མཉམ་དུ་དར་ཆ་མཐོན་པོར་བསྒྲེངས་ནས་མེས་རྒྱལ་ལ་བཀྲ་ཤིས་སྨོན་འདུན་ཞུ།

ཟླ10པའི་ཚེས1ཉིན། གྲོང་ཁྱེར་ནས་གྲོང་གསེབ་དང་། མཐོ་སྒང་ནས་མཚོ་གླིང་བར་མི་རྣམས་ཀྱིས་སྐར་ལྔའི་དར་དམར་བསྒྲེངས་ནས་མཉམ་དུ་རླབས་ཆེན་གྱི་མེས་རྒྱལ་ལ་རྟེན་འབྲེལ་ཞུས། 

ཚེས་གཅིག་ཉིན་མེས་རྒྱལ་གྱི་ཤར་སྣེ་ཧེ་ལུང་ཅང་ཧྥུའུ་ཡོན་གྲོང་ཁྱེར་དུ། སྐར་ལྔའི་དར་དམར་གྱིས་ཞོགས་པའི་ཉི་ཟེར་ཐོག་མ་བསུས་ཏེ་དལ་བུར་ཡར་བསྒྲེངས་པ་དང་།   ཧའེ་ནན་སན་ཧྲ་གྲོང་ཁྱེར་གྱི་གླིང་ཕྲན་མང་པོའི་སྟེང་རྔམ་བརྗིད་ལྡན་པའི་རྒྱལ་གླུ་མཁའ་དབྱིངས་སུ་གྲགས།  ཞིན་ཅང་ཧུང་ཆི་ལ་ཕུའུ་རུ་མཚོ་འཕགས་སྨི5100ལྷག་གི་ཕ་མེ་འར་མཐོ་སྒང་དུ་རྒྱལ་དར་ལྷབ་ལྷུབ་ཏུ་གཡོ་བཞིན་ཡོད། དེ་རིང་། བོད་ལྗོངས་ལྷ་ས་དང་ཧྲན་ཞི་ཐེ་ཡོན།  ནང་སོག་མཁར་སྔོན་པོ།  སི་ཁྲོན་ཁྲེང་ཏུའུ།  ཧྲའན་ཞི་ཞི་ཨན་སོགས་སུ་རྔམ་བརྗིད་ལྡན་པའི་རྒྱལ་དར་བསྒྲེངས་པའི་མཛད་སྒོ་བསྡུས་ཏེ།  མི་རྣམས་ཀྱིས་རྒྱལ་དར་བསྒྲེངས་པར་བལྟས་ཤིང་། མཉམ་དུ་རྒྱལ་གླུ་བླངས་ནས། ཀྲུང་གོ་གསར་པ་དབུ་བརྙེས་ནས་ལོ་ངོ77འཁོར་བར་རྟེན་འབྲེལ་ཞུས།

བོད་ལྗོངས་ལྷ་ས་གྲོང་ཁྱེར་གྱི་གྲོང་མི་པད་མ་སྒྲོལ་དཀར་གྱིས་བཤད་རྒྱུར། རྒྱལ་དར་དལ་གྱིས་ཡར་འཕགས་པ་མཐོང་ན། དངོས་ནས་སེམས་འགུལ་ཐེབས་པ་ཞིག་རེད། ལོ་འདི་དག་གི་རིང་ང་ཚོའི་ཉེ་འགྲམ་དུ་མིག་མཐོང་ལག་ཟིན་གྱི་འགྱུར་ལྡོག་མཐོང་བྱུང་ལ། མི་དམངས་མང་ཚོགས་ཀྱི་འཚོ་བའང་ཉིན་རེ་ནས་ཉིན་རེར་ཇེ་ལེགས་སུ་འགྲོ་བཞིན་ཡོད་པས་མེས་རྒྱལ་དར་རྒྱས་གོང་འཕེལ་ཡོང་བའི་སྨོན་འདུན་ཞུ། ང་ཚོའི་ཕ་ཡུལ་ཇེ་རྒྱས་ཇེ་ལེགས་སུ་འགྲོ་བའི་སྨོན་འདུན་ཞུ་ཟེར། 

