང་གི་གྲགས་སྙན་མཐོ་རུ་བཏང་།

ཏང་འཛུགས་སྐྱོང་གི་སྣེ་ཁྲིད་མཐའ་འཁྱོངས་བྱས་ནས་སྣོད་བཅུད་ཉེན་རྟོག་ལམ་སྲོལ་གསར་གཏོད་ལ་དམ་འཛིན་ཡག་པོ་བྱེད་པ།

“སྣོད་བཅུད་ལ་བརྟེན་ནས་ཁུལ་འཛུགས་པའི”གཙོ་རྐང་ལ་དམ་པོར་དམིགས་ནས“སྔོ་ཞིང་དྭངས་བའི་རི་བོ་སྲུང་སྐྱོང་བྱེད་པའི”འགན་ནུས་མ་ལག་ལ་གཞི་ཚུགས་པ་དང་།ཆེད་དོན་བྱ་སྤྱོད་སྣ་ཚོགས་སྣེ་ཁྲིད་དུ་བྱས་ཏེ་དུས་རབས་གསར་པའི་སྤྱི་བདེའི་ལས་དོན་གྱི་བླང་བྱ་གསར་པ་དང་རང་འགུལ་ངང་འཚམ་པར་བྱས་ཏེ“སྣོད་བཅུད་ནི་གཞི་རྩ་དང་།མཉམ་བཅོས་ནི་མདོག་སྐྱེད་པ།མཉམ་དུ་ཕྱུག་པོ་ཆགས་པ་བཅས་ཀྱི་”འདུ་ཤེས་བཙུགས་ནས་ཁྲི་ཀ་སྤྱི་བདེའི་ཏང་འཛུགས་སྐྱོང་སྤུས་རྟགས་ལ“རྨ་ཆུའི་ཕུབ་ལྗང་”གསར་གཏོད་བྱེད་དགོས།“སྣོད་བཅུད་ཉེན་རྟོག་གི་དཔོན་ལམ་ལུགས་+N”ཡི་བྱེད་སྟངས་ལ་བརྟེན་ནས་ཕྱོགས་ཡོངས་ནས་ཟུར་ཚད་མང་པོའི་ཐོག་ནས་ཁྲི་ཀ་རྫོང་གི་སྣོད་བཅུད་ཁོར་ཡུག་དང་བཟའ་བཅའ་དང་སྨན་རྫས་བདེ་འཇགས་སྲུང་སྐྱོང་ལས་དོན་ལ་ཤུགས་སྣོན་བརྒྱབ་ཡོད།“སྤྱི་ཁྱབ་ཉེན་རྟོག་དཔོན་+ཤང་གྲོང་གི་སྣོད་བཅུད་ཉེན་རྟོག་དཔོན་+དྲ་སྦྲེལ་སྣོད་བཅུད་ཉེན་རྟོག་དཔོན་+ཁྲིམས་ལུགས་སྣོད་བཅུད་ཉེན་རྟོག་དཔོན།གྲོང་ཚོ་ཁག་གི་སྣོད་བཅུད་ཉེན་རྟོག་པ་དང་།དང་བླངས་སྣོད་བཅུད་ཉེན་རྟོག་པ།བབ་བསྟུན་སྣོད་བཅུད་ཉེན་རྟོག་པ་བཅས་ཟུང་དུ་འབྲེལ་བའི་སྣོད་བཅུད་ཉེན་རྟོག་པ་དང་།དྲིལ་བསྒྲགས་སྣོད་བཅུད་ཉེན་རྟོག་པ་བཅས་རིམ་པ་བརྒྱད་ཀྱི་སྣོད་བཅུད་ཉེན་རྟོག་བྱེད་སྟངས་བཙུགས་ནས་སྲིད་འཛིན་ཁྲིམས་འཛིན་སྡེ་ཚན་ཁག་དབར་མཉམ་འགུལ་མཉམ་བཅོས་དང་།ཆ་འཕྲིན་སྤེལ་རེས། ཁྱོན་ཡོངས་ནས་སྟོབས་ཤུགས་བཏོན་པའི་རྣམ་པ་བཟང་པོས“ཁོར་ཡུག་བཟའ་སྨན་ཤེས་རྟོགས”ཁྱབ་ཁོངས་ཀྱི་སྤྱི་བདེའི་ཤེས་ཚོར་ཟུར་ཚད་རྒྱ་ཆེར་བཏང་ནས་སྣོད་བཅུད་ཁོར་ཡུག་ཁྱབ་ཁོངས་ཀྱི་ཁྲིམས་འགལ་ཉེས་གསོག་བྱེད་སྤྱོད་ལ་ཕྱོགས་ཡོངས་དང་ཕྱོགས་མང་ནས་གནད་ལ་འཁེལ་བའི་སྒོ་ནས་རྡུང་རྡེག་གཏོང་བའི་རྨང་གཞི་བརྟན་པོ་བཏིང་ཡོད།    

རྡུང་རྡེག་ཚ་ནན་གཏོང་རྒྱུ་མཐའ་འཁྱོངས་བྱས་ནས་སྣོད་བཅུད་ཁོར་ཡུག་བདེ་འཇགས་དང་བརྟན་ལྷིང་ལ་དམ་འཛིན་ཡག་པོ་བྱེད་པ།

སྤྱི་བདེའི་ལས་དོན་དེ་སྣོད་བཅུད་ཤེས་དཔལ་འཛུགས་སྐྱོང་གི་སྤྱི་ཡོངས་ནང་རང་འགུལ་ངང་ཁྱབ་པ་བྱས་ནས“མཉམ་བཅོས”ཀྱི་འདུ་ཤེས་དང་ལམ་སྲོལ་གང་ལེགས་སྤྱད་དེ་གཞི་རིམ་བཅོས་སྐྱོང་མཐུན་སྦྱོར་དང་།སྡེ་ཚན་གྱི་ཁྲིམས་འཛིན་མཐུན་སྦྱོར།ས་ཁོངས་མཉམ་ལས་མཉམ་སྒྲུབ་བཅས་ལ་དམིགས་ནས་སྣོད་བཅུད་བཅོས་སྐྱོང་གི“ས་ཁོངས་ཡོངས་ཀྱི་དྲ་བ་གཅིག”ཆགས་པ་བྱེད་དགོས།“ཆེད་ལས་+ལམ་སྲོལ་+གྲངས་གཞི་ཆེན་པོའི”ཉེན་དོན་འཁོར་སྐྱོད་བྱེད་སྟངས་གསར་པ་འཛུགས་རྒྱུར་དམིགས་ནས་སྣོད་བཅུད་ཁོར་ཡུག་ཐོན་ཁུངས་ཁྱབ་ཁོངས་ཀྱི“ཉེས་དོན་སྦྲེལ་མཐུད”དང“བཅའ་ཁྲིམས་གཉིས་སྦྲེལ་མཐུད”ཀྱི་ལམ་སྲོལ་དོན་འཁྱོལ་ནན་ཏན་བྱས་ཏེ་ཁྲིམས་འགལ་བྱེད་སྤྱོད་ལ་རྡུང་རྡེག་ནན་པོ་བཏང་ནས་སྣོད་བཅུད་ཉེན་རྟོག་ལས་དོན་གྱི་སྤུས་ཚད་དང་ཕན་འབྲས་ཆེ་རུ་གཏོང་རྒྱུར་རྒྱུན་ཆད་མེད་པར་སྐུལ་འདེད་བཏང་སྟེ།འབྲེལ་ཡོད་སྲིད་འཛིན་གཙོ་འགན་འཁུར་མཁན་སྡེ་ཚན་དང་མཐུན་སྦྱོར་ངང་མཉམ་འབྲེལ་གྲོས་ཚོགས་ཐེངས་7འཚོགས་པ་དང་།མཉམ་འབྲེལ་ཐོག་ཁྲིམས་འཛིན་སྐོར་ཞིབ་ཞིབ་བཤེར་ཐེངས་26བྱས་པ།ཉ་ཁྲ་ལི་དང་རྨ་ཆུའི་ས་མཐོའི་ཉ་སོགས་གདོད་མའི་ཉ་རིགས་ཀྱི་འཁྱགས་དངོས་ཟོག་སྤྱི་རྒྱ་9.2རྩད་ཆོད་པ་རེད།

