ཆེས་ཐོག་མའི་མཚོ་སྔོན་བསྐོར་བའི་ཡུལ་སྐོར་ཆེད་འཁོར་མདོ་ལ་རི་བོ་རྟགས་ཅན་དངོས་སུ་གཏོང་མགོ་བརྩམས།

ཟླ9བའི་ཚེས30ཉིན་གྱི་ཆུ་ཚད14དང་སྐར་མ10ཡི་སྟེང་། ཆེས་ཐོག་མའི་མཚོ་སྔོན་བསྐོར་བའི་ཡུལ་སྐོར་ཆེད་འཁོར་མདོ་ལ་རི་བོ་རྟགས་ཅན་དེ་མཚོ་སྔོན་སྒོ་ཆེན་ཟི་ལིང་ས་ཚིགས་ནས་བདེ་བླག་ངང་ཕྱིར་བསྐྱོད་ཅིང་། རྒྱལ་ཡོངས་ཀྱི་ས་གནས80ལྷག་གི་ལྗོངས་རྒྱུ་བ་ཆེད་འཁོར་དེར་བསྡད་ནས། ཉིན་དྲུག་ཞག་ལྔ་ཡི་རབ་མཛེས་མཚོ་སྔོན་གྱི་མཛེས་པ་རོལ་བའི་བསྐོར་སྐྱོད་འགྲུལ་བཞུད་མགོ་བརྩམས།

རྒྱལ་ནང་གི་ཆེས་ཐོག་མའི་མཚོ་སྔོན་བསྐོར་བའི་ཡུལ་སྐོར་མེ་འཁོར་ཐོན་རྫས་ཡིན་པའི་ཆ་ནས། མདོ་ལ་རི་བོ་རྟགས་ཅན་གྱི་ཆེད་འཁོར་གྱི་སྒྲིག་ཆས་ཆ་ཚང་ཡིན་ཞིང་། འཁོར་སྒམ་དུ་གསང་དོད་ཁེར་ཁང་དང་། སྐམ་རློན་གཉིས་བགར་གྱི་ཁྲུས་ཁང་། ཡུལ་ལྗོངས་ཧྲིལ་བོར་གཟིགས་པའི་སྒེའུ་ཁང་། སྤྲོ་གསེང་རོལ་རྩེད་ཁང་བཅས་ཆ་སྒྲིག་བྱས་ཡོད་ལ། མེ་འཁོར་ནི་འགྲུལ་ཁང་དང་། ཡུལ་སྐོར། ཡུལ་ལྗོངས་བཅས་ཡིན་པ་མངོན་འགྱུར་བྱས། འགྲུལ་བཞུད་ཧྲིལ་བོར་ཆེད་ལས་འགན་སྲུང་སྨན་པ་དང་། ཉམས་མྱོང་ལྡན་པའི་སྣེ་ཤན་པ། རིག་རྩལ་ཚན་ཆུང་བཅས་བཀོད་སྒྲིག་བྱས་ཡོད་ལ། ལྗོངས་རྒྱུ་བར་བརྩེ་བ་དང་ཞིབ་ཚགས་ཀྱི་ཞབས་ཞུ་དང་ཡུལ་སྐོར་གྱི་བྱེད་སྒོ་གྱ་ནོམ་པ་འདོན་སྤྲོད་བྱས། རྒྱུས་ལོན་བྱུང་བ་ལྟར་ན། ཐེངས་འདིའི་འགྲུལ་བཞུད་ཀྱི་ལམ་ཐིག་ཏུ་ཚྭ་ཁ་དང་། གཏེར་ལེན་ཁ། ཚྭ་འདམ་ཆེ་བ། ཆུ་ཐོག་ཡ་ཏན། ཁྲ་ཨར་ཧན་ཚྭ་མཚོ། མཚོ་སྔོན་པོ་སོགས་མཐོ་སྒང་གི་ལྗོངས་ཁུལ་ཡོད་ལ། བརྒྱུད་ལམ་དུ་ཚྭ་མཚོ་དང་། བྱེ་ཐང་། ཡ་ཏན་སོགས་རང་བྱུང་མཛེས་ལྗོངས་དང་ཁྱད་ལྡན་མི་ཆོས་ཀྱི་མཛེས་པ་མངོན་པར་ལྟ་ཐུབ་པ་རེད།