རང་རྒྱལ་ཉིད་མི་གསོད་གྱོད་གཞི་ཐོན་ཉུང་ཤོས་ཀྱི་རྒྱལ་ཁབ་ཏུ་གྱུར་བ།

གསར་འགོད་པར་དུས་བདེའི་ཀྲུང་གོ་འཛུགས་སྐྱོང་ལས་དོན་གྲོས་ཚོགས་ཐོག་ནས་ཤེས་རྟོགས་བྱུང་བ་གཞིགས་ན། 2025ལོར་རྒྱལ་ཡོངས་སུ་ཉེས་དོན་ཉེས་བསགས་གྱོད་གཞི་ཐོ་འགོད་ཀྱི་གྲངས་འབོར་དང་མི་བསད་གྱོད་གཞི་ཐོན་པའི་གྲངས་འབོར་གཉིས་ཀ་དུས་རབས་འདིའི་ཚུན་གྱི་དམའ་ཤོས་སུ་སླེབས་ཡོད་པ་དང་། མང་ཚོགས་གནས་བཟོད་བདེ་ཚད་བརྒྱ་ཆ་98.23ཟིན་པ་དང་། ཚད་གཞི་དེ་ལོ་6བསྟུད་མར་བརྒྱ་ཆ་98ཡན་རྒྱུན་འཁྱོངས་ཐུབ་ཡོད་པ་རེད།

ད་ལོའི་ལོ་སྟོད་དུ། རྒྱལ་ཡོངས་སུ་ཉེས་དོན་ཉེས་བསགས་གྱོད་གཞིའི་ཐོ་འགོད་གྲངས་འབོར་དེ་དུས་མཚུངས་ལས་བརྒྱ་ཆ་16.5ཆག་པ་དང་། མི་བསད་གྱོད་གཞི་ཐོན་ཚད་དུས་མཚུངས་ལས་བརྒྱ་ཆ་11.4ཆག་པ། མེ་མདའ་ཁྱེར་བའི་གྱོད་གཞི་ཐོན་ཚད་དུས་མཚུངས་ལས་བརྒྱ་ཆ་53.3ཆག་བཅས་ཀྱི་ཐོག་ནས། སླར་ཡང་ཚད་གཞི་དམའ་ཤོས་ལ་སླེབས་ཡོད་པ་རེད། མདོར་ན། རང་རྒྱལ་འདི་ཉིད་འཛམ་གླིང་ཐོག་ཉེས་དོན་ཉེས་བསགས་གྱོད་གཞི་ཐོན་ཉུང་ཤོས་དང་མི་བསད་གྱོད་གཞི་ཐོན་ཉུང་ཤོས། མེ་མདའ་ཁྱེར་བའི་ཉེས་བསགས་གྱོད་གཞི་ཐོན་ཉུང་ཤོས་བཅས་ཀྱི་རྒྱལ་ཁབ་ཀྱི་གྲས་ཤིག་ཡིན་པ་དང་། དུས་བདེའི་ཀྲུང་གོའི་འཛུགས་སྐྱོང་ལ་འཛམ་གླིང་ཡོངས་ཀྱི་ཁས་ལེན་ཐོབ་ཡོད།