མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཚེས29ཉིན་གྱི་ཕྱི་དྲོར། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ། ཀྲུང་གོའི་ཁོར་ཡུག་དང་འཕེལ་རྒྱས་རྒྱལ་སྤྱིའི་མཉམ་ལས་ཨུ་ཡོན་ལྷན་ཁང་གི་ཀྲུའུ་ཞི་ཏིང་ཞུའེ་ཞང་པེ་ཅིང་དུ་ཀྲུང་གོའི་ཁོར་ཡུག་དང་འཕེལ་རྒྱས་རྒྱལ་སྤྱིའི་མཉམ་ལས་ཨུ་ཡོན་ལྷན་ཁང་གི2026ལོའི་ལོ་ཚོགས་ལ་ཞུགས་ནས་གསུང་བཤད་གནང་།
ཚེས29ཉིན་གྱི་ཕྱི་དྲོར། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ། ཀྲུང་གོའི་ཁོར་ཡུག་དང་འཕེལ་རྒྱས་རྒྱལ་སྤྱིའི་མཉམ་ལས་ཨུ་ཡོན་ལྷན་ཁང་གི་ཀྲུའུ་ཞི་ཏིང་ཞུའེ་ཞང་པེ་ཅིང་དུ་ཀྲུང་གོའི་ཁོར་ཡུག་དང་འཕེལ་རྒྱས་རྒྱལ་སྤྱིའི་མཉམ་ལས་ཨུ་ཡོན་ལྷན་ཁང་གི2026ལོའི་ལོ་ཚོགས་ལ་ཞུགས་ནས་གསུང་བཤད་གནང་།
ཏིང་ཞུའེ་ཞང་གིས་ཞི་ཅིན་ཕིང་གི་སྐྱེ་ཁམས་དཔལ་ཡོན་གྱི་དགོངས་པའི་མཛུབ་ཁྲིད་འོག ཀྲུང་གོའི་སྐྱེ་ཁམས་དཔལ་ཡོན་འཛུགས་སྐྱོང་ལ་གྲུབ་འབྲས་ཆེན་པོ་ཐོབ་ནས། རྒྱལ་སྤྱིའི་སྤྱི་ཚོགས་ཀྱིས་རྒྱ་ཆེར་ཁས་ལེན་དང་ཚད་མཐོའི་བསྔགས་བརྗོད་ཐོབ། ལོ་ལྔའི་འཆར་འགོད་བཅོ་ལྔ་པའི་རིང་། ཀྲུང་གོས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ཕྱོགས་ཡོངས་ལྗང་མདོག་ཚུལ་སྒྱུར་ཇེ་མགྱོགས་སུ་གཏོང་བ་དང་། ལྗང་མདོག་ཐཱན་ཉུང་གི་འཕེལ་རྒྱས་དམིགས་འབེན་སྔར་ལས་ཚད་མཐོར་དམིགས་པ། ལས་འགན་བྱེད་ཐབས་སྔར་ལས་ནུས་ལྡན་ཡོང་བ། ལམ་ལུགས་མ་ལག་སྔར་ལས་དམ་ཚགས་བཅས་བྱས་ཚེ། མཛེས་སྡུག་ལྡན་པའི་ཀྲུང་གོའི་འཛུགས་སྐྲུན་སྐས་རིམ་གསར་པ་ཞིག་ཏུ་སླེབས་ཐུབ་ངེས་རེད་ཅེས་བསྟན།
ཏིང་ཞུའེ་ཞང་གིས་རྒྱུན་མཐུད་འཕེལ་རྒྱས་མངོན་འགྱུར་བྱེད་པར་མཚོན་ན་ཕྱོགས་སོ་སོས་ལག་གདང་སྦྲེལ་ནས་ལྗང་མདོག་མདུན་སྐྱོད་བྱེད་དགོས་ཞེས་ནན་གྱིས་བསྟན། ཁོང་གིས་གྲོས་འགོ3བཏོན་ཏེ། གཅིག་ནས་དངོས་གཉེར་འགུལ་སྐྱོད་ལ་བརྟེན་ནས་ལྗང་མདོག་