མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ9པའི་ཚེས29ཉིན། ཞིང་ཆེན་ཏང་ཨུའི་ཧྲུའུ་ཅི་ལུའོ་ཏུང་ཁྲོན་ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་ལྟ་ཞིབ་ཨུ་ཡོན་ལྷན་ཁང་དང་ཞིང་ཆེན་ཏང་ཨུའི་འཐབ་ཕྱོགས་གཅིག་གྱུར་པུའུ་རུ་སོང་ནས་རྟོག་ཞིབ་བྱས་པར་མ་ཟད་བཞུགས་མོལ་ཚོགས་འདུ་བསྡུས། ཁོས་ལོ་ལྔའི་འཆར་འགོད་བཅོ་ལྔ་པ་ནི་མཚོ་སྔོན་ལ་མདུན་ལམ་ཆེན་པོ་ཡོད་པ་དང་། རྒྱལ་ཡོངས་འཕེལ་རྒྱས་ཀྱི་སྤྱི་ཡོངས་ལ་བྱས་རྗེས་སྔར་ལས་ཆེན་པོ་འཇོག་པའི་གནད་འགག་གི་དུས་སྐབས་ཡིན་པས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་མཛུབ་སྟོན་དུ་འཛིན་རྒྱུ་རྒྱུན་འཁྱོངས་བྱེད་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཏང་གི་རང་ངོས་གསར་བརྗེ་སྐོར་གྱི་དགོངས་པ་གལ་ཆེན་དང་དུས་རབས་གསར་པའི་ཏང་གི་འཐབ་ཕྱོགས་གཅིག་གྱུར་བྱ་བ་བཟང་བོར་སྒྲུབ་པའི་སྐོར་གྱི་དགོངས་པ་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱེད་པ། བློ་བརྟན་འགྱུར་མེད་སྒོས་ཏང་ཀྲུང་དབྱང་གི་ཇུས་ཆོད་བཀོད་སྒྲིག་དོན་འཁྱོལ་བྱེད་པ། ཞིང་ཆེན་གྱི་གནས་ཚུལ་དངོས་ལ་རྐང་བཙུགས་ནས་ལྷག་བསམ་རྣམ་དག་གིས་རང་འགན་གཙང་སྒྲུབ་བྱེད་པ། འགན་ནུས་འདོན་སྤེལ་བྱེད་པ། འཐབ་ཕྱོགས་གཅིག་གྱུར་ཆེན་པོའི་བྱ་བའི་རྣམ་པ་རྒྱུན་ཆད་མེད་པར་སྲ་བརྟན་དང་འཕེལ་རྒྱས་གཏོང་བ་བཅས་བྱས་ཏེ་ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་སྔོན་ལག་ལེན་ཐད་བྱས་རྗེས་སྔར་ལས་ཆེན་པོ་འཇོག་དགོས་ཞེས་བསྟན།
ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་ལྟ་ཞིབ་ཨུ་ཡོན་ལྷན་ཁང་དུ། ལུའོ་ཏུང་ཁྲོན་གྱིས་ཞིང་ཆེན་ཡོངས་ཀྱི་མང་ཚོགས་ཉེ་འགྲམ་གྱི་ཚུན་མིན་སྤྱོད་ཚུལ་དང་རུལ་སུངས་གནད་དོན་གཅིག་བསྡུས་སྒོས་དག་ཐེར་བཅོས་སྐྱོང་བྱེད་པ་དང་། གྱོད་གཞི་ཞིབ་བཤེར་དང་གྱོད་གཞི་སྒྲུབ་པའི་སྤུས་ཚད་ཇེ་ལེགས་སུ་གཏོང་བ་སོགས་ཀྱི་གནས་ཚུལ་ལ་དོ་ཁུར་ཆེན་པོ་བྱས་ཏེ། ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་ལྟ་ཞིབ་ཨུ་ཡོན་ལྷན་ཁང་གིས་དོ་དམ་ནན་མོ་དང་བརྩེ་བ་ཟབ་མོར་བརྟེན་ནས་ཏང་ཡོན་ལས་བྱེད་པས་ཆབ་སྲིད་བྱང་ཚད་ཆེ་རུ་གཏོང་བར་སྐུལ་འདེད་གཏོང་བ་དང་། འགན་འཁྲི་འཁུར་ཕོད་པ་དང་བྱ་བ་ལེགས་པོར་བསྒྲུབ་སྟེ་སྤྱོད་བཟང་སྒྲིག་ནན་དང་རུལ་སུངས་ལ་རྒོལ་བའི་གྲུབ་འབྲས་དངོས་ལ་བརྟེན་ནས་མང་ཚོགས་ལ་ཐོབ་ཚོར་སྔར་ལས་མང་པོ་ཡོད་པར་བྱེད་དགོས་པའི་བླང་བྱ་བཏོན། བཞུགས་མོལ་ཚོགས་འདུའི་སྟེང་ལུའོ་ཏུང་ཁྲོན་གྱིས་ཞིང་ཆེན་ཡོངས་ཀྱི་རིམ་པ་སོ་སོའི་སྒྲིག་ཁྲིམས་ཞིབ་བཤེར་ལྟ་ཞིབ་ལས་ཁུངས་ཀྱིས་དུས་རབས་གསར་པ་དང་འཐབ་ལམ་གསར་པའི་སྟེང་གི་སྒྲིག་ཁྲིམས་ཞིབ་བཤེར་ལྟ་ཞིབ་བྱ་བ་ལེགས་པོར་བསྒྲུབ་པའི་དོན་སྙིང་གལ་ཆེན་ལ་རྒྱུས་ལོན་ཟབ་མོ་བྱེད་པ་དང་། ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་སྐབས་ཉི་ཤུ་པའི་ཚང་འཛོམས་གྲོས་ཚོགས་ཐེངས་ལྔ་པ་དང་དྲུག་པའི་བཀོད་སྒྲིག་དོན་འཁྱོལ་ནན་མོ་བྱེད་པ། ཆབ་སྲིད་ལྟ་སྐུལ་འབུར་དུ་ཐོན་པར་བྱེད་པ་དང་ཆབ་སྲིད་ལ་བློ་དཀར་པའི་འདུ་ཤེས་བརྟན་པོར་ཆགས་པར་བྱེད་པ། ལས་འགན་གཙོ་བོ་དང་དུས་མཚམས་གཙོ་བོར་དམིགས་ནས་གནད་འཁེལ་ཤུགས་འདོན་བྱེད་པ། རྒྱུན་རྣམ་ཡུན་ཕན་ལ་དམིགས་པ་བཅས་བྱས་ཏེ་ཞབས་ཞུ་འགན་ལེན་གྱི་སྤྱི་ཡོངས་ལ་བྱས་རྗེས་སྔར་ལས་ཆེན་པོ་འཇོག་དགོས། གཞི་གདངས་ནན་མོ་རྒྱུན་འཁྱོངས་དང་མཐོ་གནོན་རྣམ་པ་སྲུང་འཛིན་བྱེད་པ། མ་ལག་བཅོས་སྐྱོང་ཇེ་ཟབ་ཏུ་གཏོང་བ། རྒྱུན་འཁྱོངས་ལྷོད་མེད་སྒོས་སྤྱོད་ཚུལ་བཞི་བཅོས་སྐྱོང་བཅས་བྱས་ཏེ་རུལ་སུངས་ལ་ངོ་རྒོལ་བྱེད་པའི་འཐབ་རྩོད་ལ་སྐུལ་འདེད་ནན་མོ་གཏོང་བའི་ཐད་གྲུབ་འབྲས་སྔར་ལས་ལེགས་པོ་ལེན་དགོས། མི་དམངས་བླ་ན་མེད་པ་རྒྱུན་འཁྱོངས་དང་། མང་ཚོགས་ཉེ་འགྲམ་གྱི་ཚུལ་མིན་སྤྱོད་ཚུལ་དང་རུལ་སུངས་གནད་དོན་དག་ཐེར་བཅོས་སྐྱོང་ནན་མོ་བྱེད་པ། ལྟ་སྐུལ་གཞི་རིམ་ལ་མཆེད་པར་སྐུལ་འདེད་གཏོང་བ། ཞུ་གཏུགས་ཐབས་ལམ་གེགས་མེད་ཡོང་བ་བཅས་བྱས་ཏེ་མང་ཚོགས་ཀྱི་ཁེ་ཕན་གཙོ་བོ་སྲུང་སྐྱོང་བྱེད་པའི་ཐད་ནུས་ཤུགས་སྔར་ལས་ཆེན་པོ་འདོན་དགོས། ཅན་གསུམ་འཛུགས་སྐྲུན་གཏིང་ཟབ་ཏུ་སྤེལ་བ་དང་། སྒྲིག་སྲོལ་དང་བཅའ་ཁྲིམས་ལྟར་ལས་དོན་བསྒྲུབ་རྒྱུ་རྒྱུན་འཁྱོངས་བྱེད་པ། དཔུང་སྡེ་སྟོབས་ལྡན་འཛུགས་སྐྱོང་དང་བྱེད་ནུས་ཆེ་རུ་གཏོང་བ། ནང་ཁུལ་གྱི་ལྟ་སྐུལ་ཚོད་འཛིན་ལ་ཤུགས་སྣོན་པ་བཅས་བྱས་ནས་སྒྲིག་ཁྲིམས་ཞིབ་བཤེར་ལྟ་ཞིབ་ཀྱི་དཔུང་སྡེ་འཛུགས་སྐྱོང་ཐད་གྲུབ་འབྲས་སྔར་ལས་ཆེན་པོ་ལེན་དགོས་ཞེས་ནན་གྱིས་བསྟན།
ཞིང་ཆེན་ཏང་ཨུའི་འཐབ་ཕྱོགས་གཅིག་གྱུར་པུའུ་རུ། ལུའོ་ཏུང་ཁྲོན་གྱིས་ཞིང་ཆེན་ཆོས་ལུགས་ལས་དོན་དོ་དམ་ཞབས་ཞུ་སྟེགས་བུའིའ་འཁོར་སྐྱོད་གནས་ཚུལ་ལ་ལྟ་ཞིབ་བྱས་པ་དང་། བརྙན་ལམ་འབྲེལ་མཐུད་བརྒྱུད་དེ་ཟི་ལིང་གྲོང་ཁྱེར་ཏུང་ཀོན་དབྱི་སི་ལན་ཆོས་ཁང་ཆེན་མོར་བཅའ་སྡོད་བྱས་ཡོད་པའི་ལས་བྱེད་པའི་བྱ་བའི་གནས་ཚུལ་ལ་རྒྱུས་ལོན་བྱས་པ་དང་། ཆ་འཕྲིན་ཅན་གྱི་སྟེགས་བུ་དོ་དམ་ལེགས་པོ་དང་བེད་སྤྱོད་ལེགས་པོ་བྱེད་པ་དང་། ཆོས་ལུགས་ལས་དོན་བཅོས་སྐྱོང་གི་ཁྲིམས་སྐྱོང་ཅན་གྱི་ཆུ་ཚད་ཇེ་མཐོར་གཏོང་བ། མི་རིགས་མཐུན་སྒྲིལ་དང་སྤྱི་ཚོགས་འཆམ་མཐུན། ཆོས་ལུགས་འགྲིག་མཐུན་བཅས་ཀྱི་རྣམ་པ་ལེགས་པོ་རྒྱུན་མཐུད་ངང་འཕེལ་རྒྱས་དང་སྲ་བརྟན་དུ་གཏོང་དགོས་པའི་བླང་བྱ་བཏོན། བྱ་བའི་སྙན་ཞུར་ཉན་རྗེས། ལུའོ་ཏུང་ཁྲོན་གྱིས་ལོ་ལྔའི་འཆར་འགོད་བཅོ་ལྔ་པ་ནི་དུས་རབས་གསར་པའི་མཚོ་སྔོན་གྱི་འཐབ་ཕྱོགས་གཅིག་གྱུར་བྱ་བའི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་གནད་འགག་གི་དུས་སྐབས་ཡིན་པས། ཏང་གི་ཕྱོགས་ཡོངས་འགོ་ཁྲིད་ལ་ཤུགས་སྣོན་པ་དང་ཆབ་སྲིད་འཛུགས་སྐྱོང་བྱེད་རྒྱུ་གཙོར་འཛིན་པ། འཐབ་ཕྱོགས་གཅིག་གྱུར་བྱ་བའི་འགན་འཁྲིའི་ལམ་ལུགས་དོན་འཁྱོལ་ནན་མོ་བཅས་བྱས་ཏེ་འཐབ་ཕྱོགས་གཅིག་གྱུར་བྱ་བ་དེ་ཐོག་མཐའ་བར་གསུམ་དུ་ཡང་དག་པའི་ཁ་ཕྱོགས་བརྒྱུད་ནས་མདུན་དུ་བསྐྱོད་པར་འགན་སྲུང་བྱེད་དགོས། དུས་རབས་གསར་པའི་ཏང་གི་བོད་སྐྱོང་ཐབས་ཇུས་དང་ཞིན་ཅང་སྐྱོང་བའི་ཐབས་ཇུས་ཕྱོགས་ཡོངས་ནས་ལག་བསྟར་བྱེད་པ་དང་། བློ་བརྟན་འགྱུར་མེད་སྒོས་ཞིན་ཅང་དང་བོད་ལྗོངས་གཏན་འཇགས་ཡོང་བའི་བདེ་འཇགས་ཚད་མཐའ་བརྟན་སྲུང་བྱེད་པ། མི་རིགས་ཆོས་ལུགས་ལས་དོན་ལ་ཁྲིམས་ལྟར་དོ་དམ་བཅས་བྱས་ཏེ་བདེ་འཇགས་གཏན་འཇགས་ཀྱི་བྱ་བ་སྣ་ཚོགས་ལེགས་པོར་བསྒྲུབ་དགོས། རང་འགུལ་ངང་ལོ་ལྔའི་འཆར་འགོད་བཅོ་ལྔ་པའི་འཕེལ་རྒྱས་ཀྱི་སྤྱི་ཡོངས་ལ་ཞབས་འདེགས་ཞུ་བ་དང་ཚད་གཞི་མཐོན་པོས་ཀྲུང་ཧྭ་མི་རིགས་གཅིག་མཐུན་ཚོགས་པའི་འཛུགས་སྐྲུན་ལ་སྐུལ་འདེད་བཏང་སྟེ་མི་རིགས་མཐུན་སྒྲིལ་ཡར་ཐོན་ལས་དོན་དེ་སྤུས་ཚད་མཐོ་བའི་འཕེལ་རྒྱས་ཀྱི་སྤྱི་ཡོངས་ཁྲོད་སིམ་འདྲེས་ཡོང་བར་བྱེད་དགོས། འཐབ་ཕྱོགས་གཅིག་གྱུར་སྡེ་ཁག་རང་སྟེང་གི་འཛུགས་སྐྲུན་ལ་རྒྱུན་མཐུད་ངང་ཤུགས་སྣོན་པ་དང་། དམངས་གཙོ་ཏང་ཁག་སོ་སོ་དང་ཏང་ཕྱིའི་མི་སྣས་བློ་འདོན་ཇུས་འབུལ་བྱེད་པར་ཁྲིད་སྟོན་བྱེད་པ། དམངས་གཉེར་ཁེ་ལས་པ་མཚོ་སྔོན་གྱི་དཔལ་འབྱོར་སྤྱི་ཚོགས་འཕེལ་རྒྱས་ཁྲོད་ཞུགས་པར་རྒྱབ་སྐྱོར་བཅས་བྱས་ཏེ་དེང་རབས་ཅན་གྱི་མཚོ་སྔོན་འཛུགས་སྐྲུན་ཐད་སྟོབས་ཤུགས་ཆེན་པོ་གཅིག་བསྡུས་བྱེད་དགོས་ཞེས་ནན་གྱིས་བསྟན།
ཞིང་ཆེན་གྱི་འགོ་ཁྲིད་ལིའུ་མེ་ཕིན་དང་པད་གོ། ཀྲུའུ་ཞང་ཧྥེང་བཅས་སོ་སོར་རྟོག་ཞིབ་ཁྲོད་ཞུགས།