ད་ལོ་ནི་ཀྲུང་གོ་གུང་ཁྲན་ཏང་དབུ་བརྙེས་ནས་ལོ105འཁོར་བ་དང་དམར་དམག་རྒྱང་སྐྱོད་ལ་རྒྱལ་ཁ་ཐོབ་ནས་ལོ90འཁོར་བའི་ལོ་ཡིན། ཀྲེ་ཅང་ཅ་ཞིན་ནན་ཧུའུ་གསར་བརྗེའི་དྲན་གསོ་ཁང་དང་།   ཅང་ཞིའི་རུའེ་ཅིན།   ཧྥུའུ་ཅན་ལུང་ཡན་སོགས་སུ་མི་རྣམས་གསར་བརྗེའི་གནས་ཡུལ་དུ་སྐྱོད་དེ། ལག་གི་རྒྱལ་དར་གཡུགས་ཞོར་མེས་རྒྱལ་ལ་ཕུལ་བའི་སྨོན་འདུན་བཟང་པོ་འཁྱེར་ནས་བརྗིད་ཉམས་ལྡན་པའི་མཛད་སྒོའི་ཁྲོད་ཞུགས། 

ཅང་ཞི་རུའེ་ཅིན་གྱི་གྲོང་མི་ཀྲུང་ཡན་ལིན་གྱིས་བཤད་རྒྱུར།    གསར་བརྗེའི་སྔོན་གཤེགས་དཔའ་བོ་གྲངས་ལས་འདས་པས་ཟུངས་ཁྲག་དྲོན་མོ་དང་ཚེ་སྲོག་ལ་བརྟེན་ནས་ང་ཚོའི་དེ་རིང་གི་རྒྱལ་བདེ་དམངས་སྐྱིད་ཀྱི་འཚོ་བ་འདི་བསྐྲུན་པ་རེད།   ང་ཚོས་ད་ལྟའི་བདེ་སྐྱིད་ཀྱི་འཚོ་བར་ཤིན་ཏུ་གཅེས་སྤྲས་བྱས་ཏེ། དུས་རབས་གསར་པའི་རྒྱང་སྐྱོད་ལམ་དུ་འབད་པས་བསྐྱོད་དགོས་ཟེར། 

ཟླ10པའི་ཚེས1ཉིན། ཧོང་ཧའེ་ཡི་མདུན་གྱི་སོ་ལྟ་ཁང་དང་།  ཅང་སུའུ་ལན་ཡུན་གྲུ་ཁ་ཁའེ་ཧྲན་གླིང་ཕྲན་དུ། གླིང་སྲུང་དམངས་དམག་གིས“དུས་རབས་ཀྱི་མིག་དཔེ་ཝང་ཧྲི་ཧྭ་དང་ལྷན་དུ། རྒྱ་མཚོའི་རླུང་དང་འགྲོགས་ནས་རྒྱལ་དར་བསྒྲེངས། 1986ལོ་ནས་བཟུང་།   ཝང་ཅི་ཚའེ་དང་ཝང་ཧྲི་ཧྭ་བཟའ་ཟླ་གཉིས་ཀྱིས་གླིང་ཕྲན་རང་ཁྱིམ་ལྟར་བཟུང་སྟེ་གླིང་ཕྲན་སྲུང་ནས་ད་ལྟའི་བར་དུ་ལོ32འགོར།  ད་ལྟ། ན་གཞོན་མང་པོ་ཞིག་གནས་འདིར་ཡོང་ནས་མཐུད་རྒྱུག་དབྱུག་པ་བླངས་ཏེ། རྒྱལ་གཅེས་བྱས་རྗེས་འཇོག་པའི་གླིང་སྲུང་བའི་སྙིང་སྟོབས་རྒྱུན་འཛིན་བྱེད་ཀྱིན་ཡོད། 

ཚེས་གཅིག་ཉིན། ནན་ཧྲ་རེན་ཨའེ་ཅའོ—ཞན་པིན་ཅའོ་ཡི་ཉེ་འགྲམ་མཚོ་ཁོངས་སུ། ཀྲུང་གོའི་མཚོ་ཐོག་ཉེན་རྟོག་ཏུང་ཨན་དམག་གྲུའི་དཔུང་ཁག་གིས་འཐབ་ཕྱོགས་དང་པོ་བརྟན་སྲུང་བྱས་ཡོད་ལ། ཁྲིམས་འཛིན་པ་གྲུ་གཟིངས་སྟེང་གྲལ་བསྒྲིགས་ནས། བརྗིད་ཉམས་ལྡན་པའི་རྒྱལ་དར་སྒྲེང་བའི་མཛད་སྒོ་བསྡུས་ཏེ། མེས་རྒྱལ་གྱི་ལྷོ་རྒྱ་མཚོའི་བདེ་འཇགས་སྲུང་ཡོད། 