ཐཱན་ཉུང་འཕེལ་རྒྱས་ལ་སྐུལ་འདེད་བཏང་སྟེ། འཛམ་གླིང་གི་གནམ་གཤིས་བཅོས་སྐྱོང་དང་སྐྱེ་དངོས་སྣ་མང་རང་བཞིན་སྲུང་སྐྱོབ་ལ་གཏན་འཁེལ་རང་བཞིན་དང་དྲང་ནུས་སྔར་ལས་མང་བ་སྣོན་དགོས། གཉིས་ནས་ཚན་རྩལ་གསར་གཏོད་ལ་བརྟེན་ནས་ལྗང་མདོག་ཐོན་སྐྱེད་ནུས་ཤུགས་སྐྱེད་སྲིང་བྱས་ཏེ། མཉམ་འབྲེལ་ཐོག་ལྗང་མདོག་ཐཱན་ཉུང་གི་ཚན་རྩལ་འགག་སྒྲོལ་སྤེལ་བ་དང་། ཐོན་ལས་ཀྱི་གྲངས་འཛིན་ཅན་དང་རིག་ནུས་ཅན་དེ་ལྗང་མདོག་ཅན་དང་མཉམ་འདྲེས་གཏིང་ཟབ་ཡོང་རྒྱུར་སྐུལ་འདེད་གཏོང་དགོས། གསུམ་ནས་སྒོ་འབྱེད་མཉམ་ལས་ལ་བརྟེན་ནས་འཛམ་གླིང་ཁོར་ཡུག་དང་གནམ་གཤིས་བཅོས་སྐྱོང་འཐུས་ཚང་དུ་བཏང་སྟེ། སྤུས་ཚད་མཐོ་བའི་སྒོ་ནས་ལྗང་མདོག་རྒྱུད་གཅིག་ལམ་གཅིག་མཉམ་འཛུགས་ལ་སྐུལ་འདེད་གཏོང་བ་དང་། ལྗང་མདོག་འཕེལ་རྒྱས་ཀྱི་གྲུབ་འབྲས་ཀྱིས་རྒྱལ་ཁབ་སོ་སོའི་མི་དམངས་ལ་ཕན་ཁེ་སྔར་ལས་མང་པོ་བསྐྲུན་དགོས།
ཏིང་ཞུའེ་ཞང་གིས་ཀྲུང་གོའི་ཁོར་ཡུག་དང་འཕེལ་རྒྱས་རྒྱལ་སྤྱིའི་མཉམ་ལས་ཨུ་ཡོན་ལྷན་ཁང་སྐབས་བདུན་པའི་ཨུ་ཡོན་དང་ཆེད་མཁས་པ་སོ་སོའི་བྱས་རྗེས་གལ་ཆེན་ལ་གདེང་འཇོག་ཚད་མཐོན་པོ་གནང་ནས། ཀྲུང་གོའི་སྲིད་གཞུང་གིས་ཀྲུང་གོའི་ཁོར་ཡུག་དང་འཕེལ་རྒྱས་རྒྱལ་སྤྱིའི་མཉམ་ལས་ཨུ་ཡོན་ལྷན་ཁང་སྐབས་བརྒྱད་པ་འཛུགས་རྒྱུར་དངོས་སུ་ཆོག་མཆན་བཀོད་ཟིན་པ་དང་། སྔར་བཞིན་ཀྲུང་གོའི་ཁོར་ཡུག་དང་འཕེལ་རྒྱས་རྒྱལ་སྤྱིའི་མཉམ་ལས་ཨུ་ཡོན་ལྷན་ཁང་གི་འཕེལ་རྒྱས་ལ་རྒྱབ་སྐྱོར་ཤུགས་ཆེན་བྱེད་རྒྱུ་ཡིན། ཚང་མས་མུ་མཐུད་དུ་མཛེས་སྡུག་ལྡན་པའི་ཀྲུང་གོའི་འཛུགས་སྐྲུན་དང་འཛམ་གླིང་རྒྱུན་མཐུད་འཕེལ་རྒྱས་ཆེད་བློ་གྲོས་དང་སྟོབས་ཤུགས་འབུལ་རྒྱུའི་རེ་བ་ཡོད་ཅེས་བསྟན།
ཀྲུང་གོའི་ཁོར་ཡུག་དང་འཕེལ་རྒྱས་རྒྱལ་སྤྱིའི་མཉམ་ལས་ཨུ་ཡོན་ལྷན་ཁང་གི་ཀྲུང་གོ་དང་ཕྱི་རྒྱལ་གྱི་ཨུ་ཡོན་དང་། ཆེད་མཁས་པ། ལྟ་ཞིབ་པ་སོགས་མི400ལྷག་ཚོགས་འདུར་ཞུགས།
