མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ9བའི་ཚེས29ཉིན། སྐབས33པའི་ཀྲུང་གོའི་བརྙན་འཕྲིན་ཟློས་གར་གསར་གྱི་བྱ་རྒོད་ཀྱི་བྱ་དགའི་མིང་ཐོ་དངོས་སུ་ཁྱབ་བསྒྲགས་བྱས། ཉིན་གུང་ཉི་འོད་ཀུང་ཟིའི་བརྩམས་ཆོས《བླ་ཤིང》དང་། 《ཕལ་བའི་གླུ》《སྲུང་ལམ་གྱི་ཁྱིམ་ཚང》བཅས་ལ་མིང་ཐོན་བྱ་དགའ་ཁག་མང་བོ་ཐོབ། དེའི་ཁྲོད《བླ་ཤིང》ལ་ཆེས་ཕུལ་བྱུང་གི་བརྙན་འཕྲིན་ཟློས་གར་དང་ཆེས་ཕུལ་བྱུང་གི་བརྙན་འཕྲིན་ཟློས་གར་གྱི་འཁྲབ་གཞུང་རྩོམ་པ་པོ། ཆེས་ཕུལ་བྱུང་གི་སྐྱེས་མའི་འཁྲབ་སྟོན་པ་ཕལ་བ་བཅས་ཀྱི་བྱ་དགའ་ཐོབ།
《བླ་ཤིང》ལ་ཆེས་ཕུལ་བྱུང་གི་བརྙན་འཕྲིན་ཟློས་གར་གྱི་བྱ་དགའ་ཐོབ། བརྙན་འཕྲིན་ཟློས་གར་འདིའི་རྒྱུ་ཆ་ནི་དུས་རབས་ཉི་ཤུ་པའི་ལོ་རབས་དགུ་བཅུ་བར་མཚོ་སྔོན་རྨ་འབྲིའི་འབྱུང་ཡུལ་གྱིས་སྐྱེ་ཁམས་སྲུང་སྐྱོབ་བྱས་པའི་ལག་ལེན་དངོས་ཡིན་ལ། སྐོར་ཞིབ་རུ་མིས་ཧ་ཅང་དཀའ་ཚེགས་ཆེ་བའི་ཁོར་ཡུག་ཁྲོད། ཚེ་སྲོག་ལ་བརྟེན་ནས་རི་དྭགས་གཙོད་སྲུང་སྐྱོབ་དང་དག་གཙང་གི་མཐོ་སྒང་ལ་སྲུང་སྐྱོབ་བྱས་པའི་རླབས་ཆེན་གྱི་ལོ་རྒྱུས་བརྗོད་ཡོད། གསར་རྩོམ་ཚོགས་པ་མཐོ་སྒང་དུ་ཟབ་ཞུགས་བྱས་ཏེ་ཡུལ་དངོས་ནས་བརྙན་ཕབ་བྱས་པ་དང་། མི་སྣ་དང་ཉམས་མྱོང་དངོས་ལ་མ་དཔེར་བཟུང་ནས། སྐོར་ཞིབ་པ་དག་གིས་མི་རབས་ནས་མི་རབས་སུ་མཐོ་སྒང་དུ་རྐང་བཙུགས་ཏེ་གཅིག་རྗེས་གཉིས་མཐུད་ཀྱིས་བརྟན་སྲུང་དང་བློ་ཐག་བཅད་དེ། གསོན་ཉམས་ལྡན་པའི་སྣང་ཚུལ་བརྙན་མིག་ཏུ་བཀོད། “རྩ་བ་གཞི་རིམ་དུ་ཚུགས་ཏེ་སྟེང་ཕྱོགས་སུ་སྐྱེ་འཕེལ་བྱེད་པ”ནི་ཟློས་གར་ཁྲོད་ཀྱི་ཚེ་སྲོག་གི་སྣང་བརྙན་ཞིག་ཡིན་པར་མ་ཟད། བརྩམས་ཆོས་འདིའི་སྙིང་སྟོབས་ཀྱི་རྨང་གདན་ཀྱང་ཡིན།
《བླ་ཤིང》གི་འཁྲབ་གཞུང་རྩོམ་པ་པོ་ཞའོ་དབྱི་ཧྥན་དང་། ཧོང་ཁའེ་ཝུན། ལི་ཞུའེ། ཀྲའོ་ཡའོ། ལིའུ་ཞི། ཝང་ཅུན(ཝང་སན་མོ)། ཝང་ལེ། (ལེ་ཙི)བཅས་ལ་བརྙན་འཕྲིན་ཟློས་གར་གྱི་ཆེས་ཕུལ་བྱུང་གི་འཁྲབ་གཞུང་རྩོམ་པ་པོའི་བྱ་དགའ་ཐོབ། འཁྲབ་གཞུང་རྩོམ་སྒྲིག་ཚོགས་པ་ཐེངས་མང་བོར་མཚོ་སྔོན་དུ་དམངས་སྲོལ་འཚོལ་བསྡུ་བྱེད་དུ་སོང་བ་དང་། དངོས་ལེན་རྒྱུ་ཆ་མང་བོའི་རྨང་གཞིའི་སྟེང་བསྐྱར་ནས་བསྐྱར་དུ་འཁྲབ་གཞུང་སྦྱོང་བརྡར་བྱས་ཏེ། སྐྱེ་ཁམས་སྲུང་སྐྱོབ་ཀྱི་དུས་རབས་ཀྱི་བརྗོད་གཞི་དེ་བྱེ་བྲག་གི་མི་སྣའི་ལས་དབང་དང་འཚོ་བའི་ཞིབ་ཕྲའི་སྟེང་མངོན་པར་བྱས།
འཁྲབ་སྟོན་པ་མེ་ཐིན་གྱིས《བླ་ཤིང》ཁྲོད་ཀྱི་ཀྲང་ཆིན་ཆིན་གྱི་འཁྲབ་སྟོན་པར་ཆེས་ཕུལ་བྱུང་གི་སྐྱེས་མའི་འཁྲབ་སྟོན་པའི་བྱ་དགའ་ཐོབ། ཟློས་གར་ཁྲོད། ཀྲང་ཆིན་ཆིན་ནི་མཚོ་སྔོན་ལ་རོགས་སྐྱོར་བྱེད་པའི་སྨན་པ་དང་། རྨ་འབྲི་རྫོང་སྨན་ཁང་གི་འགོ་གཙོ་ཡིན། ད་དུང་པའེ་ཅུས་ཀྱི་མ་ཡར་ཀྱང་ཡིན། མེ་ཐིན་གྱིས་ཞིབ་ཕྲའི་འཁྲབ་སྟོན་ལ་བརྟེན་ནས། མོ་རང་སྨན་པ་ཞིག་ཡིན་པའི་འགན་འཁྲིའི་འདུ་ཤེས་དང་མ་ཡུམ་ཞིག་ཡིན་པའི་ཞུམ་མེད་ཀྱི་སྙིང་སྟོབས་མངོན་ཏེ། མཐོ་སྒང་བུད་མེད་ཀྱི་སྣང་བརྙན་དངོས་ཚོར་ཐུབ་པར་བྱས།