ཐོན་ཁུངས་བསྡུ་སྒྲིལ་མཐའ་འཁྱོངས་ཀྱིས་སྣོད་བཅུད་སྲུང་སྐྱོང་གི་སྟོབས་ཤུགས་འཛུགས་སྐྱོང་ལ་དམ་འཛིན་ཡག་པོ་བྱེད་པ།

དངོས་འཐབ་ཀྱི་དགོས་མཁོ་དང་འགག་སྒྲོལ་རྒྱལ་ཁ་ལེན་པའི་ཐབས་མཆོག་དེ་བས་མང་བ་བཏོད་དེ་དངོས་འཐབ་ཀྱི་ཆུ་ཚད་རྒྱུན་ཆད་མེད་པར་མཐོ་རུ་གཏོང་དགོས།ནགས་ཚལ་ཉེན་རྟོག་རུ་ཆེན་དང་།མངགས་གཏོང་ཁང་ཁགནགས་ར་སོགས་སུ་སྣོད་བཅུད་ཉེན་རྟོག་དཔོན་ལམ་ལུགས་ཀྱི་ཡོངས་བསྒྲགས་བྱང་བུ་བཙུགས་པ་བརྒྱུད་སྡེ་ཁུལ་གྱི་གྲོང་ཚོའི་ཉེན་རྟོག་པ་དང་འོས་འགན་ཉེན་རྟོག་པ་སྒྲིག་འཛུགས་བྱས་ཏེ་ཁོངས་གཏོགས་ཁུལ་གྱི་སྣོད་བཅུད་ཁོར་ཡུག་ཐོན་ཁུངས་ཁྱབ་ཁོངས་ཀྱི་མདུན་ཕྱོགས་སོ་ལྟ་མྱུལ་ཞིབ་བྱས་ཏེ་ཁོངས་གཏོགས་ཁུལ་གྱི་རང་བྱུང་ཐོན་ཁུངས་བདེ་འཇགས་སྲུང་སྐྱོང་ཏན་ཏིག་བྱས་ཡོད།རང་འགུལ་ངང་སྐུལ་ལྕག་ལམ་སྲོལ་འཚོལ་ཞིབ་བྱས་ཏེ་མང་ཚོགས་སྐུལ་སློང་ཧུར་ཐག་བྱས་ནས་སྣོད་བཅུད་ཁོར་ཡུག་ཐོན་ཁུངས་ཁྱབ་ཁོངས་ཀྱི་ཁྲིམས་འགལ་ཉེས་གསོག་གི་ཁུངས་སྣེ་ཐེར་འདོན་ཧུར་ཐག་བྱས་ཏེ་མང་ཚོགས་ཞུགས་པའི་ཧུར་སེམས་དང་རང་འགུལ་རང་བཞིན་ཟམ་མི་ཆད་པར་ཆེ་རུ་བཏང་ནས་ཆེད་དོན་བྱ་སྤྱོད་བཅོས་སྒྲིག་གི་ཕན་འབྲས་དང་།བཅའ་ཁྲིམས་ཀྱི་ཕན་འབྲས།སྤྱི་ཚོགས་ཀྱི་ཕན་འབྲས་བཅས་གཅིག་གྱུར་ཡོང་བ་བྱེད་དགོས།ཁོར་ཡུག་ཐོན་ཁུངས་ཀྱི་ཉེས་གསོག་ལ་རྡུང་རྡེག་གཏོང་བའི་གྲུབ་འབྲས་དུས་ཐོག་ཏུ་ཡོངས་བསྒྲགས་བྱས་པ་དང་།དཔེ་མཚོན་གྱོད་དཔེ་ཁྱབ་བསྒྲགས་བྱས་ཏེ།མཐུན་སྦྱོར་མཉམ་བཅོས་ཀྱི་ཕན་འབྲས་ཆེ་རུ་གཏོང་བར་སྐུལ་འདེད་གཏོང་བ་དང་།སྤྱི་ཚོགས་ཀྱི་སྤྱི་དམངས་ཀྱི་ཁྲིམས་སྲུང་འདུ་ཤེས་ཆེ་རུ་བཏང་ནས།ལྗང་མདོག་དཔལ་འབྱོར་སྤུས་ལེགས་འཕེལ་རྒྱས་ལ་སྐུལ་འདེད་གཏོང་བའི་ཁྲིམས་སྐྱོང་ཁོར་ཡུག་བཟང་པོ་ཞིག་གཏོད་དགོས།

ཕྱོགས་བསྡུས་ཇུས་བསྟར་མཐའ་འཁྱོངས་བྱས་ནས་སྣོད་བཅུད་སྐོར་སྐྱོད་དྲིལ་བསྒྲགས་གཞི་གཅིག་ཏུ་འགྱུར་བའི་རྣམ་པར་དམ་འཛིན་ཡག་པོ་བྱེད་པ།

རིམ་ཁག་སྣོད་བཅུད་ཉེན་རྟོག་པ་དང་མཚེའུ་དོ་དམ་མི་སྣ་སྒྲིག་འཛུགས་བྱས་ཏེ་མཉམ་དུ་མཚོ་སྐོར་དང་ཆུ་བོར་སྐོར་ཞིབ་བྱེད་པ་དང་།སྣོད་བཅུད་ཉེན་རྟོག་དཔོན་ལ་གཞོགས་འདེགས་བྱས་ནས་ཁྲིམས་འགལ་བྱེད་སྤྱོད་ལ་སྐོར་ཞིབ་དང་དུས་ངེས་མེད་ཀྱི་འཕྲལ་སྒྲུབ་ཞིབ་བཤེར་བྱས་ཏེ་གནད་དོན་སྔ་ཙམ་ཤེས་རྟོགས་ཐུབ་པ་དང་།“སྔ་ཙམ་དོན་འཁྱོལ”བྱས་ནས་གནད་དོན་སྔ་ཙམ་གཙང་སེལ་ཐུབ་པ་བྱེད་དགོས།སྣོད་བཅུད་ཉེན་རྟོག་དཔོན་གྱི“དྲ་མིག་ཅན”གྱི་ནུས་པ་འདོན་སྤེལ་ཧུར་ཐག་བྱས་ཏེ་སྣོད་བཅུད་ཉེན་རྟོག་དཔོན་གྱིས་སྣེ་ཁྲིད་པ་དང་།གཞུང་ཕྱོགས་སུ་མངགས་གཏོང་ཁང་གི་མི་དམངས་ཉེན་རྟོག་པ་དང་།གཞོགས་འདེགས་ཉེན་རྟོག་པ།གྲོང་ཚོའི་ཉེན་རྟོག་པ།འོས་འགན་ཉེན་རྟོག་པ་བཅས་རིམ་པ་བཞིའི་སྣོད་བཅུད་ཉེན་རྟོག་པ་སྒྲིག་འཛུགས་བྱས་ཏེ་འཕྲེད་ཕྱོགས་སུ་སྐབས་བསྟུན་དང་།ཤོན་འགོགགྲོང་ཚོ་བཅས་རིམ་པ་གསུམ་གྱི་སྣོད་བཅུད་ཉེན་རྟོག་པ་སྒྲིག་འཛུགས་བྱས་ནས་ནགས་ཁུལ་དུ་སྐོར་ཞིབ་སྐོར་སྲུང“ཉེན་རྟོག་པ་ཁྲི་བརྒྱ་ཁྱིམ་ཚང་ཁྲི་སྟོང་མང་པོར་བསྐྱོད་པ”དང་དབྱར་དུས་ཀྱི་མཚན་མོའི་དྲིལ་བསྒྲགས་སྔོན་འགོག་གི་གཅིག་གྱུར་བྱ་སྤྱོད་སོགས་དང་ཟུང་འབྲེལ་བྱས་ཏེ“དྲ་ཐོག་དང་དྲ་ཐོག་ཟུང་དུ་འབྲེལ་བའི”བྱེད་ཐབས་བརྒྱུད་སྣོད་བཅུད་ཁོར་ཡུག་སྲུང་སྐྱོང་དྲིལ་བསྒྲགས་ཧུར་ཐག་བྱས་ཡོད།དྲ་ཕྱིར་ལྷུ་ཚིགས་གཙོ་བོ་གོ་སྐབས་སུ་བྱས་ནས“གཱ་རྒྱག་པ་དང་དྲིལ་བསྒྲགས་ཟུང་དུ་འབྲེལ་བའི”བྱེད་སྟངས་གསར་པ་དང་ཁྲིམས་ལུགས་ཁྱབ་གདལ་AIའཕྲུལ་མིས་འགུལ་རིས་གློག་བརྙན་བསྟན་པ་སོགས་ཀྱི་རྣམ་པ་བརྒྱུད་ཚན་རྩལ་དང་།རིག་ནུས།སྟབས་བདེའི་ལེགས་ཆ་བཅས་འདོན་སྤེལ་བྱས་ནས་མང་ཚོགས་ལ་ཁྲིམས་ལུགས་ཁྱབ་གདལ་གཏོང་རྒྱུ་དང་།དྲ་ཐོག་ཏུ“ཕྲན་ཚེགས་གཅིག་འདར་གཅིག”སོགས་སྨྱན་སྦྱོར་གསར་པའི་ལས་སྟེགས་ལ་བརྟེན་ནས་རྒྱུན་གཏན་གྱི་བཅའ་ཁྲིམས་དང་ཁྲིམས་སྲོལ་ཤེས་བྱ་དང་དཔེ་མཚོན་གྱོད་དཔེ་སོགས་ཀྱི་ནང་དོན་མཉམ་སྤྱོད་བྱས་ཏེ་སྣོད་བཅུད་ཁོར་ཡུག་སྲུང་སྐྱོང་གི་ཁྲིམས་སྐྱོང་རྣམ་པ་རྒྱུན་ཆད་མེད་པར་ཆེ་རུ་གཏོང་དགོས།

