ཞིང་ཆེན་ཏང་ཨུའི་ལས་བྱེད་རྒན་པ་ཅུས་ཀྱིས་རྒན་པ་ཤེས་ལྡན་མི་སྣས་མཚོ་སྔོན་ལ་ལྟ་བའི་བྱེད་སྒོ་རྩ་འཛུགས་བྱས།

ཉེ་ཆར། ཞིང་ཆེན་ཏང་ཨུའི་ལས་བྱེད་རྒན་པ་ཅུས་ཀྱིས་ཟི་ལིང་གྲོང་ཁྱེར་ཏང་ཨུའི་ལས་བྱེད་རྒན་པ་ཅུས་དང་། མཁར་ཤར་ཆུས་ཏང་ཨུའི་རྩ་འཛུགས་པུའུ་དང་མཉམ་འབྲེལ་བྱས་ཏེ། “རྒན་པའི་སེ་འབྲུའི་དམར་མདངས་བཀྲ་བ་དང་བློ་སེམས་གཅིག་མཐུན་གྱིས་དར་རྒྱས་ལ་སྐུལ་སྤེལ་གཏོང་བའི”རྒན་པ་ཤེས་ལྡན་མི་སྣས་མཚོ་སྔོན་ལ་ལྟ་བ་དང་། “ངས་ཕ་ཡུལ་གྱི་མགྲིན་ཚབ་པ་བྱེད་པའི”བྱེད་སྒོ་སྤེལ་ལ། རྒན་པ་ཤེས་ལྡན་མི་སྣའི་འཐུས་ཚབ50ལྷག་ཞུགས་ཡོད།

བྱེད་སྒོ་སྤེལ་སྐབས། བློ་མཐུན་རྒན་པ་རྣམས་སྔ་རྗེས་སུ་ཟི་ལིང་གྲོང་ཁྱེར་གྱི་གྲོང་ཁྱེར་འགྲེམ་སྟོན་ལྟེ་གནས་དང་། མཁར་ཤར་ཆུས་ཀྱི་ནན་ཀོན་སྲང་ལམ་ཞོལ་མ། “མཁར་ཤར་གཟུགས་འདས་མཉམ་ཕྱུག་ལས་ཁང་།” ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་སྲ་བརྟན་དུ་གཏོང་བའི་བརྗོད་དོན་སློབ་གསོའི་འགྲེམ་ཁང་བཅས་སུ་བསྐྱོད་དེ། གྲོང་ཁྱེར་འཛུགས་སྐྲུན་དང་རིག་གནས་ཡུལ་སྐོར་མཉམ་འདྲེས། དེ་བཞིན་མི་རིགས་མཐུན་སྒྲིལ་ཡར་ཐོན་གསར་སྐྲུན་སོགས་ཀྱི་བྱ་བའི་ཕན་འབྲས་ལ་ཡུལ་དངོས་ལྟ་སྦྱོང་བྱས། ཚང་མས་དབྱིངས་ཞུགས་རྣམ་པས་རྨ་ཙོང་རིག་གནས་ཀྱི་ནང་དོན་དང་གྲོང་ཁྱེར་གྱི་འཚོ་བའི་ཉམས་སྣང་མྱོང་ཚོར་བྱས་ཏེ། མཚོ་སྔོན་གྱི་ཁྱད་ལྡན་ཟས་མཆོག་འོས་སྦྱོར་དང་མི་རིགས་ཀྱི་ཟས་མཆོག་རིག་གནས་ཀྱི་ནང་དོན་བརྗོད་དེ། བྱ་སྤྱོད་དངོས་ཀྱི་ཐོག་ནས་ས་གནས་ཀྱི་འཛད་སྤྱོད་ལ་རོགས་རམ་དང་ཕ་ཡུལ་གྱི་མིང་བྱང་འོས་སྦྱོར་བྱས། དེ་དང་ཆབས་ཅིག གཟུགས་འདས་རྣམ་གྲངས་ལ་ལྟ་སྐོར་དང་ལོ་རྒྱུས་ཀྱི་དཔྱད་གཞིའི་ཡིག་རིགས་དང་པར་རིས་ཀློག་པ་བརྒྱུད། གཟུགས་འདས་བེད་སྤྱོད་དང་མང་ཚོགས་ཀྱི་འབབ་འཕར་ཕྱུག་འགྱུར་ལ་སྐུལ་ཁྲིད་བྱེད་པའི་ལག་ལེན་གྱི་ཐབས་ལམ་དང་། རིགས་སོ་སོའི་འགྲོ་འོང་སྤེལ་རེས་དང་མཉམ་འདྲེས་ཀྱི་ལོ་རྒྱུས་ལ་རྒྱུས་ལོན་གཏིང་ཟབ་བྱས་ཏེ། མི་རིགས་མཐུན་སྒྲིལ་ཡར་ཐོན་གྱི་བསམ་བློའི་རྨང་གཞི་སྔར་ལས་ཇེ་བརྟན་དུ་བཏང་།

བློ་མཐུན་རྒན་པ་ཚོས་བསྟན་དོན། བྱེད་སྒོ་སྤེལ་བ་བརྒྱུད་དེ་མཚོ་སྔོན་འཕེལ་རྒྱས་ཀྱི་འཕོ་འགྱུར་གསར་པ་དང་གྲུབ་འབྲས་གསར་པ་ཐད་ཀར་ཚོར་ཐུབ། རྗེས་ཕྱོགས་ཉམས་མྱོང་གི་དགེ་མཚན་རྒྱུན་མཐུད་ངང་འདོན་སྤེལ་བྱས་ཏེ། ཧུར་ཐག་གིས་བློ་འདོན་ཇུས་འབུལ་དང་རང་འགུལ་ངང་ཕ་ཡུལ་གྱི་མགྲིན་ཚབ་པ་བྱས་ནས། ཞིང་ཆེན་ཡོངས་ཀྱི་མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་ཞིང་ཆེན་འཛུགས་སྐྲུན་བྱེད་ཆེད་རྒན་པའི་བློ་གྲོས་དང་སྟོབས་ཤུགས་འབུལ་རྒྱུ་ཡིན་ཟེར།