རྒྱལ་སྟོན་འདི་ནས་བཟུང་། རྒྱལ་ཡོངས་ཀྱི་ཡུལ་མི་གནས་སྤོ་དོ་དམ་ལས་ཁུངས་ཀྱིས་དུས་ཆེན་གལ་ཆེན་གྱི་དར་ཆ་སྒྲེང་བའི་མཛད་སྒོའི་ལམ་ལུགས་ཕྱོགས་ཡོངས་ནས་ཁྱབ་སྤེལ་བཏང་ལ། རྒྱལ་དར་ཐང་ཆེན་འཛུགས་པ་དང་རྒྱལ་སྒོའི་དར་སྲུང་རུ་ཁག་བཙུགས་པ་བརྒྱུད། རྒྱུན་རྣམ་ཅན་གྱི་སྒོ་ནས“མེས་རྒྱལ་གྱི་སྒོ་རུ་དར་ཆ་གཅིག་བསྒྲེང་བ”ཞེས་པའི་མུ་འབྲེལ་བྱེད་སྒོ་སྤེལ།

ཚེས་གཅིག་ཉིན་ཞང་ཀང་དམིགས་བསལ་སྲིད་འཛིན་ས་ཁུལ་སྲིད་གཞུང་གིས་ཅིན་ཙི་ཅིན་ཐང་ཆེན་དུ་རྒྱལ་དར་སྒྲེང་བའི་མཛད་སྒོ་སྤེལ་ནས། སྐར་ལྔའི་དར་དམར་དང་ཞང་ཀང་དམིགས་བསལ་སྲིད་འཛིན་ས་ཁུལ་གྱི་ཁུལ་དར་དལ་བུར་བསྒྲེངས་པ་དང་། རྒྱལ་དར་དང་ཁུལ་དར་བཀལ་པའི་ཐད་འཕུར་གནམ་གྲུ་ཝི་ཏོ་ལི་ཡ་གྲུ་ཁའི་མཁའ་དབྱིངས་སུ་བསྐྱོད་ལ། གྲུ་གཟིངས་ཀྱིས་གྲུ་ཁའི་ཆུ་ངོས་སུ་ཆུ་ཡི་ཟེགས་མ་གཏོར་ནས་གུས་འདུད་ཞུས། ཨའོ་མོན་དམིགས་བསལ་སྲིད་འཛིན་ས་ཁུལ་སྲིད་གཞུང་གིས་ཚེས་གཅིག་ཉིན་ཅིན་ལེན་ཧ་ཐང་ཆེན་དུ་རྒྱལ་དར་སྒྲེང་བའི་མཛད་སྒོ་སྤེལ་ཞིང་། ཨའོ་མོན་བདེ་སྲུང་དམག་དཔུང་ཀྲུང་ལུགས་ཀྱི་རུ་སྟར་གྱིས་ཅིན་ལེན་ཧ་ཐང་ཆེན་དུ་ཐོག་མར་ཡོང་། 

ཚེས་གཅིག་ཉིན། དམག་ཡོངས་ཀྱི་དམག་དཔུང་སོ་སོའི་དཔོན་དམག་གིས་རྒྱལ་དར་སྒྲེང་བའི་མཛད་སྒོ་སྤེལ་ལ། མཱ་ལི་དང་། ལྷོ་སུའུ་ཏན། ལེ་པ་ནོན་སོགས་ཕྱི་རྒྱལ་གྱི་ཞི་བདེ་སྲུང་སྐྱོང་ལས་འགན་སྒྲུབ་ཁུལ་དང་། ཐག་རིང་རྒྱ་མཚོ་རུ་མཚོ་འགྲུལ་སྲུང་སྐྱེལ་ལས་འགན་སྒྲུབ་བཞིན་པའི་མཚོ་དམག་རུ་དཔུང་སྐོར་ཞེ་དགུ་པ་རུ།  དཔོན་དམག་ཚོས་རླབས་ཆེན་མེས་རྒྱལ་ལ་གུས་འདུད་ཞུས་ཤིང་རི་ཀླུང་ལ་བསྔགས་བསྟོད་བྱས།