རང་རྒྱལ་གྱིས་དེང་རབས་ཅན་གྱི་ཆུ་དྲ་མགྱོགས་མྱུར་ངང་འཛུགས་སྐྲུན་བྱས།

རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་སྒྲུབ་ཁང་གིས་ཚེས་སུམ་ཅུ་ཉིན‘ལོ་ལྔའི་འཆར་འགོད་བཅོ་ལྔ་པའི’འགོ་ལེགས་པོར་རྩོམ་ཞེས་པའི་མུ་འབྲེལ་བརྗོད་དོན་གསར་འགྱུར་སྒྲོག་སྤེལ་ཚོགས་འདུ་བསྡུས་ནས།  ཆུ་བེད་པུའུ་ཡི་འབྲེལ་ཡོད་འགན་འཁུར་བས་དེང་རབས་ཅན་གྱི་ཆུ་དྲ་མགྱོགས་མྱུར་ངང་འཛུགས་སྐྲུན་བྱེད་པའི་འབྲེལ་ཡོད་གནས་ཚུལ་མཚམས་སྦྱོར་བྱས།  

ད་ལོ་ནི་ལོ་ལྔའི་འཆར་འགོད་བཅོ་ལྔ་པ་འགོ་རྩོམ་པའི་ལོ་ཡིན་ལ།  དེང་རབས་ཅན་གྱི་ཆུ་དྲ་འཛུགས་སྐྲུན་ལ་མགྱོགས་མྱུར་ངང་སྐུལ་འདེད་བཏང་།  ཟླ་དང་པོ་ནས་དགུ་པའི་བར།  ཆུ་བེད་ལས་གཞི་སྣ་ཚོགས་བཞི་ཁྲི་ཆིག་སྟོང་བཞི་བརྒྱ་ལག་བསྟར་བྱས་ཤིང་།   ཆུ་བེད་འཛུགས་སྐྲུན་ཐད་མ་དངུལ་སྒོར་ཁྲག་ཁྲིག་བདུན་ཐེར་ཆེན་དགུ་ཐེར་འབུམ་ལྔ་བཏང་སྟེ།  མི་ས་ཡ་གཉིས་ཆིག་ཁྲི་ལས་ཞུགས་ཐུབ་པར་བྱས།   “ལོ་ལྔའི་འཆར་འགོད་བཅོ་ལྔ་པའི”སྐབས་སུ།  རང་རྒྱལ་གྱིས་གཞི་ཁྱོན་ཆེ་བའི་ཆུ་དྲའི་བཟོ་སྐྲུན་མ་ལག་གི་དགེ་མཚན་དང་དྲ་རྒྱའི་ཕན་ནུས་འདོན་སྤེལ་གང་ལེགས་བྱ་རྒྱུ་རེད།

ཆུ་བེད་པུའུ་ཡི་པུའུ་ཀྲང་ལི་གོ་དབྱིན་གྱིས་བཤད་རྒྱུར།   རྒྱལ་ཁབ་ཀྱི་ཆུ་དྲའི་སྒྲོམ་གཞི་གཙོ་བོ་དང་འཕར་རྩ་ཆེན་པོ་གང་མགྱོགས་སྒོས་འཛུགས་སྐྲུན་དང་།   ལྷོ་ཆུ་བྱང་འདྲེན་གྱི་རྗེས་མཐུད་བཟོ་སྐྲུན་སྤུས་ཚད་མཐོ་བའི་ངང་འཕེལ་བར་སྐུལ་འདེད་ཤུགས་ཆེན་གཏོང་བ། ཆུ་འདྲེན་སྒྲིག་ལམ་གཙོ་བོ་དང་ཆུ་གསོག་ས་གལ་ཆེན་འཛུགས་སྐྲུན་གང་མགྱོགས་སྒོས་འཛུགས་སྐྲུན་དང་།  ལོ་ལྔའི་འཆར་འགོད་བཅོ་ལྔ་པའི་དུས་མཇུག་ཏུ། རྒྱལ་ཁབ་ཀྱི་ཆུ་དྲའི་ཁྱབ་ཚད་རྒྱལ་ཁབ་ཀྱི་ས་ཁོངས་ཀྱི་རྒྱ་ཁྱོན་ཀྱི82%ཟིན་པར་བརྩོན་ལེན་བྱ་རྒྱུ་རེད།  

“ལོ་ལྔའི་འཆར་འགོད་བཅོ་ལྔ་པའི”སྐབས་སུ།  རང་རྒྱལ་གྱིས་འབབ་རྒྱུད་ཀྱི་ཞོད་འགོག་གནོད་འཕྲིའི་མ་ལག་གང་མགྱོགས་ངང་འཛུགས་སྐྲུན་དང་།   ཆུའི་ཐོན་ཁུངས་བཀོད་སྒྲིག་དང་ཆུ་མཁོ་འདོན་འགན་སྲུང་མ་ལག་གང་མགྱོགས་སྒོས་འཛུགས་སྐྲུན།   ཆུའི་སྐྱེ་ཁམས་མ་ལག་སྲུང་སྐྱོབ་དང་བཅོས་སྐྱོང་མ་ལག་གང་མགྱོགས་ངང་འཛུགས་སྐྲུན་དང་།   གྲངས་འཛིན་མཚེ་མ་ཅན་གྱི་ཆུ་དྲ་བཅས་གང་མགྱོགས་སྒོས་འཛུགས་སྐྲུན་བྱ་རྒྱུ་རེད།