“གནམ་འོག་རྨ་ཆུ་ཁྲི་ཀའི་ཡུལ་དུ་དྭངས། རྨ་ཆུ་སྔོན་མོ་ང་ཡིས་སྲུང་སྐྱོབ་བྱེད”ཁྲི་ཀ་སྤྱི་བདེས་རྒྱུན་མཐུད་འཚོལ་ཞིབ་དང་ལག་ལེན་བྱས་ཏེ་དོགས་ཟོན་དང་།རྡུང་རྡེགབཅོས་སྐྱོང་།ཞབས་ཞུ་སོགས་ཀྱི་ཐད་ནས་སྤྱི་ཡོངས་ཀྱི་འཐབ་ནུས་ཕྱོགས་ཡོངས་ནས་ཆེ་རུ་གཏོང་བ་དང་།“ཉེན་རྟོག་སྔོན་པོའི”ཐོག་ནས“སྣོད་བཅུད་ལྗང་མདོག”སྲུང་སྐྱོང་བྱས་ཏེ་ཁྲི་ཀ་དང་།རི་ཆུ་དྭངས་ཤིང་གཙང་བ།རྨ་ཆུ་རྒྱུག་ཁུལ་གྱི་སྣོད་བཅུད་སྲུང་སྐྱོང་དང་སྤུས་ལེགས་འཕེལ་རྒྱས་ལ་སྐུལ་འདེད་གཏོང་ཆེད་སྤྱི་བདེའི་ལེགས་སྐྱེས་འབུལ་རྒྱུ་ཡིན་ཞེས་ནན་བཤད་གནང་བ་རེད།